Yaa 143 xíʼin oración

Ña̱ ka̱ʼa̱nna tá ná kixaʼá reunión (3 min. á loʼoka)

“Kundoo tu̱ʼvandó” (10 min.)

• Mt 25:1-6. U̱ʼu̱n ná ñaʼá ná ndíchi xíʼin u̱ʼu̱n ná kíʼvi ke̱ena ku̱a̱ʼa̱nna nu̱ú kixa̱a̱ ta̱ tindaʼa̱.

• Mt 25:7-10. Ná ñaʼá ná kíʼvi kǒoná tá ki̱xa̱a̱ ta̱ tindaʼa̱.

• Mt 25:11, 12. Nda̱saa ná ñaʼá ndíchi kuití ni̱ki̱ʼvi nu̱ú tindaʼa̱na.

Ná ndakanixi̱níyó xa̱ʼa ña̱ kivi chindeé miíyó (8 min.)

• Mt 25:31-33. Ka̱ʼa̱n ndáaña kúni̱ kachiña tá káʼa̱nña xa̱ʼa tí ndikachi xíʼin tí ti̱xúʼu (w15-S 15/3 pág. 27 párr. 7).

• Mt 25:40. ¿Nda̱saa na̱ʼa̱yó ña̱ kúúyó migo na̱ ku̱ʼu̱n chí ndiví? (w09-S 15/10 pág. 16 párr. 16-18).

• ¿Ndáaña sa̱kuaʼún nu̱ú Biblia xa̱ʼa Jehová semana yóʼo?

• ¿Ndáa inkaka ña̱ʼa sa̱kuaʼún nu̱ú Biblia semana yóʼo kivi chindeé yóʼó?

Ña̱ kaʼviyó nu̱ú Biblia (4 min. á loʼoka): Mt 25:1-23.

Ña̱ ndikóún yichi̱ u̱vi̱ (3 min. á loʼoka): Kuniñúʼu ña̱ va̱xi nu̱ú káʼa̱nña xíʼinyó ndáa ki̱ʼva natúʼunyó. Ka̱ʼa̱n xíʼinna ná ku̱ʼu̱nna Conmemoración.

Ña̱ ndikóún yichi̱ u̱ni̱ (3 min. á loʼoka): Ndaka̱xin texto ña̱ kaʼviún xíʼinna, ta taxi iin tutu ña̱ xíniñúʼuyó sanáʼa̱yó na̱ yiví.

Discurso (6 min. á loʼoka): w15-S 15/3 pág. 27 párr. 7-10. Tema: ¿Nda̱saa náʼa̱ ña̱ káʼa̱n xa̱ʼa tí ndikachi xíʼin tí ti̱xúʼu ña̱ ndáyáʼviní natúʼunyó xa̱ʼa Ndióxi̱?

Yaa 85

“Sakuaʼaka ña̱ va̱ʼa sanáʼa̱kaún: Ka̱ʼa̱n xíʼin na̱ káʼviún xíʼin ná kaʼyína nu̱ú tutuna” (10 min.): Ka̱ʼa̱n ta ná ka̱ʼa̱n loʼona. Chika̱a̱ video nu̱ú sánáʼa̱ iin ñá publicadora ñá káʼviñá xíʼin nda̱saa kaʼyíña nu̱ú tutuñá ta̱ ka̱ʼa̱n xa̱ʼaña xíʼinna. Ka̱ʼa̱n xíʼin na̱ ndóo ná ka̱ʼa̱nna nda̱saa chíndeé táʼanna xíʼin na̱ káʼvina xíʼin ña̱ kaʼyína nu̱ú tutuna tá káʼvina.

Viíní ná ndakiʼinyó na̱ taxiyó invitación ndaʼa̱ (5 min.): Discurso yóʼo ka̱naña ti̱xin Tutu nu̱ú Va̱xi ña̱ Keʼéyó Reunión ña̱ yo̱o̱ marzo 2016. Ka̱ʼa̱n xa̱ʼa sava experiencia ña̱ ku̱u Conmemoración ku̱i̱ya̱ ni̱ya̱ʼa. Tá kivi ka̱ʼa̱n xa̱ʼa sava chiñu ña̱ koo ti̱xin Conmemoración 31 tí marzo, tá kúú nu̱ú kundita carro, chí yéʼé á inka ña̱ʼa.

Estudio ña̱ congregación (30 min.): bh cap. 5 párr. 1-8.

Ka̱ʼa̱n xa̱ʼa ña̱ sa̱kuaʼayó reunión yóʼo xíʼin xa̱ʼa ña̱ koo inka semana (3 min.)

Yaa 20 xíʼin oración