Uzye wa Nte Wawa na Wasimapepo Wano Wakafolesya Indalama?
Wa Nte wakakonka wulyanye vino iwungwe lya wina Klistu ilya kutalicilapo lyalinji. Watawa na wano wakalola ukuti wapusanako nawanji mwi wungwe. Wensinye wino wabatizwa akawombako umulimo wa kuwizya nukusambilizya awantu. Cila liwungwe ilya Nte zya kwe Yehova likawa na wantu ku ma 100. Mu mawungwe yonsinye mwawa awonsi wano wamanya sana ivya kwe Leza wano wakawomba ngati “awasongo” nanti waeluda. (Taitasi 1:5) Waeluda wasifolelapo pa mulimo wuno wakawomba.