CAMPAÑA ÑA̱ CONMEMORACIÓN
Tá ná kaʼndachíñu ta̱ Jesús va̱ása kooka na̱ nda̱ʼví
Tá ni̱xi̱yo ta̱ Jesús nu̱ú ñuʼú ni̱na̱ʼa̱ra ña̱ kúʼvi̱ní-inira xínira na̱ yiví, ta na̱ xi̱ndiʼi̱ka-inira xa̱ʼa̱ xi̱kuu na̱ nda̱ʼví ta saátu na̱ xi̱xoʼvi̱ (Mateo 9:36). Ta nda̱a̱ ni̱xi̱ʼi̱ra xa̱ʼa̱ na̱ yiví ña̱ va̱ʼa ndakiʼinna ña̱ va̱ʼa (Mateo 20:28; Juan 15:13). Ndáa loʼo kúma̱ní ta na̱ʼa̱ tukura ña̱ kúʼvi̱-inira xínira na̱ yiví, chi xa̱ʼa̱ ña̱ kúúra rey ti̱xin Reino Ndióxi̱ kuniñúʼura ndee̱ra xíʼin nda̱yí ña̱ kúúmiíra ña̱ va̱ʼa chindeétáʼanra xíʼin na̱ yiví ta kǒoka na̱ nda̱ʼví koo.
Biblia liviní káʼa̱nña xa̱ʼa̱ ña̱ keʼé ta̱ Jesús:
“Ta̱kán ná ndakiʼinra tu̱ʼun na̱ yiví na̱ vitá-ini, ná sakǎkura se̱ʼe na̱ nda̱ʼví” (Salmo 72:4).
¿Ndáa ki̱ʼva kivi na̱ʼa̱yó ña̱ chíndayáʼviyó ndiʼi ña̱ ke̱ʼé ta̱ Jesús xa̱ʼa̱yó ta saátu ña̱ keʼéra chí nu̱únínu? Nu̱ú Lucas 22:19 ni̱ka̱ʼa̱n ta̱ Jesús xíʼin na̱ xi̱ndiku̱n sa̱tára ña̱ ná ndakaʼánna xa̱ʼa̱ ña̱ ni̱xi̱ʼi̱ra. Xa̱ʼa̱ ña̱kán, ndiʼi ku̱i̱ya̱ na̱ testigo Jehová ndákutáʼanna ña̱ ndakaʼánna xa̱ʼa̱ ña̱yóʼo. Ña̱kán kánandi̱ yóʼó ña̱ ku̱ʼún xíʼinndi̱ ña̱ ndakaʼányó xa̱ʼa̱ ña̱ ni̱xi̱ʼi̱ ta̱ Jesús, ki̱vi̱ domingo 24 tí marzo ña̱ 2024.