5-11 tí agosto

SALMOS 70-72

KUNISO̱ʼOÑA TU̱ʼUN

5-11 tí agosto

Yaa 59 xíʼin oración | Ña̱ ka̱ʼa̱nna tá ná kixáʼa reunión (1 min.)

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Ka̱ʼa̱n xíʼin na̱ se̱ʼún xa̱ʼa̱ ndee̱ ña̱ kúúmií Ndióxi̱

(10 min.)

Va̱ʼaní xi̱ndaa Jehová ta̱ David tá ni̱xi̱yo loʼora (Sl 71:5; w99-S 1/9 18 párr. 17).

Va̱ʼaní xi̱ndaa Jehová ta̱ David tá xa̱a̱ ku̱chéera (Sl 71:9; g04-S 8/10 23 párr. 3).

Ta̱ David na̱túʼunra xíʼin na̱ válíka nu̱úra xa̱ʼa̱ ña̱ ndo̱ʼora ta ña̱yóʼo va̱ʼaní chi̱ndeétáʼanña xíʼinna (Sl 71:17, 18; w14-S 15/1 23 párrs. 4, 5).

NDAKANIXI̱NÍ XA̱ʼA̱ ÑA̱YÓʼO: “¿Ndáa na̱ hermano na̱ xa̱a̱ ku̱a̱ʼání ku̱i̱ya̱ ndásakáʼnu Jehová kivi kanai̱ ña̱ ku̱ʼu̱nna adoración en familia ña̱ kúúmiíndi̱ tasaá kivi ixaa entrevistai̱na?”.

2. Ná ka̱ʼa̱nyó xa̱ʼa̱ ña̱ chindeétáʼan xíʼinyó

(10 min.)

Sl 72:8. ¿Ndáa ki̱ʼva ni̱xi̱nu ña̱ ni̱ka̱ʼa̱n Jehová xíʼin ta̱ Abrahán ña̱ va̱xi nu̱ú Génesis 15:18 tiempo tá xa̱ʼndachíñu ta̱ rey Salomón? (it-1-S 883).

Ña̱ ndakuiún
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?

Ña̱ ndakuiún

3. Ña̱ kaʼviyó nu̱ú tu̱ʼun Ndióxi̱

(4 min.) Hch 9:10-22 (th lección 5).

NÁ SANÁʼA̱ VIÍYÓ

4. Kixáʼa natúʼun xíʼin na̱ yiví

(3 min.) TÁ KU̱A̱ʼÚN VEʼE TÁ VEʼE. Tá kíxáʼa na̱ yiví náana xíʼún, to̱ʼó ka̱ʼún xíʼinna ta ndakiʼún ku̱ʼún (lmd lección 4 punto 5).

5. Ndikó nu̱úna

(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n tuku xíʼin iin na̱ veʼún na̱ kǒo xíín kaʼvi xa̱ʼa̱ Ndióxi̱ (lmd lección 8 punto 4).

6. Ndakani xa̱ʼa̱ ña̱ kándíxaún

(5 min.) Discurso. ijwfq-S 49. Ña̱ naní: ¿Nda̱chun násama na̱ testigo Jehová sava ña̱ kándíxana? (th lección 17).

ÑA̱ KÉʼÉYÓ NA̱ TESTIGO JEHOVÁ

Yaa 76

7. Ña̱ kivi keʼún tá xa̱a̱ káʼviún xíʼin na̱ veʼún

(15 min.): Ka̱ʼa̱n ta ná ka̱ʼa̱nna.

Ti̱xin ña̱ adoración en familia ku̱a̱ʼání ña̱ kivi sakúaʼa na̱ va̱lí xa̱ʼa̱ Jehová (Ef 6:4). Chika̱a̱ndó ndee̱ ña̱ kaʼvindó xíʼin na̱ va̱lí se̱ʼendó ni sava yichi̱ kǒo tiempo nu̱úndó, ta nandukúndó ña̱ kúni̱na kunda̱a̱-inina xa̱ʼa̱ ña̱ va̱ʼa kusi̱í-inina sakúaʼana xa̱ʼa̱ Ndióxi̱ (Jn 6:27; 1Pe 2:2). Ka̱ʼa̱n xa̱ʼa̱ mií ña̱ ndáyáʼvi va̱ʼaka va̱xi nu̱ú recuadro ña̱ naní “ Ña̱ kivi keʼún tá xa̱a̱ káʼviún xíʼin na̱ veʼún”. Nu̱ú recuadro yóʼo va̱xi ña̱ kivi kuniñúʼu na̱ íyo se̱ʼe ña̱ va̱ʼa kaʼvina xíʼin na̱ veʼena. Tándi̱ʼi nda̱ka̱tu̱ʼunna:

¿Ndáaña va̱xi yóʼo kúni̱ún kuniñúʼún tá xa̱a̱ káʼviún xíʼin na̱ veʼún?

Ña̱ ndakuiún
¿Á íyo inka ña̱ va̱ʼaní chíndeétáʼan xíʼún tá xa̱a̱ ka̱ʼviún xíʼin na̱ veʼún?

Ña̱ ndakuiún

ÑA̱ KIVI KEʼÚN TÁ XA̱A̱ KÁʼVIÚN XÍʼIN NA̱ VEʼÚN

BIBLIA

Kuniso̱ʼondó lectura ña̱ va̱xi nu̱ú Biblia ña̱ kaʼvina ti̱xin reunión ta kivi ndataʼvíndóña ña̱ va̱ʼa ndiʼindó kaʼviña. Iin tá iin na̱ veʼendó kivi ndanaʼa̱na ña̱ káʼa̱n na̱ yiví na̱ va̱xi nu̱ú Biblia.
Tá xa̱a̱ ndi̱ʼi ka̱ʼvindó Biblia, kivi ka̱’a̱nndó xa̱’a̱ pregunta ña̱ kúni̱ndó nandukúndó xa̱ʼa̱. Tándi̱’i kivi ka̱’a̱n xí’in tá’anndó xa̱’a̱ ña̱ nda̱ni̱’índó.
Ka̱ʼa̱n xa̱ʼa̱ pregunta ña̱ kúni̱ún kunda̱a̱-iniún xa̱ʼa̱, ta nu̱ú ña̱ naní Textos bíblicos para la vida cristiana kivi ndani̱ʼún ña̱ chindeétáʼan xíʼún.
Keʼéndó iin escenificación ña̱ va̱xi nu̱ú Biblia.
Iin tá iin semana kaʼyíndó nu̱ú iin tarjeta texto ña̱ kúni̱ndó sakúaʼa xi̱níndó, ta kivi tavándóña nu̱ú apéndice 1 ña̱ va̱xi nu̱ú folleto ña̱ naní Sánáʼa̱yó na̱ yiví chi kúʼvi̱-iniyó xíniyóna. Ta ka̱ʼa̱n tukundó xa̱ʼa̱ tarjeta ña̱ ke̱ʼéndó semana ña̱ ni̱ya̱ʼa.
Saátu kivi kaʼviún sava ña̱ va̱xi nu̱ú libro ña̱ naní Kivi koo si̱íún vitin ta saátu chí nu̱únínu.
Ka̱ʼa̱n xíʼin iin na̱ veʼún ña̱ ná ka̱ʼa̱nna xa̱ʼa̱ iin artículo ña̱ va̱xi nu̱ú sección ña̱ naní “Ña̱ kúni̱na kunda̱a̱-inina xa̱ʼa̱ Biblia” ta ña̱yóʼo va̱xiña nu̱ú jw.org nu̱ú káʼa̱nña “ÑA̱ SÁNÁʼA̱ BIBLIA”.

ÑA̱ REUNIÓN

Kaʼvi kúeendó ña̱ sakúaʼandó reunión.
Tavándó comentario ña̱ taxindó reunión ta ndanuundóña. Ta kiʼinndó kuenta nu̱ú reloj nda̱saa tiempo ka̱ʼa̱nndóña.
Ya̱chi̱ka katandó yaa ña̱ katana ti̱xin reunión.
Ya̱chi̱ka ndakanixi̱níndó ndáaña kivi ka̱ʼa̱nndó xíʼin na̱ hermano tá ná ku̱ʼu̱nndó reunión ña̱ va̱ʼa ka̱ʼa̱nndó tu̱ʼun ña̱ chindeétáʼan xíʼinna.
Tá kúúmiíndó asignación ña̱ ya̱ʼandó reunión ña̱ xíyo ma̱ʼñú semana, ka̱ʼa̱nndóña ta ná kuniso̱ʼo na̱ veʼendó ndáa ki̱ʼva keʼéndóña.

ÑA̱ PREDICACIÓN

Xa̱a̱ ya̱chi̱ka kaʼvindó ña̱ ka̱ʼa̱nndó xíʼin na̱ yiví tá ku̱a̱ʼa̱nndó predicación.
Xa̱a̱ ya̱chi̱ka kaʼvindó ndáaña ka̱ʼa̱nndó xíʼin na̱ revisitandó.
Ndakanixi̱níndó ndáa ki̱ʼva natúʼunndó xíʼin na̱ yiví tá ná ndani̱ʼíndóna nu̱ú xíkandó ta sakúaʼandó ndáa ki̱ʼva kixáʼandó ka̱ʼa̱nndó xíʼinna.
Ka̱ʼa̱nndó xa̱ʼa̱ meta ña̱ kivi kuumiíndó ña̱ va̱ʼa natúʼunkandó xa̱ʼa̱ Ndióxi̱ tá ná koo campaña ña̱ Conmemoración á tá ná kuumiíndó vacaciones.

ÑA̱ XÍNIÑÚʼU NA̱ VEʼENDÓ

Xa̱a̱ ya̱chi̱ka sakúaʼandó xíʼin na̱ va̱lí se̱ʼendó ndáaña kivi keʼéna ña̱ va̱ʼa nda̱kú koo inina xíʼin Ndióxi̱, tá kúsi̱kindaanana, tá káʼa̱n iinna xíʼinna ña̱ kúni̱na kakana xíʼinna ta saátu ndáaña xíniñúʼu keʼéna tá xíyo vikó.
Tá kúni̱ na̱ va̱lí kunda̱a̱-inina xa̱ʼa̱ iin ña̱ʼa, ná ka̱ʼa̱n na̱ yivána xíʼinna ña̱ nandukúna xa̱ʼa̱ña. Tándi̱ʼi, mií na̱ va̱lí yóʼo ná sanáʼa̱na na̱ yivána nda̱a̱ táki̱ʼva kéʼé mií na̱ yivána xíʼinna.

INKAKA ÑA̱ KIVI KEʼÉNDÓ

Kotondó programa ña̱ JW Broadcasting^® ta ka̱ʼa̱nndó xa̱ʼa̱ ña̱ sa̱kúaʼandó.
Kaʼvindó iin artículo á kotondó iin video ña̱ va̱xi nu̱ú jw.org ta ka̱ʼa̱nndó xa̱ʼa̱ ña̱ sa̱kúaʼandó.
Kaʼvindó sava tema ña̱ va̱xi nu̱ú sección “Na̱ va̱lí kúa̱an” á “Na̱ va̱lí” ña̱ va̱xi nu̱ú jw.org nu̱ú káʼa̱nña “ÑA̱ SÁNÁʼA̱ BIBLIA”.
Ka̱ʼa̱nndó xa̱ʼa̱ ña̱ sa̱kúaʼandó nu̱ú iin asamblea.
Kotonde̱ʼéndó á kaʼvindó xa̱ʼa̱ ña̱ʼa ña̱ i̱xava̱ʼa Jehová ta ka̱ʼa̱nndó ndáaña sákuaʼandó xa̱ʼa̱ Jehová xíʼin ña̱yóʼo.
Sava yichi̱ kivi kanandó iin ñá hermana á iin ta̱ hermano ta keʼéndó iin entrevista xíʼinna.
Ka̱ʼa̱nndó xa̱ʼa̱ iin meta ña̱ kúni̱ndó keʼéndó ta ka̱ʼa̱nndó ndáaña kivi keʼéndó ña̱ va̱ʼa saxínundóña.
Kivi keʼéndó arca ta̱ Noé, kivi kaʼvindó xa̱ʼa̱ mapa á tabla ña̱ va̱xi nu̱ú Biblia Traducción del Nuevo Mundo á tutu ña̱ tává na̱ ñuu Ndióxi̱.

Chikaa̱ video Chikaa̱ ndee̱ ña̱ viíka koo ña̱ kaʼviún xíʼin na̱ veʼún. Tándi̱ʼi keʼé pregunta ña̱ va̱xi yóʼo:

Tá kǒoka se̱ʼendó íyo xíʼinndó, ¿ndáaña kivi keʼéndó ña̱ va̱ʼa kusi̱í-inindó kaʼvindó?

Ña̱ ndakuiún

8. Estudio ña̱ congregación

(30 min.) bt cap. 13 párr. 17-24.

Ña̱ ka̱ʼa̱nna tá ná ndiʼi (3 min.) | Yaa 123 xíʼin oración

TUTU NU̱Ú VA̱XI ÑA̱ KEʼÉYÓ REUNIÓN ÑA̱ KÉʼÉ NA̱ NDÁSAKÁʼNU NDIÓXI̱

Ña̱ Kéʼé na̱ Ndásakáʼnu Ndióxi̱ (5 nda̱a̱ 11 tí agosto 2024)

tu’un sâví

Ña̱ Kéʼé na̱ Ndásakáʼnu Ndióxi̱ (5 nda̱a̱ 11 tí agosto 2024)

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 julio pág. 10-16

Na̱ Testigo Jehová

5-11 tí agosto

SALMOS 70-72

Yaa 59 xíʼin oración | Ña̱ ka̱ʼa̱nna tá ná kixáʼa reunión (1 min.)

ÑA̱ NDÁYÁʼVINÍ KÁʼA̱N TU̱ʼUN NDIÓXI̱

1. Ka̱ʼa̱n xíʼin na̱ se̱ʼún xa̱ʼa̱ ndee̱ ña̱ kúúmií Ndióxi̱