ÑA̱ KÉʼÉYÓ NA̱ TESTIGO
Sakuaʼaka ña̱ va̱ʼa sanáʼa̱kaún: Ka̱ʼa̱n xíʼin na̱ káʼviún xíʼin ná kaʼyína nu̱ú tutuna
¿NDA̱CHUN XÍNIÑÚʼU KEʼÉYÓÑA? Tá káʼyína nu̱ú tutuna, va̱ʼaka kunda̱a̱-inina xíʼin ña̱ káʼvina ta ndakaʼánna xa̱ʼa ña̱ sa̱náʼa̱yóna. Tasaá kúu ña̱ kamaka sakuaʼana. Ni xa̱a̱ nda̱kuchina, saátu xíniñúʼu kaʼyína nu̱ú tutuna tá ná ku̱ʼu̱nna reunión á tá ná ku̱ʼu̱nna natúʼunna xa̱ʼa Ndióxi̱ tasaá koo tu̱ʼvana (Mt 25:13). Tá ná sakuaʼana kaʼvina chindeé táʼanníña xíʼinna. Nda̱a̱ tá yichi̱ nu̱ú ña̱ kixaʼáyó kaʼviyó xíʼinna xíniñúʼu chindeé táʼanyó xíʼinna ña̱ ná chika̱a̱na ndée ña̱ kaʼyína nu̱ú tutuna.
¿NDÁA KI̱ʼVA KEʼÉYÓÑA?
-
Chinúu yichi̱ nu̱úna (Ro 2:21). Kaʼyí nu̱ú tutu miíún ta ndakanixi̱ní nda̱saa chindeé táʼanña xíʼinna (km 11/15 pág. 3). Na̱ʼa̱ tutu miíún nu̱úna.
-
Ka̱ʼa̱n xíʼinna ná kaʼyína nu̱ú tutuna. Tá xa̱a̱ káʼvi ni̱ʼún xíʼinna ka̱ʼa̱n xíʼinna nda̱chun xíniñúʼu kaʼvi kúeena chi ña̱yóʼo kúú ña̱ chindeé táʼan xíʼinna. Ka̱ʼa̱n xíʼinna ndáa ki̱ʼva tavána tiempo ña̱ keʼénaña. Sava na̱ hermano táxi naʼana tutuna ña̱ xa̱a̱ ka̱ʼyína nu̱ú ndaʼa̱ na̱ káʼvina xíʼin ña̱ va̱ʼa ná kotona nu̱úña. Ka̱ʼa̱n xíʼinna ña̱ va̱ʼaní ke̱ʼéna tá ka̱ʼyína nu̱ú tutuna.
-
Sánáʼa̱na ná kaʼyína nu̱ú tutuna. Sava na̱ publicador tá kíxaʼána káʼvina xíʼinna sánáʼa̱nana ndáa ki̱ʼva kaʼyína nu̱ú tutuna.