Josué 12:1-24
12 Na̱ rey na̱ ku̱chiñu na̱ ñuu Israel ka̱nitáʼanna xíʼin ta nda̱kiʼinna ñuʼúna ña̱ ni̱xi̱yo chí táʼví este tá yu̱ta Jordán, chí nu̱ú íyo yoso̱ ña̱ Arnón iinsaá nda̱a̱ yuku̱ Hermón ta saátu iníísaá chí este ña̱ Arabá, xi̱kuu na̱yóʼo:
2 ta̱ Sehón ta̱ xi̱kuu rey na̱ amorreo ta̱ ni̱xi̱yo chí Hesbón ta xi̱xaʼndachíñura chí Aroer, ña̱ xi̱ndikaa̱ chí yuʼú yoso̱ ña̱ Arnón, ta saátu xi̱xaʼndachíñura iin táʼví yoso̱ kán, iin táʼví ña̱ Galaad iinsaá nda̱a̱ yoso̱ ña̱ Jaboc, chí nu̱ú kíxáʼa ñuʼú na̱ ammonita.
3 Ta saátu xi̱xaʼndachíñura chí Arabá iinsaá nda̱a̱ nu̱ú xi̱ndikaa̱ mar tá Kinéret* chí táʼví este ta iinsaá nda̱a̱ nu̱ú ndíkaa̱ mar tá Arabá á mar Salado,* tá xi̱ndikaa̱ chí este chí nu̱ú xi̱ndikaa̱ ñuu Bet-Jesimot, ta chí sur xi̱xaʼndachíñura nu̱ú ñuʼú ña̱ ni̱xi̱yo chí xa̱ʼa̱ yuku̱ Pisgá.
4 Ta nda̱kiʼinna ñuʼú nu̱ú xi̱xaʼndachíñu ta̱ rey Og ta̱ ñuu Basán, ndáa ta̱yóʼo kuití xi̱kuu táʼan na̱ refaím ta̱ ni̱xi̱yoka tiempo saá, ta ni̱xi̱yora chí Astarot xíʼin Edréi.
5 Ta ta̱yóʼo xi̱xaʼndachíñura chí yuku̱ Hermón, chí Salecá xíʼin iníísaá Basán nda̱a̱ nu̱ú kíxáʼa ñuʼú na̱ guesurita xíʼin na̱ maacatita, ta saátu iin táʼví ña̱ Galaad iinsaá nda̱a̱ nu̱ú xi̱kixáʼa ñuʼú nu̱ú xi̱xaʼndachíñu ta̱ rey Sehón ta̱ ñuu Hesbón.
6 Ta̱ Moisés ta̱ xi̱kachíñu nu̱ú Jehová, ta saátu na̱ ñuu Israel ku̱chiñuna ka̱nitáʼanna xíʼin na̱ rey yóʼo. Tándi̱ʼi, ta̱ Moisés ta̱ xi̱kachíñu nu̱ú Jehová nda̱taxira ñuʼú na̱yóʼo ndaʼa̱ na̱ tribu ta̱ Rubén, na̱ tribu ta̱ Gad xíʼin iin táʼví na̱ tribu ta̱ Manasés.
7 Na̱yóʼo kúú ndiʼika na̱ rey na̱ ku̱chiñu ta̱ Josué xíʼin na̱ ñuu Israel ka̱nitáʼanna xíʼin chí táʼví oeste yu̱ta Jordán, nda̱a̱ chí Baal-Gad, chí yoso̱ ña̱ Líbano, iinsaá nda̱a̱ yuku̱ Halac, ña̱ ndíkaa̱ chí Seír. Tándi̱ʼi, ta̱ Josué nda̱taxira ñuʼú na̱yóʼo ndaʼa̱ na̱ tribu na̱ ñuu Israel ña̱ va̱ʼa ndataʼvínaña xíʼinna ta ndakiʼinna ñuʼú ña̱ xíniñúʼu ndakiʼinna,
8 chí nu̱ú íyo yuku̱, chí Sefelá, chí Arabá, chí xa̱ʼa̱ yuku̱, chí nu̱ú ñuʼú yi̱chí ta saátu chí Négueb. Ña̱yóʼo xi̱kuu ñuʼú na̱ hitita, na̱ amorreo, na̱ cananeo, na̱ perizita, na̱ heveo xíʼin na̱ jebuseo. Ta na̱yóʼo xi̱kuu ndiʼi na̱ rey na̱ ku̱chiñuna ka̱nitáʼanna xíʼin:
9 ta̱ rey ñuu Jericó; ta̱ rey ñuu Hai, ña̱ ni̱xi̱yo yatin ñuu Betel;
10 ta̱ rey ñuu Jerusalén; ta̱ rey ñuu Hebrón;
11 ta̱ rey ñuu Jarmut; ta̱ rey ñuu Lakís;
12 ta̱ rey ñuu Eglón; ta̱ rey ñuu Guézer;
13 ta̱ rey ñuu Debir; ta̱ rey ñuu Guéder;
14 ta̱ rey ñuu Hormá; ta̱ rey ñuu Arad;
15 ta̱ rey ñuu Libná; ta̱ rey ñuu Adulam;
16 ta̱ rey ñuu Maquedá; ta̱ rey ñuu Betel;
17 ta̱ rey ñuu Tapúah; ta̱ rey ñuu Héfer;
18 ta̱ rey ñuu Afec; ta̱ rey ñuu Lasarón;
19 ta̱ rey ñuu Madón; ta̱ rey ñuu Hazor;
20 ta̱ rey ñuu Simrón-Merón; ta̱ rey ñuu Acsaf;
21 ta̱ rey ñuu Taanac; ta̱ rey ñuu Meguidó;
22 ta̱ rey ñuu Quedes; ta̱ rey ñuu Jocneam, ña̱ kíndo̱o chí yuku̱ Carmelo;
23 ta̱ rey ñuu Dor, ña̱ kíndo̱o chí xa̱ʼa̱ yuku̱ ña̱ íyo chí Dor; ta̱ rey ñuu Goyim, ña̱ kíndo̱o chí Guilgal;
24 ta̱ rey ñuu Tirzá; ndiʼi na̱ rey yóʼo xi̱kuuna 31.
Nota
^ Ña̱yóʼo káʼa̱nña xa̱ʼa̱, lago ña̱ Genesaret á mar ña̱ Galilea.
^ Ña̱yóʼo káʼa̱nña xa̱ʼa̱, mar Muerto.
