KOTO ta̱ Samuel sákáara aceite xi̱ní ta̱a yóʼo. Ña̱yóʼo kúú ña̱ xi̱keʼéna xíʼin na̱ xi̱nda̱ka̱xinna kuu rey tá xi̱naʼá. Jehová ni̱ka̱ʼa̱nra xíʼin ta̱ Samuel ña̱ ná sakáara aceite xi̱ní ta̱ Saúl. Su̱ví aceite ni̱kuvi kúúrá chi aceite támi xáʼa̱n kúúrá.

Ta̱ Saúl va̱ása kándíxa-inira ña̱ va̱ʼa xa̱a̱ra kuura iin rey. ʼYi̱ʼi̱ se̱ʼe na̱ ñuu ta̱ Benjamín kúi̱, iin ñuu loʼo ña̱ ndíka̱a̱ ñuu Israelʼ, káchira xíʼin ta̱ Samuel. ʼ¿Ndachun káʼún ña̱ kui̱ rey?ʼ Jehová kúni̱ra ná kuu ta̱ Saúl rey, chi iin ta̱ loʼo vitá-ini kúúra. Xa̱ʼa ña̱yóʼo nda̱ka̱xin Jehová ta̱yóʼo ña̱ kuura rey.

Ta̱ Saúl su̱ví ta̱ ndáʼvi kúúra chi se̱ʼe na̱ ku̱i̱káva kúúra, ta súkunníra nu̱ú ndiʼi na̱ ñuu Israel ta va̱ʼaní náʼa̱ra. Ndakúníra ta kamaní xínura nu̱ú ndiʼina. Na̱ yiví kúsi̱í-inina ña̱ nda̱ka̱xin Jehová ta̱yóʼo ña̱ kuura rey. Ndiʼina káʼa̱nna: ʼTa̱yóʼo kúú reyʼ.

Na̱ kánitáʼan xíʼin na̱ ñuu Israel ndakú tá ndakúkavana nu̱úna. Sa̱kán loʼo tiempo kúú ta̱ Saúl rey, na̱ ñuu Ammón va̱xina kanitáʼanna xíʼin na̱ ñuu Israel. Soo ta̱ Saúl sa̱ndátakara ku̱a̱ʼání ta̱a na̱ ku̱ʼu̱n nu̱ú ku̱a̱chi, ta vitin ni̱kuchiñuna xíʼin na̱yóʼo. Na̱ ñuu Israel kúsi̱íní-inina xíʼin ta̱ Saúl ña̱ kúúra rey nu̱úna.

Ku̱a̱ʼá ku̱i̱ya̱ ni̱ya̱ʼa, ta̱ Saúl xíʼin na̱ ñuu Israel ni̱kuchiñuna ka̱nitáʼanna xíʼin inka na̱ ñuu. Ta̱yóʼo íyo iin se̱ʼera, Jonatán naníra ta iin ta̱ ndakú-ini kúúra. Ta̱yóʼo chíndeéra na̱ ñuu Israel, ta ku̱a̱ʼání yichi̱ ni̱kuchiñuna ka̱nitáʼanna xíʼin inka na̱ ñuu. Na̱ ñuu Filisteo ni loʼoví va̱ása kúni̱na xínina na̱ ñuu Israel. Iin ki̱vi̱ ku̱a̱ʼání na̱ ñuu Filisteo va̱xi ña̱ kanitáʼanna xíʼin na̱ ñuu Israel.

Ta̱ Samuel káʼa̱nra xíʼin ta̱ Saúl ná kundatu loʼora nda̱a̱ ná ndikó ta̱ Samuel saáví kaʼnína iin kití nu̱ú Jehová. Soo ni̱ku̱a̱chi̱va ta̱ Samuel. Ta̱ Saúl ni̱yi̱ʼvíra xi̱nira na̱ ñuu Filisteo ña̱ va̱xina kanitáʼanna xíʼinra, ta siʼnaka miíra i̱xaa kama ta xa̱ʼníra iin kití nu̱ú Jehová. Tándi̱ʼi ki̱xa̱a̱ ta̱ Samuel ta ni̱ka̱ʼa̱nra xíʼin ta̱ Saúl: ʼÑa̱ ke̱ʼún su̱ví ña̱ va̱ʼa kúúña. Vitin, Jehová ndaka̱xinra inka ta̱a ta̱ kuu rey ñuu Israelʼ.

Ni̱ya̱ʼa tiempo, ta̱ Saúl tuku kǒo níkandíxara ña̱ ni̱ka̱ʼa̱n Jehová. Ta̱ Samuel ni̱ka̱ʼa̱nra xíʼinra: ʼÑa̱ kandíxaún Jehová kúú ña̱ va̱ʼaka su̱víka ña̱ taxiún iin ndikachi míí tí va̱ʼa ndaʼa̱ra. Chi kǒo níkandíxaún ña̱ ni̱ka̱ʼa̱n Jehová, ta vitin va̱ása taxikara ña̱ kuún rey ñuu Israelʼ.

Xíʼin ña̱yóʼo sákuaʼayó, ña̱ ndáyáʼviní ña̱ kandíxayó Jehová ndiʼi tiempo. Ña̱yóʼo náʼa̱ña nu̱úyó ni na̱ yiví va̱ʼa kúúyó, kivi xa̱a̱yó nduuyó na̱ va̱ása kándíxa Jehová chi saá ndo̱ʼo ta̱ Saúl. Nda̱a̱ ni iin ki̱vi̱ ná kǒo ndoʼoyó ña̱yóʼo.