29 tí julio nda̱a̱ 4 tí agosto
SALMO 69
Yaa 13 xíʼin oración | Ña̱ ka̱ʼa̱nna tá ná kixáʼa reunión (1 min.)
1. Ña̱ Salmo 69 ni̱ka̱ʼa̱nña xa̱ʼa̱ ña̱ kundoʼo ta̱ Jesús
(10 min.)
Nina ña̱ va̱ʼa ke̱ʼé ta̱ Jesús, soo nisaá ni̱sa̱a̱nína xi̱ninara (Sl 69:4; Jn 15:24, 25; w11-S 15/8 11 párr. 17).
Xi̱ ixato̱ʼóní ta̱ Jesús veʼe yivára, chi yóʼo kúú nu̱ú xi̱ndasakáʼnuna yivára (Sl 69:9; Jn 2:13-17; w10-S 15/12 8 párr. 7, 8).
Ni̱xo̱ʼvi̱ní ta̱ Jesús, tándi̱ʼi i̱xandúxana xíʼinra ña̱ koʼora vino tá ni̱sa̱ka̱ yu̱ku̱ o̱va̱ xíʼin (Sl 69:20, 21; Mt 27:34; Lu 22:44; Jn 19:34; g95-S 22/10 31 párr. 4; it-2-S 669).
ÑA̱ NDAKANIXI̱NÍYÓ XA̱ʼA̱: ¿Nda̱chun ta̱xi Jehová ka̱ʼyí sava profecía ña̱ káʼa̱n xa̱ʼa̱ ta̱ Mesías nu̱ú Escrituras Hebreas?
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
-
Sl 69:30, 31. ¿Ndáa ki̱ʼva chindeétáʼan versículo yóʼo xíʼinyó ña̱ viíka koo oración ña̱ kéʼéyó? (w99-S 15/1 18 párr. 11).
-
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Hch 6:1-15 (th lección 2).
4. Kúee koo iniún: Ña̱ ke̱ʼé ta̱ Jesús
(7 min.) Ka̱ʼa̱n ta ná ka̱ʼa̱nna. Chikaa̱ VIDEO tándi̱’i, ka̱’a̱n xa̱’a̱ folleto lmd lección 8 punto 1, 2.
5. Kúee koo iniún: Keʼé táki̱ʼva ke̱ʼé ta̱ Jesús
(8 min.) Ka̱ʼa̱n ta ná ka̱ʼa̱nna, kuniñúʼu folleto lmd lección 8 punto 3-5 xíʼin ña̱ naní “Saátu koto”.
Yaa 134
6. Ña̱ xíniñúʼu na̱ congregación
(5 min.)
7. Ña̱ kivi keʼéndó ña̱ va̱ʼa kusi̱íka-inindó tá xa̱a̱ káʼvindó xíʼin na̱ veʼendó
(10 min.): Ka̱ʼa̱n ta ná ka̱ʼa̱nna.
Yo̱o̱ enero ña̱ ku̱i̱ya̱ 2009 na̱ ñuu Ndióxi̱ ni̱ka̱ʼa̱nna ña̱ estudio ña̱ libro ña̱ xíyo ti̱xin congregación nda̱kutáʼanña xíʼin ña̱ Escuela del Ministerio Teocrático xíʼin ña̱ Reunión ña̱ Servicio ta iin ki̱vi̱ kuití kooña. Ña̱yóʼo chindeétáʼanña xíʼin na̱ hermano ña̱ ndaka̱xinna iin ki̱vi̱ ña̱ kaʼvina xíʼin na̱ veʼena. Ta xa̱a̱ chíndeétáʼanña xíʼin ku̱a̱ʼání na̱ hermano ña̱ vií kutáʼanna xíʼin Jehová ta saátu xíʼin na̱ veʼena (Dt 6:6, 7).
Ña̱ va̱xi yóʼo kivi chindeétáʼan xíʼún ña̱ va̱ʼaní kaʼviún xíʼin na̱ veʼún:
-
Kǒo sandákoún ña̱ kaʼviún xíʼinna. Ndaka̱xin iin ki̱vi̱ xíʼin hora ti̱xin iin semana ña̱ kaʼviún xíʼinna. Soo tá kǒo níkivi kaʼvindó ki̱vi̱ ña̱ xa̱a̱ ki̱ndoondó, kivi kaʼvindó inka ki̱vi̱.
-
Xa̱a̱ ya̱chi̱ka nandukún xa̱ʼa̱ ña̱ kaʼvindó. Nda̱ka̱tu̱ʼun ñá síʼún ta sava yichi̱ nda̱a̱ kivi nda̱ka̱tu̱ʼun na̱ va̱lí se̱ʼún ndáaña kúni̱na kaʼvindó xa̱ʼa̱. Va̱ása xíniñúʼu ku̱a̱ʼání tiempo nandukún ña̱ kúni̱ún kaʼvindó xa̱ʼa̱. Saáchi sana na̱ veʼún kúni̱na kaʼvi tukuna xa̱ʼa̱ ña̱ xa̱a̱ ka̱ʼvindó.
-
Nasama ña̱ káʼviún xíʼinna. Tá xa̱a̱ ku̱a̱ʼa̱n xáʼnu na̱ va̱lí se̱ʼendó, xa̱a̱ síín íyo ña̱ ndákanixi̱nína xíʼin ña̱ kúni̱na kunda̱a̱-inina xa̱ʼa̱. Ta ña̱ kaʼviún xíʼin na̱ veʼún ná chindeétáʼanña xíʼinna ña̱ va̱ʼaníka kutáʼanna xíʼin Ndióxi̱.
-
Ndukúndó iin lugar nu̱ú kaʼvindó xíʼin na̱ veʼendó tasaá va̱ʼa kusi̱í-inina kaʼvina. Nda̱a̱ sava yichi̱ kivi keendó sa̱tá veʼendó ña̱ va̱ʼa kaʼvindó xíʼinna. Ta saátu kivi ndaki̱ndee̱ndó loʼo tiempo tasaá kixáʼa tukundó kaʼvindó. Tá xa̱a̱ káʼvindó xíʼin na̱ veʼendó, su̱ví tiempo ña̱ nda̱ʼyi̱ndó nu̱úna á ka̱ʼa̱nndó xíʼinna xa̱ʼa̱ ña̱ va̱ása va̱ʼa kéʼéna kúúña.
-
Ku̱a̱ʼá ña̱ kivi kaʼvindó xa̱ʼa̱. Tá kúú, kivi kaʼvindó xa̱ʼa̱ ña̱ ya̱ʼa ti̱xin reunión, kivi kotondó video ña̱ va̱xi nu̱ú jw.org ta ka̱ʼa̱nndó ndáaña sa̱kúaʼandó xíʼinña, saátu xa̱a̱ ya̱chi̱ka kaʼvindó ña̱ ku̱ʼu̱nndó predicación. Ña̱ ndáyáʼvika kúú ña̱ inkáchi kaʼvindó ña̱ va̱xi nu̱ú tu̱ʼun Ndióxi̱, soo saátu iin tá iinndó kivi tavándó tiempo ña̱ kaʼvindó xa̱ʼa̱ ña̱ kúni̱ndó kunda̱a̱-inindó xa̱ʼa̱.
Keʼé pregunta ña̱ va̱xi yóʼo:
-
¿Ndáaña kéʼún ña̱ va̱ʼa kuniñúʼún ña̱ xa̱a̱ ni̱ka̱ʼa̱nyó xa̱ʼa̱ yóʼo tá káʼviún xíʼin na̱ veʼún?
8. Estudio ña̱ congregación
(30 min.) bt cap. 13 párr 8-16 xíʼin recuadro ña̱ pág. 105.
