NÁ KUNDOO TU̱ʼVAYÓ
¿Ndáana kivi kandíxayó? | ¿Ndáaña káʼa̱n Biblia xa̱ʼa̱ ña̱yóʼo?
Na̱ yiví ndákavaní-inina tá na̱ ndáa-inina sánda’vína na̱yó’o. Xa̱ʼa̱ ña̱kán kǒo kándíxakana ña̱ káʼa̱nna.
Na̱ chíñu ndíʼi̱ka-inina xa̱ʼa̱ miína nu̱úka ña̱ kundi̱ʼi̱-inina xa̱ʼa̱ ña̱ xíniñúʼu inkaka na̱ yiví.
Na̱ sayáʼa noticia kǒo káʼa̱nna ña̱ nda̱a̱ ni xa̱ʼa̱ ndiʼi ña̱ kúu.
Na̱ científico kǒo kéʼéna ni iin ña̱ʼa ña̱ va̱ʼa ña̱ va̱ʼa chindeétáʼanna xíʼi̱n na̱ yiví.
Na̱ ndísochíñu xíʼin na̱ veʼe-ñu̱ʼu ndíʼi̱ka-inina xa̱ʼa̱ ña̱ kutáʼan viína xíʼin na̱ chíñu nu̱úka ña̱ kundi̱ʼi̱-inina xa̱ʼa̱ chiñu Ndióxi̱.
Iin ña̱ va̱ʼaní kúú ña̱ kiʼinyó kuenta ndáana kandíxayó. Biblia káʼa̱nña.
“Va̱ása kundaa-inindó na̱ chíñu ni nda̱a̱ ni iin na̱ yiví, saáchi va̱ása kuchiñuna sakákuna ndóʼó” (Salmo 146:3).
Iin na̱ kivi kandíxaún
Ña̱ Biblia káʼa̱nña xíʼinyó ndáana va̱ʼa kandíxayó: ta̱ Cristo Jesús. Xa̱a̱ ku̱a̱ʼání ku̱i̱ya̱ ni̱xi̱yo ta̱yóʼo, ta̱ su̱ví iin ta̱a va̱ʼa kuití níxi̱yora. Chi Ndióxi̱ ndaka̱xin ta̱ Jesús ña̱ “kaʼndachíñura ta va̱ása ndiʼi-xa̱ʼa̱ Reinora” (Lucas 1:32, 33). Ta̱ Jesús kúúra Rey ti̱xin Reino Ndióxi̱ ta nda̱a̱ chí ndiví xáʼndachíñura (Mateo 6:10).
Ña̱ va̱ʼa kandíxaún ta̱ Jesús va̱ʼa sakúaʼún ña̱ va̱xi nu̱ú artículo yóʼó “¿Quién es el Rey del Reino de Dios?” “¿Qué hará el Reino de Dios?”
Sanatu kutóún ña̱yóʼo
Ña̱ káʼa̱n xa̱ʼa̱ ña̱ va̱xi nu̱ú Biblia
¿Ndáa ki̱ʼva kaʼndachíñu Ndióxi̱?
Tá ni̱xi̱ka ta̱ Jesús nu̱ú ñuʼú yóʼo, iinlá xa̱ʼa Reino Ndióxi̱ ni̱ndi̱ʼi̱ní-inira na̱túʼunra xa̱ʼa. Xa̱a̱ ku̱a̱ʼání tiempo, na̱ ndíku̱n sa̱tára káʼa̱nna xíʼin Ndióxi̱ ña̱ ná kixa̱a̱ ña̱ reino yóʼo.
Ña̱ káʼa̱n xa̱ʼa̱ ña̱ va̱xi nu̱ú Biblia
¿Nda̱chun xíniñúʼu kandíxayó ña̱ nda̱a̱ kúú ña̱ káʼa̱n Biblia?
Tá ndixa tu̱ʼun Ndióxi̱ kúú ña̱ va̱xi nu̱ú Biblia, síínva kooña nu̱ú ndiʼika libro.
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
