Ña̱ ka̱ʼyí ta̱ Lucas 3:1-38
3 Tá xa̱a̱ ku̱a̱ʼa̱n 15 ku̱i̱ya̱ xáʼndachíñu ta̱ Tiberio César, ta ta̱ Poncio Pilato xi̱kuu ta̱ xi̱xaʼndachíñu chí Judea, ta ta̱ Herodes* xi̱kuu ta̱ xi̱xaʼndachíñu chí Galilea, ta ñanira ta̱ Filipo xi̱kuu ta̱ xi̱xaʼndachíñu chí Iturea xíʼin ña̱ Traconítide ta saátu ta̱ Lisanias xi̱kuu ta̱ xi̱xaʼndachíñu chí Abilene,
2 tiempo ta̱ Anás ta̱ káʼnuka nu̱ú na̱ su̱tu̱, ta saátu ta̱ Caifás, ta̱ Juan se̱ʼe ta̱ Zacarías, ni̱ka̱ʼa̱n Ndióxi̱ xíʼinra chí nu̱ú ñuʼú yi̱chí.
3 Ta ni̱xa̱ʼa̱nra iníísaá chí ñuʼú ña̱ Jordán ta xi̱ka̱ʼa̱nra xíʼin na̱ yiví ña̱ ná ndakuchina ta saá va̱ʼa na̱ʼa̱na ña̱ ndixa ndíkó-inina ta Ndióxi̱ koo káʼnu-inira xa̱ʼa̱ ku̱a̱china.
4 Ta ku̱u nda̱a̱ táki̱ʼva káʼa̱n ña̱ ni̱ka̱ʼyi̱ nu̱ú tutu ta̱ profeta Isaías: “Íyo iin na̱ kána chí ñuʼú yi̱chí: ‘Ndasaviíndó yichi̱ Jehová* ta ndasanda̱kúndóña.
5 Ndiʼi ñuʼú nu̱ú kúnu xíniñúʼu ndakutúña, ta ndiʼi yuku̱ xíʼin xi̱kí xíniñúʼu nduyoso̱ña; yichi̱ ña̱ va̱ása nda̱kú xíniñúʼu ndunda̱kúña ta yichi̱ nu̱ú íyo ya̱vi̱ xíniñúʼu nduyoso̱ña.
6 Ndiʼi na̱ yiví kunina ndáa ki̱ʼva sakǎku Ndióxi̱ miína’”.
7 Tasaá ta̱ Juan ki̱xáʼara káʼa̱nra xíʼin ku̱a̱ʼání na̱ yiví na̱ va̱xi nu̱úra ña̱ sandákuchirana: “Ndóʼó na̱ se̱ʼe ko̱o̱, ¿ndáana ni̱ka̱ʼa̱n xíʼinndó ña̱ kivi ka̱kundó nu̱ú castigo ña̱ va̱xi?
8 Siʼna na̱ʼa̱ndó xíʼin ña̱ kéʼéndó tá ndíkó-inindó. Kǒo ndakanixi̱níndó ña̱yóʼo xa̱ʼa̱ miíndó ta kachindó ‘Yivándi̱ kúú ta̱ Abrahán’. Saáchi káʼi̱n xíʼinndó ña̱ kivi tavá Ndióxi̱ na̱ koo se̱ʼe ta̱ Abrahán ti̱xin yu̱u̱ yóʼo.
9 Xa̱a̱ íyo tu̱ʼva yácha xa̱ʼa̱ yitu̱n. Ña̱kán ndiʼi yitu̱n tú kǒo táxi ku̱i̱ʼi ña̱ va̱ʼa, kaʼndananú ta chika̱a̱nanú nu̱ú ñuʼu̱”.*
10 Ta na̱ yiví kán xi̱nda̱ka̱tu̱ʼunnara: “Tá saá, ¿ndáaña xíniñúʼu keʼéndi̱?”.
11 Ta xi̱ndakuiinra yuʼúna: “Na̱ kúúmií u̱vi̱ ti̱ko̱to̱, ná taxinaña ndaʼa̱ na̱ kǒoña kúúmií, ta saátu ná keʼé na̱ íyo ña̱ xíxi ná taxinaña ndaʼa̱ na̱ kǒoña kúúmií”.
12 Nda̱a̱ na̱ ndákaya xu̱ʼún ña̱ impuesto ki̱xina ña̱ ndakuchina ta ni̱nda̱ka̱tu̱ʼunnara: “Maestro, ¿ndáaña xíniñúʼu keʼéndi̱?”.
13 Ta nda̱kuiinra yuʼúna: “Va̱ása kiʼinndó ku̱a̱ʼáka xu̱ʼún ndaʼa̱na nu̱úka ña̱ xíniñúʼu chaʼvina”.
14 Saátu xi̱nda̱ka̱tu̱ʼun na̱ soldado miíra: “¿Ndáaña xíniñúʼu keʼéndi̱?”. Ta ta̱kán xi̱ndakuiinra yuʼúna: “Va̱ása ixandúxandó xíʼin ni iin na̱ yiví ña̱ taxina xu̱ʼún ndaʼa̱ndó ta ni va̱ása chika̱a̱ndó ku̱a̱chi síkí sa̱tá nda̱a̱ ni iin na̱ yiví; va̱ʼaka kusi̱í-inindó xíʼin ña̱ xa̱a̱ cháʼvina ndóʼó”.
15 Na̱ ñuu kán xi̱ndatuna ña̱ kixaa̱ ta̱ Cristo ta ndiʼina xi̱ndakanixi̱ní á ta̱ Juan kúú ta̱ Cristo.
16 Ta̱ Juan ni̱ka̱ʼa̱nra xíʼin ndiʼina xa̱ʼa̱ ña̱yóʼo: “Yi̱ʼi̱, sándakuchii̱ ndóʼó xíʼin ti̱kui̱í, soo ta̱ va̱xi chí sa̱tái̱ íyoka ndee̱ ta̱yóʼo nu̱úka yi̱ʼi̱, ta nda̱a̱ ndu̱xa̱nra kǒo kivi tavái̱. Ta̱kán sandákuchira ndóʼó xíʼin espíritu santo xíʼin ñuʼu̱.*
17 Íyo iin ña̱ʼa ña̱ ndíka̱a̱ ndaʼa̱ra ña̱ ndativira trigo ta ndakayara trigora ta ndataán va̱ʼaraña ti̱xin ya̱ka̱. Soo xe̱ʼe̱* ña̱ trigo yóʼo kaʼmiraña xíʼin ñuʼu̱ ña̱ kǒo kívi nda̱ʼva̱”.
18 Saátu ta̱xira ku̱a̱ʼáníka consejo ndaʼa̱ na̱ ñuu yóʼo ta na̱túʼunra xa̱ʼa̱ tu̱ʼun va̱ʼa xíʼinna.
19 Soo ta̱ Herodes ta̱ xáʼndachíñu chí Galilea, xa̱ʼa̱ ña̱ xi̱ka̱ʼa̱n ta̱ Juan xíʼinra xa̱ʼa̱ ña̱ ke̱ʼéra xíʼin ñá Herodías ñá síʼi ñanira xíʼin xa̱ʼa̱ ndiʼika ña̱ xi̱keʼéra,
20 ke̱ʼéra inkaka ña̱ va̱ása va̱ʼa: chi̱ka̱a̱ra ta̱ Juan veʼeka̱a.
21 Ta vitin, tá xa̱a̱ nda̱kuchi ndiʼi na̱ ñuu, saátu nda̱kuchi ta̱ Jesús. Tá káʼa̱nkara xíʼin Ndióxi̱, nda̱kuná chí ndiví
22 ta espíritu santo nu̱úña sa̱tára nda̱a̱ táki̱ʼva káa iin paloma, ta chí ndiví ni̱ka̱ʼa̱n iinna: “Yóʼó kúú se̱ʼi̱ ta̱ kúʼvi̱ní-inii̱ xínii̱; ta̱ sákusi̱í-inii̱”.
23 Tá xi̱kuumií ta̱ Jesús ki̱ʼva 30 ku̱i̱ya̱ saá ki̱xáʼara nátúʼunra xa̱ʼa̱ tu̱ʼun Ndióxi̱. Táki̱ʼva xi̱ndakanixi̱ní ku̱a̱ʼání na̱ yiví, xi̱kuurase̱ʼe ta̱ José,se̱ʼe ta̱ Helí,
24 se̱ʼe ta̱ Matat,se̱ʼe ta̱ Leví,se̱ʼe ta̱ Melquí,se̱ʼe ta̱ Janaí,se̱ʼe ta̱ José,
25 se̱ʼe ta̱ Matatías,se̱ʼe ta̱ Amós,se̱ʼe ta̱ Nahúm,se̱ʼe ta̱ Eslí,se̱ʼe ta̱ Nagái,
26 se̱ʼe ta̱ Maat,se̱ʼe ta̱ Matatías,se̱ʼe ta̱ Semeín,se̱ʼe ta̱ Josec,se̱ʼe ta̱ Jodá,
27 se̱ʼe ta̱ Joanán,se̱ʼe ta̱ Resá,se̱ʼe ta̱ Zorobabel,se̱ʼe ta̱ Sealtiel,se̱ʼe ta̱ Nerí,
28 se̱ʼe ta̱ Melquí,se̱ʼe ta̱ Adí,se̱ʼe ta̱ Cosam,se̱ʼe ta̱ Elmadam,se̱ʼe ta̱ Er,
29 se̱ʼe ta̱ Jesús,se̱ʼe ta̱ Eliezer,se̱ʼe ta̱ Jorim,se̱ʼe ta̱ Matat,se̱ʼe ta̱ Leví,
30 se̱ʼe ta̱ Simeón,se̱ʼe ta̱ Judas,se̱ʼe ta̱ José,se̱ʼe ta̱ Jonam,se̱ʼe ta̱ Eliaquim,
31 se̱ʼe ta̱ Meleá,se̱ʼe ta̱ Mená,se̱ʼe ta̱ Matatá,se̱ʼe ta̱ Natán,se̱ʼe ta̱ David,
32 se̱ʼe ta̱ Jesé,se̱ʼe ta̱ Obed,se̱ʼe ta̱ Boaz,se̱ʼe ta̱ Salmón,se̱ʼe ta̱ Nahsón,
33 se̱ʼe ta̱ Aminadab,se̱ʼe ta̱ Arní,se̱ʼe ta̱ Hezrón,se̱ʼe ta̱ Pérez,se̱ʼe ta̱ Judá,
34 se̱ʼe ta̱ Jacob,se̱ʼe ta̱ Isaac,se̱ʼe ta̱ Abrahán,se̱ʼe ta̱ Taré,se̱ʼe ta̱ Nacor,
35 se̱ʼe ta̱ Serug,se̱ʼe ta̱ Reú,se̱ʼe ta̱ Péleg,se̱ʼe ta̱ Éber,se̱ʼe ta̱ Selá,
36 se̱ʼe ta̱ Cainán,se̱ʼe ta̱ Arpaksad,se̱ʼe ta̱ Sem,se̱ʼe ta̱ Noé,se̱ʼe ta̱ Lamec,
37 se̱ʼe ta̱ Matusalén,se̱ʼe ta̱ Enoc,se̱ʼe ta̱ Jared,se̱ʼe ta̱ Mahalaleel,se̱ʼe ta̱ Cainán,
38 se̱ʼe ta̱ Enós,se̱ʼe ta̱ Set,se̱ʼe ta̱ Adán,se̱ʼe Ndióxi̱.
