Iin tiʼvi loʼo na̱ anciano á na̱ superintendente kíʼinna kuenta xíʼin iin tá iin ña̱ congregación. Iin tá iin tiʼvi ña̱ congregación xa̱a̱ iin iin circuito kúúña. Ta iin tá iin ña̱ circuito yóʼo ki̱ʼva 20 congregación ñúʼu iniña. Ta na̱ kíʼin kuenta xíʼin ña̱ circuito yóʼo kúú na̱ superintendente viajante, ta na̱yóʼo kúú na̱ xáʼa̱n xíto na̱ congregación.

 Ta chí sede mundial ña̱ kúúmií na̱ testigo Jehová ña̱ íyo chí Warwick (Nueva York) íyo na̱ naní Cuerpo Gobernante, ta na̱yóʼo kúú na̱ táxi ña̱ sákuaʼa ndiʼi na̱ congregación na̱ íyo iníísaá ñuyǐví xa̱ʼa̱ Biblia. Ta na̱ kúú Cuerpo Gobernante yóʼo xa̱a̱ ku̱a̱ʼání tiempo kúúna testigo Jehová (Hechos 15:23-29; 1 Timoteo 3:1-7).