Uzye Inte zya kwe Yehova Wazumila mwi Liyano Kali?
Ee. Inte zya kwe Yehova wazumila ukuti amawaliko yonsinyene “yapwa nu Leza, yakatwavwa.” (2 Timoti 3:16) Pe ya-a amawaliko pali yano yawa mwi Layano Kali na mwi Testamento Lipyanye, ndi vino awantu wavulila ukuyita. Inte zya kwe Yehova wakakwita vyo-o iviputulwa viwili ivye Baibolo ukuti Amawaliko ya ciHeberi ni ciAramaiki na Amawaliko ya ciGreek aya Wina Klistu. Acino tusilola vimwi iviputulwa vye Baibolo ukuti avyakali nanti ukuti vyaleka ukuwomba.
Amulandu ci wuno awina Klistu wakalondecelwa Ilayano Kali ni Testamento Lipya nye?
Umutumwa Paulo wino walinji amwina Klistu, wafutizilwemo nu muzimu wutele ukulemba ukuti: “Ivya walisilwe kali vyawalicizilwe ku kutusamblizya sweswe.” (Waroma 15:4) Fwandi na mu mawaliko ya ciHeberi nye mwawa ivyewo ivicindame nkaninye vino vingatwavwa. Cinji acakuti yakatwavwa ukumanya ivyakali nga nukutupandako amano.
Yakatwa ukumanya ivyakali. Mu mawaliko ya ciHeberi mwawa ilyasi pe vino ivintu vyelewuzilwe na vino umuntu wawembusile. Ukwasowa ya-a amalyasi, tutanga tumanye ivyasuko ku mawuzyo ndi vino: Uzye awantu wafuma kwi? Amulandu ci wuno tukafwila? (Intaliko 2:7, 17) Cinji acakuti, yakalanda na pe vino e Yehova wawomvile na wantu wano walinji ni ntazi ndi zyonye zino tukapitamo, lelo wano wizile awawa ni nsansa.—Jemusi 5:17.
Yakatupanda amano. Mu ma buku yawili aya ciHeberi, akuli ukuti Imilumbe ne Kawizya, mwawa ukupanda amano kuno kukatwavwa mu mikalile yitu. Yakatupanda amano pe vino tungawa ni nsansa mu lupwa, (Imilumbe 15:17) vino tungacita pakuti tukunde incito yino tukawomba, (Imilumbe 10:4; Ekawizya 4:6) na vino awacitici wangacita pakuwa ni nsansa pano wacili awatici (Ekawizya 11:9–12:1).
Ukulunda pe vyo-o, tungasambililako na kumasundo ya kwe Musa yano yalembwa mwe Torah (akuli ukuti, ama buku ya mwe Baibolo ayakutalicilako 5). Kweni nanti acakuti awina Klistu wasikonka ya-a amasundo pe yo-o impindi, mwawa ivisinka vya masundo vino vingatwavwa ukuwa ni nsansa nu wumi uwuzima.—Levitikasi 19:18; Amasundo 6:5-7.
Mungakunda na vyoo
AMASAMBILIZYO YA MU BAIBOLO AMACINDAME
Uzye Umweneco wa Mazwi ya mu Baibolo Weweni?
Nga cakuti e Baibolo yalemvilwe na wantu, lyo amulandu ci wuno ikakwitilwa ukuti Alizwi lya kwe Leza? Uzye mwe Baibolo mwawa amelenganyo ya kwe weni?
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
AMAWUZYO YANO AWANTU WAKAWUZYAPO SANA
Uzye Inte zya kwe Yehova Wayikwatila Baibolo Yawo?
ukuwovya ama Baibolo amalekane lekane amapiliwulwe kungalenga mwakwivwicisya pano mukusambilila Baibolo. Ivintu vitatu vino vikalanjizya uwucindami wakuwovwezya e Baibolo ya Amalembo ya Calo Cipya aya mushilo pano tukuyisambilizya.