NÁ KUNDOO TU̱ʼVAYÓ
¿Ndáaña ku̱u xíʼin na̱ testigo Jehová tá xa̱ʼnína ku̱a̱ʼání na̱ yiví xi̱naʼá? | ¿Ndáaña káʼa̱n Biblia xa̱ʼa̱ ña̱yóʼo?
Ku̱a̱ʼání na̱ yiví ndakaʼánna xa̱ʼa̱ ña̱ ku̱u xi̱naʼá tá xa̱ʼnína ku̱a̱ʼání na̱ yiví, 27 tí enero ña̱ ku̱i̱ya̱ 2023. Ni xa̱a̱ ni̱ya̱ʼa 75 ku̱i̱ya̱, sana ndákanixi̱níún nda̱chun kúú ña̱ ta̱xi Ndióxi̱ ku̱u ndiʼi ña̱yóʼo.
Ña̱ va̱ʼa kunda̱a̱-iniún ndáaña káʼa̱n tu̱ʼun Ndióxi̱ xa̱ʼa̱ ña̱yóʼo, kaʼvi artículo ña̱ naní “¿Nda̱chun ku̱u ña̱ Holocausto judío? ¿Nda̱chun va̱ása nísasi Ndióxi̱ ña̱yóʼo?”.
Na̱ judío kúú na̱ ndo̱ʼoníka xíʼin tu̱ndóʼo yóʼo. Ni̱xo̱ʼvi̱nína ta ku̱a̱ʼání na̱yóʼo ni̱xi̱ʼi̱. Ta saátu ni̱xi̱yo inkaka na̱ yiví na̱ i̱xandi̱va̱ʼana xíʼin ta xa̱ʼnínana. Sava na̱yóʼo xi̱kuu na̱ testigo Jehová, saáchi i̱xandi̱va̱ʼana xíʼin na̱yóʼo xa̱ʼa̱ ña̱ xi̱ndiku̱nna ña̱ káʼa̱n tu̱ʼun Ndióxi̱.
Ña̱ va̱ʼa kunda̱a̱-iniún xa̱ʼa̱ ña̱yóʼo, kaʼvi artículo ña̱ naní “¿Qué les ocurrió a los testigos de Jehová durante el Holocausto?”.
“Ña̱ va̱ʼa ña̱ koo chí nu̱únínu”
Ku̱a̱ʼání na̱ yiví yíʼvina tá ndákanixi̱nína ña̱ kivi ndikó tuku tu̱ndóʼo yóʼo kuuña. Soo va̱ʼaní sándi̱kó tu̱ʼun Ndióxi̱ iniyó, chi káʼa̱nña ña̱ va̱ása ndikóka tu̱ndóʼo yóʼo kuuña.
“Chi xíni̱va̱ʼi̱ ndáaña kúni̱i̱ keʼíi̱ xa̱ʼa̱ndó, káchi Jehová. Va̱ása kúni̱i̱ ña̱ ná xo̱ʼvi̱ndó saáchi ña̱ kúni̱i̱ kúú ña̱ táxi̱n koo inindó. Kúni̱i̱ taxii̱ iin ña̱ va̱ʼaní ndaʼa̱ndó chí nu̱únínu” (Jeremías 29:11). a
Tu̱ʼun yóʼo xi̱nuña tá ná sandíʼi-xa̱ʼa̱ Jehová ndiʼi ña̱ va̱ása va̱ʼa ña̱ kúu nu̱ú ñuʼú yóʼo. Si̱lóʼo tiempo kúma̱ní ta keʼé Ndióxi̱ ña̱yóʼo:
Sandíʼi-xa̱ʼa̱ra na̱ ndi̱va̱ʼa-ini, na̱ íxandi̱va̱ʼa xíʼin inkana (Proverbios 2:22).
Sandáʼara ndiʼi na̱ ni̱xo̱ʼvi̱, ta sandíkora-inina (Apocalipsis 21:4).
Sandátakura na̱ ni̱xi̱ʼi̱ ta kundoona nu̱ú ñuʼú yóʼo (Juan 5:28, 29).
Kiviva kandíxaún ndiʼi ña̱ va̱ʼa ña̱ káʼa̱n Ndióxi̱ keʼéra chí nu̱únínu. Tá kúni̱ún kunda̱a̱-iniún nda̱chun kivi kandíxaún ña̱ kivi keʼé Ndióxi̱ ña̱yóʼo, káʼa̱nndi̱ xíʼún ña̱ kotoún ndáa ki̱ʼva sánáʼa̱ndi̱ na̱ yiví xa̱ʼa̱ tu̱ʼun Ndióxi̱.
a Jehová kúú ki̱vi̱ mií Ndióxi̱ (Salmo 83:18).