NÁ KUNDOO TU̱ʼVAYÓ
Ña̱ 2023 xi̱kuuña iin ku̱i̱ya̱ ña̱ xi̱ndiʼiní-ini na̱ yiví | ¿Ndáaña káʼa̱n Biblia xa̱ʼa̱ ña̱yóʼo?
Ndiʼi ña̱ ku̱u tá ku̱i̱ya̱ 2023 nu̱ú iníísaá ñuyǐví náʼa̱ña nu̱úyó ña̱ ndixa kúú ña̱ xínu ña̱ káʼa̱n Biblia xa̱ʼa̱ tiempo ña̱ ndóoyó, ña̱ kúúña “ki̱vi̱ nu̱ú ndíʼi” (2 Timoteo 3:1). Koto ndáa ki̱ʼva kítáʼan ña̱ kúu tiempo vitin xíʼin ña̱ káʼa̱n Biblia xa̱ʼa̱ tiempo ña̱ ndóoyó.
Ña̱ káʼa̱n Biblia xíʼin ña̱ kúu iníísaá ñuyǐví
“Ta kuniso̱ʼondó ka̱ʼa̱nna xa̱ʼa̱ guerra” (Mateo 24:6).
“Ndeéníka ki̱xáʼa kanitáʼan na̱ yiví nu̱ú iníísaá ñuyǐví”. a
Koto artículo ña̱ naní “¿Quién protegerá a los civiles?” xíʼin “El gasto militar mundial sobrepasa los 2 billones de dólares”.
“Ndeéní ta̱an” (Marcos 13:8).
“Nani tá ki̱xáʼa ku̱i̱ya̱ 2023 ki̱ʼva 13 yichi̱ ndeéní ni̱ta̱an ta nda̱a̱ 7 grado ni̱xa̱a̱ña, ña̱yóʼo kúú ña̱ ndeéníka táan nani tá ki̱xáʼana kíʼinna kuenta xíʼin ña̱yóʼo”. b
Koto artículo ña̱ naní “Ndeéní ni̱ta̱an chí ñuu Turquía xíʼin Siria”.
“Kunina ña̱ʼa ña̱ ndeéní yi̱ʼvína xíʼin” (Lucas 21:11).
“Xa̱a̱ ya̱chi̱ví kíxáʼa niʼníní nu̱ú ñuʼú, soo vitin kúú ña̱ niʼníníka”. António Guterres, Secretario general ña̱ ONU. c
Koto artículo ña̱ naní “Ola de calor mundial en el 2023.”
“Koo so̱ko” (Mateo 24:7).
“2023: Ña̱yóʼo xi̱kuu inka ku̱i̱ya̱ ña̱ i̱xayo̱ʼvi̱níña xíʼin na̱ yiví ña̱ taxina ña̱ kuxu na̱ veʼena”. d
Koto artículo ña̱ naní “La guerra y el cambio climático empeoran la crisis alimentaria mundial”.
“Koo tiempo ña̱ yo̱ʼvi̱ní ta kǒo kundeé-inina xíʼinña” (2 Timoteo 3:1).
“Nu̱ú u̱na̱ na̱ yiví iin na̱yóʼo kúúmií kue̱ʼe̱ ña̱ nda̱kava-inina”. e
Koto artículo ña̱ naní “Ku̱a̱ʼáníka na̱ va̱lí xa̱ʼa̱ ña̱ ndóʼona kíʼinna kue̱ʼe̱ ña̱ ndákava-ini”.
¿Ndáaña ndátuyó koo ña̱ ku̱i̱ya̱ 2024?
Va̱ása xíni̱yó ndáaña kuu ña̱ ku̱i̱ya̱ 2024. Soo ña̱ xítoyó kúú náʼa̱ña nu̱úyó ña̱ si̱lóʼoní kúma̱ní ta Reino Ndióxi̱ ña̱ íyo chí ndiví kúú ña̱ kaʼndachíñu nu̱ú ñuʼúyó. Ta sandíʼi-xa̱ʼa̱ña ndíʼi ña̱ sáxo̱ʼvi̱ miíyó (Daniel 2:44; Apocalipsis 21:4).
Soo nani ndátuyó ña̱ kixaa̱ reino Ndióxi̱, chindeétáʼanvara xíʼinyó vitin ña̱ va̱ása ndi̱ʼiní-iniyó. Biblia káchiña:
“Tá yíʼvii̱, saá kúú ña̱ ndáaní-inii̱ yóʼó” (Salmo 56:3).
¿Ndáaña xíniñúʼu keʼéyó ña̱ na̱ʼa̱yó ña̱ ndáa-iniyó Ndióxi̱? Káʼa̱nndi̱ xíʼún ña̱ sákuaʼakaún ña̱ ka̱ʼa̱n Biblia xa̱ʼa̱ ña̱ koo chí nu̱únínu xa̱ʼa̱ iin ñuyǐví xa̱á nu̱ú va̱ása xo̱ʼvi̱kayó. Koto ndáaña sánáʼa̱ Biblia ña̱ va̱ʼa kunda̱a̱-iniún ndáaña xíniñúʼu keʼún ña̱ va̱ʼa ndakiʼún ña̱ káʼa̱n Biblia xa̱ʼa̱.
a Foreign Affairs, “A World at War: What Is Behind the Global Explosion of Violent Conflict?” (Íyoní guerra: ¿Nda̱chun kúú ña̱ kánitáʼanní na̱ yiví?), ñá Emma Beals xíʼin ta̱ Peter Salisbury; 30 tí octubre ku̱i̱ya̱ 2023.
b Noticias de terremotos, “2023: Ku̱a̱ʼáníka yichi̱ ki̱xáʼa taa̱n”; mayo ku̱i̱ya̱ 2023.
c Naciones Unidas, “Secretary-General’s Opening Remarks at Press Conference on Climate” (ña̱ káʼa̱n ta̱ secretario general xa̱ʼa̱ ña̱ kúú ñuyǐví yóʼo tá ni̱nda̱ka̱tu̱ʼunnara); 27 tí julio ku̱i̱ya̱ 2023.
d Programa Mundial de Alimentos, “Ku̱a̱ʼa̱n ndíʼi ña̱ kuxuyó nu̱ú iníísaá ñuyǐví”.
e Organización Mundial de la Salud, “Día Mundial de la Salud Mental”; 10 tí octubre ku̱i̱ya̱ 2023.
Sanatu kutóún ña̱yóʼo
Ña̱ káʼa̱n xa̱ʼa̱ ña̱ va̱xi nu̱ú Biblia
¿Ndáa ki̱ʼva kaʼndachíñu Ndióxi̱?
Tá ni̱xi̱ka ta̱ Jesús nu̱ú ñuʼú yóʼo, iinlá xa̱ʼa Reino Ndióxi̱ ni̱ndi̱ʼi̱ní-inira na̱túʼunra xa̱ʼa. Xa̱a̱ ku̱a̱ʼání tiempo, na̱ ndíku̱n sa̱tára káʼa̱nna xíʼin Ndióxi̱ ña̱ ná kixa̱a̱ ña̱ reino yóʼo.
ÑA̱ KÁʼA̱N XA̱ʼA̱NDI̱
Ka̱ʼa̱n xíʼin iinna ña̱ ná ku̱ʼu̱nna kotona yóʼó
Sakúaʼa ndáaña káʼa̱n Biblia xa̱ʼa̱ iin ña̱ʼa á sákuaʼaka xa̱ʼa̱ na̱ testigo Jehová.
