6-12 tí mayo
SALMOS 36, 37
Yaa 87 xíʼin oración | Ña̱ ka̱ʼa̱nna tá ná kixáʼa reunión (1 min.)
1. “Kǒo sa̱ún xíʼin na̱ kéʼé ña̱ va̱ása va̱ʼa”
(10 min.)
Na̱ yiví na̱ ndi̱va̱ʼa-ini sáxo̱ʼvi̱na miíyó ta íxandi̱va̱ʼana xíʼinyó (Sl 36:1-4; w17.04-S 10 párr. 4).
Tá sáa̱yó xíʼin ña̱ kéʼé na̱ ndi̱va̱ʼa-ini va̱xiní tu̱ndóʼo nu̱úyó (Sl 37:1, 7, 8; w22.06 10 párr. 10).
Ña̱ kandíxayó ña̱ káʼa̱n Jehová keʼéra chí nu̱únínu sándi̱koníña-iniyó (Sl 37:10, 11; w22.08 11 párr. 11).
NDAKANIXI̱NÍ XA̱ʼA̱ ÑA̱YÓʼO: “¿Á kíʼinníi̱ kuenta xíʼin ña̱ va̱ása va̱ʼa kéʼé na̱ yiví na̱ ndi̱va̱ʼa-ini?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
-
Sl 36:6. Tá ni̱ka̱ʼa̱n ta̱ salmista xa̱ʼa̱ Jehová ña̱ nda̱kúní íyo ña̱ kéʼéra ta íyoña nda̱a̱ táki̱ʼva íyo iin yuku̱ ña̱ liviní á ña̱ káʼnuní, ¿ndáaña xi̱kuni̱ kachira xíʼin ña̱yóʼo? (it-2-S 424).
-
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) Jn 1:1-18 (th lección 10).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. (lmd lección 1 punto 5).
5. Ndikó nu̱úna
(4 min.) NATÚʼÚN XA̱ʼA̱ NDIÓXI̱ NU̱Ú XÍKAÚN. Ka̱ʼa̱n xíʼin iin na̱ yiví na̱ kǒo níxiin kaʼvi xa̱ʼa̱ Ndióxi̱ tá ya̱chi̱ ña̱ kúni̱ún sanáʼúnna (lmd lección 9 punto 4).
6. Discurso
(5 min.) ijwbv 45. Ña̱ naní: ¿Ndáaña kúni̱ kachi Salmo 37:4? (th lección 13).
Yaa 33
7. ¿Á xa̱a̱ íyo tu̱ʼvaún tá ná kixi tu̱ndóʼo nu̱ún?
(15 min.): Ka̱ʼa̱n ta ná ka̱ʼa̱nna.
Iníísaá ñuyǐví íyo na̱ hermano na̱ yáʼa nu̱ú tu̱ndóʼo xa̱ʼa̱ ña̱ ndeéní kúun sa̱vi̱ á táan, ta xa̱ʼa̱ ña̱yóʼo xíʼi̱ na̱ veʼena, ndíʼi-xa̱ʼa̱ ña̱ kúúmiína ta saátu xóʼvi̱na xa̱ʼa̱ ña̱ va̱ása va̱ʼa kéʼé na̱ yiví (Sl 9:9, 10). Ndiʼi miíyó iin sana kivi kixi tu̱ndóʼo yóʼo nu̱úyó. Xa̱ʼa̱ ña̱kán xíniñúʼu koo tu̱ʼvayó tá ná kixi ña̱yóʼo.
Ni xa̱a̱ nda̱kaxinyó ña̱ kivi keʼéyó a soo, ¿ndáaka ña̱ xíniñúʼu keʼéyó ña̱ va̱ʼa koo tu̱ʼvayó?
-
Vií ndakanixi̱níún: Ná kǒo nandósóyó ña̱ tiempo ña̱ ndóoyó vitin ya̱ʼavayó nu̱ú tu̱ndóʼo. Ña̱kán ná ndakanixi̱níyó ndáaña kivi keʼéyó tá ná kixi tu̱ndóʼo nu̱úyó. Ná kǒo kundayáʼviní ña̱ʼa ña̱ kúúmiíyó vitin, chi tá ná kixi tu̱ndóʼo nu̱úyó chí nu̱únínu va̱ása ixayo̱ʼvi̱ña xíʼinyó ña̱ sandákooyóña tasaá kivi ka̱kuyó ta saátu chindeétáʼanyó xíʼin inkana ña̱ ka̱kuna (Gé 19:16; Sl 36:9). Ña̱kán, tá nda̱a̱ tiempo vitin kǒo ndáyáʼviní ña̱ʼa ña̱ kúúmiíyó nu̱úyó, kǒo kundi̱ʼi̱ní-iniyó xa̱ʼa̱ ña̱yóʼo tá kǒokaña kúúmiíyó (Sl 37:19).
-
Vií kutáʼún xíʼin Jehová: Ná kǒo nandósóyó chi Jehová kúni̱ra kundaara miíyó ta kúni̱ra chindeétáʼanra xíʼinyó (Sl 37:18). Ná ndakaʼányó chi ndiʼi tiempo níʼi Jehová yichi̱ nu̱ú na̱ ñuura ta ndáarana ña̱ va̱ʼa kǒo ña̱ kundoʼona ni ndíʼi-xa̱ʼa̱ ndiʼi ña̱ʼa ña̱ kúúmiína (Sl 37:23, 24; Jer 45:5).
Ña̱kán tá kándíxaníyó ña̱ mií Jehová chindeétáʼanra xíʼinyó, ña̱yóʼo sándi̱koníña-iniyó tá ná kixi tu̱ndóʼo nu̱úyó (Sl 37:39).
Chikaa̱ VIDEO Ndáa ña̱ keʼéyó ña̱ va̱ʼa koo tu̱ʼvayó tá ná ya̱ʼayó nu̱ú iin tu̱ndóʼo. Tándi̱ʼi keʼé pregunta ña̱ va̱xi yóʼo:
-
¿Ndáa ki̱ʼva chíndeétáʼan Jehová xíʼinyó tá yáʼayó nu̱ú tu̱ndóʼo?
-
¿Ndáaña xíniñúʼu keʼéyó ña̱ va̱ʼa koo tu̱ʼvayó?
-
¿Ndáa ki̱ʼva chindeétáʼanyó xíʼin na̱ ni̱ya̱ʼa nu̱ú tu̱ndóʼo?
8. Estudio ña̱ congregación
(30 min.) bt cap. 9 párr. 8-16.
