Awe. Inte zya kwe Yehova asakaliwumba ka mapepo kano katamanyikwa icete. Swe wina Klistu, tukakolanya e Yesu Klistu swinya tukakonka na vino wasambilizyanga.

 Awantu awavule wakalanda ivipusane-pusane pe yo-o imipepele. Lolani ivintu viwili vino vikatupusanyako kwe yo-o imipepele.

•   Wamwi wakati amipepele iyipya swinya iyiyiwele ayino yitamanyikwa. Imipepele ya Nte zya kwe Yehova asa yipya. Tukapepa Leza wulyanyene vino awina Klistu wakutalicilapo wamupepanga. Nga kukonkavye, vyonsinye vino wacitanga na vino wasambilizyanga vyalembwa mu Baibolo. (2 Timoti 3:16, 17) Twazumila ukuti vino amawaliko amatele yakalanda avino vikalanjizya ukuti imipepele yimwi yayiwela nanti ayipya.

•   Wamwi wakati imipepele yino yikatamanyikwa icete yawipa swinya yikatungululwa nu muntu. Inte zya kwe Yehova zisitungululwa na wantu. Lelo tukakonka vino Yesu wasambilizizye awasambi wakwe ukuti: “we Mesaya-nye wenga-nsu awili e nankolelo nati intunguluzi.”​—Mateyu 23:10.

 Fwandi Inte zya kwe Yehova asa mipepele iyipya nanti iyiyiwele, lelo amipepele yino yikakwavwa wa Nte wawuye na wantu wanji. Kucakulolelako umulimo wakuwizya wuno tukawomba, wukakwavwa wano wakamwa nkani ipala ni miti yino yikakola ukupiluka. Cinji acakuti tukasambilizya awantu awavule ukuzinguluka insi yonsinye ukumanya ukuwazya nukulemba swinya tukakwavwa na wantu wano waponelwa nuwusanso. Tukakwelezya na maka yitu yonsi ukucita ivizima vino awantu wanji wangasambililako ndi wulyanyene vino e Yesu wanenile awasambi wakwe ukucita.​—Mateyu 5:13-16.