23-29 tí diciembre
SALMO 119:121-176
Yaa 31 xíʼin oración | Ña̱ ka̱ʼa̱nna tá ná kixáʼa reunión (1 min.)
1. ¿Ndáaña kivi keʼíi̱ ña̱ va̱ʼa kǒo xo̱ʼvi̱i̱?
(10 min.)
Kuniso̱ʼoyó ndiʼi ña̱ káʼa̱n Ndióxi̱ xíʼinyó (Sl 119:127; w18.06 17 párr. 5, 6).
Ná kundasíyó kuniyó ña̱ kini (Sl 119:128; w93-S 15/4 17 párr. 12).
Kuniso̱ʼoyó ña̱ káʼa̱n Jehová ta kǒo keʼéyó ña̱ kéʼé na̱ kíʼví (Sl 119:130, 133; Pr 22:3).
NDAKANIXI̱NÍ XA̱ʼA̱ ÑA̱YÓʼO: “¿Ndáaña keʼíi̱ ña̱ va̱ʼa kundasíi̱ kunii̱ ña̱ kini ta keʼíi̱ ña̱ kúni̱ Jehová?”.
2. Ná ka̱ʼa̱nyó xa̱ʼa̱ ña̱ chindeétáʼan xíʼinyó
(10 min.)
-
Sl 119:160. Nda̱a̱ táki̱ʼva káchi versículo yóʼo, ¿ndáaña kándíxayó? (w23.01 2 párr. 2).
-
¿Ndáaña ndáyáʼviní sa̱kúaʼún nu̱ú tu̱ʼun Ndióxi̱ semana yóʼo?
3. Ña̱ kaʼviyó nu̱ú tu̱ʼun Ndióxi̱
(4 min.) 2Co 3:1-18 (th lección 2).
4. Kixáʼa natúʼun xíʼin na̱ yiví
(3 min.) TÁ KU̱A̱ʼÚN VEʼE TÁ VEʼE. (lmd lección 1 punto 5).
5. Ndikó nu̱úna
(4 min.) TÁ KU̱A̱ʼÚN VEʼE TÁ VEʼE. Sanáʼa̱ na̱ yiví ndáa ki̱ʼva ndani̱ʼína ña̱ kúni̱na kunda̱a̱-inina xa̱ʼa̱ nu̱ú jw.org (lmd lección 8 punto 3).
6. Ná xa̱a̱na ndasakáʼnuna Ndióxi̱
(5 min.) Ka̱ʼa̱n xíʼin na̱ káʼviún xíʼin na̱ kǒo xáʼa̱n ni̱ʼi reunión (lmd lección 12 punto 4).
Yaa 121
7. Kǒo kundi̱ʼi̱ní-iniún xa̱ʼa̱ xu̱ʼún
(15 min.) Ka̱ʼa̱n ta ná ka̱ʼa̱nna.
Ku̱a̱ʼání na̱ yiví ña̱ ndíʼi̱ka-inina xa̱ʼa̱ kúú xu̱ʼún, ta xa̱ʼa̱ ña̱yóʼo xóʼvi̱nína ta ku̱a̱ʼání tu̱ndóʼo va̱xi nu̱úna (1Ti 6:9, 10). Ndakanixi̱ní ndáaña kivi kundoʼún tá ná kuni̱níún koo ku̱a̱ʼá xu̱ʼún:
-
Kǒo kivi kutá’an viíkaún xí’in Jehová (Mt 6:24).
-
Ndi’i tiempo kuni̱ún kuumiíún ku̱a̱ʼáka ña̱ʼa ta kǒo kindo̱o-iniún xíʼin ña̱ kúúmiíún (Ec 5:10).
-
Kamaníka kixáʼún ka̱ʼún ña̱ vatá á ña̱ to̱ʼón, ña̱ ixakuíʼnaún á ña̱ sandáʼviún inkana (Pr 28:20). Tá ná keʼún ña̱yóʼo va̱ása va̱ʼa kuniún, ta kǒo ka̱ʼa̱n va̱ʼakana xa̱ʼún ta kǒo kivika kitáʼan va̱ʼún xíʼin Jehová.
Kaʼvi Hebreos 13:5. Tándi̱ʼi keʼé pregunta ña̱ va̱xi yóʼo:
-
¿Ndáaña xíniñúʼu ndakanixi̱níyó xa̱ʼa̱ xu̱ʼún ña̱ va̱ʼa kǒo xo̱ʼvi̱níyó, ta nda̱chun?
Sana kǒo kúni̱víyó kuumiíyó ku̱a̱ʼání xu̱ʼún, soo tá kǒo xíniñúʼu viíyóña xo̱ʼvi̱níyó.
Chikaa̱ VIDEO ÑA̱ DIBUJO Vií kuniñúʼún xu̱ʼún. Tándi̱ʼi keʼé pregunta ña̱ va̱xi yóʼo:
-
¿Nda̱chun ndáyáʼviní ndakanixi̱níún ndáa ki̱ʼva kuniñúʼún xu̱ʼún?
-
¿Nda̱chun xíniñúʼu chikaa̱ va̱ʼa loʼún xu̱ʼún?
-
¿Nda̱chun kǒo xíniñúʼu kuníkáún xu̱ʼún?
8. Estudio ña̱ congregación
(30 min.) bt cap. 20 párr. 1-7, xíʼin nu̱ú kíxáʼa táʼví 7.
