Ña̱ Biblia kǒo káʼa̱n kuitíña xa̱ʼa ña̱ ku̱u xi̱naʼá, chi káʼa̱nña xa̱ʼa ña̱ kootu chí nu̱únínuva. Ña̱kán kándíxayóña ña̱ kúúña Tu̱ʼun Ndióxi̱. Chi na̱ yiví kǒo kívi ka̱ʼa̱nna xa̱ʼa ña̱ koo chí nu̱únínu. ¿Ndáaña káʼa̱nña xa̱ʼa ña̱ koo chí nu̱únínu?

Káʼa̱nña xa̱ʼa iin guerra Ndióxi̱. Tá ná kixa̱a̱ ña̱yóʼo saá kúú ña̱ sandiʼi-xa̱ʼa Ndióxi̱ ndiʼi na̱ kéʼé ña̱ kini xíʼin ndiʼi tu̱ndóʼo ña̱ íyo nu̱ú Ñuʼú yóʼo, soo ka̱kuva na̱ kándíxañaʼá. Ta̱ Jesús ta̱ nda̱ka̱xin Ndióxi̱ kúú rey, ta̱yóʼo kúú ta̱ chindeé táʼan xíʼin na̱ yiví ña̱ si̱í kundoona, ta kǒoka kue̱ʼe̱ kiʼin miína ta ni va̱ása kuvikana.

¿Á su̱ví ña̱ nda̱a̱ kúú ña̱ kúsi̱íní-iniyó ndasalivi Ndióxi̱ nu̱ú Ñuʼú yóʼo? Soo íyo iin ña̱ xíniñúʼu keʼéyó tá kúni̱yó kooyó nu̱úña. Ña̱ historia ña̱ va̱xi nu̱ú ndíʼi libro yóʼo sakuaʼayó xa̱ʼa ndáaña xíniñúʼu keʼéyó ña̱ va̱ʼa ndakiʼinyó ku̱a̱ʼá ña̱ va̱ʼa ña̱ taxi Ndióxi̱ ndaʼa̱ na̱ ndásakáʼnu-ñaʼá. Ña̱kán kaʼvi ña̱ TÁʼVI 8 ña̱ va̱ʼa sakuaʼún xa̱ʼa ña̱ koo chi nu̱únínu ña̱ káʼa̱n Biblia xa̱ʼa.