24 tí febrero nda̱a̱ 2 tí marzo
PROVERBIOS 2
Yaa 35 xíʼin oración | Ña̱ ka̱ʼa̱nna tá ná kixáʼa reunión (1 min.)
1. ¿Nda̱chun xíniñúʼu chikaa̱yó ndee̱ ña̱ viíní kaʼviyó?
(10 min.)
Chi saá náʼa̱yó ña̱ ndáyáʼviní tu̱ʼun Ndióxi̱ nu̱úyó (Pr 2:3, 4; w22.08 18 párr. 16).
Saátu chíndeétáʼanña xíʼinyó ña̱ ndaka̱xin viíyó ña̱ keʼéyó (Pr 2:5-7; w22.10 19 párr. 3, 4).
Chíndeétáʼanña xíʼinyó ña̱ va̱ʼaní kítáʼanyó xíʼin Jehová (Pr 2:11, 12; w16.09-S 23 párrs. 2, 3).
NDAKANIXI̱NÍ XA̱ʼA̱ ÑA̱YÓʼO: “¿Ndáaña kivi keʼíi̱ ña̱ va̱ʼa tavái̱ tiempo ña̱ kaʼvii̱?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
-
Pr 2:4-6. ¿Ndáaña chíndeétáʼanka xíʼún tá xa̱a̱ káʼviún? (w22.08 18 párr. 16).
-
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Col 1:1-20 (th lección 12).
4. Kixáʼa natúʼun xíʼin na̱ yiví
(4 min.) TÁ KU̱A̱ʼÚN VEʼE TÁ VEʼE. Sanáʼa̱ iin na̱ yiví ndáa ki̱ʼva nandukúna ña̱ káʼa̱n xa̱ʼa̱ ña̱ kivi chindeétáʼan xíʼin na̱ ti̱ndaʼa̱ nu̱ú jw.org (lmd lección 1 punto 3).
5. Ndikó nu̱úna
(3 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Tá ni̱xa̱ʼún nu̱ú na̱ yiví yichi̱ nu̱ú xi̱kuni̱na kunda̱a̱-inina xa̱ʼa̱ iin ña̱ʼa. Ña̱kán vitin taxi iin revista ña̱ káʼa̱n xa̱ʼa̱ ña̱yóʼo ndaʼa̱na (lmd lección 9 punto 3).
6. Discurso
(5 min.) lmd apéndice 1 punto 8. Ña̱ naní: ¿Á xa̱a̱ xíni̱ún ña̱ na̱ ti̱ndaʼa̱ kǒo xíniñúʼu sandáʼvi-táʼanna? (th lección 13).
Yaa 96
7. ¿Á kúni̱ún ndani̱ʼún iin tesoro?
(15 min.) Ka̱ʼa̱n ta ná ka̱ʼa̱nna.
Na̱ va̱lí, ¿á kúni̱ndó ku̱ʼu̱nndó nandukúndó iin tesoro? ¿Á kúni̱ndó ndani̱ʼíndóña? Biblia káʼa̱nña xíʼin ndóʼó na̱ va̱lí ña̱ nandukúndó iin tesoro ña̱ ndáyáʼviní, ta ña̱yóʼo kúú: ña̱ ndíchi ña̱ kúúmií Ndióxi̱ (Pr 2:4, 5). Kivi ndani̱ʼúnña tá chíka̱ún ndee̱ ña̱ kaʼvi ni̱ʼún ña̱ Biblia ta nandukún xa̱ʼa̱ ña̱ kǒo kúnda̱a̱-iniún xíʼin. Kusi̱íní-iniún tá saá ná keʼún ta ku̱a̱ʼání ña̱ʼa sakúaʼún.
-
¿Ndáa pregunta kivi ndakanixi̱níún xa̱ʼa̱ tá xa̱a̱ káʼviún Biblia? (w24.02 32 párr. 2, 3).
-
¿Ndáaña kivi kuniñúʼún ña̱ va̱ʼa ndani̱ʼún ña̱ nándukún?
Serie ña̱ video ña̱ naní “Sakúaʼa xa̱ʼa̱ na̱ migo Jehová”, kivi chindeétáʼanña xíʼún ña̱ va̱ʼa ndakanixi̱níún xa̱ʼa̱ ña̱ káʼviún nu̱ú Biblia.
Chikaa̱ VIDEO Sakúaʼa xa̱ʼa̱ na̱ migo Jehová: Ta̱ Abel.
Kaʼvi Génesis 4:2-4 xíʼin Hebreos 11:4. Tándi̱ʼi keʼé pregunta ña̱ va̱xi yóʼo:
-
¿Ndáaña ke̱ʼé ta̱ Abel ña̱ va̱ʼa na̱ʼa̱ra ña̱ kúúra migo Jehová?
-
¿Ndáaña ke̱ʼé ta̱ Abel na̱ va̱ʼa kandíxakara Jehová?
-
¿Ndáaña kivi keʼé miíún ña̱ va̱ʼa kandíxakaún Jehová?
8. Estudio ña̱ congregación
(30 min.) bt cap. 23 párr. 1-8 xíʼin nu̱ú kíxáʼa táʼví 8.
