Awe. Inte zya kwe Yehova awina Klistu, tusiyilola ukuti swe wa Protestanti. Amulandu ci?

 Wa Protestanti awawo wano wawa mwi “wumba lino likalwisya ivisambilizyo vya Wakatolika.” Kweni nanti acakuti Inte zya kwe Yehova watazumila vino Wakatolika wakasambilizya, asawa Protestanti pamulandu na vyo-o vino vyakonkapo:

1.   Ivisambilizyo vya wa Protestanti ivivule vyapusana na vino Baibolo yikasambilizya. Kucakulolelako, e Baibolo yikasambilizya ukuti “kuli Leza wenga,” yisilanda ukuti mwe Leza wenga mwawa wa Leza watatu. (1 Timoti 2:5; Yohani 14:28) Swinya yikasambilizya nukuti aliyonona awawipe, ataliwasumbila mu mulilo awe, lelo aliwonona umuyayaya.​—Amalumbo 37:9; 2 Watesalonika 1:9.

2.   Tusilwisya icalici lya wa Katolika swinya tusilonda ukupilula vino wakasambilizya nanti vino amacalici yanji yakasambilizya. Lelo tukalonda ukuwizya ilyasi Lizima pa Wufumu pakuti twavwe awantu ukusuwila Uwufumu wa kwe Leza. (Mateyu 24:14; 28:19, 20) Tusilonda ukupilula vino amawumba ya mipepele yakasambilizya, lelo tukalonda ukusambilizya icine pe Leza ni Zwi lyakwe kwe wano wakalonda ukumanya Leza.​—Wakolose 1:9, 10; 2 Timoti 2:24, 25.