ÑA̱ KÁʼA̱N BIBLIA XA̱ʼA | MATEO 25
“Kundoo tu̱ʼvandó”
Ni xíʼin na̱ xi̱ndiku̱n sa̱tá ta̱ Jesús na̱ ku̱ʼu̱n chí ndiví ni̱ka̱ʼa̱nra xa̱ʼa ilustración ña̱ káʼa̱n xa̱ʼa 10 ná ñaʼá kúa̱an, saátu káʼa̱nña xíʼin ndiʼi miíyó na̱ ñuura (w15-S 15/3 pág. 12-16). “Koo tu̱ʼvandó chi va̱ása xíni̱ndó ndáa ki̱vi̱ kooña á ndáa hora kooña” (Mt 25:13). ¿Á kivi ka̱ʼún xa̱ʼa ña̱ ni̱ka̱ʼa̱n ta̱ Jesús yóʼo?
-
Ta̱a ta̱ tindaʼa̱ (v. 1): Ta̱ Jesús.
-
Ná ñaʼá ná ndíchi á ná íyo tu̱ʼva (v. 2): Na̱ ku̱ʼu̱n chí ndiví íyo tu̱ʼvana ña̱ keʼéna ndiʼi chiñu ña̱ kúúmiína ta ndáye̱ʼe̱na nda̱a̱ táki̱ʼva íyo iin ñuʼu̱ nda̱a̱ tiempo nu̱ú ndíʼi (Flp 2:15).
-
Tá kánana: “Yóʼo ki̱xa̱a̱ ta̱a ta̱ tindaʼa̱” (v. 6): Seña ña̱ kixa̱a̱ ta̱ Jesús.
-
Ná ñaʼá kíʼvi (v. 8): Na̱ ku̱ʼu̱n chí ndiví kéena ndákiʼinna ta̱ tindaʼa̱ soo va̱ása íyo tu̱ʼvana ta ndákoonara.
-
Ná ñaʼá ná ndíchi va̱ása xíínná taxiná aceitená (v. 9): Tá ná ndakiʼinna sello ña̱ so̱ndíʼi, va̱ása kuchiñuka chindeé táʼan na̱ va̱ʼa xíʼin na̱ nda̱koo ta̱ Jesús.
-
“Ki̱xa̱a̱ ta̱a ta̱ tindaʼa̱” (v. 10): Ta̱ Jesús kixa̱a̱ra ña̱ tiinra ku̱a̱chi tá ná ndiʼi ña̱ gran tribulación.
-
Ná ñaʼá ná ndíchi kíʼviná vikó ña̱ tindaʼa̱ ta ndásina yéʼé (v.10): Ta̱ Jesús ndákayara na̱ ku̱ʼu̱n chí ndiví, soo na̱ sa̱ndákoo-ñaʼá va̱ása ku̱ʼu̱nkana chi ndiví.
