Ña̱ folleto ¿Ndáana kéʼé ña̱ kúni̱ Jehová tíempo vitin?, na̱kuva̱ʼaña ña̱ kivi chindeé táʼan xíʼinyó ña̱ sánáʼa̱yó na̱ káʼviyó xíʼin, kivi ndi̱ku̱n kixaʼáyó kaʼviyóña ta kivitu kaʼviyóña tá xa̱a̱ sa̱ndíʼiyó ka̱ʼviyó. * Ña̱ lección 1 nda̱a̱ lección 4 káʼa̱nña xa̱ʼa ndáana kúúyó na̱ testigo Jehová; ña̱ lección 5 nda̱a̱ lección 14 káʼa̱nña xa̱ʼa ndáaña kéʼéyó, ta ña̱ lección 15 nda̱a̱ lección 28 káʼa̱n nda̱saa íyo na̱ ñuu Ndióxi̱. Kivi kixaʼáyó kaʼviyó iin tá iin lección xíʼinna, kivitu kaʼviyó inka lección tá kúni̱na kunda̱a̱-inina xa̱ʼaña. Ña̱ lección iin iinña va̱xi nu̱ú página ta kivi kaʼviyóña xíʼinna u̱ʼu̱n á u̱xu̱ minuto.

• Ka̱ʼa̱n xa̱ʼa pregunta ña̱ va̱xi nu̱ú kíxaʼá ña̱ lección.

• Kivi kaʼvi nííndó ña̱ lección, kivitu kaʼvindó iin iin párrafo.

• Ka̱ʼa̱nndó xa̱ʼa ña̱ ka̱ʼvindó. Kuniñúʼundó ña̱ pregunta ña̱ va̱xi nu̱ú ndíʼi ña̱ lección xíʼin na̱ʼná ña̱ va̱xi nu̱úña. Ndaka̱xin ndáa texto kaʼvindó ta ka̱ʼa̱nndó xa̱ʼaña. Ka̱ʼa̱n ndáa ki̱ʼva ndákuiin ña̱ letra tuún pregunta ña̱ título.

• Tá va̱xi ña̱ recuadro nu̱ú ña̱ lección “Ña̱ va̱ʼaka kunda̱a̱-iniún”, kaʼvindóña ta ka̱ʼa̱n xíʼinna ná keʼéna ña̱ káʼa̱nña.