Tá ku̱i̱ya̱ 2022, xi̱niso̱ʼoníkayó noticia xa̱ʼa̱ guerra, xa̱ʼa̱ ña̱ xi̱kuma̱ní xu̱ʼún ndaʼa̱ na̱ yiví, ta saátu ña̱ ndeéní ku̱un sa̱vi̱ á inkaka nu̱ú tu̱ndóʼo. Biblia káʼa̱nña xíʼinyó ndáa xa̱ʼa̱ kúú ña̱ kuu ndiʼi ña̱yóʼo.

Ndáa xa̱ʼa̱ kúú ña̱ ku̱u ndiʼi tu̱ndóʼo tá ku̱i̱ya̱ 2022

 Nda̱a̱ táki̱ʼva xa̱a̱ ni̱ka̱ʼyi̱ña nu̱ú Biblia. Ña̱ xi̱niyó ku̱u ku̱i̱ya̱ yóʼo náʼa̱ káxiña nu̱úyó ña̱ ndóoyó ”ki̱vi̱ nu̱ú ndíʼi” (2 Timoteo 3:1). Ña̱yóʼo ki̱xáʼaña tá ku̱i̱ya̱ 1914. Koto ndáa ki̱ʼva kítáʼan ña̱ ni̱ka̱ʼa̱n Biblia xíʼin ndiʼi ña̱ kúu ki̱vi̱ ndóoyó vitin:

 “Guerra” (Mateo 24:6).

•    “Ku̱i̱ya̱ 2022: Ki̱xáʼa íyo tuku guerra chí Europa” a

 “ Koo so̱ko” (Mateo 24:7).

•    “Ku̱i̱ya̱ 2022: Ndeéníka ni̱xi̱yo so̱ko ku̱i̱ya̱ yóʼo nu̱ú inkaka ku̱i̱ya̱”. b

 “Kue̱ʼe̱ ña̱ xíkun” (Lucas 21:11).

•    “Ku̱i̱ya̱ yóʼo ndi̱kó tuku kue̱ʼe̱ ña̱ naní polio, ta saátu ndu̱ndeé kue̱ʼe̱ ña̱ naní viruela del mono, ta saátu ku̱a̱ʼáníka na̱ yiví ni̱xo̱ʼvi̱ xíʼin ña̱ COVID19; ña̱yóʼo náʼa̱ña ña̱ ndeéníva ndiʼi kue̱ʼe̱ yóʼo ta saátu náʼa̱ña ña̱ vitání miíyó na̱ yiví”. c

 “Kunina ña̱ʼa ña̱ ndeéní yi̱ʼvína xíʼin” (Lucas 21:11).

•    “Ndeéníka niʼní ni̱xi̱yo, loʼoní ku̱un sa̱vi̱, ni̱xi̱xi̱ ku̱a̱ʼání yuku̱ soo sava ñuu nda̱kutú ti̱kui̱í xa̱ʼa̱ ña̱ ku̱un sa̱vi̱ kini. Tá ku̱i̱ya̱ 2022 ku̱a̱ʼání tu̱ndóʼo ku̱u nu̱ú iníísaá ñuyǐví xa̱ʼa̱ ña̱kán ku̱a̱ʼání na̱ yiví ni̱xi̱ʼi̱ ta̱ ku̱a̱ʼáníkana ndiʼi xa̱ʼa̱ veʼena”. d

 “Inkaka tu̱ndóʼo” (Lucas 21:9).

•    “Tá ku̱i̱ya̱ 2022 na̱ yiví ke̱ʼéna ku̱a̱ʼáníka marcha xa̱ʼa̱ ña̱ sáa̱na xíʼin na̱ chíñu saáchi nda̱aní ya̱ʼvi ña̱ʼa”. e

¿Ndáaña kuu ku̱i̱ya̱ va̱xi?”

 Nda̱a̱ ni iin na̱ yiví kǒo kúnda̱a̱ káxi inina ndáaña kuu ku̱i̱ya̱ 2023. Soo iin ña̱ kúnda̱a̱-iniyó kúú ña̱ si̱lóʼoní kúma̱ní ta Reino Ndióxi̱ ndasaviíña ndiʼi tu̱ndóʼo ña̱ íyo nu̱ú ñuʼú yóʼo (Daniel 2:44). Reino Ndióxi̱ va̱ása taxikaña koo ndiʼi ña̱ sáxo̱ʼvi̱ na̱ yiví ta saxínuña ña̱ kúni̱ Ndióxi̱ koo nu̱ú ñuʼú yóʼo (Mateo 6:9, 10).

 Ta̱ Jesús ni̱ka̱ʼa̱nra “kuentaní koondó” ña̱kán káʼa̱nndi̱ xíʼún ña̱ ná kundiku̱ún consejo yóʼo ta kotoún ña̱ ndiʼi ña̱ kúú nu̱ú ñuʼú yóʼo náʼa̱ña ña̱ ku̱a̱ʼa̱n xínu ndiʼi ña̱ káʼa̱n Biblia (Marcos 13:37). Tá kúni̱kaún kunda̱a̱-iniún xa̱ʼa̱ ndáa ki̱ʼva chindeétáʼan Biblia xíʼún vitin ta saátu ndáa ki̱ʼva chindeétáʼanña xíʼin na̱ veʼún ña̱ kandíxana ña̱ kiviva vií koona chí nu̱únínu ka̱ʼa̱n xíʼin na̱ testigo Jehová ña̱ ná sanáʼa̱na yóʼo xa̱ʼa̱ ña̱ káʼa̱n Biblia.