Tiempo ki̱xaʼá ñuyǐví ta nda̱a̱ tiempo ko̱on sa̱vi̱ kini
Tiempo ki̱xaʼá ñuyǐví ta nda̱a̱ tiempo ko̱on sa̱vi̱ kini
¿Yukú i̱xava̱ʼa ndiví, Ñuʼú, ña̱ Ka̱ndii á Ñu̱ʼu, Yo̱o̱, ki̱mi xíʼin ndiʼika ña̱ʼa ña̱ íyo nu̱ú Ñuʼú yóʼo? Tu̱ʼun Ndióxi̱ kúú ña̱ káʼa̱n ña̱ nda̱a̱ chi káʼa̱nña xíʼinyó Ndióxi̱ kúú ta̱ i̱xava̱ʼa ndiʼi ña̱ʼa. Ña̱kán tutu yóʼo káʼa̱nña xíʼinyó xa̱ʼa ndiʼi ña̱ʼa ña̱ i̱xava̱ʼara.
Yóʼo sakuaʼayó xa̱ʼa na̱ ángel na̱yóʼo kúú na̱ nu̱ú i̱xava̱ʼa Ndióxi̱. Soo Ñuʼú yóʼo ke̱ʼéraña ña̱ kooyó nu̱úña. Ña̱kán i̱xava̱ʼa Ndióxi̱ ta̱ Adán xíʼin ñá Eva ta chi̱ndoorana nu̱ú ñuʼú livi. Soo na̱yóʼo kǒo níxiniso̱ʼona ña̱ ni̱ka̱ʼa̱n Ndióxi̱ ña̱kán va̱ása níxitakuna ndiʼi tiempo.
Ki̱vi̱ tá na̱kuva̱ʼa ta̱ Adán ta nda̱a̱ ki̱vi̱ ko̱on sa̱vi̱ kini ni̱ya̱ʼa 1,656 ku̱i̱ya̱, ta ku̱a̱ʼá na̱ yiví kini ni̱xi̱yo tiempo saá. Ta chí ndiví ni̱xi̱yo ta̱ Ndi̱va̱ʼa xíʼin na̱ xi̱táʼan xíʼinra. Ta nu̱ú Ñuʼú yóʼo ni̱xi̱yo ta̱ Caín ta saátu ni̱xi̱yo ku̱a̱ʼáka na̱ yiví na̱ xi̱keʼé ña̱ kini ta ni̱xi̱yo ta̱a súkun á náʼnu ta ndakúní ni̱xi̱yo na̱yóʼo. Soo ni̱xi̱yotu na̱ yiví va̱ʼa nu̱ú Ñuʼú yóʼo, ta̱ Abel, ta̱ Enoc xíʼin ta̱ Noé. Ti̱xin TÁʼVI 1 yóʼo sakuaʼayó xa̱ʼa ndiʼi na̱yóʼo.
ÑA̱ SECCIÓN YÓʼO
HISTORIA 1
Ndióxi̱ ki̱xaʼára i̱xava̱ʼara ña̱ʼa
Ña̱ historia ña̱ na̱kuva̱ʼa ña̱ʼa ña̱ va̱xi nu̱ú Génesis va̱ʼaní kunda̱a̱-inina xíʼinña, nda̱a̱ na̱ va̱lí va̱ʼaní kunda̱a̱-ini xíʼinña.
HISTORIA 2
Liviní Ñuʼú yóʼo
HISTORIA 3
Ndióxi̱ ki̱xaʼára i̱xava̱ʼara na̱ yiví
Ndióxi̱ i̱xava̱ʼara ta̱ Adán xíʼin ñá Eva ta chi̱ndoorana nu̱ú ñuʼú livi ña̱ Edén. Na̱yóʼo ti̱ndaʼa̱na.
HISTORIA 4
¿Nda̱chun ta̱vánana?
Ña̱ ndi̱ʼi-xa̱ʼa ñuʼú livi iin historia ña̱ va̱xi nu̱ú libro ña̱ Génesis kúúña.
HISTORIA 5
Vitin ki̱xaʼá tu̱ndóʼo nu̱úna
Tá ke̱ena nu̱ú ñuʼú livi ña̱ Edén, ta̱ Adán xíʼin ñá Eva ka̱ku na̱ va̱lí se̱ʼena. Xa̱ʼa ña̱ kǒo níxiniso̱ʼona ña̱ ni̱ka̱ʼa̱n Ndióxi̱, íyoní tu̱ndóʼo nu̱úna.
HISTORIA 6
Iin se̱ʼena ta̱ va̱ʼa ta iin ta̱ va̱ása va̱ʼa
Historia ña̱ káʼa̱n xa̱ʼa ta̱ Caín xíʼin ta̱ Abel ña̱ va̱xi nu̱ú Génesis náʼa̱ña ndáaña keʼéyó ña̱ʼa sakusi̱íyó-ini Ndióxi̱ ta ndáaña keʼéyó ta taváyó ña̱ kini ña̱ ñúʼu níma̱yó.
HISTORIA 7
Iin ta̱ ndakú-ini
Ña̱ ndakú ni̱xi̱yo ini ta̱ Enoc náʼa̱ña ña̱ kivi kooyó na̱ yiví va̱ʼa ni na̱ yiví na̱ ndóo xíʼinyó kéʼéna ña̱ kini.
HISTORIA 8
Ni̱xi̱yo na̱ yiví súkun
Génesis capítulo 6 káʼa̱nña xa̱ʼa na̱ súkun ta ku̱ndi̱va̱ʼana xíʼin na̱ yiví. Na̱ súkun, nanína nefilim, na̱yóʼo kúú se̱ʼe na̱ ángel na̱ ke̱e chí ndiví ta ni̱xi̱yona xíʼin na̱ yiví.
HISTORIA 9
Ta̱ Noé i̱xava̱ʼara iin arca
Ta̱ Noé xíʼin na̱ veʼera ni̱ka̱kuna tá ko̱on sa̱vi̱ kini. Na̱yóʼo xi̱niso̱ʼona ña̱ ni̱ka̱ʼa̱n Ndióxi̱ ta inka na̱ yiví va̱ása níxiso̱ʼona.
HISTORIA 10
Ko̱on sa̱vi̱ kini
Na̱ yiví xáku̱ndaana ña̱ káʼa̱n ta̱ Noé koon sa̱vi̱. Sákuaʼa xa̱ʼa ndáa ki̱ʼva ni̱kaku ta̱ Noé xíʼin na̱ veʼera xíʼin kití.
