29 tí abril nda̱a̱ 5 tí mayo
SALMOS 34, 35
Yaa 10 xíʼin oración | Ña̱ ka̱ʼa̱nna tá ná kixáʼa reunión (1 min.)
1. “Ndiʼi tiempo ndasakáʼnui̱ Jehová”
(10 min.)
Ni ni̱ya̱ʼa ta̱ David nu̱ú tu̱ndóʼo, ndiʼi tiempo nda̱sakáʼnura Jehová (Sl 34:1; w07-S 1/3 22 párr. 11).
Liviní xi̱ka̱ʼa̱n ta̱ David xa̱ʼa̱ Jehová ta kǒo níxi̱ka̱ʼa̱n va̱ʼaníra xa̱ʼa̱ ndiʼi ña̱ va̱ʼa ña̱ xi̱kuumiíra (Sl 34:2-4; w07-S 1/3 22 párr. 13).
Ta̱ David va̱ʼaní xi̱ndasakáʼnura Jehová, ña̱yóʼo chi̱ndeétáʼan xíʼin na̱ ki̱táʼan xíʼinra ña̱ kandíxakana Jehová (Sl 34:5; w07-S 1/3 23 párr. 15).
Tándi̱ʼi sa̱káku Jehová ta̱ David nu̱ú ta̱ Akís á ta̱ xi̱naní Abimélec, nda̱kutáʼan 400 na̱ ta̱a na̱ va̱ása va̱ʼa níxi̱kitáʼan xíʼin ta̱ Saúl xíʼinra chí desierto (1Sa 22:1, 2). Ta sananí xa̱ʼa̱ sava na̱ 400 ta̱a yóʼo nda̱kanixi̱ní ta̱ David tá ka̱ʼyíra Salmo 34.
NDAKANIXI̱NÍ XA̱ʼA̱ ÑA̱YÓʼO: “Tá ná ku̱ʼi̱n reunión ta ka̱ʼi̱n xíʼin iin na̱ hermano, ¿ndáaña kivi ka̱ʼi̱n tasaá ndasakáʼnui̱ Jehová?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
-
Sl 35:11. ¿Ndáa ki̱ʼva ni̱xi̱nu profecía yóʼo tiempo tá ni̱xi̱yo ta̱ Jesús? (w11-S 15/8 14 párr. 9).
-
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Lu 23:1-16 (th lección 5).
4. Kixáʼa natúʼun xíʼin na̱ yiví
(2 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ki̱xáʼún nátúʼun xíʼin na̱ yiví soo kǒo níkivi ka̱ʼún xíʼinna xa̱ʼa̱ Ndióxi̱ (lmd lección 1 punto 4).
5. Ndikó nu̱úna
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. (lmd lección 2 punto 4).
6. Ndakani xa̱ʼa̱ ña̱ kándíxaún
(5 min.) Escenificación. lff lección 44 punto 1-3. Ña̱ naní: ¿Á va̱ʼa ndiʼi vikó nu̱ú Ndióxi̱? (th lección 17).
Yaa 59
7. U̱ni̱ ña̱ kivi keʼéyó tasaá ndasakáʼnuyó Jehová ti̱xin reunión
(15 min.): Ka̱ʼa̱n ta ná ka̱ʼa̱nna.
Ti̱xin reunión sákuaʼayó ña̱ va̱ʼaní ndasakáʼnuyó Jehová. Ná ka̱ʼa̱nyó xa̱ʼa̱ u̱ni̱ ña̱ kivi keʼéyó.
Tá káʼa̱nyó xíʼin inkana. Tá káʼa̱nyó xíʼin inkana, ná ka̱ʼa̱nyó xíʼinna ña̱ va̱ʼaní-ini Jehová (Sl 145:1, 7). ¿Á xi̱niso̱ʼoyó ta kaʼviyó iin ña̱ va̱ʼaní chi̱ndeétáʼan xíʼinyó? ¿Á va̱ʼa xi̱niso̱ʼo na̱ yiví tá na̱túʼunyó xíʼinna xa̱ʼa̱ Ndióxi̱? Ña̱ ni̱ka̱ʼa̱n iinna á ña̱ ke̱ʼéna, ¿á chi̱ndeétáʼanña xíʼinyó? ¿Á nda̱kanda̱-iniyó tá xi̱toyó iin ña̱ʼa ña̱ i̱xava̱ʼa Ndióxi̱? Jehová kúú ta̱ táxi ndiʼi ña̱ va̱ʼa yóʼo ndaʼa̱yó (Snt 1:17). Tá ya̱chi̱ ná xa̱a̱yó reunión kivi natúʼunyó xa̱ʼa̱ ña̱yóʼo xíʼin na̱ hermano.
Tá taxiyó comentario. Ná chika̱a̱yó ndee̱ ña̱ taxiyó iin comentario ti̱xin reunión (Sl 26:12). Tá kéʼéna pregunta kivi ka̱ʼún xa̱ʼa̱ ña̱ ndáka̱tu̱ʼunna á kivi ka̱ʼún xa̱ʼa̱ inka ña̱ʼa ña̱ ku̱ndaa̱-iniún xa̱ʼa̱, ta kivi ka̱ʼún xa̱ʼa̱ ña̱ va̱xi nu̱ú iin texto, nu̱ú iin na̱ʼná. Ku̱a̱ʼá comentario ná taváyó chi tá kǒo nítaxinaña ndaʼa̱yó íyo inkaka ña̱ kivi taxiyó. Soo ná ndakaʼányó chi comentarioyó xíniñúʼu kooña 30 segundo á loʼoka tiempo, chi saá kivi taxi inka na̱ hermano comentariona (Heb 13:15).
Tá xítayó yaa ti̱xin reunión. Xíʼin ndiʼi níma̱yó ná katayó yaa nu̱ú Jehová (Sl 147:1). Sava yichi̱ kǒo taxina comentario ndaʼa̱yó chi ku̱a̱ʼání kúúyó ti̱xin congregación. Soo kiviva ndasakáʼnuyó Jehová tá ná katayó yaa nu̱úra. Sava yichi̱ túviyó ña̱ kǒo kúchiñuyó katayó, soo tá chíkaa̱níyó ndee̱ ña̱ xítayó kúsi̱íní-ini Jehová tá kéʼéyó ña̱yóʼo (2Co 8:12). Ña̱kán tá kúma̱níka ku̱ʼu̱nyó reunión ná sakúaʼa kúeeyó yaa ña̱ katana ti̱xin reunión.
Chika̱a̱ VIDEO Ña̱ káʼa̱n xa̱ʼa̱ na̱ ñuu Ndióxi̱: Historia ña̱ káʼa̱n xa̱ʼa̱ yaa ña̱ xítayó (táʼví 1). Tándi̱ʼi keʼé pregunta ña̱ va̱xi yóʼo:
¿Nda̱chun ndáyáʼviní katayó yaa ña̱ tává na̱ ñuu Ndióxi̱?
8. Estudio ña̱ congregación
(30 min.) bt cap. 9 párr. 1-7 xíʼin nu̱ú kíxáʼa táʼví 3 xíʼin recuadro ña̱ pág. 70.
