Ña̱ ka̱ʼyí ta̱ Marcos 16:1-8
-
Ta̱ Jesús nda̱takura (1-8)
16 Tasaá, tá ni̱ya̱ʼa ki̱vi̱ sábado, ñá María Magdalena, xíʼin ñá María ñá siʼí ta̱ Santiago ta saátu ñá Salomé ni̱xa̱ʼa̱nná sa̱táná* aceite tá xáʼa̱n támi ña̱ va̱ʼa chika̱a̱nárá ta̱ Jesús.
2 Tá xi̱ta̱a̱nní ña̱ ki̱vi̱ nu̱ú ña̱ kíxáʼa semana,* tá xa̱a̱ ka̱na ñu̱ʼu* ni̱xa̱a̱ná nu̱ú ni̱ndu̱xu̱nra.
3 Ta xi̱ka̱ʼa̱n xíʼin táʼanná: “¿Ndáana sakútaʼa yu̱u̱ ña̱ ndási yuʼú ya̱vi̱ nu̱ú ni̱ndu̱xu̱nra?”.
4 Soo, tá xi̱toná yuʼú ya̱vi̱ kán, xi̱niná ña̱ xa̱a̱ sa̱kútaʼavana yu̱u̱ kán, ni chéenívaña.
5 Tá ni̱ki̱ʼviná iniña, xi̱niná iin ta̱a ta̱ loʼo níndúʼura* chí ndaʼa̱ kúaʼa ta ndíxira ti̱ko̱to̱ yaa ña̱ káni̱. Ta nda̱kanda̱kaví-ininá.*
6 Ta ni̱ka̱ʼa̱nra xíʼinná: “Va̱ása yi̱ʼvíndó; ndóʼó nándukúndó ta̱ Jesús ta̱ Nazareno, ta̱ ka̱tikaana ndaʼa̱ yitu̱n. Xa̱a̱ nda̱takura. Kǒokara ndíka̱a̱ yóʼo. Kotondó, yóʼo kúú nu̱ú chi̱ka̱a̱nara.
7 Soo kúáʼanndó, ta ka̱ʼa̱nndó xíʼin na̱ discípulora xíʼin ta̱ Pedro: ‘Xa̱a̱ ku̱a̱ʼa̱nra chí Galilea; ta kán kunindóra, táki̱ʼva ni̱ka̱ʼa̱nra xíʼinndó’”.
8 Tasaá ke̱ená ini ya̱vi̱ kán ta xínukavíná ku̱a̱ʼa̱nná. Ta nda̱a̱ kísiñaná ku̱a̱ʼa̱nná ta ndákanda̱kaví-ininá. Ta va̱ása nínatúʼunná xíʼin ni iinna, saáchi ni̱yi̱ʼvíníná.*
Nota
^ Inka variante “xe̱enná”.
^ Tu̱ʼun ña̱ ni̱ka̱ʼyi̱ña káchiña “ki̱vi̱ nu̱ú ña̱ kíxáʼa xa̱ʼa̱ semana”, ta nu̱ú na̱ judío domingo xi̱kuuña.
^ Inka variante “ña̱ ka̱ndii”.
^ Inka variante “íyora”.
^ Inka variante “iin ku̱a̱ʼa̱n-ininá”.
^ Sava manuscrito ña̱ ni̱ka̱ʼyi̱ xi̱naʼá káʼa̱nña, ña̱ tutu Marcos ndíʼiña xíʼin tu̱ʼun ña̱ va̱xi nu̱ú versículo 8.
