Jonás 2:1-10
2 Tasaá tá ndíkaa̱ ta̱ Jonás ini ti̱a̱ká ni̱ka̱ʼa̱nra xíʼin Jehová Ndióxi̱
2 ta ka̱chira:
“Tá xóʼvi̱níi̱* ni̱ka̱ʼi̱n xíʼún Jehová, ta nda̱kuiinvaún yuʼíi̱.
Tá xa̱a̱ ku̱yatin kuvii̱* xákui̱ ni̱ka̱ʼi̱n xíʼún ña̱ chindeétáʼún xíʼi̱n.
Ta xi̱niso̱ʼún ña̱ ni̱ka̱ʼi̱n xíʼún.
3 Tá sa̱kánaún yi̱ʼi̱ nda̱a̱ nu̱ú kúnú tá mar, ni̱sa̱ʼvi nííi̱ inirá.Ta ti̱kui̱í tá chi̱ndaʼún, nda̱a ndiʼirá sa̱tái̱.
4 Ta ka̱chii̱: ‘Xíkáníva íyoi̱ nu̱ún vitin.
¿Amaví ndikó tukui̱ kotoi̱ templo nu̱ú ndásakáʼnui̱ yóʼó?’.
5 Ni̱sa̱ʼvii̱ inirá, ta ndáa si̱lóʼo kuvii̱;nda̱a̱ nu̱ú kúnú tá mar xi̱ndika̱i̱.
Ta yu̱ku̱* ña̱ íyo inirá ni̱suku̱ndaaña xi̱níi̱.*
6 Nda̱a̱ nu̱ú kúnú tá mar* ni̱xa̱i̱.
Ta nda̱kanixi̱níi̱ ña̱ ndíka̱i̱ ini ya̱vi̱ nu̱ú ndúxu̱nna, ta kǒo kívika kitai̱.
Soo miíún Jehová Ndióxi̱ miíi̱, sa̱kǎkún yi̱ʼi̱, saáchi nda̱taváún yi̱ʼi̱ ini ya̱vi̱.
7 Tá xa̱a̱ ku̱yatin kuvii̱, nda̱kaʼíi̱n xa̱ʼún Jehová.
Ta xi̱niso̱ʼún ña̱ ni̱ka̱ʼi̱n, chi nda̱a̱ templo nu̱ú íyoún ni̱xa̱a̱ tu̱ʼun ña̱ ni̱ka̱ʼi̱n.
8 Na̱ ndásakáʼnu ndióxi̱ ña̱ va̱ása táku, sa̱ndákoona Ndióxi̱ ta̱ ndixaní kúʼvi̱-ini xíni miína.
9 Soo yi̱ʼi̱ taxii̱ tíxa̱ʼvi ndaʼún, ta so̱kói̱ kití nu̱ún.*
Ña̱ ki̱ndoi̱ keʼíi̱ nu̱ún saxínui̱ña.
Yóʼó Jehová kúú ta̱ sáka̱ku yi̱ʼi̱”.
10 Tándi̱ʼi, Jehová ni̱ka̱ʼa̱nra xíʼin tí ti̱a̱ká ña̱ ná nduxanrí ta̱ Jonás nu̱ú ñuʼú, tasaá ke̱ʼévarí.
Nota
^ Inka variante “ndóʼoní-inii̱”.
^ Á “Tá ndíka̱i̱ ti̱xin ya̱vi̱”.
^ Á “algas”.
^ Inka variante “ni̱ka̱va̱ndaaña si̱níi̱”.
^ Tu̱ʼun ña̱ ni̱ka̱ʼyi̱ña káchiña “Nda̱a̱ nu̱ú kíxáʼa xa̱ʼa̱ yuku̱”.
^ Inka variante “taxii̱ kití ndaʼún”.