Historia 1

1. ¿Ndáana i̱xava̱ʼa ndiʼi ña̱ʼa? ¿Á kivi ka̱ʼún xa̱ʼa iin ña̱ʼa ña̱ i̱xava̱ʼa Ndióxi̱?

2. ¿Ndáa ña̱ʼa kúú ña̱ siʼna i̱xava̱ʼa Ndióxi̱?

3. ¿Ndachun ma̱níní Ndióxi̱ ta̱ ángel ta̱ i̱xava̱ʼa nu̱úra?

4. Koto nu̱ú na̱ʼná, ¿ndáa ki̱ʼva ni̱xi̱yo Ñuʼú yóʼo tá ya̱chi̱?

5. ¿Ndáaña ke̱ʼé Ndióxi̱ ña̱ va̱ʼa kundoo na̱ yiví xíʼin kití nu̱ú Ñuʼú yóʼo?

Inka ña̱ nda̱ka̱tu̱ʼunyó:

• Kaʼvi Jeremías 10:2.

  1. Ndiʼi ña̱ ke̱ʼé Ndióxi̱, ¿ndáaña káʼa̱nña xa̱ʼara? (Isa. 40:26; Rom. 11:33.)

• Kaʼvi Colosenses 1:15-17.

  2. Tá ki̱xaʼá Jehová i̱xava̱ʼara ña̱ʼa, ¿ndáa chiñu kúú ña̱ ke̱ʼé ta̱ Jesús xíʼinra? ¿Ndáaña ndákanixi̱níún xa̱ʼa ndiʼi ña̱ ke̱ʼé ta̱ Jesús?

• Kaʼvi Génesis 1:1-10.

  3. ¿Yukú i̱xava̱ʼa Ñuʼú yóʼo? (Gén. 1:1.)

  4. ¿Ndáaña ke̱ʼé Ndióxi̱ ki̱vi̱ nu̱ú? (Gén. 1:3-5.)

  5. ¿Ndáaña ke̱ʼé Ndióxi̱ ki̱vi̱ u̱vi̱? (Gén. 1:7, 8.)

Historia 2

1. ¿Ndáa ki̱ʼva nda̱savií Ndióxi̱ Ñuʼú yóʼo ña̱ va̱ʼa kooyó nu̱úña?

2. Koto nu̱ú na̱ʼná, ku̱a̱ʼání kití i̱xava̱ʼa Ndióxi̱, ¿á kivi ka̱ʼún ki̱vi̱ savarí?

3. ¿Ndachun liviní ni̱xi̱yo ñuʼú Edén?

4. ¿Ndáa ki̱ʼva xi̱kuni̱ Ndióxi̱ koo iníísaá nu̱ú Ñuʼú yóʼo?

Inka ña̱ nda̱ka̱tu̱ʼunyó:

• Kaʼvi Génesis 1:11-25.

  1. ¿Ndáaña ke̱ʼé Ndióxi̱ ki̱vi̱ u̱ni̱? (Gén. 1:12.)

  2. ¿Ndáaña ke̱ʼé Ndióxi̱ ki̱vi̱ ku̱mí? (Gén. 1:16.)

  3. ¿Ndáa kití i̱xava̱ʼa Ndióxi̱ ki̱vi̱ u̱ʼu̱n xíʼin ki̱vi̱ i̱ñu̱? (Gén. 1:20, 21, 25.)

• Kaʼvi Génesis 2:8, 9.

  4. ¿Nda̱saa xi̱naní u̱vi̱ yitu̱n tú i̱xava̱ʼa Ndióxi̱ nu̱ú ñuʼú livi, ta ndáaña kúni̱ kachi iin iin yitu̱n yóʼo?

Historia 3

1. ¿Á iin káa na̱ʼná ña̱ va̱xi nu̱ú historia 3 xíʼin historia 2?

2. ¿Yukú i̱xava̱ʼa ta̱a ta̱ nu̱ú, ta nda̱saa xi̱naníra?

3. ¿Ndáa chiñu ta̱xi Ndióxi̱ ndaʼa̱ ta̱ Adán?

4. ¿Ndachun sa̱kúsu̱n Ndióxi̱ ta̱ Adán?

5. ¿Nda̱saa tiempo ni̱ka̱ʼa̱n Ndióxi̱ koo ta̱ Adán xíʼin ñá Eva nu̱ú Ñuʼú yóʼo? ¿Ndáa chiñu xi̱kuni̱ra keʼéna?

Inka ña̱ nda̱ka̱tu̱ʼunyó:

• Kaʼvi Salmo 83:18.

  1. ¿Nda̱saa naní Ndióxi̱, ta ndachun káʼnuka ta̱yóʼo nu̱ú ndiʼi ña̱ íyo nu̱ú Ñuʼú yóʼo? (Jer. 16:21; Dan. 4:17.)

• Kaʼvi Génesis 1:26-31.

  2. ¿Ndáaña kúú ña̱ sa̱ndíʼi Ndióxi̱ ke̱ʼéra ki̱vi̱ i̱ñu̱, ta ndachun síín ni̱xi̱yo ña̱ ke̱ʼéra ki̱vi̱ yóʼo? (Gén. 1:26.)

  3. ¿Ndáaña ni̱ka̱ʼa̱n Jehová kuxu na̱ yiví? Ta ¿ndáaña ni̱ka̱ʼa̱nra kaxáʼan tí kití? (Gén. 1:30.)

• Kaʼvi Génesis 2:7-25.

  4. ¿Ndachun va̱ʼa chi̱núu ta̱ Adán ki̱vi̱ iin iin kití? (Gén. 2:19.)

  5. ¿Nda̱saa chíndeé táʼan Génesis 2:24 xíʼinyó ña̱ va̱ʼa kúnda̱a̱-iniyó ndáaña ndákanixi̱ní Ndióxi̱ xa̱ʼa na̱ xa̱tindaʼa̱ xíʼin xa̱ʼa na̱ sándákoo-táʼan? (Mat. 19:4-6, 9.)

Historia 4

1. Koto nu̱ú na̱ʼná, ¿ndáaña ndo̱ʼo ta̱ Adán xíʼin ñá Eva?

2. ¿Ndachun tává Jehová ta̱ Adán xíʼin ñá Eva nu̱ú ñuʼú livi?

3. ¿Ndáaña ni̱ka̱ʼa̱n iin ko̱o̱ xíʼin ñá Eva?

4. ¿Ndáana sa̱káʼa̱n tí ko̱o̱ ña̱ va̱ʼa ni̱ka̱ʼa̱nrí xíʼin ñá Eva?

5. ¿Ndachun ki̱ta ta̱ Adán xíʼin ñá Eva nu̱ú ñuʼú livi?

Inka ña̱ nda̱ka̱tu̱ʼunyó:

• Kaʼvi Génesis 2:16, 17 xíʼin 3:1-13, 24.

  1. ¿Ndachun ni̱ka̱ʼa̱n vatá tí ko̱o̱ xíʼin ñá Eva xa̱ʼa Jehová? (Gén. 3:1-5; 1 Juan 5:3.)

  2. ¿Ndachun va̱ʼa chíndeé ña̱ ndo̱ʼo ñá Eva miíyó? (Fili. 4:8; Sant. 1:14, 15; 1 Juan 2:16.)

  3. Ta̱ Adán xíʼin ñá Eva, ¿ndáaña ni̱ka̱ʼa̱nna ña̱ kǒo níxiinna ndakuiinna xa̱ʼa ña̱ ke̱ʼéna? (Gén. 3:12, 13.)

  4. Na̱ querubín na̱ xi̱ndita nu̱ú ñuʼú Edén, ¿ndáaña i̱xaana ña̱ va̱ʼa ni̱ka̱ʼa̱nna xa̱ʼa Jehová ña̱ iinlá ta̱yóʼo kúú ta̱ íyo yichi̱ ña̱ kaʼndachíñura nu̱ú na̱ yiví? (Gén. 3:24.)

• Kaʼvi Revelación 12:9.

  5. ¿Nda̱saa na̱ yiví sándáʼvi ta̱ Ndi̱va̱ʼa ña̱ ná kǒo kandíxana ña̱ kaʼndachíñu Ndióxi̱ nu̱úna? (1 Juan 5:19.)

Historia 5

1. Tá ki̱ta ta̱ Adán xíʼin ñá Eva nu̱ú ñuʼú Edén, ¿á viíka xi̱ndoona saá?

2. ¿Ndáaña ndo̱ʼo ta̱ Adán xíʼin ñá Eva tá ke̱ena nu̱ú ñuʼú Edén, ta ndachun ndo̱ʼona ña̱yóʼo?

3. ¿Ndáa xa̱ʼa kúúña ndu̱chée na̱ se̱ʼe ta̱ Adán xíʼin ñá Eva ta ni̱xi̱ʼi̱na?

4. ¿Á koo tu̱ndóʼo nu̱ú ta̱ Adán xíʼin ñá Eva xíʼin se̱ʼena tá níxiniso̱ʼona ña̱ ni̱ka̱ʼa̱n Jehová xíʼinna?

5. ¿Ndáaña ndo̱ʼo ñá Eva xa̱ʼa ña̱ kǒo níxiniso̱ʼoñá ña̱ ni̱ka̱ʼa̱n Ndióxi̱?

6. ¿Nda̱saa xi̱naní na̱ se̱ʼe nu̱ú ta̱ Adán xíʼin ñá Eva?

7. ¿Ndáana kúú na̱ va̱lí na̱ va̱xi nu̱ú na̱ʼná yóʼo?

Inka ña̱ nda̱ka̱tu̱ʼunyó:

• Kaʼvi Génesis 3:16-23 xíʼin 4:1, 2.

  1. ¿Ndáa tu̱ndóʼo kúúña ki̱xi nu̱ú ta̱ Adán xíʼin ñá Eva tá ke̱ena nu̱ú ñuʼú livi? (Gén. 3:17-19; Rom. 8:20, 22.)

  2. Ki̱vi̱ ñá Eva kúni̱ kachiña “ñá táku”, ¿ndachun chi̱núu ta̱ Adán ki̱vi̱ñá saá? (Gén. 3:20.)

  3. Ni kǒo níxiniso̱ʼo ta̱ Adán xíʼin ñá Eva ña̱ ni̱ka̱ʼa̱n Ndióxi̱, ¿ndáaña ta̱xira ndaʼa̱na ña̱ kúúra iin Ndióxi̱ ta̱ va̱ʼa-ini? (Gén. 3:7, 21.)

• Kaʼvi Revelación 21:3, 4.

  4. ¿Ndáa tu̱ndóʼo kúú ña̱ kúni̱yó ndiʼi-xa̱ʼa?

Historia 6

1. ¿Ndáa chiñu ke̱ʼé ta̱ Caín ta ndáaña ke̱ʼé ta̱ Abel?

2. ¿Ndáa ña̱ʼa ta̱xi ta̱ Caín, ta ndáa ña̱ʼa ta̱xi ta̱ Abel ndaʼa̱ Jehová?

3. ¿Ndachun kúsi̱í-ini Jehová xíʼin ña̱ʼa ta̱ Abel, ta ndachun kǒo kúsi̱í-inira xíʼin ña̱ʼa ta̱ Caín?

4. ¿Ndáa ta̱a xi̱kuu ta̱ Caín, ta ndachun káʼa̱n Jehová xíʼinra ña̱ nasamara miíra?

5. ¿Ndáaña ke̱ʼé ta̱ Caín xíʼin ñanira tá ni̱xa̱ʼa̱nra xíʼinra chí yuku̱?

6. Ka̱ʼa̱n xa̱ʼa ña̱ ndo̱ʼo ta̱ Caín tándi̱ʼi xa̱ʼníra ñanira.

Inka ña̱ nda̱ka̱tu̱ʼunyó:

• Kaʼvi Génesis 4:2-26.

  1. ¿Ndáaña ni̱ka̱ʼa̱n Jehová xíʼin ta̱ Caín ndoʼora xa̱ʼa ña̱ kǒo ndíka̱a̱ ña̱ va̱ʼa inira? (Gén. 4:7.)

  2. ¿Ndáaña ni̱ka̱ʼa̱n ta̱ Caín tasaá ni̱na̱ʼa̱ra ña̱ ndíka̱a̱ níma̱ra? (Gén. 4:9.)

  3. ¿Ndáaña ndákanixi̱ní Jehová xa̱ʼa na̱ yiví na̱ xáʼní? (Gén. 4:10; Isa. 26:21.)

• Kaʼvi 1 Juan 3:11, 12.

  4. ¿Ndachun ndu̱kue̱ʼe̱ní ta̱ Caín, ta ndáaña sánáʼa̱ ña̱yóʼo miíyó vitin? (Gén. 4:4, 5; Pro. 14:30; 28:22.)

  5. ¿Ndáaña káʼa̱n Biblia xíʼinyó tá kǒo kúni̱ na̱ veʼeyó kaʼviyó tu̱ʼun Ndióxi̱, ni saáví kiviva koo ndinuʼu-iniyó xíʼinra? (Sal. 27:10; Mat. 10:21, 22.)

• Kaʼvi Juan 11:25.

  6. Tá xíʼi̱ na̱ kéʼé chiñu va̱ʼa, ¿ndáaña káʼa̱n Jehová taxira ndaʼa̱na? (Juan 5:24.)

Historia 7

1. ¿Ndáa xa̱ʼa kúú ña̱ síín ni̱xi̱yo ta̱ Enoc nu̱ú ndiʼi na̱ yiví?

2. ¿Ndachun xi̱keʼéní na̱ yiví na̱ ni̱xi̱yo tiempo ta̱ Enoc ña̱ kini?

3. Koto nu̱ú na̱ʼná, ¿ndáaña kini kúú ña̱ xi̱keʼé na̱ yiví?

4. ¿Ndachun xíniñúʼu ndakú koo ini ta̱ Enoc?

5. ¿Nda̱saa ku̱i̱ya̱ xi̱taku na̱ yiví na̱ ni̱xi̱yo tiempo ta̱ Enoc, ta nda̱saa ku̱i̱ya̱ xi̱taku miíra?

6. ¿Ndáaña ke̱ʼé na̱ yiví tándi̱ʼi ni̱xi̱ʼi̱ ta̱ Enoc?

Inka ña̱ nda̱ka̱tu̱ʼunyó:

• Kaʼvi Génesis 5:21-24, 27.

  1. ¿Á va̱ʼa xi̱táʼan ta̱ Enoc xíʼin Jehová? (Gén. 5:24.)

  2. Tu̱ʼun Ndióxi̱ káʼa̱nña xa̱ʼa iin ta̱a ta̱ ni̱xi̱yo ku̱a̱ʼá tiempo nu̱ú ndiʼina, ¿nda̱saa xi̱naníra, ta nda̱saa ku̱i̱ya̱ra tá ni̱xi̱ʼi̱ra? (Gén. 5:27.)

• Kaʼvi Génesis 6:5.

  3. ¿Á ku̱a̱ʼáka ña̱ kini ni̱xi̱yo nu̱ú Ñuʼú yóʼo tándi̱ʼi ni̱xi̱ʼi̱ ta̱ Enoc? ¿Á táki̱ʼva ni̱xi̱yo xi̱naʼá saá káa tiempo vitin? (2 Tim. 3:13.)

• Kaʼvi Hebreos 11:5.

  4. ¿Ndáaña va̱ʼa xi̱kuumií ta̱ Enoc nu̱ú Ndióxi̱, ta ndáaña va̱ʼa nda̱kiʼinra xa̱ʼa ña̱yóʼo? (Gén. 5:22.)

• Kaʼvi Judas 14, 15.

  5. ¿Ndáaña keʼéyó ña̱ va̱ʼa ndakú koo iniyó táki̱ʼva ni̱xi̱yo ta̱ Enoc ña̱ va̱ʼa ka̱ʼa̱nyó xíʼin na̱ yiví xa̱ʼa ña̱ Armagedón? (2 Tim. 4:2; Heb. 13:6.)

Historia 8

1. ¿Ndáaña ke̱ʼé sava na̱ ángel na̱ xi̱niso̱ʼo ña̱ ni̱ka̱ʼa̱n ta̱ Ndi̱va̱ʼa?

2. ¿Ndachun nda̱koo sava na̱ ángel chiñu ña̱ xi̱keʼéna chí ndiví ta ki̱xina nu̱ú Ñuʼú yóʼo?

3. ¿Ndachun va̱ása va̱ʼa ña̱ ke̱ʼé na̱ ángel ña̱ ki̱xina nu̱ú Ñuʼú yóʼo tá ndu̱una nda̱a̱ tá íyo na̱ yiví?

4. ¿Ndachun síín ni̱xi̱yo se̱ʼe na̱ ángel nu̱ú se̱ʼe na̱ yiví?

5. Koto nu̱ú na̱ʼná, ¿ndáaña ke̱ʼé na̱ se̱ʼe na̱ ángel tá xa̱ʼnuna?

6. Tá ni̱xi̱ʼi̱ ta̱ Enoc, ¿nda̱saa xi̱naní iin ta̱a va̱ʼa ta̱ ni̱xi̱yo nu̱ú Ñuʼú yóʼo, ta ndachun xi̱kuni̱ Ndióxi̱ miíra?

Inka ña̱ nda̱ka̱tu̱ʼunyó:

• Kaʼvi Génesis 6:1-8.

  1. ¿Ndáaña káchi Génesis 6:6 xa̱ʼa ña̱ kéʼéyó nu̱ú Jehová? (Sal. 78:40, 41; Pro. 27:11.)

• Kaʼvi Judas 6.

  2. ¿Ndáaña sákuaʼayó xa̱ʼa ña̱ ke̱ʼé na̱ ángel na̱ kǒo níxindaa chiñu ña̱ ta̱xi Ndióxi̱ ndaʼa̱na? (1 Cor. 3:5-9; 2 Ped. 2:4, 9, 10.)

Historia 9

1. ¿Nda̱saa xi̱kuu na̱ veʼe ta̱ Noé? ¿Nda̱saa xi̱naní iin iin ta̱a se̱ʼera?

2. ¿Ndáaña ni̱ka̱ʼa̱n Ndióxi̱ xíʼin ta̱ Noé keʼéra, ta ndachun ni̱ka̱ʼa̱nra xíʼinra keʼéraña?

3. ¿Á ka̱ndíxa na̱ yiví tá ni̱ka̱ʼa̱n ta̱ Noé xíʼinna xa̱ʼa tú arca?

4. ¿Ndáaña ni̱ka̱ʼa̱n Ndióxi̱ xíʼin ta̱ Noé keʼéra xíʼin kití?

5. Tándi̱ʼi chi̱kasi Ndióxi̱ yéʼé tú arca, ¿ndáaña ke̱ʼé ta̱ Noé xíʼin na̱ veʼera?

Inka ña̱ nda̱ka̱tu̱ʼunyó:

• Kaʼvi Génesis 6:9-22.

  1. ¿Ndáaña ke̱ʼé ta̱ Noé ta ni̱xa̱a̱ra ku̱ura iin ta̱a va̱ʼa nu̱ú Ndióxi̱? (Gén. 6:9, 22.)

  2. ¿Ndáaña káʼa̱n Jehová xa̱ʼa na̱ íxandi̱va̱ʼa xíʼin táʼan, ta nda̱saa chíndeé ña̱yóʼo miíyó? (Gén. 6:11, 12; Sal. 11:5.)

  3. ¿Ndáaña sánáʼa̱ ña̱ ke̱ʼé ta̱ Noé miíyó tá xáʼnda na̱ ñuu Ndióxi̱ chiñu nu̱úyó? (Gén. 6:22; 1 Juan 5:3.)

• Kaʼvi Génesis 7:1-9.

  4. ¿Ndáaña sákuaʼayó xíʼin ña̱ ni̱ka̱ʼa̱n Jehová xa̱ʼa ta̱ Noé ña̱ kúúra iin ta̱a va̱ʼa? (Gén. 7:1; Pro. 10:16; Isa. 26:7.)

Historia 10

1. ¿Ndachun kǒo níkivi ki̱ʼvika ni iinna ini tú arca tá ki̱xaʼá sa̱vi̱ kóonrá?

2. ¿Nda̱saa ki̱vi̱ ta nda̱saa ñu̱ú ko̱on sa̱vi̱ i̱xaa Jehová, ta nda̱a̱ ndáa míí nda̱xinuko̱o nu̱úrá?

3. ¿Ndáaña ndo̱ʼo tú arca tá nda̱kutú ti̱kui̱í nu̱ú Ñuʼú yóʼo?

4. ¿Á ni̱ka̱ku na̱ yiví náʼnu tá ko̱on sa̱vi̱ kini? ¿Ndáaña ndo̱ʼo yivá na̱yóʼo?

5. Tá ni̱ya̱ʼa u̱ʼu̱n yo̱o̱, ¿míí ni̱xa̱a̱ tú arca yóʼo xi̱nu̱únú?

6. ¿Ndachun ta̱vá ta̱ Noé iin tí saa nda̱á tí naní ti̱ka̱ká ini tú arca?

7. ¿Ndachun va̱ʼa na̱kunda̱a̱-ini ta̱ Noé ña̱ ni̱yi̱chi̱ ti̱kui̱í nu̱ú Ñuʼú yóʼo?

8. ¿Ndáaña ni̱ka̱ʼa̱n Ndióxi̱ xíʼin ta̱ Noé tá xa̱ni̱ya̱ʼa iin ku̱i̱ya̱ ndíka̱a̱ra ini tú arca xíʼin na̱ veʼera?

Inka ña̱ nda̱ka̱tu̱ʼunyó:

• Kaʼvi Génesis 7:10-24.

  1. ¿Nda̱saa ña̱ʼa ndi̱ʼi-xa̱ʼa nu̱ú Ñuʼú yóʼo? (Gén. 7:23.)

  2. ¿Nda̱saa ki̱vi̱ ni̱yi̱chi̱ ti̱kui̱í nu̱ú Ñuʼú yóʼo? (Gén. 7:24.)

• Kaʼvi Génesis 8:1-17.

  3. ¿Ndachun va̱ʼa kúnda̱a̱-iniyó xíʼin ña̱ káʼa̱n Génesis 8:17 ña̱ koo tá koova ña̱ xi̱kuni̱ Ndióxi̱ tá xa̱ʼa? (Gén. 1:22.)

• Kaʼvi 1 Pedro 3:19, 20.

  4. Tá ndi̱kó na̱ ángel na̱ xi̱ndiku̱n ta̱ Ndi̱va̱ʼa chí ndiví, ¿ndáa castigo ta̱xi Ndióxi̱ ndaʼa̱na? (Jud. 6.)

  5. Ña̱ ndo̱ʼo ta̱ Noé xíʼin na̱ veʼera, ¿nda̱saa chíndeéña miíyó ña̱ kandíxayó Jehová ña̱ va̱ʼa saka̱kura na̱ ñuura? (2 Ped. 2:9.)

Historia 11

1. Koto nu̱ú na̱ʼná, ¿ndáaña ke̱ʼé ta̱ Noé tá ki̱tara ini tú arca?

2. ¿Ndáa chiñu xa̱ʼnda Ndióxi̱ nu̱ú ta̱ Noé xíʼin na̱ veʼera tándi̱ʼi ko̱on sa̱vi̱ kini?

3. ¿Ndáaña ni̱ka̱ʼa̱n Ndióxi̱ kǒo keʼékara?

4. Tá xíniyó iin arco iris, ¿ndáaña xíniñúʼu ndakaʼányó?

Inka ña̱ nda̱ka̱tu̱ʼunyó:

• Kaʼvi Génesis 8:18-22.

  1. ¿Ndáaña xíniñúʼu keʼéyó ña̱kán va̱ʼa ndasasi̱íyó-ini Ndióxi̱? (Gén. 8:21; Heb. 13:15, 16.)

  2. ¿Ndáaña ni̱ka̱ʼa̱n Jehová xa̱ʼa ña̱ xi̱ndakani-ini na̱ yiví? ¿Ndachun xíniñúʼu kundaayó miíyó? (Gén. 8:21; Mat. 15:18, 19.)

• Kaʼvi Génesis 9:9-17.

  3. ¿Ndáaña ni̱ka̱ʼa̱n Jehová ña̱ kǒo keʼékara xíʼin na̱ ñuyǐví ni xíʼin tí kití? (Gén. 9:10, 11.)

  4. ¿Nda̱saa tiempo koo ña̱ ni̱ka̱ʼa̱n Ndióxi̱ xa̱ʼa tí arco iris? (Gén. 9:16.)

Historia 12

1. ¿Ndáa ta̱a xi̱kuu ta̱ Nemrod, ta ndáaña xi̱ndakanixi̱ní Ndióxi̱ xa̱ʼara?

2. Na̱ yiví na̱ va̱xi nu̱ú na̱ʼná yóʼo, ¿ndachun íxava̱ʼana ndo̱ʼo?

3. Veʼe ña̱ íxava̱ʼana yóʼo, ¿ndachun kǒo níkutóo Jehová ña̱yóʼo?

4. ¿Ndáaña ke̱ʼé Jehová ña̱kán kǒo níkivika saxínuna veʼe káʼnu yóʼo?

5. ¿Nda̱saa xi̱naní ñuu nu̱ú i̱xava̱ʼana veʼe káʼnu yóʼo, ta ndáaña kúni̱ kachi ki̱vi̱ña?

6. Tá ki̱xaʼá Jehová na̱samara tu̱ʼunna, ¿ndáaña ke̱ʼé na̱ yiví yóʼo?

Inka ña̱ nda̱ka̱tu̱ʼunyó:

• Kaʼvi Génesis 10:1, 8-10.

  1. Ta̱ Nemrod, ¿á ña̱ va̱ʼa kúú ña̱ ke̱ʼéra? Ta ¿ndáaña káʼa̱n Tu̱ʼun Ndióxi̱ xíʼinyó? (Pro. 3:31.)

• Kaʼvi Génesis 11:1-9.

  2. ¿Ndáa xa̱ʼa kúú ña̱ i̱xava̱ʼana veʼe káʼnu yóʼo, ta ndáa xa̱ʼa kúú ña̱ kǒo níkivika xi̱nuña? (Gén. 11:4; Pro. 16:18; Juan 5:44.)

Historia 13

1. ¿Ndáaña xi̱keʼé na̱ yiví na̱ ni̱xi̱yo ñuu Ur?

2. ¿Nda̱saa xi̱naní ta̱ va̱xi nu̱ú na̱ʼná yóʼo? ¿Ama ka̱kura? ¿Míí ni̱xi̱yora?

3. ¿Ndáaña ni̱ka̱ʼa̱n Ndióxi̱ xíʼin ta̱ Abrahán keʼéra?

4. ¿Ndáaña ke̱ʼé ta̱ Abrahán ña̱ va̱ʼa ni̱xa̱a̱ra xi̱kuura migo Ndióxi̱?

5. ¿Ndáana ku̱a̱ʼa̱n xíʼin ta̱ Abrahán tá ki̱tara ñuu Ur?

6. ¿Ndáaña ni̱ka̱ʼa̱n Ndióxi̱ xíʼin ta̱ Abrahán tá ni̱xa̱a̱ra ñuu Canaán?

7. Tá ndíka̱a̱ ta Abrahán 99 ku̱i̱ya̱ra, ¿ndáaña ni̱ka̱ʼa̱n Ndióxi̱ xíʼinra taxira ndaʼa̱ra?

Inka ña̱ nda̱ka̱tu̱ʼunyó:

• Kaʼvi Génesis 11:27-32.

  1. ¿Nda̱saa kuni ta̱ Abrahán ta̱ Lot? (Gén. 11:27.)

  2. Ni káʼa̱n Tu̱ʼun Ndióxi̱ ña̱ ta̱vá ta̱ Taré na̱ veʼera ña̱ ku̱a̱ʼa̱nna ñuu Canaán, ¿ndachun va̱ʼa xíni̱yó ta̱ Abrahán kúú ta̱ xi̱niʼi yichi̱ nu̱úna ta yukú xa̱ʼndachíñu nu̱úra? (Gén. 11:31; Hech. 7:2-4.)

• Kaʼvi Génesis 12:1-7.

  3. Tá ni̱xa̱a̱ ta̱ Abrahán ñuu Canaán, ¿ndáaña ni̱ka̱ʼa̱n Jehová xíʼinra ta saá na̱kunda̱a̱ va̱ʼaka-inira xa̱ʼa ña̱ ni̱ka̱ʼa̱nra taxira ndaʼa̱ra? (Gén. 12:7.)

• Kaʼvi Génesis 17:1-8, 15-17.

  4. Tá ndíka̱a̱ ta̱ Abrán 99 ku̱i̱ya̱ra, ¿ndachun na̱sama Ndióxi̱ ki̱vi̱ra, ta nda̱saa naníra vitin? (Gén. 17:5.)

  5. ¿Ndáaña ni̱ka̱ʼa̱n Jehová xíʼin ñá Sara ña̱ taxira ndaʼa̱ñá? (Gén. 17:15, 16.)

• Kaʼvi Génesis 18:9-19.

  6. Nu̱ú Génesis 18:19, ¿ndáaña káʼa̱n Jehová xíʼin na̱ íyo se̱ʼe ña̱ keʼéna xíʼin se̱ʼena? (Deu. 6:6, 7; Efe. 6:4.)

  7. ¿Ndáaña ke̱ʼé ñá Sara, ta ña̱yóʼo sánáʼa̱ña miíyó ña̱ kǒo kivi keʼé se̱ʼéyó ña̱ʼa nu̱ú Jehová? (Gén. 18:12, 15; Sal. 44:21.)

Historia 14

1. ¿Ndáaña ni̱ka̱ʼa̱n Ndióxi̱ xíʼin ta̱ Abrahán, ta á ni̱xi̱nu tu̱ʼun ña̱ ni̱ka̱ʼa̱nra xíʼinra?

2. Koto nu̱ú na̱ʼná, ¿ndáaña ni̱ka̱ʼa̱n Ndióxi̱ xíʼin ta̱ Abrahán ña̱ va̱ʼa xi̱tondosórara á ndinuʼu-inira kándíxarara?

3. Ni kǒo níkunda̱a̱-ini ta̱ Abrahán xa̱ʼa ña̱ ni̱ka̱ʼa̱n Ndióxi̱ xíʼinra, ta ni saáví, ¿ndáaña ke̱ʼéra?

4. ¿Ndáaña ku̱u tá ta̱vá ta̱ Abrahán yuchu̱ ña̱ kaʼníra se̱ʼera?

5. ¿Á ndinuʼu-ini ta̱ Abrahán ka̱ndíxara Ndióxi̱?

6. ¿Ndáa kití kúúrí ta̱xi Ndióxi̱ ndaʼa̱ ta̱ Abrahán ña̱ kaʼníra?

Inka ña̱ nda̱ka̱tu̱ʼunyó:

• Kaʼvi Génesis 21:1-7.

  1. ¿Ndachun xa̱ʼnda ta̱ Abrahán iin ñaʼñu loʼo nu̱ú yi̱i̱ ta̱ loʼo se̱ʼera tá ni̱xi̱nu u̱na̱ ki̱vi̱ ka̱kura? (Gén. 17:10-12; 21:4.)

• Kaʼvi Génesis 22:1-18.

  2. ¿Ndáaña ke̱ʼé ta̱ Isaac tasaá ni̱na̱ʼa̱ra ña̱ xi̱niso̱ʼora ña̱ ni̱ka̱ʼa̱n yivára? Ta, ¿ndáaña ni̱ka̱ʼa̱n ña̱yóʼo xa̱ʼa ña̱ ke̱ʼé ta̱ Jesús tá ki̱xira nu̱ú Ñuʼú yóʼo? (Gén. 22:7-9; 1 Cor. 5:7; Fili. 2:8, 9.)

Historia 15

1. ¿Ndachun ta̱ʼví-táʼan ta̱ Abrahán xíʼin ta̱ Lot?

2. ¿Ndachun ku̱tóo ta̱ Lot ña̱ koora ñuu Sodoma?

3. ¿Ndáaña xi̱keʼé na̱ yiví na̱ xi̱ndoo ñuu Sodoma?

4. ¿Ndáaña ni̱ka̱ʼa̱n u̱vi̱ na̱ ángel xíʼin ta̱ Lot?

5. ¿Ndachun ndu̱u ñá síʼí ta̱ Lot iin yu̱u̱ ña̱ ñi̱i̱n téʼe?

6. ¿Ndáaña sánáʼa̱ ña̱ ndo̱ʼo ñá síʼí ta̱ Lot miíyó?

Inka ña̱ nda̱ka̱tu̱ʼunyó:

• Kaʼvi Génesis 13:5-13.

  1. ¿Ndáaña sákuaʼayó xa̱ʼa ña̱ ke̱ʼé ta̱ Abrahán tá ki̱vi̱ íyo tu̱ndóʼo xíʼin táʼanyó? (Gén. 13:8, 9; Rom. 12:10; Fili. 2:3, 4.)

• Kaʼvi Génesis 18:20-33.

  2. Xa̱ʼa ña̱ na̱túʼun ta̱ Abrahán xíʼin Jehová, ¿ndachun va̱ʼa kúnda̱a̱-iniyó tá ki̱vi̱ kixa̱a̱ tu̱ndóʼo ñuyǐví yóʼo, Jehová xíʼin ta̱ Jesús va̱ʼa tiinna ku̱a̱chi xíʼin na̱ ñuyǐví yóʼo? (Gén. 18:25, 26; Mat. 25:31-33.)

• Kaʼvi Génesis 19:1-29.

  3. Táki̱ʼva káʼa̱n ña̱ ka̱ʼviyó yóʼo, ¿ndáaña ndákanixi̱ní Ndióxi̱ xa̱ʼa ta̱a na̱ kísi̱ xíʼin ta̱a, á ñaʼá ñá kísi̱ xíʼin ñaʼá? (Gén. 19:5, 13; Lev. 20:13.)

  4. ¿Ndáaña ke̱ʼé ta̱ Lot ta ndáaña ke̱ʼé ta̱ Abrahán tá ki̱vi̱ xa̱ʼnda Ndióxi̱ iin chiñu nu̱úna, ta ndáaña sákuaʼayó xa̱ʼa ña̱yóʼo? (Gén. 19:15, 16, 19, 20; 22:3.)

• Kaʼvi Lucas 17:28-32.

  5. ¿Ndáaña ke̱ʼé ñá síʼí ta̱ Lot xa̱ʼa ña̱ ni̱kutóoníñá ña̱ ku̱i̱ká, ta ndáaña sánáʼa̱ ña̱yóʼo miíyó? (Luc. 12:15; 17:31, 32; Mat. 6:19-21, 25.)

• Kaʼvi 2 Pedro 2:6-8.

  6. Nu̱ú ñuyǐví ndi̱va̱ʼa yóʼo, ¿ndáaña kúú ña̱ xíniñúʼu keʼéyó, tasaá va̱ʼa keʼéyó táʼan ña̱ ke̱ʼé ta̱ Lot? (Eze. 9:4; 1 Juan 2:15-17.)

Historia 16

1. ¿Nda̱saa naní ta̱a xíʼin ñá ñaʼá na̱ va̱xi nu̱ú na̱ʼná yóʼo?

2. ¿Ndáaña ke̱ʼé ta̱ Abrahán ña̱ va̱ʼa ndu̱kúra ñá síʼí se̱ʼera, ta ndachun i̱xaara saá?

3. ¿Ndáaña ke̱ʼé Jehová ña̱ va̱ʼa nda̱kuiinra ña̱ ni̱ka̱ʼa̱n ta̱ káchíñu nu̱ú ta̱ Abrahán xíʼinra?

4. ¿Ndáaña ni̱ka̱ʼa̱n ñá Rebeca tá ni̱ndaka̱tu̱ʼunnañá á kúni̱ñá tindaʼa̱ñá xíʼin ta̱ Isaac?

5. ¿Ndachun nduusi̱í tuku ini ta̱ Isaac?

Inka ña̱ nda̱ka̱tu̱ʼunyó:

• Kaʼvi Génesis 24:1-67.

  1. Tá ki̱vi̱ nda̱kutáʼan ñá Rebeca xíʼin ta̱ káchíñu nu̱ú ta̱ Abrahán yu̱ʼu̱ pozo, ¿ndáaña ke̱ʼéñá ta xíʼin ña̱yóʼo ni̱na̱ʼa̱ñá ña̱ va̱ʼa ñaʼá kúúñá? (Gén. 24:17-20; Pro. 31:17, 31.)

  2. ¿Ndáa yichi̱ kúú ña̱ sa̱ndákoo ta̱ Abrahán nu̱úyó xa̱ʼa ña̱ i̱xaara xíʼin se̱ʼera? (Gén. 24:37, 38; 1 Cor. 7:39; 2 Cor. 6:14.)

  3. ¿Ndachun xíniñúʼu taváyó tiempo ña̱ ndakanixi̱níyó xa̱ʼa Ndióxi̱ táki̱ʼva i̱xaa ta̱ Isaac? (Gén. 24:63; Sal. 77:12; Fili. 4:8.)

Historia 17

1. ¿Yukú xi̱kuu ta̱ Esaú xíʼin ta̱ Jacob, ta ndachun síín ni̱xi̱yo iin iin ta̱ va̱lí yóʼo?

2. ¿Nda̱saa ku̱i̱ya̱ ta̱ Esaú xíʼin ta̱ Jacob tá ni̱xi̱ʼi̱ xi̱ína ta̱ Abrahán?

3. ¿Ndáaña ke̱ʼé ta̱ Esaú, ta xa̱ʼa ña̱kán nda̱kava-ini yivára xíʼin siʼíra?

4. ¿Ndachun ni̱sa̱a̱ní-ini ta̱ Esaú xi̱nira ñanira ta̱ Jacob?

5. ¿Ndáa consejo ta̱xi ta̱ Isaac ndaʼa̱ ta̱ Jacob se̱ʼera?

Inka ña̱ nda̱ka̱tu̱ʼunyó:

• Kaʼvi Génesis 25:5-11, 20-34.

  1. ¿Tá kúma̱níka kaku na̱ se̱ʼe ñá Rebeca ndáaña ni̱ka̱ʼa̱n Ndióxi̱ xa̱ʼa na̱yóʼo? (Gén. 25:23.)

  2. ¿Ndáaña xi̱ndakanixi̱ní ta̱ Jacob xíʼin ta̱ Esaú xa̱ʼa ña̱ ndákiʼin na̱ káku nu̱ú? (Gén. 25:31-34.)

• Kaʼvi Génesis 26:34, 35; 27:1-46, xíʼin 28:1-5.

  3. ¿Ndáaña ke̱ʼé ta̱ Esaú ta xíʼin ña̱yóʼo ni̱na̱ʼa̱ra ña̱ kǒo ndáyáʼvi chiñu Ndióxi̱ nu̱úra? (Gén. 26:34, 35; 27:46.)

  4. Ña̱ va̱ʼa ndakiʼin ta̱ Jacob bendición Ndióxi̱, ¿ndáaña ni̱ka̱ʼa̱n yivára xíʼinra keʼéra? (Gén. 28:1-4.)

• Kaʼvi Hebreos 12:16, 17.

  5. Ña̱ ndo̱ʼo ta̱ Esaú, ¿ndáaña sánáʼa̱ ña̱yóʼo na̱ yiví na̱ kǒo ndáyáʼvi chiñu Ndióxi̱ nu̱ú?

Historia 18

1. ¿Yukú kúú ñá ñaʼá ñá va̱xi nu̱ú na̱ʼná yóʼo, ta ndáaña ke̱ʼé ta̱ Jacob ña̱ va̱ʼa chi̱ndeéra miíñá?

2. ¿Ndáaña chi̱ka̱a̱-ini ta̱ Jacob keʼéra ña̱ va̱ʼa tindaʼa̱ra xíʼin ñá Raquel?

3. ¿Ndáaña ke̱ʼé ta̱ Labán tá ki̱xa̱a̱ tiempo ña̱ tindaʼa̱ ta̱ Jacob xíʼin ñá Raquel?

4. ¿Ndáaña ke̱ʼé ta̱ Jacob ña̱ va̱ʼa tindaʼa̱ra xíʼin ñá Raquel?

Inka ña̱ nda̱ka̱tu̱ʼunyó:

• Kaʼvi Génesis 29:1-30.

  1. Ni sa̱ndáʼvi ta̱ Labán ta̱ Jacob, ¿ndáaña ni̱na̱ʼa̱ ta̱ Jacob ña̱ xi̱kuura iin ta̱a va̱ʼa, ta ndáaña sákuaʼayó xa̱ʼa ña̱yóʼo? (Gén. 25:27; 29:26-28; Mat. 5:37.)

  2. Táki̱ʼva káʼa̱n ña̱ ka̱ʼviyó xa̱ʼa ta̱ Jacob, ¿ndachun su̱ví iin kúú ña̱ kúni̱yó iin na̱ yiví xíʼin ndiʼi-iniyó, xíʼin ña̱ kúni̱yóna iin rato loʼo? (Gén. 29:18, 20, 30; Cant. de Cant. 8:6.)

  3. ¿Nda̱saa xi̱naní ku̱mí ná si̱ʼí ná ni̱xi̱yo se̱ʼe xíʼin ta̱ Jacob? (Gén. 29:23, 24, 28, 29.)

Historia 19

1. ¿Nda̱saa xi̱naní i̱ñu̱ se̱ʼe ta̱ Jacob na̱ ka̱ku xíʼin ñá síʼíra ñá nu̱ú ñá xi̱naní Lea?

2. ¿Nda̱saa xi̱naní u̱vi̱ se̱ʼe ta̱ Jacob na̱ ka̱ku xíʼin ñá Zilpa ñá xi̱kachíñu nu̱ú ñá Lea?

3. ¿Nda̱saa xi̱naní u̱vi̱ se̱ʼe ta̱ Jacob na̱ ka̱ku xíʼin ñá Bilha ñá xi̱kachíñu nu̱ú ñá Raquel?

4. ¿Nda̱saa xi̱naní u̱vi̱ saá se̱ʼe ñá Raquel, soo ndáaña ndo̱ʼo ñáyóʼo tá ka̱ku se̱ʼeñá ta u̱vi̱?

5. Koto nu̱ú na̱ʼná yóʼo, ¿nda̱saa xi̱kuu se̱ʼe ta̱ Jacob ta ndáa ñuu kúú ña̱ ki̱xi ti̱xin na̱yóʼo?

Inka ña̱ nda̱ka̱tu̱ʼunyó:

• Kaʼvi Génesis 29:32-35; 30:1-26, xíʼin 35:16-19.

  1. Táki̱ʼva káʼa̱n ña̱ ka̱ʼviyó nu̱ú va̱xi ki̱vi̱ 12 saá se̱ʼe ta̱ Jacob, ¿ndáa mií xi̱kiʼin na̱yóʼo ki̱vi̱ se̱ʼena?

• Kaʼvi Génesis 37:35.

  2. Nu̱ú Tu̱ʼun Ndióxi̱ iinláva ñá Dina káʼa̱nña xa̱ʼa, ¿ndachun va̱ʼa kúnda̱a̱-iniyó ña̱ ni̱xi̱yo ku̱a̱ʼá ná si̱ʼí se̱ʼe ta̱ Jacob? (Gén. 37:34, 35.)

Historia 20

1. ¿Ndachun kǒo níxikuni̱ ta̱ Abrahán ni ta̱ Isaac ña̱ tindaʼa̱ se̱ʼena xíʼin ná si̱ʼí ná ñuu Canaán?

2. ¿Á xi̱kuni̱ ta̱ Jacob ña̱ ndakutáʼan ñá Dina se̱ʼera xíʼin ná si̱ʼí ná ñuu Canaán?

3. ¿Nda̱saa naní ta̱ va̱xi nu̱ú na̱ʼná yóʼo ta̱ xíto nu̱ú ñá Dina, ta ndáaña kini ke̱ʼéra xíʼinñá?

4. ¿Ndáaña ke̱ʼé ta̱ Simeón xíʼin ta̱ Leví tá xi̱niso̱ʼona xa̱ʼa ña̱ ndo̱ʼo ñá Dina ku̱ʼvana?

5. ¿Á ni̱kutóo ta̱ Jacob ña̱ ke̱ʼé se̱ʼera ta̱ Simeón xíʼin ta̱ Leví?

6. ¿Ndachun ki̱xaʼá tu̱ndóʼo nu̱ú na̱ veʼe ta̱ Jacob?

Inka ña̱ nda̱ka̱tu̱ʼunyó:

• Kaʼvi Génesis 34:1-31.

  1. ¿Á iin sana kuití ni̱xa̱ʼa̱n ñá Dina xi̱toñá ná si̱ʼí ná ñuu Canaán? (Gén. 34:1).

  2. ¿Ndachun káʼa̱nyó ña̱ kúúmií loʼo ñá Dina ku̱a̱chi xa̱ʼa ña̱ ndo̱ʼoñá? (Gál. 6:7.)

  3. ¿Ndáaña xíniñúʼu keʼé na̱ va̱lí ña̱ va̱ʼa na̱ʼa̱na ña̱ ñúʼuní-inina xa̱ʼa ña̱ ndo̱ʼo ñá Dina? (Pro. 13:20; 1 Cor. 15:33; 1 Juan 5:19.)

Historia 21

1. ¿Ndachun ni̱sa̱a̱ní-ini na̱ ñani ta̱ José xi̱ninara, ta ndáaña ke̱ʼéna?

2. ¿Ndáaña kúni̱ na̱ ñani ta̱ José keʼéna xíʼinra, soo ndáaña ni̱ka̱ʼa̱n ta̱ Rubén xíʼinna?

3. ¿Ndáaña ku̱u tá ni̱ya̱ʼa sava na̱ ñuu Ismael?

4. ¿Ndáaña ke̱ʼé na̱ ñani ta̱ José ña̱ sa̱ndáʼvina yivána ña̱ ni̱xi̱ʼi̱ ta̱ José?

Inka ña̱ nda̱ka̱tu̱ʼunyó:

• Kaʼvi Génesis 37:1-35.

  1. ¿Ndáaña va̱ʼa keʼé na̱ ndíku̱n ta̱ Jesús, tasaá va̱ʼa na̱ʼa̱na ña̱ ndíku̱nna yichi̱ ta̱ José ña̱ natúʼunna xa̱ʼa na̱ kéʼé ña̱ kini ti̱xin ñuu Ndióxi̱? (Gén. 37:2; Lev. 5:1; 1 Cor. 1:11.)

  2. Na̱ ñani ta̱ José, ¿ndachun ni̱xi̱kónara? (Gén. 37:11, 18; Pro. 27:4; Sant. 3:14-16.)

  3. Xa̱ʼa ña̱ xa̱ku ta̱ Jacob tá ni̱xi̱ʼi̱ se̱ʼera, ¿ndáaña sakuaʼayó xa̱ʼa ña̱yóʼo tá xíʼi̱ iin na̱ veʼeyó? (Gén. 37:35.)

Historia 22

1. ¿Nda̱saa ku̱i̱ya̱ ndíka̱a̱ ta̱ José tá ku̱a̱ʼa̱nra xíʼinna chí ñuu Egipto, ta ndáaña ku̱u tá ni̱xa̱a̱ra kán?

2. ¿Ndachun ndíka̱a̱ ta̱ José veʼeka̱a?

3. ¿Ndáa chiñu ta̱xina ndaʼa̱ ta̱ José veʼeka̱a?

4. ¿Ndáaña ke̱ʼé ta̱ José ña̱ va̱ʼa chi̱ndeéra ta̱ xi̱taxi vino xi̱xiʼi ta̱ Faraón, ta saátu xíʼin ta̱ i̱xava̱ʼa si̱táva̱ʼa tá xi̱ñuʼuna veʼeka̱a?

5. ¿Ndáaña ku̱u tá ki̱ta ta̱ xi̱taxi vino xi̱xiʼi ta̱ Faraón veʼeka̱a?

Inka ña̱ nda̱ka̱tu̱ʼunyó:

• Kaʼvi Génesis 39:1-23.

  1. Tiempo ña̱ ni̱xi̱yo ta̱ José kǒo iin ley níxika̱ʼa̱n xa̱ʼa ña̱ va̱ása va̱ʼa ku̱su̱nna xíʼin iin na̱ xa̱tindaʼa̱, soo ¿ndáaña va̱ʼa chi̱ndeé miíra ña̱ kǒo níxiinra ku̱su̱nra xíʼin ñá síʼí ta̱ Potifar? (Gén. 2:24; 20:3; 39:9.)

• Kaʼvi Génesis 40:1-23.

  2. Natúʼún xa̱ʼa xa̱ni ña̱ ni̱xa̱ní ta̱ xi̱taxi vino xi̱xiʼi ta̱ Faraón, ta saátu xa̱ʼa ña̱ ni̱ka̱ʼa̱n Jehová xíʼin ta̱ José ña̱ ka̱ʼa̱nra xíʼin ta̱yóʼo (Gén. 40:9-13).

  3. ¿Ndáaña ni̱xa̱ní ta̱ i̱xava̱ʼa si̱táva̱ʼa, ta ndáaña kúni̱ kachi ña̱yóʼo? (Gén. 40:16-19.)

  4. Iin grupo na̱ ndinuʼu-ini káchíñu ta vií ndákanixi̱nína xa̱ʼa ña̱ keʼéna ¿ndáaña kéʼéna tiempo vitin ña̱ va̱ʼa ndíku̱nna táʼan ña̱ ke̱ʼé ta̱ José? (Gén. 40:8; Sal. 36:9; Juan 17:17; Hech. 17:2, 3.)

  5. ¿Nda̱saa chíndeé Génesis 40:20 miíyó ña̱ va̱ʼa kúnda̱a̱-iniyó á kútóo Ndióxi̱ ndasakáʼnuyó ku̱i̱ya̱yó? (Ecl. 7:1; Mar. 6:21-28.)

Historia 23

1. ¿Ndáaña ndo̱ʼo ta̱ Faraón iin ñu̱ú?

2. ¿Ndachun nda̱kaʼán ta̱ táxi vino xíʼi ta̱ Faraón xa̱ʼa ta̱ José?

3. Táki̱ʼva xítoún nu̱ú na̱ʼná yóʼo, ¿ndáaña kúú u̱vi̱ xa̱ni ni̱xa̱ní ta̱ Faraón?

4. ¿Ndáaña kúni̱ kachi u̱vi̱ saá xa̱ni káchi ta̱ José?

5. Ta̱ Faraón kúú ta̱ káʼnu nu̱ú ndiʼi na̱ ñuu Egipto, ta ¿ndachun va̱ʼa ni̱xa̱a̱ ta̱ José nda̱kundiku̱nra sa̱tá ta̱yóʼo?

6. ¿Ndachun ku̱a̱ʼa̱n na̱ ñani ta̱ José ñuu Egipto, ta ndachun kǒo níndakuninara?

7. ¿Ndáa xa̱ni ndákaʼán ta̱ José xa̱ʼa, ta ndáaña chíndeé miíra ña̱ va̱ʼa kúnda̱a̱-inira xa̱ʼa ña̱yóʼo?

Inka ña̱ nda̱ka̱tu̱ʼunyó:

• Kaʼvi Génesis 41:1-57.

  1. ¿Ndáaña ke̱ʼé ta̱ José ña̱ va̱ʼa nda̱sakáʼnura Jehová, ta na̱ ndíku̱n ta̱ Jesús ndáaña keʼéna ña̱ va̱ʼa kundiku̱nna yichi̱ ta̱ José? (Gén. 41:16, 25, 28; Mat. 5:16; 1 Ped. 2:12.)

  2. Ku̱i̱ya̱ ña̱ ni̱xi̱yo ku̱a̱ʼá ña̱ʼa kuxuna ñuu Egipto, ¿ndáa ki̱ʼva kítáʼanña xíʼin na̱ ñuu Ndióxi̱ ña̱ tiempo vitin? Ta ku̱i̱ya̱ ña̱ ni̱xi̱yo so̱ko ñuu Egipto, ¿ndáa ki̱ʼva kítáʼanña xíʼin na̱ inka veʼe-ñu̱ʼu? (Gén. 41:29, 30; Amós 8:11, 12.)

• Kaʼvi Génesis 42:1-8 xíʼin 50:20.

  3. Miíyó na̱ ndásakáʼnu Jehová, ¿á íyo ku̱a̱chi xa̱ʼa ña̱ tanduʼú yu̱ʼu̱yó á kondayiyó nu̱ú iin na̱ yiví na̱ kúúmií chiñu káʼnu tá ña̱yóʼo kúú costumbre ñuuyó? (Gén. 42:6.)

Historia 24

1. ¿Ndachun chi̱ka̱a̱ ku̱a̱chi ta̱ José ñanira ña̱ va̱xina kotona nda̱saa káa ñuu Egipto?

2. ¿Ndachun ta̱xi ta̱ Jacob ku̱a̱ʼa̱n ta̱ Benjamín se̱ʼera ñuu Egipto?

3. ¿Ndachun ndíka̱a̱ copa ta̱ José ini costa ta̱ Benjamín?

4. ¿Ndáaña káʼa̱n ta̱ Judá keʼéra ña̱ va̱ʼa ná sañána ta̱ Benjamín ña̱ ku̱ʼu̱nra nu̱ú yivára?

5. ¿Á kéʼéka na̱ ñani ta̱ José táʼan ña̱ xi̱keʼéna tá ya̱chi̱?

Inka ña̱ nda̱ka̱tu̱ʼunyó:

• Kaʼvi Génesis 42:9-38.

  1. ¿Ndachun va̱ʼaní ná ndakaʼán na̱ kúúmií chiñu xíʼin ñuu Ndióxi̱ ña̱ tiempo vitin tu̱ʼun ña̱ ni̱ka̱ʼa̱n ta̱ José ña̱ va̱xi nu̱ú Génesis 42:18? (Neh. 5:15; 2 Cor. 7:1, 2.)

• Kaʼvi Génesis 43:1-34.

  2. Ta̱ Rubén xi̱kuu se̱ʼe nu̱ú ta̱ Jacob, soo ¿ndachun va̱ʼa kúnda̱a̱-iniyó ña̱ nina ta̱ Judá kúú ta xi̱ka̱ʼa̱n xa̱ʼa na̱ ñanira? (Gén. 43:3, 8, 9; 44:14, 18; 1 Cró. 5:2.)

  3. ¿Ndáaña ke̱ʼé ta̱ José ña̱ va̱ʼa xi̱tondosóra na̱ ñanira, ta ndachun xi̱tondosórana? (Gén. 43:33, 34.)

• Kaʼvi Génesis 44:1-34.

  4. ¿Ndáaña ke̱ʼé ta̱ José ña̱ kǒo kúni̱ra ndakunina miíra? (Gén. 44:5, 15; Lev. 19:26.)

  5. ¿Ndáaña ke̱ʼé na̱ ñani ta̱ José ta xíʼin ña̱yóʼo ni̱na̱ʼa̱na ña̱ kǒo íyokana táki̱ʼva ni̱xi̱yona tá ya̱chi̱? (Gén. 44:13, 33, 34.)

Historia 25

1. ¿Ndáaña ku̱u tá ni̱ka̱ʼa̱n ta̱ José xíʼin na̱ ñanira ña̱ kúúra ta̱ José?

2. ¿Ndáa tu̱ʼun kúú ña̱ viíní ni̱ka̱ʼa̱n ta̱ José xíʼin na̱ ñanira?

3. ¿Ndáaña ni̱ka̱ʼa̱n ta̱ Faraón tá na̱kunda̱a̱-inira ña̱ kixa̱a̱ na̱ ñani ta̱ José?

4. ¿Nda̱saa xi̱kuu na̱ veʼe ta̱ Jacob tá ni̱xa̱a̱na ñuu Egipto?

5. ¿Ndáaña xi̱kuu ki̱vi̱ na̱ veʼe ta̱ Jacob, ta ndachun xi̱nanína saá?

Inka ña̱ nda̱ka̱tu̱ʼunyó:

• Kaʼvi Génesis 45:1-28.

  1. Ni ku̱a̱ʼá ña̱ ndo̱ʼo ta̱ José, Jehová chi̱ndeé táʼan xíʼinra ña̱ nda̱kiʼinra ku̱a̱ʼá ña̱ va̱ʼa, ¿ndáaña sákuaʼayó xa̱ʼa ña̱yóʼo tá íxandi̱va̱ʼana xíʼinyó? (Gén. 45:5-8; Isa. 8:10; Fili. 1:12-14.)

• Kaʼvi Génesis 46:1-27.

  2. ¿Ndáa tu̱ʼun va̱ʼa ni̱ka̱ʼa̱n Jehová xíʼin ta̱ Jacob tá ku̱a̱ʼa̱nra ñuu Egipto? (Gén. 46:1-4, koto nota nu̱ú Biblia.)

Historia 26

1. ¿Yukú xi̱kuu ta̱ Job?

2. ¿Ndáaña xi̱kuni̱ ta̱ Ndi̱va̱ʼa keʼéra xíʼin ta̱ Job? ¿Á ni̱kuchiñura xíʼin ta̱ Job?

3. ¿Ndáaña ta̱xi Jehová ke̱ʼé ta̱ Ndi̱va̱ʼa xíʼin ta̱ Job? ¿Ndachun ta̱xira ke̱ʼé ta̱ Ndi̱va̱ʼa ña̱yóʼo?

4. ¿Ndachun ni̱ka̱ʼa̱n ñá síʼí ta̱ Job xíʼinra “ka̱ʼa̱n chiʼña xíʼin Ndióxi̱ ta kuviún”? (Koto nu̱ú na̱ʼná.)

5. ¿Ndáaña va̱ʼa ta̱xi Jehová ndaʼa̱ ta̱ Job ta ndachun ta̱xiraña ndaʼa̱ra? (Koto nu̱ú inka na̱ʼná.)

6. ¿Ndáaña va̱ʼa ndakiʼinyó tá ndinuʼu-iniyó kándíxayó Jehová táki̱ʼva ni̱xi̱yo ta̱ Job?

Inka ña̱ nda̱ka̱tu̱ʼunyó:

• Kaʼvi Job 1:1-22.

  1. Ña̱ tiempo vitin, ¿ndáaña xíniñúʼu keʼé na̱ ndíku̱n ta̱ Jesús tasaá va̱ʼa keʼéna táʼan ña̱ ke̱ʼé ta̱ Job? (Job 1:1; Fili. 2:15; 2 Ped. 3:14.)

• Kaʼvi Job 2:1-13.

  2. ¿Ndachun síín nda̱kanixi̱ní ta̱ Job ta síín nda̱kanixi̱ní ñá síʼíra xa̱ʼa ña̱ i̱xaa ta̱ ndi̱va̱ʼa xíʼinna? (Job 2:9, 10; Pro. 19:3; Miq. 7:7; Mal. 3:14.)

• Kaʼvi Job 42:10-17.

  3. ¿Ndáaña va̱ʼa nda̱kiʼin ta̱ Job xíʼin ta̱ Jesús xa̱ʼa ña̱ ndinuʼu-inina ka̱ndíxana Ndióxi̱? (Job 42:12; Fili. 2:9-11.)

  4. ¿Nda̱saa chíndeéña miíyó ña̱ kúnda̱a̱-iniyó xa̱ʼa ña̱ va̱ʼa nda̱kiʼin ta̱ Job xa̱ʼa ña̱ nda̱kú ni̱xi̱yo inira xíʼin Jehová? (Job 42:10, 12; Heb. 6:10; Sant. 1:2-4, 12; 5:11.)

Historia 27

1. ¿Ndáa ta̱a kúú ta̱ níʼi yoʼo̱ va̱xi nu̱ú na̱ʼná yóʼo, ta ndáa ta̱a kúú ta̱ kánira?

2. ¿Ndáaña ndo̱ʼo na̱ ñuu Israel tá ni̱xi̱ʼi̱ ta̱ José?

3. ¿Ndachun ki̱xaʼá na̱ ñuu Egipto ni̱yi̱ʼvína na̱ ñuu Israel?

4. ¿Ndáaña ni̱ka̱ʼa̱n ta̱ Faraón xíʼin ná si̱ʼí sa̱káku se̱ʼe ná si̱ʼí ñuu Israel?

Inka ña̱ nda̱ka̱tu̱ʼunyó:

• Kaʼvi Éxodo 1:6-22.

  1. ¿Ndáaña ki̱xaʼá Jehová kéʼéra ña̱ va̱ʼa xi̱nu nu̱ú tu̱ʼun ña̱ ni̱ka̱ʼa̱nra xíʼin ta̱ Abrahán? (Éxo. 1:7; Gén. 12:2; Hech. 7:17.)

  2. ¿Nda̱saa ni̱na̱ʼa̱ ná si̱ʼí ná sa̱káku se̱ʼe ná si̱ʼí ná ñuu Israel, ña̱ i̱xato̱ʼóná Jehová? (Éxo. 1:17; Gén. 9:6.)

  3. ¿Ndáaña va̱ʼa ta̱xi Jehová ndaʼa̱ ná si̱ʼí ná sa̱káku se̱ʼe ná si̱ʼí ná ñuu Israel xa̱ʼa ña̱ nda̱kú ni̱xi̱yo ininá xíʼinra? (Éxo. 1:20, 21; Pro. 19:17.)

  4. ¿Ndáaña ke̱ʼé ta̱ Ndi̱va̱ʼa ña̱ kǒo níkuni̱ra xi̱nu tu̱ʼun ña̱ ni̱ka̱ʼa̱n Jehová xíʼin ta̱ Abrahán ña̱ ti̱xin ta̱yóʼo kixi ta̱ Jesús? (Éxo. 1:22; Mat. 2:16.)

Historia 28

1. ¿Yukú kúú ta̱ loʼo va̱xi nu̱ú na̱ʼná yóʼo ta ndáañá kúú ñá tíinra ndaʼa̱?

2. ¿Ndáaña ke̱ʼé siʼí ta̱ Moisés ña̱kán va̱ʼa kǒo níxaʼnínara?

3. ¿Ndáañá kúú ñá loʼo va̱xi nu̱ú na̱ʼná yóʼo, ta ndáañá ni̱ndo̱oñá kéʼéñá?

4. Tá nda̱niʼí ñá se̱ʼe ta̱ Faraón ta̱ lée loʼo yóʼo, ¿ndáaña ni̱ka̱ʼa̱n ñá Míriam xíʼinñá?

5. ¿Ndáaña ni̱ka̱ʼa̱n ñá se̱ʼe ta̱ Faraón xíʼin siʼí ta̱ Moisés?

Inka ña̱ nda̱ka̱tu̱ʼunyó:

• Kaʼvi Éxodo 2:1-10.

  1. ¿Ndáaña va̱ʼa sa̱náʼa̱ siʼí ta̱ Moisés miíra tá ni̱xi̱yo loʼora? ¿Ndáa yichi̱ kúúña sa̱ndákooñá nu̱ú na̱ íyo se̱ʼe tiempo vitin? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Historia 29

1. ¿Míí xa̱ʼnu ta̱ Moisés ta á kúnda̱a̱-inira ndáana kúú na̱ veʼera?

2. ¿Ndáaña ke̱ʼé ta̱ Moisés tá ndíka̱a̱ra 40 ku̱i̱ya̱?

3. ¿Ndáaña ni̱ka̱ʼa̱n ta̱ Moisés xíʼin iin ta̱ ñuu Israel tá kánira inka ta̱ Israel, ta ndáaña nda̱kuiin ta̱yóʼo?

4. ¿Ndachun xi̱nu ta̱ Moisés ta nda̱koora ñuu Egipto?

5. ¿Ndáa ñuu xi̱nu ta Moisés ku̱a̱ʼa̱nra, ta ndáana ni̱xa̱a̱ra xi̱nira ñuu kán?

6. ¿Ndáa chiñu kúú ña̱ ke̱ʼé ta Moisés u̱vi̱ xiko ku̱i̱ya̱ nu̱ú ni̱xi̱yora kán?

Inka ña̱ nda̱ka̱tu̱ʼunyó:

• Kaʼvi Éxodo 2:11-25.

  1. Ni ku̱a̱ʼá ku̱i̱ya̱ ka̱ʼvi ta̱ Moisés escuela ñuu Egipto, ¿ndáaña ke̱ʼéra tasaá ni̱na̱ʼa̱ra ña̱ ñúʼuní-inira xa̱ʼa Jehová xíʼin xa̱ʼa na̱ ñuura? (Éxo. 2:11, 12; Heb. 11:24.)

• Kaʼvi Hechos 7:22-29.

  2. ¿Ndáaña sákuaʼayó xa̱ʼa ña̱ ndo̱ʼo ta̱ Moisés tá xi̱kuni̱ra chindeé táʼanra xíʼin na̱ ñuu Israel ña̱ keena ñuu Egipto? (Hech. 7:23-25; 1 Ped. 5:6, 10.)

Historia 30

1. ¿Nda̱saa naní yuku̱ ña̱ va̱xi nu̱ú na̱ʼná yóʼo?

2. ¿Ndáa ña̱ʼa xi̱ni ta̱ Moisés tá xíkara yuku̱ xíʼin ndikachi sa̱na̱ra?

3. ¿Ndáaña ni̱ka̱ʼa̱nna xíʼin ta̱ Moisés tá ni̱kuyatinra nu̱ú níndichi yitu̱n tú xíxi̱, ta ndáana ni̱ka̱ʼa̱n xíʼinra?

4. ¿Ndáaña ni̱ka̱ʼa̱n ta̱ Moisés tá ni̱ka̱ʼa̱n Ndióxi̱ xíʼinra ña̱ ku̱ʼu̱nra tavára na̱ ñuura ñuu Egipto?

5. ¿Ndáaña ni̱ka̱ʼa̱n Ndióxi̱ xíʼin ta̱ Moisés ña̱ ka̱ʼa̱nra tá ná nda̱ka̱tu̱ʼunnara ndáana chi̱ndaʼá-ñaʼá?

6. ¿Ndáaña ke̱ʼé ta̱ Moisés tasaá ni̱na̱ʼa̱ra ña̱ chi̱ndaʼá Ndióxi̱ miíra?

Inka ña̱ nda̱ka̱tu̱ʼunyó:

• Kaʼvi Éxodo 3:1-22.

  1. ¿Ndachun va̱ʼa chíndeé táʼan ña̱ ndo̱ʼo ta̱ Moisés miíyó tasaá kúnda̱a̱-iniyó ña̱ chindeé Jehová miíyó, tá ki̱vi̱ táxi na̱ ñuu Ndióxi̱ iin chiñu ndaʼa̱yó ta kǒo kuchiñuyó keʼéyóña túvi miíyó? (Éxo. 3:11, 13; 2 Cor. 3:5, 6.)

• Kaʼvi Éxodo 4:1-20.

  2. U̱vi̱ xiko saá ku̱i̱ya̱ ña̱ ni̱xi̱yo ta̱ Moisés ñuu Madián, ¿nda̱saa va̱ʼa chi̱ndeé tiempo yóʼo miíra ña̱ ndu̱ura iin ta̱a va̱ʼa? Ta na̱ kúni̱ kuumií iin chiñu ti̱xin ñuu Ndióxi̱, ¿ndáaña sánáʼa̱ ña̱yóʼo miína? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

  3. ¿Nda̱saa chíndeé ña̱ ndo̱ʼo ta̱ Moisés miíyó tá xíniñúʼu Jehová na̱ ñuura ña̱ táxina consejo ndaʼa̱yó tá kéʼéyó iin ku̱a̱chi? (Éxo. 4:12-14; Sal. 103:14; Heb. 12:4-11.)

Historia 31

1. ¿Ndáaña ki̱xaʼá kándíxa na̱ ñuu Israel tá xi̱nina milagro ña̱ ke̱ʼé ta̱ Moisés xíʼin ta̱ Aarón?

2. Ta̱ Moisés xíʼin ta̱ Aarón, ¿ndáaña ni̱ka̱ʼa̱nna xíʼin ta̱ Faraón ta ndáaña nda̱kuiin ta̱yóʼo?

3. Koto nu̱ú na̱ʼná, ¿ndáaña ku̱u tá sa̱kána ta̱ Aarón yitu̱nra nu̱ú ñuʼú?

4. ¿Ndáa castigo ta̱xi Jehová ndaʼa̱ ta̱ Faraón ta ndáaña ke̱ʼé ta̱yóʼo?

5. Tá ni̱ya̱ʼa tu̱ndóʼo ña̱ u̱xu̱, ¿ndáaña ku̱u?

Inka ña̱ nda̱ka̱tu̱ʼunyó:

• Kaʼvi Éxodo 4:27-31 xíʼin 5:1-23.

  1. ¿Ndáaña kúni̱ kachi ta̱ Faraón xíʼin tu̱ʼun ña̱ ni̱ka̱ʼa̱nra yóʼo: ʼKǒo xíni̱i̱ Jehováʼ? (Éxo. 5:2; 1 Sam. 2:12; Rom. 1:21.)

• Kaʼvi Éxodo 6:1-13, 26-30.

  2. ¿Ndachun káʼa̱n Biblia ña̱ kǒo níxixini̱ va̱ʼa ta̱ Abrahán, ta̱ Isaac xíʼin ta̱ Jacob ndáaña kúni̱ kachi ki̱vi̱ Jehová? (Éxo. 3:13, 14; 6:3; Gén. 12:8.)

  3. ¿Nda̱saa chíndeéña miíyó ña̱ xi̱niñúʼu Jehová ta̱ Moisés, chi ta̱yóʼo nda̱kanixi̱níra ña̱ kǒo kívi keʼéra chiñu ña̱ xa̱ʼnda Ndióxi̱ nu̱úra? (Éxo. 6:12, 30; Luc. 21:13-15.)

• Kaʼvi Éxodo 7:1-13.

  4. ¿Ndáa yichi̱ va̱ʼa chi̱núu ta̱ Moisés xíʼin ta̱ Aarón nu̱ú na̱ ndásakáʼnu Ndióxi̱ tiempo vitin ña̱ va̱ása níyi̱ʼvína ña̱ ni̱xa̱ʼa̱nna nu̱ú ta̱ Faraón, tá ni̱ka̱ʼa̱nna xíʼinra xa̱ʼa ña̱ keʼé Jehová xíʼinra? (Éxo. 7:2, 3, 6; Hech. 4:29-31.)

  5. ¿Nda̱saa ni̱na̱ʼa̱ Jehová ña̱ kúúra ta̱ káʼnuka nu̱ú na̱ ndióxi̱ na̱ ñuu Egipto? (Éxo. 7:12; 1 Cró. 29:12.)

Historia 32

1. Koto nu̱ú na̱ʼná, ¿ndáaña kúú u̱ni̱ tu̱ndóʼo ña̱ siʼna ki̱xi nu̱ú na̱ ñuu Egipto i̱xaa Jehová?

2. ¿Ndachun síín ni̱xi̱yo u̱ni̱ tu̱ndóʼo ña̱ ki̱xi nu̱ú na̱ ñuu Egipto nu̱úka inka sava tu̱ndóʼo ña̱ ki̱xi kuee?

3. ¿Ndáa tu̱ndóʼo xi̱kuu ña̱ ku̱mí, ña̱ u̱ʼu̱n xíʼin ña̱ i̱ñu̱ ña̱ ki̱xi nu̱úna?

4. ¿Ndáa tu̱ndóʼo xi̱kuu ña̱ u̱xa̱, ña̱ u̱na̱ xíʼin ña̱ i̱i̱n ña̱ ki̱xi nu̱úna?

5. ¿Ndáaña ni̱ka̱ʼa̱n Jehová xíʼin na̱ ñuu Israel keʼéna tá kúma̱níka kixa̱a̱ tu̱ndóʼo ña̱ u̱xu̱?

6. ¿Ndáa tu̱ndóʼo xi̱kuu ña̱ u̱xu̱, ta ndáaña ku̱u tá ni̱ya̱ʼa tu̱ndóʼo yóʼo?

Inka ña̱ nda̱ka̱tu̱ʼunyó:

• Kaʼvi Éxodo 7:19–8:23.

  1. Na̱ su̱tu̱ na̱ xi̱keʼé magia ñuu Egipto va̱ʼava ke̱ʼéna tu̱ndóʼo ña̱ iin xíʼin ña̱ u̱vi̱ táʼan ña̱ ta̱xi Jehová, soo ¿ndáaña ni̱ka̱ʼa̱nna tá kǒo níkuchiñuna keʼéna ña̱ u̱ni̱? (Éxo. 8:18, 19; Mat. 12:24-28.)

  2. ¿Nda̱saa chi̱ndeé tu̱ndóʼo ña̱ ku̱mí ña̱ va̱ʼa na̱kunda̱a̱-inina xa̱ʼa Jehová ña̱ íyo ndéera ña̱ ndáara na̱ ñuura? Ta, ¿nda̱saa chíndeé ña̱yóʼo miíyó ña̱ ndakú koo iniyó nu̱ú tu̱ndóʼo ña̱ xa̱kuyatin va̱xi nu̱úyó? (Éxo. 8:22, 23; Rev. 7:13, 14; 2 Cró. 16:9.)

• Kaʼvi Éxodo 8:24; 9:3, 6, 10, 11, 14, 16, 23-25 xíʼin 10:13-15, 21-23.

  3. Ña̱ tiempo vitin, ¿ndáa grupo kúú na̱ káa táki̱ʼva ni̱xi̱yo ta̱ Faraón? Ta, ¿ndáa grupo kúúna iin káchi káa xíʼin na̱ su̱tu̱ na̱ xi̱keʼé magia ña̱ tiempo xi̱naʼá, ta ndáaña kǒo níkuchiñu na̱yóʼo keʼéna ta saátu na̱ ndóo vitin ndáaña kǒo kúchiñuna keʼéna? (Éxo. 8:10, 18, 19; 9:14.)

  4. Ña̱ káʼa̱n Éxodo 9:16 ¿nda̱saa chíndeéña miíyó ña̱ kunda̱a̱-iniyó ndachun táxi Jehová íyoka ta̱ Ndi̱va̱ʼa? (Rom. 9:21, 22.)

• Kaʼvi Éxodo 12:21-32.

  5. ¿Nda̱saa na̱kuchiñu ña̱ pascua ña̱ ke̱ʼé na̱ ñuu Israel sa̱kákuña ku̱a̱ʼání na̱ yiví, ta ndáaña ni̱ka̱ʼa̱n ña̱yóʼo xa̱ʼa ña̱ koo chí nu̱únínu? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Historia 33

1. ¿Nda̱saa ta̱a ñuu Israel ke̱e ñuu Egipto, ta ndáana ke̱eka xíʼinna?

2. ¿Ndáaña ke̱ʼé ta̱ Faraón tándi̱ʼi ke̱e na̱ ñuu Israel ña̱ ñuu Egipto?

3. ¿Ndáaña ke̱ʼé Jehová ña̱ va̱ʼa sa̱kákura na̱ ñuura nu̱ú na̱ ñuu Egipto?

4. ¿Ndáaña ku̱u tá nda̱niʼi ta̱ Moisés ndaʼa̱ra xíʼin tú vara nu̱ú mar Rojo, ta ndáaña ke̱ʼé na̱ ñuu Israel?

5. ¿Ndáaña ku̱u tá ni̱ki̱ʼvi na̱ ñuu Egipto ku̱a̱ʼa̱nna ini mar sa̱tá na̱ ñuu Israel?

6. ¿Ndáaña ke̱ʼé na̱ ñuu Israel ña̱ va̱ʼa ni̱na̱ʼa̱na ña̱ xi̱kusi̱íní-inina ña̱ sa̱káku Jehová miína?

Inka ña̱ nda̱ka̱tu̱ʼunyó:

• Kaʼvi Éxodo 12:33-36.

  1. Xa̱ʼa ña̱ ndo̱ʼo na̱ ñuu Israel i̱xaa na̱ ñuu Egipto, ¿ndáaña va̱ʼa nda̱kiʼinna i̱xaa Jehová? (Éxo. 3:21, 22; 12:35, 36.)

• Kaʼvi Éxodo 14:1-31.

  2. Tu̱ʼun ña̱ ni̱ka̱ʼa̱n ta̱ Moisés ña̱ va̱xi nu̱ú Éxodo 14:13, 14, ¿nda̱saa chíndeé ña̱yóʼo na̱ ñuu Jehová na̱ ndóo tiempo vitin xa̱ʼa ña̱ xi̱ku̱numí kixa̱a̱ Armagedón? (2 Cró. 20:17; Sal. 91:8.)

• Kaʼvi Éxodo 15:1-8, 20, 21.

  3. ¿Ndachun xíniñúʼu kata na̱ ñuu Jehová yaa nu̱úra? (Éxo. 15:1, 2; Sal. 105:2, 3; Rev. 15:3, 4.)

  4. ¿Ndáa yichi̱ sa̱ndákoo ñá Míriam xíʼin savaka ná si̱ʼí ñuu Israel, nu̱ú ná si̱ʼí ná ndóo tiempo vitin xa̱ʼa ña̱ xi̱taná yaa nu̱ú Jehová yu̱ʼu̱ mar Rojo? (Éxo. 15:20, 21; Sal. 68:11.)

Historia 34

1. Koto nu̱ú na̱ʼná, ¿ndáa ña̱ʼa kúú ña̱ ndákayana nu̱ú ñuʼú ta nda̱saa naníña?

2. ¿Ndáaña ni̱ka̱ʼa̱n ta̱ Moisés xíʼin na̱ ñuu Israel xa̱ʼa maná ña̱ ndakayana?

3. ¿Ndáaña ni̱ka̱ʼa̱n Jehová keʼé na̱ ñuu Israel ña̱ ki̱vi̱ i̱ñu̱ ta ndachun ni̱ka̱ʼa̱nra ña̱yóʼo?

4. ¿Ndáa milagro kúú ña̱ ke̱ʼé Jehová ki̱vi̱ i̱ñu̱ tá nda̱chiva̱ʼana maná?

5. ¿Nda̱saa tiempo ta̱xi Jehová maná xi̱xi na̱ ñuu Israel?

Inka ña̱ nda̱ka̱tu̱ʼunyó:

• Kaʼvi Éxodo 16:1-36 xíʼin Números 11:7-9.

  1. ¿Nda̱saa chíndeé Éxodo 16:8 miíyó ña̱ to̱ʼó kooyó xíʼin na̱ kúúmií chiñu ti̱xin ñuu Ndióxi̱? (Heb. 13:17.)

  2. ¿Ndáaña xi̱ka̱ʼa̱nna xíʼin na̱ ñuu Israel ndiʼi ki̱vi̱ tá xi̱ndoona nu̱ú ñuʼú yi̱chí ña̱ ná kǒo sána-inina xa̱ʼa Jehová ña̱ kíʼinra kuenta xíʼinna? (Éxo. 16:14-16, 35; Deu. 8:2, 3.)

  3. ¿Ndáaña ni̱ka̱ʼa̱n ta̱ Jesús xa̱ʼa ña̱ maná, ta nda̱saa chíndeé ña̱ ni̱ka̱ʼa̱nra miíyó tiempo vitin? (Juan 6:31-35, 40.)

• Kaʼvi Josué 5:10-12.

  4. ¿Nda̱saa ku̱i̱ya̱ xi̱xi na̱ ñuu Israel maná, ta nda̱saa xi̱tondosó Jehová na̱yóʼo xíʼin maná? ¿Ndáaña sákuaʼayó xa̱ʼa ndiʼi ña̱ ku̱u yóʼo? (Éxo. 16:35; Núm. 11:4-6; 1 Cor. 10:10, 11.)

Historia 35

1. Tá ni̱ya̱ʼa u̱vi̱ yo̱o̱ ke̱e na̱ ñuu Israel ñuu Egipto, ¿míí ni̱xa̱a̱na xi̱kundoona?

2. ¿Ndáaña kúni̱ Jehová keʼé na̱ ñuura, ta ndáaña káchina?

3. ¿Ndachun ta̱xi Jehová u̱vi̱ yu̱u̱ nu̱ú va̱xi leyra ndaʼa̱ ta̱ Moisés?

4. Su̱ví u̱xu̱ ley kuití nítaxi Ndióxi̱ ndaʼa̱ na̱ ñuu Israel, ¿ndáaka ley ta̱xira ndaʼa̱na?

5. ¿Ndáa u̱vi̱ ley kúú ña̱ ni̱ka̱ʼa̱n Jesús ndáyáʼvika?

Inka ña̱ nda̱ka̱tu̱ʼunyó:

• Kaʼvi Éxodo 19:1-25; 20:1-21; 24:12-18, xíʼin 31:18.

  1. ¿Nda̱saa chíndeé ña̱ káʼa̱n Éxodo 19:8 ña̱ va̱ʼa kúnda̱a̱-iniyó ndáaña xíniñúʼu keʼéyó na̱ xa̱nda̱kuchi? (Mat. 16:24; 1 Ped. 4:1-3.)

• Kaʼvi Deuteronomio 6:4-6; Levítico 19:18, xíʼin Mateo 22:36-40.

  2. ¿Nda̱saa náʼa̱ na̱ ndíku̱n ta̱ Jesús ña̱ ndixa kúʼvi̱-inina xínina Ndióxi̱ xíʼin na̱ yiví? (Mar. 6:34; Hech. 4:20; Rom. 15:2.)

Historia 36

1. ¿Ndáaña kéʼé na̱ yiví na̱ va̱xi nu̱ú na̱ʼná yóʼo, ta ndachun kéʼéna ña̱yóʼo?

2. ¿Ndachun ni̱sa̱a̱ Jehová, ta ndáaña ke̱ʼé ta̱ Moisés tá xi̱nira ña̱ kéʼé na̱ yiví?

3. ¿Ndáaña ni̱ka̱ʼa̱n ta̱ Moisés xíʼin sava ta̱a keʼéna?

4. ¿Ndáaña sákuaʼayó xa̱ʼa ña̱yóʼo?

Inka ña̱ nda̱ka̱tu̱ʼunyó:

• Kaʼvi Éxodo 32:1-35.

  1. ¿Ndáaña káʼa̱n ña̱ ka̱ʼviyó yóʼo xa̱ʼa ña̱ ndákanixi̱ní Jehová xa̱ʼa ña̱ ndasakáyó ña̱ káʼa̱nra xíʼin ña̱ sánáʼa̱ na̱ veʼe-ñu̱ʼu vatá? (Éxo. 32:4-6, 10; 1 Cor. 10:7, 11.)

  2. ¿Ndáaña xíniñúʼu kiʼinyó kuenta xíʼin tá ndáka̱xinyó iin ña̱ kútóoyó keʼéyó tá kúú tá ndáka̱xinyó yaa ña̱ kuniso̱ʼoyó á ña̱ tixaʼayó? (Éxo. 32:18, 19; Efe. 5:15, 16; 1 Juan 2:15-17.)

  3. ¿Ndáa yichi̱ kúú ña̱ nda̱koo na̱ ñuu ta̱ Leví xa̱ʼa ña̱ ke̱ʼéna ña̱ ni̱ka̱ʼa̱n ta̱ Moisés xíʼinna? (Éxo. 32:25-28; Sal. 18:25.)

Historia 37

1. ¿Nda̱saa naní veʼe ña̱ va̱xi nu̱ú na̱ʼná yóʼo, ta ndachun kooña nu̱úna?

2. ¿Ndachun ni̱ka̱ʼa̱n Jehová xíʼin ta̱ Moisés ña̱ ná kǒo keʼé kútuna veʼe ña̱kán va̱ʼa kaninaña?

3. ¿Ndáa caja kúú ña̱ va̱xi ini cuarto loʼo yóʼo ta ndáa ña̱ʼa kúúña ñúʼu iniña?

4. ¿Yukú ta̱ nda̱ka̱xin Jehová ña̱ koora su̱tu̱ káʼnu, ta ndáa chiñu kúú ña̱ keʼé ta̱yóʼo?

5. ¿Ndáaña kúú u̱ni̱ ña̱ʼa ña̱ ñúʼu ini cuarto káʼnu?

6. ¿Ndáa u̱vi̱ ña̱ʼa kúú ña̱ íyo chí yéʼé á chí ke̱ʼe ña̱ veʼe yóʼo?

Inka ña̱ nda̱ka̱tu̱ʼunyó:

• Kaʼvi Éxodo 25:8-40; 26:1-37; 27:1-8, xíʼin 28:1.

  1. ¿Ndáaña kúni̱ káchi ña̱ xi̱ndosó na̱ querubín sa̱tá caja naní caja ña̱ trato ña̱ chíka̱a̱ Ndióxi̱ xíʼinna? (Éxo. 25:20, 22; Núm. 7:89; 2 Rey. 19:15.)

• Kaʼvi Éxodo 30:1-10, 17-21; 34:1, 2, xíʼin Hebreos 9:1-5.

  2. ¿Ndachun ni̱ka̱ʼa̱n Jehová ña̱ kǒo kúni̱ra koo ya̱kua̱ na̱ su̱tu̱ na̱ xi̱kachíñu nu̱úra ña̱ tabernáculo? ¿Ndáaña sánáʼa̱ ña̱yóʼo miíyó? (Éxo. 30:18-21; 40:30, 31; Heb. 10:22.)

  3. ¿Ndachun ni̱ka̱ʼa̱n ta̱ Pablo xa̱ʼa ña̱ tabernáculo xíʼin xa̱ʼa ley ña̱ ta̱xi Ndióxi̱ ndaʼa̱ ta̱ Moisés ña̱ xa̱ndi̱ʼi-xa̱ʼa ña̱yóʼo tá ki̱vi̱ ka̱ʼyíra carta ku̱a̱ʼa̱n nu̱ú na̱ ñuu Hebreo na̱ xi̱ndiku̱n ta̱ Jesús? (Heb. 9:1, 9; 10:1.)

Historia 38

1. ¿Á livi náʼa̱ tí uva tí va̱xi nu̱ú na̱ʼná yóʼo? ¿Míí ni̱xa̱ʼa̱nna xa̱ʼarí?

2. ¿Ndachun chi̱ndaʼá ta̱ Moisés u̱xu̱ u̱vi̱ ta̱a ku̱a̱ʼa̱nna koto se̱ʼéna ñuu Canaán?

3. ¿Ndáaña káchi u̱xu̱ na̱ ni̱xa̱ʼa̱n ñuu Canaán xíʼin ta̱ Moisés?

4. ¿Nda̱saa naní inka u̱vi̱ na̱ ni̱xa̱ʼa̱n ñuu Canaán? ¿Ndáaña ni̱ka̱ʼa̱nna tasaá ni̱na̱ʼa̱na ña̱ kándíxana Jehová?

5. ¿Ndachun ni̱sa̱a̱ Jehová ta ndáaña ni̱ka̱ʼa̱nra xíʼin ta̱ Moisés?

Inka ña̱ nda̱ka̱tu̱ʼunyó:

• Kaʼvi Números 13:1-33.

  1. ¿Yukú na̱ nda̱ka̱xin Jehová ña̱ ku̱ʼu̱nna koto se̱ʼéna ñuu Canaán ta ndáa ña̱ʼa kúú ña̱ nda̱kiʼinna xa̱ʼa ña̱yóʼo? (Núm. 13:2, 3, 18-20.)

  2. ¿Ndachun síín nda̱kanixi̱ní ta̱ Josué xíʼin ta̱ Caleb nu̱ú inka u̱xu̱na, ta ndáaña sákuaʼayó xa̱ʼa ña̱yóʼo? (Núm. 13:28-30; Mat. 17:20; 2 Cor. 5:7.)

• Kaʼvi Números 14:1-38.

  3. ¿Ndáa tu̱ʼun ña̱ va̱xi nu̱ú Biblia kúú ña̱ xíniñúʼu kundika xi̱níyó xa̱ʼa ña̱ va̱ása va̱ʼa ka̱ʼa̱n kúáchiyó xa̱ʼa na̱ kúúmií chiñu ti̱xin ñuu Ndióxi̱? (Núm. 14:2, 3, 27; Mat. 25:40, 45; 1 Cor. 10:10.)

  4. Números 14:24, ¿ndáaña káʼa̱n ña̱yóʼo xa̱ʼa ña̱ ndíʼi̱-ini Jehová xa̱ʼa tá iin iinyó? (1 Rey. 19:18; Pro. 15:3.)

Historia 39

1. ¿Ndáana kúú na̱ ni̱ka̱ʼa̱n ndi̱va̱ʼa xa̱ʼa ta̱ Moisés xíʼin xa̱ʼa ta̱ Aarón, ta ndáaña ni̱ka̱ʼa̱nna xíʼin ta̱ Moisés?

2. ¿Ndáaña ni̱ka̱ʼa̱n ta̱ Moisés xíʼin ta̱ Coré ta xíʼin 250 na̱ xi̱táʼan xíʼinra?

3. ¿Ndáaña ni̱ka̱ʼa̱n ta̱ Moisés xíʼin na̱ ñuu Israel, ta ndáaña ku̱u tándi̱ʼi ni̱ka̱ʼa̱nra xíʼinna?

4. ¿Ndáaña ndo̱ʼo ta̱ Coré xíʼin na̱ 250 na̱ xi̱táʼan xíʼinra?

5. ¿Ndáaña ke̱ʼé ta̱ Eleazar se̱ʼe ta̱ Aarón xíʼin ka̱a ni̱chiʼma na̱ ni̱xi̱ʼi̱, ta ndachun ke̱ʼéra ña̱yóʼo?

6. Koto nu̱ú na̱ʼná, ¿ndachun xa̱a yita ndaʼa̱ tú vara ta̱ Aarón i̱xaa Jehová?

Inka ña̱ nda̱ka̱tu̱ʼunyó:

• Kaʼvi Números 16:1-49.

  1. ¿Ndáaña ke̱ʼé ta̱ Coré xíʼin na̱ xi̱táʼan xíʼinra, ta ndachun kǒo ní íxato̱ʼóna Jehová ña̱ kaʼndara chiñu nu̱úna? (Núm. 16:9, 10, 18; Lev. 10:1, 2; Pro. 11:2.)

  2. ¿Ndáaña kúú ña̱ nda̱kanixi̱ní ta̱ Coré xíʼin na̱ 250 xi̱táʼan xíʼinra? (Núm. 16:1-3; Pro. 15:33; Isa. 49:7.)

• Kaʼvi Números 17:1-11 xíʼin 26:10.

  3. ¿Ndáaña kúni̱ kachi ña̱ xa̱a yita ndaʼa̱ tú vara ta̱ Aarón, ta ndachun ni̱ka̱ʼa̱n Jehová ña̱ chika̱a̱nanú ini arca? (Núm. 17:5, 8, 10.)

  4. ¿Ndáaña sakuaʼayó xa̱ʼa ña̱ xa̱a yita ndaʼa̱ tú vara ta̱ Aarón? (Núm. 17:10; Hech. 20:28; Fili. 2:14; Heb. 13:17.)

Historia 40

1. ¿Ndáaña ke̱ʼé Jehová ña̱ va̱ʼa xi̱ndaara na̱ ñuura tá xi̱ndoona nu̱ú ñuʼú yi̱chí?

2. ¿Ndáaña xi̱ka̱ʼa̱n kúáchi na̱ ñuu Israel xa̱ʼa tá xi̱ndoona Qadés?

3. ¿Ndáaña ke̱ʼé Jehová ña̱ va̱ʼa ta̱xira ti̱kui̱í xi̱ʼi na̱ ñuu Israel xíʼin kití sa̱na̱na?

4. ¿Nda̱saa naní ta̱ náʼa̱ ndaʼa̱ miíra, ta ndachun náʼa̱ ndaʼa̱ra miíra?

5. Koto nu̱ú na̱ʼná, ¿ndachun ni̱sa̱a̱ Jehová xíʼin ta̱ Moisés xíʼin ta̱ Aarón, ta ndáa castigo ta̱xira ndaʼa̱na?

6. ¿Ndáaña ku̱u nu̱ú yuku̱ ña̱ naní Hor, ta ndáana ni̱xa̱a̱ ndu̱u su̱tu̱ káʼnu?

Inka ña̱ nda̱ka̱tu̱ʼunyó:

• Kaʼvi Números 20:1-13, 22-29 xíʼin Deuteronomio 29:5.

  1. ¿Ndáaña sákuaʼayó xa̱ʼa ña̱ va̱ʼaní xi̱ndaa Jehová na̱ ñuu Israel nu̱ú ñuʼú yi̱chí? (Deu. 29:5; Mat. 6:31; Heb. 13:5; Sant. 1:17.)

  2. ¿Ndáaña ni̱ka̱ʼa̱n Jehová xíʼin ta̱ Moisés xíʼin ta̱ Aarón xa̱ʼa ña̱ kǒo níndasakáʼnunara nu̱ú na̱ ñuu Israel? (Núm. 20:12; 1 Cor. 10:12; Rev. 4:11.)

  3. ¿Ndáaña sákuaʼayó xa̱ʼa ta̱ Moisés xíʼin ña̱ ke̱ʼéra tá nda̱kiʼinra consejo nu̱ú Jehová? (Núm. 12:3; 20:12, 27, 28; Deu. 32:4; Heb. 12:7-11.)

Historia 41

1. ¿Ndáaña kúú ña̱ ni̱su̱ku̱nndu sa̱tá yitu̱n tú va̱xi nu̱ú na̱ʼná yóʼo, ta ndachun ni̱ka̱ʼa̱n Jehová xíʼin ta̱ Moisés ña̱ chinúuraña nu̱ú yitu̱n?

2. ¿Ndáaña ke̱ʼé na̱ yiví ta xíʼin ña̱yóʼo ni̱na̱ʼa̱na ña̱ kǒo níkusi̱í-inina ña̱ xi̱ndaa Jehová miína?

3. Tá chi̱ndaʼá Jehová ko̱o̱ ku̱a̱ʼa̱n nu̱úna, ¿ndáaña ni̱ka̱ʼa̱nna xíʼin ta̱ Moisés ña̱ ka̱ʼa̱nra xíʼin Jehová?

4. ¿Ndachun ni̱ka̱ʼa̱n Jehová xíʼin ta̱ Moisés ña̱ ná keʼéra iin ko̱o̱ tí ka̱a?

5. ¿Ndáaña sánáʼa̱ ña̱yóʼo miíyó?

Inka ña̱ nda̱ka̱tu̱ʼunyó:

• Kaʼvi Números 21:4-9.

  1. ¿Ndáaña sákuaʼayó xa̱ʼa ña̱ ke̱ʼé na̱ ñuu Israel ña̱ ni̱ka̱ʼa̱n ndi̱va̱ʼana xa̱ʼa ña̱ʼa ña̱ ta̱xi Jehová ndaʼa̱na? (Núm. 21:5, 6; Rom. 2:4.)

  2. Tá ni̱ya̱ʼa tiempo, ¿ndáaña i̱xaa na̱ ñuu Israel xíʼin ko̱o̱ tí ka̱a, ta ndáaña ke̱ʼé ta̱ rey Ezequías? (Núm. 21:9; 2 Rey. 18:1-4.)

• Kaʼvi Juan 3:14, 15.

  3. ¿Ndáaña kúni̱ kachi ña̱ su̱kúnnduuna tí ko̱o̱ sa̱tá yitu̱n xíʼin ña̱ xi̱tikaa ta̱ Jesús ndaʼa̱ yitu̱n tá ni̱xi̱ʼi̱ra? (Gál. 3:13; 1 Ped. 2:24.)

Historia 42

1. ¿Yukú xi̱kuu ta̱ Balac? ¿Ndachun chi̱ndaʼára na̱ káchíñu nu̱úra ña̱ ku̱a̱ʼa̱nna nandukúna ta̱ Balaam?

2. ¿Ndachun ndu̱va tí burro sa̱na̱ ta̱ Balaam yichi̱?

3. ¿Ndáaña xi̱niso̱ʼo ta̱ Balaam ni̱ka̱ʼa̱n tí burro xíʼinra?

4. ¿Ndáaña ni̱ka̱ʼa̱n iin ángel xíʼin ta̱ Balaam?

5. ¿Ndáaña ku̱u tá xi̱kuni̱ ta̱ Balaam chika̱a̱ra chiʼña sa̱tá na̱ ñuu Israel?

Inka ña̱ nda̱ka̱tu̱ʼunyó:

• Kaʼvi Números 21:21-35.

  1. ¿Ndachun ni̱kuchiñu na̱ ñuu Israel ka̱nitáʼanna xíʼin ta̱ Sehón, ta̱ rey na̱ ñuu amorreo xíʼin ta̱ Og ta̱ rey na̱ ñuu Basán? (Núm. 21:21, 23, 33, 34.)

• Kaʼvi Números 22:1-40.

  2. ¿Ndachun xi̱kuni̱ ta̱ Balaam chika̱a̱ra chiʼña sa̱tá na̱ ñuu Israel, ta ndáaña sákuaʼayó xa̱ʼa ña̱yóʼo? (Núm. 22:16, 17; Pro. 6:16, 18; 2 Ped. 2:15; Jud. 11.)

• Kaʼvi Números 23:1-30.

  3. Ni xi̱ka̱ʼa̱n ta̱ Balaam táki̱ʼva káʼa̱n iin na̱ ndásakáʼnu Jehová, ¿ndáaña ni̱na̱ʼa̱ra xíʼin ña̱ ke̱ʼéra? (Núm. 23:3, 11-14; 1 Sam. 15:22.)

• Kaʼvi Números 24:1-25.

  4. ¿Nda̱saa va̱ʼa chíndeé ña̱ sa̱kuaʼayó yóʼo miíyó, ña̱ xínu nu̱ú tu̱ʼun káʼa̱n Jehová? (Núm. 24:10; Isa. 54:17.)

Historia 43

1. ¿Ndáana kúú u̱vi̱ ta̱a ndíta xíʼin ta̱ Moisés nu̱ú na̱ʼná yóʼo?

2. ¿Ndáaña ni̱ka̱ʼa̱n Jehová xíʼin ta̱ Josué?

3. ¿Ndachun nda̱a ta̱ Moisés xi̱ní xi̱kí ña̱ naní Nebo, ta ndáaña ni̱ka̱ʼa̱n Jehová xíʼinra?

4. ¿Nda̱saa ku̱i̱ya̱ ta̱ Moisés tá ni̱xi̱ʼi̱ra?

5. ¿Ndachun ni̱kusuchí-ini na̱ ñuu Israel, ta ndáa xa̱ʼa kúúña kúsi̱í tuku inina vitin?

Inka ña̱ nda̱ka̱tu̱ʼunyó:

• Kaʼvi Números 27:12-23.

  1. ¿Ndáa chiñu káʼnu ta̱xi Jehová ndaʼa̱ ta̱ Josué, ta nda̱saa ndíʼi̱-ini Jehová xa̱ʼa na̱ ñuura vitin? (Núm. 27:15-19; Hech. 20:28; Heb. 13:7.)

• Kaʼvi Deuteronomio 3:23-29.

  2. ¿Ndachun kǒo nítaxi Jehová ndi̱ʼvi ta̱ Moisés xíʼin ta̱ Aarón nu̱ú ñuʼú Canaán, ta ndáaña sákuaʼayó xa̱ʼa ña̱yóʼo? (Deu. 3:25-27; Núm. 20:12, 13.)

• Kaʼvi Deuteronomio 31:1-8, 14-23.

  3. Tá ni̱nda̱ayí ta̱ Moisés na̱ ñuu Israel, ¿nda̱saa náʼa̱ tu̱ʼun ni̱ka̱ʼa̱nra ña̱ nda̱kiʼinra consejo Jehová? (Deu. 31:6-8, 23.)

• Kaʼvi Deuteronomio 32:45-52.

  4. ¿Nda̱saa va̱ʼa chíndeé Tu̱ʼun Ndióxi̱ miíyó? (Deu. 32:47; Lev. 18:5; Heb. 4:12.)

• Kaʼvi Deuteronomio 34:1-12.

  5. Ni kǒo níxa̱a̱ ta̱ Moisés kuni tákura Jehová, ¿ndáaña káʼa̱n Deuteronomio 34:10 ña̱ va̱ʼa xi̱táʼanra xíʼinra? (Éxo. 33:11, 20; Núm. 12:8.)

Historia 44

1. ¿Nda̱saa naní ñuu ñá Rahab?

2. ¿Ndáana kúú ta̱a na̱ va̱xi nu̱ú na̱ʼná yóʼo, ta ndachun ki̱xa̱a̱na ñuu Jericó?

3. ¿Ndáaña ni̱ka̱ʼa̱n ta̱ rey Jericó xíʼin ñá Rahab ta ndáaña nda̱kuiinñá?

4. ¿Ndáaña ke̱ʼé ñá Rahab ña̱ va̱ʼa chi̱ndeéñá u̱vi̱ ta̱a yóʼo ta ndáaña ma̱ní ndu̱kúñá nu̱úna?

5. ¿Ndáaña ni̱ka̱ʼa̱n u̱vi̱ ta̱a yóʼo xíʼin ñá Rahab?

Inka ña̱ nda̱ka̱tu̱ʼunyó:

• Kaʼvi Josué 2:1-24.

  1. ¿Nda̱saa ni̱xi̱nu tu̱ʼun ña̱ ni̱ka̱ʼa̱n Jehová ña̱ va̱xi nu̱ú Éxodo 23:28 tá ni̱xa̱ʼa̱n na̱ ñuu Israel sa̱ndíʼi-xa̱ʼana ñuu Jericó? (Jos. 2:9-11.)

• Kaʼvi Hebreos 11:31.

  2. Ña̱ ke̱ʼé ñá Rahab, ¿ndáaña sánáʼa̱ ña̱yóʼo miíyó ña̱ ndinuʼu-iniyó kandíxayó Ndióxi̱? (Rom. 1:17; Heb. 10:39; Sant. 2:25.)

Historia 45

1. ¿Ndáa milagro kéʼé Jehová xíʼin yu̱ta Jordán ña̱ va̱ʼa kosokava na̱ ñuu Israel?

2. ¿Ndáaña xíniñúʼu keʼé na̱ ñuu Israel ña̱ va̱ʼa kosokavana yu̱ta Jordán?

3. ¿Ndachun ni̱ka̱ʼa̱n Jehová xíʼin ta̱ Josué ná kíʼinra 12 yu̱u̱ náʼnu ini yu̱ta?

4. ¿Ndáaña ku̱u tá ke̱e na̱ su̱tu̱ ini yu̱ta Jordán?

Inka ña̱ nda̱ka̱tu̱ʼunyó:

• Kaʼvi Josué 3:1-17.

  1. ¿Ndáaña náʼa̱ña nu̱úyó ña̱ xíniñúʼu keʼéyó, ña̱ va̱ʼa ndakiʼinyó bendición Jehová? (Jos. 3:13, 15; Pro. 3:5; Sant. 2:22, 26.)

  2. ¿Nda̱saa káa yu̱ta Jordán tá ni̱ko̱so̱kava na̱ ñuu Israel ña̱ va̱ʼa xa̱a̱na ñuu Canaán, ta nda̱saa nda̱sakáʼnu ña̱yóʼo ki̱vi̱ Jehová? (Jos. 3:15; 4:18; Sal. 66:5-7.)

• Kaʼvi Josué 4:1-18.

  3. ¿Ndachun nda̱kayana u̱xu̱ u̱vi̱ yu̱u̱ ña̱ yu̱ta Jordán ta sa̱káanaña chí Guilgal? (Jos. 4:4-7.)

Historia 46

1. ¿Ndáaña ni̱ka̱ʼa̱n Jehová keʼé na̱ ku̱a̱ʼa̱n nu̱ú ku̱a̱chi xíʼin na̱ su̱tu̱ ti̱xin ña̱ i̱ñu̱ ki̱vi̱?

2. ¿Ndáaña xíniñúʼu keʼé na̱yóʼo ña̱ ki̱vi̱ u̱xa̱?

3. Koto nu̱ú na̱ʼná, ¿ndáaña kúu xíʼin nama̱ ña̱ ñuu Jericó?

4. ¿Ndachun tíkaa yoʼo̱ kuaʼá chí ventana?

5. ¿Ndáaña ni̱ka̱ʼa̱n ta̱ Josué xíʼin na̱ ni̱xa̱ʼa̱n xíʼinra ña̱ keʼéna xíʼin na̱ yiví xíʼin ñuuna? ¿Ndáaña keʼéna xíʼin ña̱ oro, ña̱ plata, ña̱ cobre xíʼin ña̱ hierro káchira xíʼinna?

6. ¿Ndáaña ni̱ka̱ʼa̱n ta̱ Josué keʼé u̱vi̱ ta̱a na̱ ni̱xa̱ʼa̱n xi̱to se̱ʼé ñuu Jericó?

Inka ña̱ nda̱ka̱tu̱ʼunyó:

• Kaʼvi Josué 6:1-25.

  1. ¿Ndachun inkáchi kúni̱ koo ña̱ ke̱ʼé na̱ ñuu Israel ña̱ ki̱vi̱ u̱xa̱ tá ni̱ka̱va̱nduuna ñuu Jericó xíʼin ña̱ xíka na̱ testigo Jehová nátúʼunna xíʼin na̱ yiví ña̱ tiempo vitin? (Jos. 6:15, 16; Isa. 60:22; Mat. 24:14; 1 Cor. 9:16.)

  2. ¿Nda̱saa ni̱xi̱nu nu̱ú tu̱ʼun ña̱ va̱xi nu̱ú Josué 6:26 tá ni̱ya̱ʼa u̱ʼu̱n ciento ku̱i̱ya̱, ta ndáaña sákuaʼayó xíʼin ña̱yóʼo xa̱ʼa Jehová? (1 Rey. 16:34; Isa. 55:11.)

Historia 47

1. ¿Ndáa ta̱a kúú ta̱ va̱xi nu̱ú na̱ʼná yóʼo ta sánduxu̱nra ña̱ʼa ña̱ i̱xakuíʼnara ñuu Jericó, ta ndáana kúú na̱ sánduxu̱nña xíʼinra?

2. ¿Ndachun va̱ása va̱ʼa ña̱ ke̱ʼé ta̱ Acán xíʼin na̱ veʼera?

3. ¿Ndáaña ni̱ka̱ʼa̱n Jehová xíʼin ta̱ Josué tá ni̱nda̱ka̱tu̱ʼunrara xa̱ʼa ña̱ ndachun kǒo níkuchiñu na̱ ñuu Israel kanitáʼanna xíʼin na̱ ñuu Hai?

4. ¿Ndáaña ku̱u xíʼin ta̱ Acán saátu xíʼin na̱ veʼera tá ni̱xa̱ʼa̱nna xíʼinna nu̱ú ta̱ Josué?

5. ¿Ndáaña sa̱kuaʼayó xa̱ʼa ña̱ ndo̱ʼo ta̱ Acán?

Inka ña̱ nda̱ka̱tu̱ʼunyó:

• Kaʼvi Josué 7:1-26.

  1. ¿Ndáaña sákuaʼayó xa̱ʼa ña̱ xi̱keʼé ta̱ Josué ña̱ xi̱ka̱ʼa̱nra xíʼin Jehová? (Jos. 7:7-9; Sal. 119:145; 1 Juan 5:14.)

  2. ¿Ndáaña sakuaʼayó xíʼin ña̱ ke̱ʼé ta̱ Acán, ta ndachun chíndeé ña̱yóʼo miíyó? (Jos. 7:11, 14, 15; Pro. 15:3; 1 Tim. 5:24; Heb. 4:13.)

• Kaʼvi Josué 8:1-29.

  3. ¿Ndáaña xíniñúʼu keʼé iin iinyó xíʼin na̱ congregación tá xíniyó kéʼéna ña̱ va̱ása va̱ʼa? (Jos. 7:13; Lev. 5:1; Pro. 28:13.)

Historia 48

1. ¿Ndachun kǒo inkáchi íyo na̱ ñuu Gabaón xíʼin na̱ ñuu ndóo yatin Canaán?

2. Koto nu̱ú na̱ʼná, ¿ndáaña kéʼé na̱ ñuu Gabaón, ta ndachun kéʼéna ña̱yóʼo?

3. Ta̱ Josué xíʼin na̱ chíñu ñuu Israel, ¿ndáaña ni̱ka̱ʼa̱nna xíʼin na̱ ñuu Gabaón, soo ndáaña na̱kunda̱a̱-inina tá ni̱ya̱ʼa u̱ni̱ ki̱vi̱?

4. ¿Ndáaña ni̱ka̱ʼa̱n na̱ rey ña̱ inka ñuu tá na̱kunda̱a̱-inina ni̱ki̱ʼvi táʼan na̱ ñuu Gabaón xíʼin na̱ ñuu Israel?

Inka ña̱ nda̱ka̱tu̱ʼunyó:

• Kaʼvi Josué 9:1-27.

  1. Jehová ni̱ka̱ʼa̱nra xíʼin na̱ ñuu Israel ña̱ ná sandíʼi-xa̱ʼana ndiʼi na̱ yiví, soo ¿ndáaña va̱ʼa kúúmií Jehová ña̱ ni̱xi̱yora ña̱ káʼnu-ini xa̱ʼa na̱ ñuu Gabaón? (Jos. 9:22, 24; Mat. 9:13; Hech. 10:34, 35; 2 Ped. 3:9.)

  2. Xa̱ʼa ña̱ sa̱xínu ta̱ Josué tu̱ʼun ña̱ ni̱ka̱ʼa̱nra xíʼin na̱ ñuu Gabaón, ¿ndáaña sánáʼa̱ ña̱yóʼo ndiʼiyó na̱ ndásakáʼnu Ndióxi̱ tiempo vitin? (Jos. 9:18, 19; Mat. 5:37; Efe. 4:25.)

• Kaʼvi Josué 10:1-5.

  3. ¿Ndáaña kéʼé ku̱a̱ʼání na̱ yiví tiempo vitin tasaá ndíku̱nna táʼan ña̱ ke̱ʼé na̱ Gabaón, ta ndáaña ndóʼona xa̱ʼa ña̱yóʼo? (Jos. 10:4; Zac. 8:23; Mat. 25:35-40; Rev. 12:17.)

Historia 49

1. Koto nu̱ú na̱ʼná, ¿ndáaña káʼa̱n ta̱ Josué ta ndachun káʼa̱nra ña̱yóʼo?

2. ¿Nda̱saa chi̱ndeé Jehová ta̱ Josué xíʼin na̱ ni̱xi̱ka nu̱ú ku̱a̱chi xíʼinra?

3. ¿Nda̱saa na̱ rey na̱kuchiñu ta̱ Josué sa̱ndíʼi-xa̱ʼara, ta nda̱saa tiempo ka̱nitáʼanra xíʼin ndiʼi na̱yóʼo?

4. ¿Ndachun nda̱taʼví ta̱ Josué ñuʼú ña̱ Canaán xíʼin na̱ ñuu Israel?

5. ¿Nda̱saa ku̱i̱ya̱ ndíka̱a̱ ta̱ Josué tá ni̱xi̱ʼi̱ra, ta ndáaña ke̱ʼé na̱ ñuu Israel tándi̱ʼi ni̱xi̱ʼi̱ra?

Inka ña̱ nda̱ka̱tu̱ʼunyó:

• Kaʼvi Josué 10:6-15.

  1. ¿Ndáaña sákuaʼayó xa̱ʼa Jehová ña̱ ke̱ʼéra xíʼin na̱ ñuu Israel ña̱ kǒo nítaxira sa̱ʼvi Ñu̱ʼu á ña̱ Ka̱ndii? (Jos. 10:8, 10, 12, 13; Sal. 18:3; Pro. 18:10.)

• Kaʼvi Josué 12:7-24.

  2. ¿Yukú mií ta̱ ndixa sa̱ndíʼi-xa̱ʼa 31 saá na̱ rey na̱ ñuu Canaán, ta nda̱saa chíndeé ña̱yóʼo miíyó na̱ ndóo tiempo vitin? (Jos. 12:7; 24:11-13; Deu. 31:8; Luc. 21:9, 25-28.)

• Kaʼvi Josué 14:1-5.

  3. ¿Nda̱saa nda̱taʼvína ñuʼú xíʼin na̱ ñuu Israel, ta ndáaña sákuaʼayó xa̱ʼa ña̱yóʼo tá ná kooyó ña̱ ñuyǐví xa̱á? (Jos. 14:2; Isa. 65:21; Eze. 47:21-23; 1 Cor. 14:33.)

• Kaʼvi Jueces 2:8-13.

  4. Táki̱ʼva i̱xaa ta̱ Josué ña̱ kǒo nítaxira sánáʼa̱na ña̱ vatá ñuu Israel, ¿ndáana kéʼé táʼan ña̱ ke̱ʼé ta̱ Josué tiempo vitin? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2.)

Historia 50

1. ¿Ndáana xi̱kuu na̱ juez, ta nda̱saa xi̱naní na̱yóʼo?

2. ¿Ndáa chiñu káʼnu xi̱kuumií ñá Débora nu̱ú Jehová?

3. Tá xi̱kuni̱ ta̱ rey Jabín xíʼin ta̱ Sísara kaʼnína na̱ ñuu Israel, ¿ndáaña ni̱ka̱ʼa̱n Jehová xíʼin ñá Débora ka̱ʼa̱nñá xíʼin ta̱ juez Barac? ¿Ndáana ni̱ka̱ʼa̱nñá kaʼní ta̱ Sísara?

4. ¿Nda̱saa ni̱na̱ʼa̱ ñá Jael ña̱ xi̱kuuñá iin ñaʼá ñá ndakú-ini?

5. ¿Ndáaña ku̱u tándi̱ʼi ni̱xi̱ʼi̱ ta̱ rey Jabín?

Inka ña̱ nda̱ka̱tu̱ʼunyó:

• Kaʼvi Jueces 2:14-22.

  1. ¿Ndachun ni̱sa̱a̱ní Jehová xíʼin na̱ ñuu Israel, ta ndáaña sákuaʼayó xa̱ʼa ña̱yóʼo? (Jue. 2:20; Pro. 3:1, 2; Eze. 18:21-23.)

• Kaʼvi Jueces 4:1-24.

  2. ¿Ndáaña sákuaʼa ná si̱ʼí ná kándíxa Ndióxi̱ tiempo vitin xa̱ʼa ña̱ ke̱ʼé ñá Débora xíʼin ñá Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

• Kaʼvi Jueces 5:1-31.

  3. Nda̱a̱ táki̱ʼva i̱xaa ta̱ Barac xíʼin ñá Débora tá xi̱tana yaa nu̱ú Jehová tá na̱kuchiñuna xíʼin inkana, ¿ndáaña sákuaʼayó xa̱ʼa ña̱yóʼo ña̱ va̱ʼa ka̱ʼa̱nyó xíʼin Jehová tá ná kixi Armagedón? (Jue. 5:3, 31; 1 Cró. 16:8-10; Rev. 7:9, 10; 16:16; 19:19-21.)

Historia 51

1. ¿Ndachun ni̱xa̱ʼa̱n ñá Noemí ñuu Moab?

2. ¿Ndáañá kúú ñá Rut xíʼin ñá Orpa?

3. ¿Ndáaña ni̱ka̱ʼa̱n ñá Rut xíʼin ñá Orpa tá ni̱ka̱ʼa̱n ñá Noemí xíʼinná ña̱ ná ndikóná ñuuná?

4. ¿Yukú xi̱kuu ta̱ Boaz, ta nda̱saa chi̱ndeéra ñá Rut xíʼin ñá Noemí?

5. ¿Nda̱saa xi̱naní ta̱ loʼo se̱ʼe ta̱ Boaz xíʼin ñá Rut, ta ndachun xíniñúʼu ndakaʼányó xa̱ʼara?

Inka ña̱ nda̱ka̱tu̱ʼunyó:

• Kaʼvi Rut 1:1-17.

  1. ¿Ndáa tu̱ʼun livi ni̱ka̱ʼa̱n ñá Rut xíʼin ñá Noemí? (Rut 1:16, 17.)

  2. ¿Nda̱saa sánáʼa̱ ña̱ ke̱ʼé ñá Rut miíyó na̱ ndóo vitin ña̱ keʼéyó xíʼin na̱ ku̱ʼu̱n chí ndiví? (Juan 10:16; Zac. 8:23.)

• Kaʼvi Rut 2:1-23.

  3. ¿Ndáaña ke̱ʼé ñá Rut ta nda̱kooñá iin yichi̱ va̱ʼa nu̱ú ná si̱ʼí válí ná ndóo tiempo vitin? (Rut 2:17, 18; Pro. 23:22; 31:15.)

• Kaʼvi Rut 3:5-13.

  4. ¿Ndáaña nda̱kanixi̱ní ta̱ Boaz xa̱ʼa ñá Rut ña̱ ti̱ndaʼa̱ñá xíʼinra, ta kǒo nítindaʼa̱ñá xíʼin na̱ táʼan ku̱i̱ya̱ miíñá?

  5. ¿Ndáaña sákuaʼayó xíʼin ña̱ ke̱ʼé ñá Rut xa̱ʼa ña̱ xi̱kuʼvi̱-iniñá xi̱niñá inkana? (Rut 3:10; 1 Cor. 13:4, 5.)

• Kaʼvi Rut 4:7-17.

  6. ¿Ndáaña xíniñúʼu keʼé ta̱a na̱ kándíxa Ndióxi̱ tasaá kundiku̱nna yichi̱ ta̱ Boaz? (Rut 4:9, 10; 1 Tim. 3:1, 12, 13; 5:8.)

Historia 52

1. ¿Ndáa tu̱ndóʼo kúúmií na̱ ñuu Israel, ta ndachun kúúmiínaña?

2. ¿Ndachun ni̱ka̱ʼa̱n Jehová xíʼin ta̱ Gedeón ña̱ ku̱a̱ʼání kúú na̱ sa̱ndátakara ku̱ʼu̱n nu̱ú ku̱a̱chi?

3. ¿Nda̱saa ta̱a ni̱ndo̱o xíʼin ta̱ Gedeón tá ku̱a̱ʼa̱n-nu̱ʼu̱ ndiʼi na̱ ni̱yi̱ʼví veʼena?

4. Koto nu̱ú na̱ʼná, ¿ndáaña ke̱ʼé Jehová ña̱ va̱ʼa ni̱ndo̱o 300 loʼo na̱ ku̱ʼu̱n xíʼin ta̱ Gedeón nu̱ú ku̱a̱chi?

5. ¿Nda̱saa nda̱taʼví ta̱ Gedeón na̱ 300 ta̱a yóʼo, ta ndáaña ke̱ʼé na̱ ñuu Israel ta na̱kuchiñuna xíʼin na̱ ñuu Madián?

Inka ña̱ nda̱ka̱tu̱ʼunyó:

• Kaʼvi Jueces 6:36-40.

  1. ¿Ndáaña ke̱ʼé ta̱ Gedeón ña̱ va̱ʼa na̱kunda̱a̱-inira ndáaña kúú ña̱ kúni̱ Jehová?

  2. ¿Ndáaña xíniñúʼu keʼéyó tiempo vitin ña̱ va̱ʼa kunda̱a̱-iniyó ndáaña kúni̱ Jehová? (Pro. 2:3-6; Mat. 7:7-11; 2 Tim. 3:16, 17.)

• Kaʼvi Jueces 7:1-25.

  3. ¿Ndáaña sákuaʼayó xa̱ʼa 300 ta̱a na̱ ki̱ʼin kuenta tá xi̱ʼina ti̱kui̱í, ta ndáaña sákuaʼayó xa̱ʼa na̱ kǒo níkiʼin kuenta? (Jue. 7:3, 6; Rom. 13:11, 12; Efe. 5:15-17.)

  4. Táki̱ʼva ke̱ʼé 300 ta̱a ña̱ sa̱kuaʼana nu̱ú ta̱ Gedeón, ¿ndáaña xíniñúʼu keʼé miíyó ña̱ va̱ʼa sakuaʼayó nu̱ú ta̱ Gedeón Káʼnu, ta̱ Jesucristo? (Jue. 7:17; Mat. 11:29, 30; 28:19, 20; 1 Ped. 2:21.)

  5. ¿Nda̱saa kivi chindeé ña̱ káʼa̱n Jueces 7:21 ndiʼiyó ña̱ va̱ʼa kachíñuyó nu̱ú Jehová ndáaka míí nu̱ú káʼa̱n na̱ ñuura xíʼinyó ku̱ʼu̱nyó? (1 Cor. 4:2; 12:14-18; Sant. 4:10.)

• Kaʼvi Jueces 8:1-3.

  6. Tá kúúmiíyó iin ku̱a̱chi xíʼin na̱ ñaniyó á ná ku̱ʼvayó, ¿ndáaña sákuaʼayó xa̱ʼa ña̱ ke̱ʼé ta̱ Gedeón tá xi̱kuumiíra ku̱a̱chi xíʼin na̱ ñuu Efraín? (Pro. 15:1; Mat. 5:23, 24; Luc. 9:48.)

Historia 53

1. ¿Ndáa ta̱a kúú ta̱ Jefté, ta ndáa tiempo ni̱xi̱yora?

2. ¿Ndáaña ni̱ka̱ʼa̱n ta̱ Jefté taxira ndaʼa̱ Jehová?

3. ¿Ndachun ni̱kusuchí-ini ta̱ Jefté tá ndi̱kóra veʼera tándi̱ʼi ni̱xa̱ʼa̱nra ka̱nitáʼanra xíʼin na̱ ñuu Ammón?

4. ¿Ndáaña ni̱ka̱ʼa̱n ñá loʼo se̱ʼe ta̱ Jefté tá na̱kunda̱a̱-iniñá xa̱ʼa ña̱ ni̱ka̱ʼa̱n yiváñá taxira ndaʼa̱ Jehová?

5. ¿Ndachun kúni̱ní na̱ yiví xínina ñá loʼo se̱ʼe ta̱ Jefté?

Inka ña̱ nda̱ka̱tu̱ʼunyó:

• Kaʼvi Jueces 10:6-18.

  1. ¿Ndáaña sánáʼa̱ ña̱ ndo̱ʼo na̱ ñuu Israel miíyó ña̱ kǒo níxi̱yo nda̱kú-inina xíʼin Jehová? (Jue. 10:6, 15, 16; Rom. 15:4; Rev. 2:10.)

• Kaʼvi Jueces 11:1-11, 29-40.

  2. ¿Ndachun va̱ʼa kúnda̱a̱-iniyó tá ta̱xi ta̱ Jefté se̱ʼera ndaʼa̱ Jehová ña̱ kachíñuñá nu̱úra, kǒo kúni̱ kachiña ña̱ xa̱ʼmirañá saáví taxirañá ndaʼa̱ra? (Jue. 11:31; Lev. 16:24; Deu. 18:10, 12.)

  3. ¿Ndáaña kúni̱ kachi ña̱ ta̱xi ta̱ Jefté se̱ʼera ndaʼa̱ Jehová?

  4. ¿Ndáaña sákuaʼayó xa̱ʼa ña̱ ke̱ʼé ta̱ Jefté tá ni̱ka̱ʼa̱nra taxira iin ña̱ʼa ndaʼa̱ Jehová? (Jue. 11:35, 39; Ecl. 5:4, 5; Mat. 16:24.)

  5. ¿Ndáaña sakuaʼa na̱ va̱lí xa̱ʼa ñá loʼo se̱ʼe ta̱ Jefté ña̱ va̱ʼa kixaʼána kachíñuna ndiʼi tiempo nu̱ú Jehová? (Jue. 11:36; Mat. 6:33; Fili. 3:8.)

Historia 54

1. ¿Nda̱saa xi̱naní iin ta̱a ta̱ ndakúní ni̱xi̱yo xi̱naʼá, ta yukú na̱ ta̱xi ndée ndaʼa̱ra?

2. Koto nu̱ú na̱ʼná, ¿ndáaña íxaa ta̱ Sansón xíʼin tí león?

3. Koto nu̱ú na̱ʼná, ¿ndáaña nátúʼun ta̱ Sansón xa̱ʼa xíʼin ñá Dalila ta xa̱ʼa ña̱yóʼo ti̱in na̱ ñuu Filisteo miíra?

4. ¿Ndáaña i̱xaa ta̱ Sansón ña̱ ni̱xi̱ʼi̱ 3.000 na̱ ñuu Filisteo xíʼinra ki̱vi̱ saá?

Inka ña̱ nda̱ka̱tu̱ʼunyó:

• Kaʼvi Jueces 13:1-14.

  1. ¿Ndachun va̱ʼaní ña̱ ke̱ʼé ta̱ Manóah xíʼin ñá síʼíra tasaá nda̱koora iin yichi̱ va̱ʼa nu̱ú na̱ íyo se̱ʼe? (Jue. 13:8; Sal. 127:3; Efe. 6:4.)

• Kaʼvi Jueces 14:5-9 xíʼin 15:9-16.

  2. Tá xa̱ʼní ta̱ Sansón tí león, xa̱ʼndara yoʼo̱ xíʼin ndéera, ta xa̱ʼníra 1.000 na̱ yiví xíʼin leke yu̱ʼu̱ tí burro, ¿ndáaña káʼa̱n ña̱yóʼo xa̱ʼa espíritu yi̱i̱ Jehová?

  3. ¿Nda̱saa va̱ʼa chíndeé espíritu yi̱i̱ Jehová miíyó vitin? (Jue. 14:6; 15:14; Zac. 4:6; Hech. 4:31.)

• Kaʼvi Jueces 16:18-31.

  4. ¿Ndáaña ndo̱ʼo ta̱ Sansón xa̱ʼa ña̱ xi̱táʼanra xíʼin na̱ kǒo kéʼé ña̱ va̱ʼa, ta ndáaña sákuaʼayó xa̱ʼa ña̱yóʼo? (Jue. 16:18, 19; 1 Cor. 15:33.)

Historia 55

1. ¿Nda̱saa naní ta̱ loʼo va̱xi nu̱ú na̱ʼná yóʼo, ta ndáana kúú na̱ ndíta xíʼinra?

2. ¿Ndáaña ndu̱kú ñá Ana nu̱ú Jehová tá ni̱xa̱ʼa̱nñá tabernáculo, á ta̱xira ña̱ ni̱ka̱ʼa̱nñá xíʼinra?

3. ¿Nda̱saa ku̱i̱ya̱ ndíka̱a̱ ta̱ Samuel tá ni̱xa̱ʼa̱nna nda̱koonara ña̱ kachíñura tabernáculo Jehová, ta ndáaña xi̱taxi siʼíra ndaʼa̱ra ku̱i̱ya̱ tá ku̱i̱ya̱ tá xi̱xa̱ʼa̱nna nu̱ú ndíka̱a̱ra?

4. ¿Nda̱saa xi̱naní na̱ se̱ʼe ta̱ Elí, ta ndáaña xi̱keʼéna?

5. ¿Ndáaña ke̱ʼé Jehová ña̱ va̱ʼa ni̱ka̱ʼa̱nra xíʼin ta̱ Samuel, ta ndáaña ni̱ka̱ʼa̱nra xíʼinra?

6. ¿Ndáa chiñu xi̱kuumií ta̱ Samuel ñuu Israel, ta ndáaña ku̱u tá xa̱ku̱chéera?

Inka ña̱ nda̱ka̱tu̱ʼunyó:

• Kaʼvi 1 Samuel 1:1-28.

  1. ¿Ndáa yichi̱ sa̱ndákoo ta̱ Elqaná nu̱ú ta̱a na̱ íyo se̱ʼe ña̱ sanáʼa̱na na̱ veʼena xa̱ʼa Tu̱ʼun Ndióxi̱? (1 Sam. 1:3, 21; Mat. 6:33; Fili. 1:10.)

  2. ¿Ndáaña sákuaʼayó xa̱ʼa ña̱ ke̱ʼé ñá Ana tá ni̱xi̱yo tu̱ndóʼo nu̱úñá? (1 Sam. 1:10, 11; Sal. 55:22; Rom. 12:12.)

• Kaʼvi 1 Samuel 2:11-36.

  3. ¿Ndachun xi̱kuʼvi̱níka-ini ta̱ Elí xi̱nira na̱ se̱ʼera ta su̱víka Jehová, ndáaña sánáʼa̱ ña̱yóʼo miíyó? (1 Sam. 2:22-24, 27, 29; Deu. 21:18-21; Mat. 10:36, 37.)

• Kaʼvi 1 Samuel 4:16-18.

  4. ¿Ndáa ku̱mí ña̱ʼa kúú ña̱ ku̱u nu̱ú ni̱xa̱ʼa̱nna ka̱nitáʼanna, ta ndáaña ndo̱ʼo ta̱ Elí tá na̱kunda̱a̱-inira xa̱ʼa ña̱yóʼo?

• Kaʼvi 1 Samuel 8:4-9.

  5. Ña̱ ke̱ʼé na̱ ñuu Israel, ¿ndachun sa̱xóʼvi ña̱yóʼo ini Jehová, ta ndáaña keʼéyó ña̱ va̱ʼa na̱ʼa̱yó ña̱ kúni̱yó kaʼndachíñura nu̱úyó? (1 Sam. 8:5, 7; Juan 17:16; Sant. 4:4.)

Historia 56

1. Koto nu̱ú na̱ʼná, ¿ndáaña kéʼé ta̱ Samuel ta ndachun kéʼéraña?

2. ¿Ndachun nda̱ka̱xin Jehová ta̱ Saúl, ta ndáa ta̱a xi̱kuu ta̱yóʼo?

3. ¿Nda̱saa xi̱naní iin ta̱a se̱ʼe ta̱ Saúl, ta ndáaña ke̱ʼéra?

4. ¿Ndachun xa̱ʼní ta̱ Saúl iin kití nu̱ú Jehová ta kǒo níxindatura ta̱ Samuel?

5. ¿Ndáaña sákuaʼayó xíʼin ña̱ ndo̱ʼo ta̱ Saúl?

Inka ña̱ nda̱ka̱tu̱ʼunyó:

• Kaʼvi 1 Samuel 9:15-21 xíʼin 10:17-27.

  1. ¿Nda̱saa chi̱ndeé ña̱ vitá-ini ta̱ Saúl ña̱ kǒo níkeʼéra ni iin ña̱ʼa xíʼin na̱ kǒo ní íxato̱ʼó-ñaʼá? (1 Sam. 9:21; 10:21, 22, 27; Pro. 17:27.)

• Kaʼvi 1 Samuel 13:5-14.

  2. ¿Ndáa ku̱a̱chi kúú ña̱ ke̱ʼé ta̱ Saúl ña̱ ñuu Guilgal? (1 Sam. 10:8; 13:8, 9, 13.)

• Kaʼvi 1 Samuel 15:1-35.

  3. ¿Ndáa ku̱a̱chi káʼnu kúúña ke̱ʼé ta̱ Saúl nu̱ú Jehová xa̱ʼa ta̱ Rey Agag ta̱ ñuu Amaleq? (1 Sam. 15:2, 3, 8, 9, 22.)

  4. ¿Ndáaña ni̱ka̱ʼa̱n ta̱ Saúl ña̱ kúni̱ra ndasava̱ʼara miíra, ta chi̱ka̱a̱ra ku̱a̱chi inkana? (1 Sam. 15:24.)

  5. ¿Ndáaña xíniñúʼu keʼéyó tá táxina iin consejo ndaʼa̱yó? (1 Sam. 15:19-21; Sal. 141:5; Pro. 9:8, 9; 11:2.)

Historia 57

1. ¿Nda̱saa naní ta̱ loʼo va̱xi nu̱ú na̱ʼná yóʼo, ta ndachun va̱ʼa kúnda̱a̱-iniyó ña̱ ndakú-inira?

2. ¿Nda̱saa naní ñuu ta̱ David, ta nda̱saa naní yivára xíʼin xi̱íra?

3. ¿Ndachun ni̱ka̱ʼa̱n Jehová xíʼin ta̱ Samuel ña̱ ná ku̱ʼu̱nra veʼe ta̱ Jesé ña̱ ñuu Belén?

4. ¿Ndáaña ku̱u tá ni̱na̱ʼa̱ ta̱ Jesé u̱xa̱ saá se̱ʼera nu̱ú ta̱ Samuel?

5. ¿Ndáaña ni̱ka̱ʼa̱n Jehová xíʼin ta̱ Samuel tá ki̱xa̱a̱ ta̱ David nu̱úra?

Inka ña̱ nda̱ka̱tu̱ʼunyó:

• Kaʼvi 1 Samuel 17:34, 35.

  1. ¿Nda̱saa náʼa̱ ña̱ ke̱ʼé ta̱ David ña̱ ka̱ndíxara Jehová ta ndakú ni̱xi̱yo inira? (1 Sam. 17:37.)

• Kaʼvi 1 Samuel 16:1-14.

  2. ¿Nda̱saa chíndeé tu̱ʼun Jehová miíyó ña̱ va̱xi nu̱ú 1 Samuel 16:7 ña̱ va̱ʼa ndiʼi ná koo na̱ yiví nu̱úyó ta kǒo ndáka̱xinyóna nda̱saaka káana? (Hech. 10:34, 35; 1 Tim. 2:4.)

  3. ¿Nda̱saa náʼa̱ ña̱ ndo̱ʼo ta̱ Saúl nu̱úyó ña̱ va̱ʼa kúnda̱a̱-iniyó tá ndákiʼin Jehová espíritu yi̱i̱ra ndaʼa̱ iinna, ta nu̱ú ña̱yóʼo ndíʼvi iin espíritu ña̱ va̱ása va̱ʼa? (1 Sam. 16:14; Mat. 12:43-45; Gál. 5:16.)

Historia 58

1. ¿Ndáaña ni̱ka̱ʼa̱n ta̱ Goliat xíʼin na̱ ñuu Israel?

2. ¿Nda̱saa metro súkun ta̱ Goliat, ta ndáa ña̱ʼa ni̱ka̱ʼa̱n ta̱ Saúl taxira ndaʼa̱ iin ta̱ kuchiñu kaʼní-ñaʼá?

3. ¿Ndáaña nda̱kuiin ta̱ David yu̱ʼu̱ ta̱ Saúl tá ni̱ka̱ʼa̱nra xíʼinra ña̱ kǒo kívi kanitáʼanra xíʼin ta̱ Goliat chi iin ta̱ loʼova kúúra?

4. ¿Nda̱saa ni̱na̱ʼa̱ ta̱ David xíʼin tu̱ʼun ña̱ nda̱kuiinra yu̱ʼu̱ ta̱ Goliat ña̱ ndinuʼu-inira kándíxara Jehová?

5. Koto nu̱ú na̱ʼná, ¿ndáaña xi̱niñúʼu ta̱ David ña̱ xa̱ʼníra ta̱ Goliat, tándi̱ʼi ndáaña ku̱u xíʼin na̱ ñuu Filisteo?

Inka ña̱ nda̱ka̱tu̱ʼunyó:

• Kaʼvi 1 Samuel 17:1-54.

  1. ¿Ndáa chí ki̱xi ndée ta̱ David ña̱ kǒo níyi̱ʼvíra, ta ndáaña sákuaʼayó xíʼin ña̱yóʼo? (1 Sam. 17:37, 45; Efe. 6:10, 11.)

  2. ¿Ndachun va̱ása va̱ʼa keʼé-táʼanyó táki̱ʼva i̱xaa ta̱ Goliat tá sísikiyó á nda̱a̱ ndáaka inka ña̱ʼa kéʼéyó? (1 Sam. 17:8; Gál. 5:26; 1 Tim. 4:8.)

  3. ¿Nda̱saa náʼa̱ tu̱ʼun ña̱ ni̱ka̱ʼa̱n ta̱ David ña̱ ka̱ndíxaníra ña̱ chindeé Ndióxi̱ miíra? (1 Sam. 17:45-47; 2 Cró. 20:15.)

  4. ¿Nda̱saa náʼa̱ Tu̱ʼun Ndióxi̱, ndí su̱ví na̱yóʼo níkanítáʼan chi ndióxi̱ vatáva kúú na̱ ka̱nitáʼan xíʼin míí Ndióxi̱ ta̱ nda̱a̱? (1 Sam. 17:43, 46, 47.)

  5. ¿Nda̱saa ndíku̱n na̱ ku̱ʼu̱n chí ndiví yichi̱ ta̱ David, chi ta̱yóʼo ndinuʼu-inira ka̱ndíxara Jehová? (1 Sam. 17:37; Jer. 1:17-19; Rev. 12:17.)

Historia 59

1. ¿Ndachun sáa̱-ini ta̱ Saúl xínira ta̱ David, ta á sáa̱tu ini ta̱ Jonatán se̱ʼera xínira ta̱yóʼo?

2. ¿Ndáaña ku̱u iin ki̱vi̱ tá níndúʼu ta̱ David sákaʼara tú arpa nu̱ú ta̱ Saúl?

3. ¿Ndáaña ni̱ka̱ʼa̱n ta̱ Saúl xíʼin ta̱ David keʼéra ña̱ va̱ʼa tindaʼa̱ra xíʼin ñá Mical, ta ndachun ni̱ka̱ʼa̱nra ña̱yóʼo?

4. Koto nu̱ú na̱ʼná, ¿ndáaña ku̱u yichi̱ u̱ni̱ tá níndúʼu ta̱ David sákaʼara tú arpa nu̱ú ta̱ Saúl?

5. ¿Ndáaña ke̱ʼé ñá Mical ña̱ va̱ʼa sa̱kákuñá ta̱ David, ta ndáaña ke̱ʼé ta̱yóʼo ti̱xin ña̱ u̱xa̱ ku̱i̱ya̱?

Inka ña̱ nda̱ka̱tu̱ʼunyó:

• Kaʼvi 1 Samuel 18:1-30.

  1. ¿Ndáaña kúni̱ kachi ña̱ xi̱kuʼvi̱-ini ta̱ Jonatán xi̱nira ta̱ David nu̱ú na̱ ku̱ʼu̱n chí ndiví xíʼin na̱ kundoo nu̱ú Ñuʼú yóʼo? (1 Sam. 18:1; Juan 10:16; Luc. 12:32; Zac. 8:23.)

  2. Ta̱ Jonatán kúú ta̱ ni̱xi̱yo yichi̱ ña̱ ndakiʼinra nu̱ú yivára ta̱ Saúl ña̱ kuura rey, ¿nda̱saa káʼa̱n 1 Samuel 18:4 ña̱ i̱xato̱ʼó ta̱ Jonatán ta̱ nda̱ka̱xin Jehová kuu rey?

  3. ¿Ndáaña sákuaʼayó xíʼin ña̱ ke̱ʼé ta̱ Saúl, tá ki̱vi̱ sáa̱-iniyó xíniyó iinna nda̱a̱ kivi xa̱a̱yó keʼéyó iin ku̱a̱chi káʼnu xíʼinna? (1 Sam. 18:7-9, 25; Sant. 3:14-16.)

• Kaʼvi 1 Samuel 19:1-17.

  4. ¿Ndáaña kivi keʼé ta̱ Saúl xíʼin ta̱ Jonatán xa̱ʼa ña̱ ni̱ka̱ʼa̱n va̱ʼara xa̱ʼa ta̱ David? (1 Sam 19:1, 4-6; Prov. 16:14.)

Historia 60

1. ¿Nda̱saa naní ñá ñaʼá ñá va̱xi nu̱ú ta̱ David, ta nda̱saa káañá?

2. ¿Ndáa ta̱a kúú ta̱ Nabal?

3. ¿Ndachun chi̱ndaʼá ta̱ David sava na̱ xíka xíʼinra ku̱a̱ʼa̱nna ndukúna ña̱ ma̱ní nu̱ú ta̱ Nabal?

4. ¿Ndáaña ni̱ka̱ʼa̱n ta̱ Nabal xíʼin na̱ ni̱xa̱ʼa̱n nu̱úra, ta ndáaña ni̱ka̱ʼa̱n ta̱ David tá na̱kunda̱a̱-inira xa̱ʼa ña̱yóʼo?

5. ¿Ndáaña ke̱ʼé ñá Abigail tasaá ni̱na̱ʼa̱ñá ña̱ vií nda̱kanixi̱níñá?

Inka ña̱ nda̱ka̱tu̱ʼunyó:

• Kaʼvi 1 Samuel 22:1-4.

  1. ¿Ndáaña sákuaʼayó xa̱ʼa ña̱ ke̱ʼé na̱ veʼe ta̱ David ña̱ va̱ʼa chindeé táʼanyó xíʼin na̱ káʼvi Tu̱ʼun Ndióxi̱ xíʼinyó? (Pro. 17:17; 1 Tes. 5:14.)

• Kaʼvi 1 Samuel 25:1-43.

  2. ¿Ndachun kǒo káʼa̱n va̱ʼana xa̱ʼa ta̱ Nabal? (1 Sam. 25:2-5, 10, 14, 21, 25.)

  3. ¿Ndáa yichi̱ kúúña sa̱ndákoo ñá Abigail nu̱ú ná si̱ʼí ná xa̱tindaʼa ná káʼvi Tu̱ʼun Ndióxi̱? (1 Sam. 25:32, 33; Pro. 31:26; Efe. 5:24.)

  4. ¿Ndáa u̱vi̱ ña̱ʼa kǒo nítaxi ñá Abigail keʼé ta̱ David? (1 Sam. 25:31, 33; Rom. 12:19; Efe. 4:26.)

  5. ¿Nda̱saa chíndeé tu̱ʼun ña̱ ni̱ka̱ʼa̱n ta̱ David xíʼin ñá Abigail ndiʼi ta̱a ña̱ va̱ʼa kúnda̱a̱-inina nda̱saa kúni̱ Jehová koona xíʼin ná si̱ʼí? (Hech. 21:8, 9; Rom. 2:11; 1 Ped. 3:7.)

Historia 61

1. Ta̱ David xíʼin ta̱ Abisai, ¿ndáaña ke̱ʼéna xíʼin ta̱ Saúl tá ni̱ki̱si̱ra?

2. ¿Ndáaña ndáka̱tu̱ʼun ta̱ David ta̱ Saúl?

3. ¿Míí ku̱a̱ʼa̱n ta̱ David tándi̱ʼi ni̱ka̱ʼa̱nra xíʼin ta̱ Saúl?

4. ¿Ndachun ni̱kusuchíkaví-ini ta̱ David ta livikaví iin yaa ta̱ara?

5. ¿Nda̱saa ku̱i̱ya̱ ta̱ David tá ni̱xa̱a̱ra ku̱ura rey ñuu Hebrón, ta nda̱saa xi̱naní sava na̱ se̱ʼera?

6. ¿Míí ñuu xa̱ʼndachíñu ta̱ David tándi̱ʼi?

Inka ña̱ nda̱ka̱tu̱ʼunyó:

• Kaʼvi 1 Samuel 26:1-25.

  1. ¿Ndachun xíniñúʼu to̱ʼó kooyó xíʼin na̱ níʼi yichi̱ nu̱ú na̱ ñuu Ndióxi̱ táki̱ʼva káchi tutu ña̱ ka̱ʼyí ta̱ David 1 Samuel 26:11? (Sal. 37:7; Rom. 13:2.)

  2. Ni ndákundeéníyó kéʼéyó ña̱ va̱ʼa ta ni saáví kǒo táxina tixaʼvi ndaʼa̱yó, ¿nda̱saa chíndeé tu̱ʼun ña̱ ni̱ka̱ʼa̱n ta̱ David ña̱ va̱xi nu̱ú 1 Samuel 26:23 miíyó ña̱ kǒo ndakava-iniyó? (1 Rey. 8:32; Sal. 18:20.)

• Kaʼvi 2 Samuel 1:26.

  3. ¿Nda̱saa va̱ʼa koo vií-ini xíʼin táʼan na̱ káʼvi Tu̱ʼun Ndióxi̱ táki̱ʼva ni̱xi̱yo ta̱ David xíʼin ta̱ Jonatán? (1 Ped. 4:8; Col. 3:14; 1 Juan 4:12.)

• Kaʼvi 2 Samuel 5:1-10.

  4. ¿Nda̱saa ku̱i̱ya̱ xi̱kuu ta̱ David rey, ta nda̱saa ku̱i̱ya̱ xa̱ʼndachíñura iin iin ñuu? (2 Sam. 5:4, 5.)

  5. ¿Ndáaña chi̱ndeé táʼan xíʼin ta̱ David ta ndiʼi ña̱ xi̱keʼéra va̱ʼa xi̱kanaña, ta ndáaña sákuaʼayó xíʼin ña̱yóʼo tiempo vitin? (2 Sam. 5:10; 1 Sam. 16:13; 1 Cor. 1:31; Fili. 4:13.)

Historia 62

1. Xa̱ʼa ña̱ chi̱ndeé Jehová na̱ ñuu Israel, ¿á ni̱xa̱a̱ ñuʼú Canaán ndu̱uña ñuʼúna?

2. ¿Ndáaña ndo̱ʼo ta̱ David tá níndichira xi̱ní veʼera iin xi̱kuaa?

3. ¿Ndachun ni̱sa̱a̱ní Jehová xíʼin ta̱ David?

4. ¿Ndáa ta̱a kúú ta va̱xi nu̱ú na̱ʼná yóʼo? ¿Ndachun chi̱ndaʼá Jehová ta̱yóʼo ña̱ ka̱ʼa̱nra xíʼin ta̱ David xa̱ʼa ña̱ ke̱ʼéra, ta ndáaña ni̱ka̱ʼa̱nra ndoʼora?

5. ¿Ndáa tu̱ndóʼo ndo̱ʼo ta̱ David?

6. ¿Ndáana ndu̱u rey ñuu Israel tá ni̱xi̱ʼi̱ ta̱ David?

Inka ña̱ nda̱ka̱tu̱ʼunyó:

• Kaʼvi 2 Samuel 11:1-27.

  1. Tá kéʼéyó chiñu Jehová ndiʼi tiempo, ¿nda̱saa va̱ʼa chíndeé ña̱yóʼo miíyó?

  2. ¿Ndachun nda̱kava ta̱ David ndaʼa̱ tu̱ndóʼo, ta ndáaña sákuaʼayó xíʼin ña̱ ndo̱ʼo ta̱yóʼo? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

• Kaʼvi 2 Samuel 12:1-18.

  3. Consejo ña̱ ta̱xi ta̱ Natán ndaʼa̱ ta̱ David, ¿ndáaña sánáʼa̱ña na̱ xi̱ku̱aʼa na̱ kíʼin kuenta xíʼin congregación, ta saátu nu̱ú na̱ íyo se̱ʼe? (2 Sam. 12:1-4; Pro. 12:18; Mat. 13:34.)

  4. ¿Ndachun i̱xakáʼnu-ini Jehová xa̱ʼa ta̱ David? (2 Sam. 12:13; Sal. 32:5; 2 Cor. 7:9, 10.)

Historia 63

1. ¿Ndáaña ni̱nda̱ka̱tu̱ʼun Jehová ta̱ Salomón, ta ndáaña nda̱kuiin ta̱yóʼo?

2. Xa̱ʼa ña̱ ni̱kutóo Jehová ña̱ ndu̱kú ta̱ Salomón nu̱úra, ¿ndáaña ni̱ka̱ʼa̱nra taxira ndaʼa̱ra?

3. ¿Ndáa ku̱a̱chi kúú ña̱ níʼi u̱vi̱ ná si̱ʼí ki̱xa̱a̱ná nu̱ú ta̱ Salomón?

4. Koto nu̱ú na̱ʼná, ¿nda̱saa ti̱in ta̱ Salomón ku̱a̱chi xíʼin ná si̱ʼí yóʼo?

5. ¿Nda̱saa ni̱xi̱yo na̱ ñuu Israel tá xa̱ʼndachíñu ta̱ Salomón nu̱úna, ta ndachun va̱ʼaní ni̱xi̱yona saá?

Inka ña̱ nda̱ka̱tu̱ʼunyó:

• Kaʼvi 1 Reyes 3:3-28.

  1. ¿Ndáaña sákuaʼa ta̱a ta̱ kúúmií chiñu ti̱xin ñuu Ndióxi̱ xíʼin tu̱ʼun ña̱ ni̱ka̱ʼa̱n ta̱ Salomón ña̱ va̱xi nu̱ú 1 Reyes 3:7? (Sal. 119:105; Pro. 3:5, 6.)

  2. ¿Ndachun va̱ʼaní yichi̱ sa̱ndákoo ta̱ Salomón nu̱úyó ña̱ va̱ʼa kunda̱a̱-iniyó, ndáaña ndukúyó nu̱ú Ndióxi̱ tá káʼa̱nyó xíʼinra? (1 Rey. 3:9, 11; Pro. 30:8, 9; 1 Juan 5:14.)

  3. Ta̱ Salomón va̱ʼaní ti̱inra ku̱a̱chi xíʼin u̱vi̱ ná si̱ʼí, ¿ndáaña sákuaʼayó xíʼin ña̱yóʼo ta ná kaʼndachíñu ta̱ Jesús ta̱ nda̱kiʼin nu̱ú ta Salomón? (1 Rey. 3:28; Isa. 9:6, 7; 11:2-4.)

• Kaʼvi 1 Reyes 4:29-34.

  4. ¿Nda̱saa nda̱kuiin Jehová yu̱ʼu̱ ta̱ Salomón xa̱ʼa ña̱ ndinuʼu-inira ni̱ka̱ʼa̱nra xíʼinra? (1 Rey. 4:29.)

  5. Xa̱ʼa ña̱ ku̱a̱ʼání na̱ yiví ni̱xa̱ʼa̱nna xi̱niso̱ʼona ña̱ ndíchi ña̱ xi̱kuumií ta̱ Salomón, ¿ndáaña sánáʼa̱ ña̱ ke̱ʼé na̱yóʼo miíyó tá káʼviyó Tu̱ʼun Ndióxi̱? (1 Rey. 4:29, 34; Juan 17:3; 2 Tim. 3:16.)

Historia 64

1. ¿Nda̱saa tiempo i̱xava̱ʼa ta̱ Salomón templo Jehová, ta ndachun yaʼviní ka̱naña?

2. ¿Nda̱saa cuarto náʼnu íyo ini templo, ta ndáa ña̱ʼa kúúña chi̱ka̱a̱na ini cuarto ma̱á?

3. ¿Ndáaña ni̱ka̱ʼa̱n ta̱ Salomón xíʼin Jehová tá ni̱xi̱nu templo?

4. ¿Ndáaña ke̱ʼé Jehová tasaá ni̱na̱ʼa̱ra ña̱ ni̱kusi̱í-inira xíʼin tu̱ʼun ña̱ ni̱ka̱ʼa̱n ta̱ Salomón xíʼinra?

5. ¿Ndachun na̱kuchiñu ná síʼí ta̱ Salomón sa̱ndáʼvinara, ta ndáaña ndo̱ʼora?

6. ¿Ndachun ni̱sa̱a̱-ini Jehová xíʼin ta̱ Salomón, ta ndáaña ni̱ka̱ʼa̱nra xíʼinra?

Inka ña̱ nda̱ka̱tu̱ʼunyó:

• Kaʼvi 1 Crónicas 28:9, 10.

  1. Tu̱ʼun ña̱ ni̱ka̱ʼa̱n ta̱ David ña̱ va̱xi nu̱ú 1 Crónicas 28:9, 10, ¿ndáaña sánáʼa̱ña miíyó ña̱ keʼéyó ndiʼi ki̱vi̱? (Sal. 19:14; Fili. 4:8, 9.)

• Kaʼvi 2 Crónicas 6:12-21, 32-42.

  2. ¿Ndáaña ni̱na̱ʼa̱ tu̱ʼun ña̱ ni̱ka̱ʼa̱n ta̱ Salomón ni iin veʼe ña̱ íxava̱ʼa na̱ yiví kǒo kívi koo Ndióxi̱ iniña? (2 Cró. 6:18; Hech. 17:24, 25.)

  3. ¿Ndáaña sákuaʼayó xíʼin tu̱ʼun ña̱ ni̱ka̱ʼa̱n ta̱ Salomón xa̱ʼa Jehová ña̱ va̱xi nu̱ú 2 Crónicas 6:32, 33? (Hech. 10:34, 35; Gál. 2:6.)

• Kaʼvi 2 Crónicas 7:1-5.

  4. Tá nda̱ye̱ʼe̱ ñu̱ʼu veʼe Jehová xi̱ni na̱ ñuu Israel ni̱kusi̱í-inina ta nda̱sakáʼnunara, ¿á kúsi̱í-iniyó ndasakáʼnuyó Jehová tá xíniyó bendiciónra? (2 Cró. 7:3; Sal. 22:22; 34:1; 96:2.)

• Kaʼvi 1 Reyes 11:9-13.

  5. ¿Ndáaña sákuaʼayó xa̱ʼa ña̱ ndo̱ʼo ta̱ Salomón ña̱ ndáyáʼviní ña̱ ndinuʼu-iniyó kandíxayó Ndióxi̱ ndiʼi tiempo? (1 Rey. 11:4, 9; Mat. 10:22; Rev. 2:10.)

Historia 65

1. ¿Nda̱saa naní u̱vi̱ ta̱ va̱xi nu̱ú na̱ʼná yóʼo, ta ndáa chiñu kúúmiína?

2. ¿Ndáaña kéʼé ta̱ Ahíya xíʼin ti̱ko̱to̱ ña̱ ndíxira, ta ndáaña kúni̱ kachiña?

3. ¿Ndáaña kúni̱ ta̱ Salomón keʼéra xíʼin ta̱ Jeroboán?

4. ¿Ndachun nda̱ka̱xin na̱ ñuu Israel ta̱ Jeroboán ña̱ kuura rey nu̱ú u̱xu̱ ñuu?

5. ¿Ndachun i̱xava̱ʼa ta̱ Jeroboán u̱vi̱ si̱ndi̱ki̱ tí oro, ta ndáaña ndo̱ʼona tá ni̱ya̱ʼa loʼo tiempo?

6. ¿Ndáaña ku̱u xíʼin u̱vi̱ ñuu ta saátu xíʼin templo Jehová ñuu Jerusalén?

Inka ña̱ nda̱ka̱tu̱ʼunyó:

• Kaʼvi 1 Reyes 11:26-43.

  1. ¿Á ta̱ va̱ʼa xi̱kuu ta̱ Jeroboán, ta ndáaña ni̱ka̱ʼa̱n Jehová taxira ndaʼa̱ra tá ná kandíxara leyra? (1 Rey. 11:28, 38.)

• Kaʼvi 1 Reyes 12:1-33.

  2. ¿Ndáaña kivi sakuaʼa na̱ íyo se̱ʼe xíʼin na̱ xi̱ku̱aʼa na̱ kíʼin kuenta xíʼin congregación xa̱ʼa ña̱ ndo̱ʼo ta̱ Rehoboam? (1 Rey. 12:13; Ecl. 7:7; 1 Ped. 5:2, 3.)

  3. ¿Ndáana kivi taxi consejo ndaʼa̱ na̱ va̱lí ña̱ va̱ʼa kiʼinna iin yichi̱ va̱ʼa? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

  4. ¿Ndachun i̱xava̱ʼa ta̱ Jeroboán u̱vi̱ nu̱ú ndasakáʼnuna tí si̱ndi̱ki̱, ta nda̱saa náʼa̱ ña̱yóʼo ña̱ kǒo níkandíxara Jehová? (1 Rey. 11:37; 12:26-28.)

  5. ¿Yukú na̱ chi̱núu yichi̱ nu̱ú u̱xu̱ ñuu ña̱ ndasakáʼnuna inka ndióxi̱? (1 Rey. 12:32, 33.)

Historia 66

1. ¿Ndáa ñaʼá kúú ñá Jezabel?

2. ¿Ndachun kǒo íyo si̱í-ini ta̱ rey Acab iin ki̱vi̱?

3. ¿Ndáaña ke̱ʼé ñá Jezabel ña̱ ki̱ndaañá ñuʼú ta̱ Nabot koo ñuʼú yiíñá ta̱ Acab?

4. ¿Ndáa ta̱ chi̱ndaʼá Jehová ña̱ taxira castigo ndaʼa̱ ñá Jezabel?

5. Koto nu̱ú na̱ʼná, ¿ndáaña ku̱u tá ki̱xa̱a̱ ta̱ Jehú veʼe ñá Jezabel?

Inka ña̱ nda̱ka̱tu̱ʼunyó:

• Kaʼvi 1 Reyes 16:29-33 xíʼin 18:3, 4.

  1. ¿Ndáaña kini xi̱keʼé na̱ ñuu Israel tá tiempo ni̱xi̱yo ta̱ rey Acab? (1 Rey. 14:9.)

• Kaʼvi 1 Reyes 21:1-16.

  2. ¿Nda̱saa ni̱na̱ʼa̱ ta̱ Nabot ña̱ kǒo níyi̱ʼvíra ta ndakú ni̱xi̱yo inira ña̱ nda̱sakáʼnura Jehová? (1 Rey. 21:1-3; Lev. 25:23-28.)

  3. ¿Ndáaña sákuaʼayó xíʼin ña̱ ndo̱ʼo ta̱ Acab tá íyo tu̱ndóʼo nu̱úyó? (1 Rey. 21:4; Rom. 5:3-5.)

• Kaʼvi 2 Reyes 9:30-37.

  4. ¿Ndáaña sákuaʼayó xa̱ʼa ña̱ xi̱ndiʼi̱ní-ini ta̱ Jehú ña̱ ke̱ʼéra ña̱ kúni̱ Jehová? (2 Rey. 9:4-10; 2 Cor. 9:1, 2; 2 Tim. 4:2.)

Historia 67

1. ¿Ndáa ta̱a kúú ta̱ Jehosafat, ta ndáana ni̱xi̱yo tá tiempo ni̱xi̱yora?

2. ¿Ndachun ni̱yi̱ʼví na̱ ñuu Israel, ta ndáaña ke̱ʼéna?

3. ¿Ndáaña ke̱ʼé Jehová tasaá ni̱na̱ʼa̱ra ña̱ xi̱niso̱ʼora ña̱ ni̱ka̱ʼa̱n ta̱ Jehosafat xíʼinra?

4. ¿Ndáa ña̱ ke̱ʼé Jehová xíʼin na̱ contra tá xa̱kuyatin xa̱a̱ na̱ ñuu Israel nu̱ú kanitáʼanna?

5. ¿Ndáaña sákuaʼayó xíʼin ña̱ ke̱ʼé ta̱ Jehosafat?

Inka ña̱ nda̱ka̱tu̱ʼunyó:

• Kaʼvi 2 Crónicas 20:1-30.

  1. ¿Ndáa yichi̱ sa̱ndákoo ta̱ Jehosafat nu̱úyó keʼéyó tá ndíka̱a̱yó ndaʼa̱ tu̱ndóʼo? (2 Cró. 20:12; Sal. 25:15; 62:1.)

  2. Ndiʼi tiempo, Jehová xíniñúʼura iinna ña̱ va̱ʼa nátúʼunra xíʼin na̱ ñuura, ¿ndáana xíniñúʼura tiempo vitin? (2 Cró. 20:14, 15; Mat. 24:45-47; Juan 15:15.)

  3. Tá ná kixa̱a̱ Armagedón, ¿ndachun kivi ka̱kuyó táki̱ʼva ni̱ka̱ku ta̱ Jehosafat tá ki̱xi tu̱ndóʼo nu̱úna? (2 Cró. 20:15, 17; 32:8; Rev. 16:14, 16.)

  4. ¿Nda̱saa chíndeé na̱ precursor xíʼin na̱ misionero ña̱ va̱ʼa ku̱a̱ʼa̱n Tu̱ʼun Ndióxi̱ iníísaá ñuyǐví tasaá ndíku̱nna yichi̱ na̱ levita? (2 Cró. 20:19, 21; Rom. 10:13-15; 2 Tim. 4:2.)

Historia 68

1. ¿Ndáana kúú u̱ni̱ na̱ va̱xi nu̱ú na̱ʼná yóʼo? ¿Ndáaña ndo̱ʼo ta̱ loʼo yóʼo iin ki̱vi̱?

2. ¿Ndáaña ni̱ka̱ʼa̱n ta̱ Elías xíʼin Jehová xa̱ʼa ta̱ loʼo yóʼo, ta ndáaña ku̱u xíʼinra?

3. ¿Nda̱saa naní ta̱ chi̱ndeé táʼan xíʼin ta̱ Elías?

4. ¿Ndachun ni̱ka̱ʼa̱n iin ñaʼá xíʼin ta̱ Eliseo ña̱ ná ku̱ʼu̱nra veʼeñá chí ñuu Sunem?

5. ¿Ndáaña ke̱ʼé ta̱ Eliseo, ta ndáaña ku̱u xíʼin ta̱ loʼo ni̱xi̱ʼi̱ yóʼo?

6. Ña̱ milagro ña̱ ke̱ʼé ta̱ Elías xíʼin ta̱ Eliseo, ¿nda̱saa náʼa̱ña ña̱ íyoní ndée ndaʼa̱ Jehová?

Inka ña̱ nda̱ka̱tu̱ʼunyó:

• Kaʼvi 1 Reyes 17:8-24.

  1. ¿Nda̱saa náʼa̱ ndiʼi ña̱ ndo̱ʼo ta̱ Elías ña̱ ndinuʼu-inira ka̱ndíxara Jehová? (1 Rey. 17:9; 19:1-4, 10.)

  2. ¿Ndachun ndinuʼuní-ini ñá ñaʼá ñá ñuu Sarepta ka̱ndíxañá Ndióxi̱? (1 Rey. 17:12-16; Luc. 4:25, 26.)

  3. ¿Ndáaña sánáʼa̱ ña̱ ke̱ʼé ñá ñaʼá ñuu Sarepta miíyó xíʼin tu̱ʼun ña̱ ni̱ka̱ʼa̱n ta̱ Jesús nu̱ú tutu Mateo 10:41, 42? (1 Rey. 17:10-12, 17, 23, 24.)

• Kaʼvi 2 Reyes 4:8-37.

  4. ¿Ndáaña sákuaʼayó xíʼin ña̱ ke̱ʼé ñá ñaʼá ñá ñuu Sunem xa̱ʼa ña̱ va̱ʼaní ni̱xi̱yo iniñá xíʼin inkana? (2 Rey. 4:8; Luc. 6:38; Rom. 12:13; 1 Juan 3:17.)

  5. Na̱ káchíñu nu̱ú Ndióxi̱ ña̱ tiempo vitin, ¿ndachun va̱ʼa koo-iniyó xíʼinna? (Hech. 20:35; 28:1, 2; Gál. 6:9, 10; Heb. 6:10.)

Historia 69

1. ¿Ndáaña káʼa̱n ñá loʼo yóʼo xíʼin ñá nána?

2. ¿Ndáañá kúú ñá nána ñá va̱xi nu̱ú na̱ʼná yóʼo, ta ndachun íyo ñá loʼo yóʼo veʼeñá?

3. ¿Ndáaña ni̱ka̱ʼa̱n ta̱ Eliseo xíʼin ta̱ káchíñu nu̱úra ná ka̱ʼa̱nra xíʼin ta̱ Naamán, ta ndachun ni̱sa̱a̱ ta̱ Naamán?

4. ¿Ndáaña ku̱u tá xi̱niso̱ʼo ta̱ Naamán na̱ ni̱ka̱ʼa̱n ta̱ káchíñu nu̱úra xíʼinra?

5. ¿Ndachun kǒo níxiin ta̱ Eliseo nda̱kiʼinra ña̱ʼa ña̱ táxi ta̱ Naamán ndaʼa̱ra, soo ndáaña ke̱ʼé ta̱ Guehazí?

6. ¿Ndáaña ndo̱ʼo ta̱ Guehazí, ta ndáaña sakuaʼayó xa̱ʼa ña̱ ndo̱ʼora?

Inka ña̱ nda̱ka̱tu̱ʼunyó:

• Kaʼvi 2 Reyes 5:1-27.

  1. ¿Nda̱saa kivi chindeé ña̱ ke̱ʼé ñá loʼo ñá ñuu Israel na̱ va̱lí tiempo vitin? (2 Rey. 5:3; Sal. 8:2; 148:12, 13.)

  2. ¿Ndachun kivi ndakaʼányó xa̱ʼa ña̱ ndo̱ʼo ta̱ Naamán tá táxina iin consejo ña̱ va̱xi nu̱ú Biblia ndaʼa̱yó? (2 Rey. 5:15; Heb. 12:5, 6; Sant. 4:6.)

  3. ¿Ndáaña sákuaʼayó xa̱ʼa ña̱ kǒo inkáchi níndakanixi̱ní ta̱ Eliseo xíʼin ta̱ Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Historia 70

1. ¿Ndáa chiñu xi̱kuumií ta̱ Jonás, ta ndáa chiñu xa̱ʼnda Jehová nu̱úra?

2. ¿Míí ñuu ku̱a̱ʼa̱n ta̱ Jonás xa̱ʼa ña̱ kǒo níxiinra ku̱ʼu̱nra nu̱ú ni̱ka̱ʼa̱n Jehová xíʼinra?

3. ¿Ndáaña ni̱ka̱ʼa̱n ta̱ Jonás xíʼin na̱ ku̱a̱ʼa̱n ini barco ña̱ ná keʼéna xíʼinra?

4. Koto nu̱ú na̱ʼná, ¿ndáaña ndo̱ʼo ta̱ Jonás tá sa̱kánanara nu̱ú ti̱kui̱í?

5. ¿Nda̱saa ki̱vi̱ xi̱ndika̱a̱ ta̱ Jonás ini ti̱a̱ká, ta ndáaña ke̱ʼéra?

6. ¿Tándi̱ʼi ki̱tara ini ti̱a̱ká míí ñuu ku̱a̱ʼa̱nra, ta ndáaña sánáʼa̱ ña̱yóʼo miíyó?

Inka ña̱ nda̱ka̱tu̱ʼunyó:

• Kaʼvi Jonás 1:1-17.

  1. ¿Ndachun ni̱yi̱ʼví ta̱ Jonás ña̱ ku̱ʼu̱nra natúʼunra xíʼin na̱ ñuu Nínive? (Jon. 1:2, 3; Pro. 3:7; Ecl. 8:12.)

• Kaʼvi Jonás 2:1, 2, 10.

  2. ¿Ndáaña sánáʼa̱ ña̱ ni̱ka̱ʼa̱n ta̱ Jonás xíʼin Jehová miíyó, tá ndinuʼu-iniyó káʼa̱nyó xíʼinra? (Sal. 22:24; 34:6; 1 Juan 5:14.)

• Kaʼvi Jonás 3:1-10.

  3. Tá xa̱ʼa ni kǒo níkandíxa ta̱ Jonás Jehová ña̱ ni̱ka̱ʼa̱nra xíʼinra, nisaáví xi̱niñúʼuvara ta̱yóʼo, ¿ndáaña sánáʼa̱ña miíyó? (Sal. 103:14; 1 Ped. 5:10.)

  4. ¿Ndáaña sánáʼa̱ ña̱ nda̱kanixi̱ní ta̱ Jonás xa̱ʼa na̱ ñuu Nínive ña̱ va̱ása va̱ʼa ndakanixi̱níyó saá xa̱ʼa na̱ yiví na̱ kǒo xíni̱ Ndióxi̱? (Jon. 3:6-9; Ecl. 11:6; Hech. 13:48.)

Historia 71

1. ¿Ndáa ta̱a xi̱kuu ta̱ Isaías ta ndáa tiempo ni̱xi̱yora, ta ndáaña ni̱na̱ʼa̱ Jehová nu̱úra?

2. Koto nu̱ú na̱ʼná, ¿ndáaña sándákaʼán ñuʼú livi yóʼo miíyó?

3. ¿Ndáaña ni̱ka̱ʼa̱n Jehová xíʼin ta̱ Isaías ña̱ ka̱ʼyíra xa̱ʼa ñuyǐví xa̱á?

4. ¿Ndachun kǒo níxi̱yoka ta̱ Adán xíʼin ñá Eva nu̱ú ñuʼú livi?

5. ¿Ndáaña káʼa̱n Jehová taxira ndaʼa̱ na̱ kúʼvi̱-ini xíniñaʼá?

Inka ña̱ nda̱ka̱tu̱ʼunyó:

• Kaʼvi Isaías 11:6-9.

  1. ¿Nda̱saa káʼa̱n Tu̱ʼun Ndióxi̱ xa̱ʼa ñuyǐví xa̱á ña̱ va̱ʼaní kundoo na̱ yiví xíʼin tí kití nu̱úña? (Sal. 148:10, 13; Isa. 65:25; Eze. 34:25.)

  2. ¿Nda̱saa xínu nu̱ú tu̱ʼun ña̱ ni̱ka̱ʼa̱n ta̱ Isaías ña̱ koo na̱ ñuu Ndióxi̱? (Rom. 12:2; Efe. 4:23, 24.)

  3. ¿Ndáana kúú na̱ ndúkáʼnu xa̱ʼa ña̱ násama na̱ yiví xíʼin ña̱ kéʼéna ña̱ tiempo vitin ta saátu chí nu̱únínu? (Isa. 48:17, 18; Gál. 5:22, 23; Fili. 4:7.)

• Kaʼvi Revelación 21:3, 4.

  4. ¿Ndáaña kúni̱ kachi Tu̱ʼun Ndióxi̱ ña̱ káʼa̱nña íyora xíʼinyó nu̱ú Ñuʼú yóʼo ta kǒo kívi kuniyóra? (Lev. 26:11, 12; 2 Cró. 6:18; Isa. 66:1; Rev. 21:2, 3, 22-24.)

  5. ¿Ndáa tu̱ndóʼo kúú ña̱ kǒo kooka chí nu̱únínu? (Luc.8:49-52; Rom. 8:21, 22; Rev. 21:4.)

Historia 72

1. ¿Ndáa ta̱a kúú ta̱ va̱xi nu̱ú na̱ʼná yóʼo, ta ndachun ndíka̱a̱ra ndaʼa̱ tu̱ndóʼo?

2. ¿Ndáa carta kúú ña̱ chi̱ndoo ta̱ Ezequías nu̱ú altar, ta ndáaña ni̱ka̱ʼa̱nra xíʼin Jehová?

3. ¿Ndáa rey xi̱kuu ta̱ Ezequías, ta ndáa tu̱ʼun chi̱ndaʼá Jehová xíʼin ta̱ profeta Isaías ku̱a̱ʼa̱n nu̱úra?

4. Koto nu̱ú na̱ʼná, ¿ndáaña ke̱ʼé ta̱ ángel xíʼin na̱ soldado na̱ ñuu Asiria?

5. Ni loʼova tiempo xi̱ndoo va̱ʼa na̱ u̱vi̱ ñuu yóʼo, ¿ndáaña ndo̱ʼona tá ni̱xi̱ʼi̱ ta̱ rey Ezequías?

Inka ña̱ nda̱ka̱tu̱ʼunyó:

• Kaʼvi 2 Reyes 18:1-36.

  1. ¿Ndáaña ni̱ka̱ʼa̱n ta̱ Rabsaqué ta̱ ñuu Asiria xíʼin na̱ ñuu Israel ña̱ sándákavara-inina ña̱ ná kǒo kandíxana Jehová? (2 Rey. 18:19, 21; Éxo. 5:2; Sal. 64:3.)

  2. ¿Ndáaña kéʼé na̱ testigo Jehová tasaá ndíku̱nna yichi̱ ta̱ Ezequías tá kǒo xíín inkana taxina ña̱ ndasakáʼnuna Jehová? (2 Rey. 18:36; Sal. 39:1; Pro. 26:4; 2 Tim. 2:24.)

• Kaʼvi 2 Reyes 19:1-37.

  3. Tá ki̱vi̱ íyo tu̱ndóʼo nu̱ú na̱ ñuu Ndióxi̱ na̱ ndóo tiempo vitin, ¿ndáaña kéʼéna tasaá ndíku̱nna yichi̱ ta̱ Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

  4. ¿Ndáa u̱ni̱ ña̱ʼa kúúña ndo̱ʼo ta̱ Senaquerib, ta ndáana káʼa̱nña xa̱ʼa ña̱ saá ndoʼona chí nu̱únínu? (2 Rey. 19:32, 35, 37; Rev. 20:2, 3.)

• Kaʼvi 2 Reyes 21:1-6, 16.

  5. ¿Ndachun káʼa̱n Tu̱ʼun Ndióxi̱ xa̱ʼa ta̱ Manasés ña̱ xi̱kuura iin rey míí ta̱ ndi̱va̱ʼaní-ini nu̱ú ndiʼi na̱ rey na̱ ñuu Jerusalén? (2 Cró. 33:4-6, 9.)

Historia 73

1. ¿Nda̱saa ku̱i̱ya̱ ta̱ Josías tá ndu̱ura rey, ta ndáaña ki̱xaʼára kéʼéra tá xa̱ku̱a̱ʼa̱n u̱xa̱ ku̱i̱ya̱ ña̱ kúúra rey?

2. ¿Ndáaña kéʼé ta̱ Josías nu̱ú na̱ʼná ña̱ iin?

3. ¿Ndáaña nda̱niʼí ta̱ su̱tu̱ tá sándáʼana templo?

4. ¿Ndachun nda̱tá ta̱ Josías ti̱ko̱to̱ra?

5. ¿Ndáaña ni̱ka̱ʼa̱n Jehová xíʼin ñá profeta Huldá ná ka̱ʼa̱nñá xíʼin ta̱ Josías?

Inka ña̱ nda̱ka̱tu̱ʼunyó:

• Kaʼvi 2 Crónicas 34:1-28.

  1. ¿Ndáa yichi̱ sa̱ndákoo ta̱ Josías nu̱ú na̱ ni̱xi̱yo nu̱ú tu̱ndóʼo tá ni̱xi̱yo válína? (2 Cró. 33:21-25; 34:1, 2; Sal. 27:10.)

  2. ¿Ndáaña ke̱ʼé ta̱ Josías ña̱ va̱ʼa ki̱xaʼána ndásakáʼnuna Jehová ña̱ ku̱i̱ya̱ u̱na̱, u̱xu̱ u̱vi̱ xíʼin ku̱i̱ya̱ xa̱ʼu̱n u̱ni̱ tá xa̱ʼndachíñura? (2 Cró. 34:3, 8.)

  3. ¿Ndáaña sákuaʼayó xa̱ʼa ta̱ rey Josías xíʼin xa̱ʼa ta̱ su̱tu̱ Hilquías ña̱ ndasaviíyó veʼe nu̱ú ndásakáʼnuyó Jehová? (2 Cró. 34:9-13; Pro. 11:14; 1 Cor. 10:31.)

Historia 74

1. ¿Nda̱saa naní táta loʼo ta̱ va̱xi nu̱ú na̱ʼná yóʼo?

2. ¿Ndachun kǒo kándíxa-ini ta̱ Jeremías kuura profeta, ta ndáaña ni̱ka̱ʼa̱n Jehová xíʼinra?

3. ¿Ndáaña káʼa̱nka ta̱ Jeremías xíʼin na̱ ñuu Israel?

4. ¿Ndáaña i̱xaa na̱ su̱tu̱ xíʼin ta̱ Jeremías ña̱ ná kǒo ka̱ʼa̱nkara xíʼinna, ta ndáaña ni̱ka̱ʼa̱nra xíʼinna ña̱ kǒo yíʼvira xínirana?

5. ¿Ndáaña ndo̱ʼo na̱ ñuu Israel xa̱ʼa ña̱ kǒo nísandakoona keʼéna ña̱ kini?

Inka ña̱ nda̱ka̱tu̱ʼunyó:

• Kaʼvi Jeremías 1:1-8.

  1. Ña̱ sa̱kuaʼayó xa̱ʼa ta̱ Jeremías, ¿ndáana sánáʼa̱ miíyó ña̱ keʼéyó chiñu Jehová? (2 Cor. 3:5, 6.)

  2. ¿Ndáaña sákuaʼa na̱ va̱lí xíʼin ña̱ ke̱ʼé ta̱ Jeremías? (Ecl. 12:1; 1 Tim. 4:12.)

• Kaʼvi Jeremías 10:1-5.

  3. ¿Ndáa ña̱ʼa xi̱niñúʼu ta̱ Jeremías ña̱ ni̱ka̱ʼa̱nra xíʼinna ña̱ ná kǒo kandíxana ndióxi̱ vatá chi kǒo ndéeña? (Jer. 10:5; Isa. 46:7; Hab. 2:19.)

• Kaʼvi Jeremías 26:1-16.

  4. ¿Nda̱saa ndíku̱n na̱ ku̱ʼu̱n chí ndiví tu̱ʼun ña̱ ni̱ka̱ʼa̱n Jehová xíʼin ta̱ Jeremías ña̱ ʼkǒo kindaara ni iin tu̱ʼunʼ tá nátúʼunna xíʼin na̱ yiví? (Jer. 26:2; Deu. 4:2; Hech. 20:27.)

  5. ¿Ndáa yichi̱ va̱ʼa sa̱ndákoo ta̱ Jeremías nu̱ú na̱ testigo Jehová tá ku̱a̱ʼa̱nna nátúʼunna xíʼin na̱ yiví? (Jer. 26:8, 12, 14, 15; 2 Tim. 4:1-5.)

• Kaʼvi 2 Reyes 24:1-17.

  6. ¿Ndáaña ndo̱ʼo na̱ ñuu Judá xa̱ʼa ña̱ kǒo níkandíxana Jehová? (2 Rey. 24:2-4, 14.)

Historia 75

1. ¿Nda̱saa naní ku̱mí na̱ va̱lí va̱xi nu̱ú na̱ʼná yóʼo, ta ndachun ndóona ñuu Babilonia?

2. ¿Ndáaña kúni̱ ta̱ Nabucodonosor keʼé na̱ va̱lí yóʼo, ta ndáa chiñu xa̱ʼndara nu̱ú na̱ káchíñu nu̱úra?

3. ¿Ndáaña ni̱ka̱ʼa̱n ta̱ Daniel xíʼin u̱ni̱ na̱ va̱lí yóʼo xa̱ʼa ña̱ kuxuna xíʼin xa̱ʼa ña̱ koʼona?

4. Tá ni̱xi̱nu u̱xu̱ ki̱vi̱ xi̱xi na̱ va̱lí yóʼo yiva, ¿nda̱saa náʼa̱ ta̱ Daniel xíʼin inka u̱ni̱ na̱ va̱lí nu̱ú inka na̱ va̱lí na̱ xi̱xi ña̱ va̱ʼa?

5. ¿Ndachun ku̱a̱ʼa̱n ta̱ Daniel xíʼin inka u̱ni̱ na̱ va̱lí yóʼo xíʼinna veʼe ta̱ rey, ta ndáaña xíni̱ka na̱yóʼo nu̱ú na̱ su̱tu̱ xíʼin na̱ ndíchi na̱ kachíñu nu̱úra?

Inka ña̱ nda̱ka̱tu̱ʼunyó:

• Kaʼvi Daniel 1:1-21.

  1. ¿Ndáaña xíniñúʼu keʼéyó ña̱ va̱ʼa ya̱ʼayó nu̱ú tu̱ndóʼo tasaá kǒo keʼéyó ña̱ kúni̱ miíyó? (Dan. 1:8; Gén. 39:7, 10; Gál. 6:9.)

  2. ¿Ndáa ña̱ʼa kúú ña̱ sana kutóo na̱ va̱lí keʼéna chi nu̱ú miína ña̱ va̱ʼa kúú ña̱yóʼo? (Dan. 1:8; Pro. 20:1; 2 Cor. 6:17–7:1.)

  3. Ña̱ sa̱kuaʼayó xa̱ʼa ku̱mí na̱ va̱lí na̱ ñuu Israel, ¿nda̱saa chíndeéña miíyó tá kúni̱yó kaʼvi va̱ʼayó ti̱xin ña̱ escuela? (Dan. 1:20; Isa. 54:13; 1 Cor. 3:18-20.)

Historia 76

1. ¿Ndáaña kúú xíʼin ñuu Jerusalén? ¿Ndáaña ndóʼo na̱ ñuu Israel na̱ va̱xi nu̱ú na̱ʼná yóʼo?

2. ¿Ndáa ta̱a kúú ta̱ Ezequiel, ta ndáa ña̱ʼa ni̱na̱ʼa̱ Jehová nu̱úra?

3. ¿Ndáaña ni̱ka̱ʼa̱n Jehová keʼéra xíʼin na̱ ñuu Israel xa̱ʼa ña̱ kǒo íxato̱ʼónara?

4. ¿Ndáaña ke̱ʼé ta̱ rey Nabucodonosor xíʼin na̱ ñuu Israel ta kǒo níxiinkana kandíxanara?

5. ¿Ndachun ta̱xi Jehová ndi̱ʼi-xa̱ʼa ñuu Israel?

6. ¿Ndachun kǒo níkindo̱o ni iin na̱ yiví ñuu Israel, ta nda̱saa tiempo ni̱xi̱yoña saá?

Inka ña̱ nda̱ka̱tu̱ʼunyó:

• Kaʼvi 2 Reyes 25:1-26.

  1. ¿Ndáa ta̱ xi̱kuu ta̱ Sedequías ta ndáaña ndo̱ʼora, ta nda̱saa ni̱xi̱nu tu̱ʼun ña̱ ni̱ka̱ʼa̱n Ndióxi̱? (2 Rey. 25:5-7; Eze. 12:13-15.)

  2. ¿Ndáana xi̱kuumií ku̱a̱chi xa̱ʼa ña̱ kǒo níxi̱yo nda̱kú-ini na̱ ñuu Israel xíʼin Jehová? (2 Rey. 25:9, 11, 12, 18, 19; 2 Cró. 36:14, 17.)

• Kaʼvi Ezequiel 8:1-18.

  3. ¿Ndáaña kéʼé na̱ inka veʼe-ñu̱ʼu tasaá náʼa̱na ña̱ ndíku̱nna yichi̱ na̱ ñuu Israel na̱ xi̱ndasakáʼnu Ñu̱ʼu? (Eze. 8:16; Isa. 5:20, 21; Juan 3:19-21; 2 Tim. 4:3.)

Historia 77

1. ¿Ndáa chiñu xa̱ʼnda ta̱ rey Nabucodonosor ta̱ ñuu Babilonia nu̱ú ndiʼi na̱ yiví?

2. ¿Ndachun kǒo níxikuxítí na̱ migo ta̱ Daniel nu̱ú ña̱ʼa ña̱ oro?

3. Tá ni̱ka̱ʼa̱n tuku ta̱ rey Nabucodonosor xíʼin u̱ni̱ na̱ va̱lí yóʼo ña̱ kuxítína nu̱ú ña̱ʼa ña̱ oro, ¿nda̱saa ni̱na̱ʼa̱ na̱ va̱lí yóʼo ña̱ kándíxana Jehová?

4. ¿Ndáaña xa̱ʼnda ta̱ rey Nabucodonosor nu̱ú na̱ káchíñu nu̱úra ña̱ keʼéna xíʼin ta̱ Sadrac, ta̱ Mesac xíʼin ta̱ Abednego?

5. ¿Ndáaña xi̱ni ta̱ Nabucodonosor tá xi̱tora ini horno?

6. ¿Ndachun ni̱ka̱ʼa̱n va̱ʼa ta̱ rey Nabucodonosor xa̱ʼa Ndióxi̱, ta̱ Sadrac, ta̱ Mesac xíʼin ta̱ Abednego, ta ndáaña sánáʼa̱ña miíyó?

Inka ña̱ nda̱ka̱tu̱ʼunyó:

• Kaʼvi Daniel 3:1-30.

  1. ¿Ndáaña xíniñúʼu keʼéyó tá yáʼayó nu̱ú tu̱ndóʼo xa̱ʼa ña̱ ndinuʼu-iniyó kándíxayó Ndióxi̱ tasaá kundiku̱nyó yichi̱ u̱ni̱ saá na̱ va̱lí na̱ ñuu Israel? (Dan. 3:17, 18; Mat. 10:28; Rom. 14:7, 8.)

  2. ¿Ndáaña na̱kunda̱a̱-ini ta̱ Nabucodonosor xa̱ʼa Jehová? (Dan. 3:28, 29; 4:34, 35.)

Historia 78

1. ¿Ndáaña ku̱u tá ke̱ʼé ta̱ rey ñuu Babilonia iin vikó káʼnu ta xi̱niñúʼura copa xíʼin ko̱ʼo̱ kúnu ini ña̱ ta̱vána ini templo Jehová ñuu Jerusalén?

2. ¿Ndáaña ni̱ka̱ʼa̱n ta̱ Belsasar xíʼin na̱ ndíchi káchíñu nu̱úra, ta ndáaña kǒo níkuchiñuna keʼéna?

3. ¿Ndáaña ni̱ka̱ʼa̱n siʼí ta̱ Belsasar xíʼinra?

4. ¿Ndáa xa̱ʼa kúú ña̱ chi̱ndaʼá Jehová iin ndaʼa̱na ña̱ ka̱yíʼña kandíka veʼe káchi ta̱ Daniel?

5. ¿Ndáaña ni̱ka̱ʼa̱n ta̱ Daniel ña̱ kúni̱ kachi letra ña̱ ni̱ka̱ʼyi̱ kandíka veʼe?

6. ¿Ndáaña ku̱u tá kúma̱níka ndiʼi ka̱ʼa̱n ta̱ Daniel xíʼinna?

Inka ña̱ nda̱ka̱tu̱ʼunyó:

• Kaʼvi Daniel 5:1-31.

  1. ¿Ndachun kǒo inkáchi íyo ña̱ yi̱ʼvíyó kuniyó Ndióxi̱ xíʼin ña̱ ni̱yi̱ʼví ta̱ Belsasar tá xi̱nira ña̱ letra ña̱ ni̱ka̱ʼyi̱ kandíka veʼe? (Dan. 5:6, 7; Sal. 19:9; Rom. 8:35-39.)

  2. ¿Nda̱saa ni̱na̱ʼa̱ ta̱ Daniel ña̱ ndakúní-inira chi ni̱ka̱ʼa̱nra xíʼin ta̱ Belsasar ta saátu xíʼin ndiʼi na̱ náʼnu na̱ káchíñu xíʼin ta̱yóʼo? (Dan. 5:17, 18, 22, 26-28; Hech. 4:29.)

  3. Nu̱ú capítulo u̱ʼu̱n ña̱ libro ña̱ Daniel, ¿ndáaña ni̱ka̱ʼa̱n Jehová tasaá ni̱na̱ʼa̱ra ña̱ kúúra ta̱ káʼnu va̱ʼaka nu̱ú ndiʼi na̱ yiví ña̱ iníísaá ñuyǐví? (Dan. 4:17, 25; 5:21.)

Historia 79

1. ¿Ndáa ta̱a kúú ta̱ Darío, ta ndáaña ndákanixi̱níra xa̱ʼa ta̱ Daniel?

2. Ta̱a na̱ sáa̱-ini xíni ta̱ Daniel, ¿ndáaña ni̱ka̱ʼa̱nna xíʼin ta̱ Darío keʼéra?

3. ¿Ndáaña ke̱ʼé ta̱ Daniel tá na̱kunda̱a̱-inira xa̱ʼa iin ley xa̱á ña̱ sa̱kán ka̱na?

4. ¿Ndachun ni̱kusuchí-ini ta̱ Darío iin ñu̱ú ta ni kǒo níki̱si̱ra, ta ndáaña ke̱ʼéra tá ni̱tu̱vi inka ki̱vi̱?

5. Tá ka̱na ta̱ Darío ta̱ Daniel, ¿ndáaña nda̱kuiinra?

6. ¿Ndáaña ndo̱ʼo na̱ yiví na̱ kúni̱ kaʼní ta̱ Daniel, ta ndáaña káʼa̱n tutu ña̱ ka̱ʼyí ta̱ Darío ku̱a̱ʼa̱n nu̱ú ndiʼi na̱ ñuura?

Inka ña̱ nda̱ka̱tu̱ʼunyó:

• Kaʼvi Daniel 6:1-28.

  1. Ndiʼi ña̱ i̱xandi̱va̱ʼana xíʼin ta̱ Daniel, ¿ndáaña sándákaʼánña miíyó xa̱ʼa na̱ yiví na̱ kǒo kúni̱ ña̱ ku̱ʼu̱nyó natúʼunyó xa̱ʼa Jehová ña̱ tiempo vitin? (Dan. 6:7; Sal. 94:20; Isa. 10:1; Rom. 8:31.)

  2. ¿Ndáaña sákuaʼayó xíʼin ña̱ ke̱ʼé ta̱ Daniel tá ku̱a̱ʼa̱nyó nu̱ú na̱ xáʼndachíñu ñuyǐví yóʼo? (Dan. 6:5, 10; Rom. 13:1; Hech. 5:29.)

  3. ¿Ndáaña xíniñúʼu keʼéyó ña̱ va̱ʼa ni̱ʼiní kachíñuyó nu̱ú Jehová táki̱ʼva i̱xaa ta̱ Daniel? (Dan. 6:16, 20; Fili. 3:16; Rev. 7:15.)

Historia 80

1. Koto nu̱ú na̱ʼná, ¿ndáaña kéʼé na̱ ñuu Israel?

2. ¿Nda̱saa sa̱xínu ta̱ Ciro ña̱ ni̱ka̱ʼa̱n Jehová xíʼin ta̱ profeta Isaías?

3. ¿Ndáaña ni̱ka̱ʼa̱n ta̱ Ciro xíʼin na̱ ñuu Israel na̱ kǒo kívi ndikó chí ñuu Jerusalén?

4. ¿Ndáa ña̱ʼa ta̱xi ta̱ rey Ciro ndaʼa̱na ku̱ʼu̱n xíʼinna chí ñuu Jerusalén?

5. ¿Nda̱saa yo̱o̱ ni̱xi̱ka na̱ ñuu Israel ta saáví ni̱xa̱a̱na ñuu Jerusalén?

6. ¿Nda̱saa ku̱i̱ya̱ ni̱ya̱ʼa nani tá ni̱ndo̱o mií ñuu Jerusalén ta kǒona níxindoo nu̱úña?

Inka ña̱ nda̱ka̱tu̱ʼunyó:

• Kaʼvi Isaías 44:28 xíʼin 45:1-4.

  1. ¿Ndáaña ni̱ka̱ʼa̱n Jehová tasaá ni̱xi̱nu tu̱ʼun ña̱ ni̱ka̱ʼa̱nra xa̱ʼa ta̱ Ciro? (Isa. 55:10, 11; Rom. 4:17.)

  2. ¿Nda̱saa náʼa̱ ña̱ ni̱ka̱ʼa̱n ta̱ Isaías xa̱ʼa ta̱ Ciro ña̱ ndixa kúnda̱a̱-ini Jehová xa̱ʼa ña̱ koo chí nu̱únínu? (Isa. 42:9; 45:21; 46:10, 11; 2 Ped. 1:20.)

• Kaʼvi Esdras 1:1-11.

  3. Ña̱ va̱ʼa kundiku̱nyó yichi̱ na̱ ñuu Israel na̱ kǒo níndikó chí ñuu Jerusalén, ¿nda̱saa kivi chindeéyó na̱ káchíñu ni̱ʼi nu̱ú Jehová ña̱ tiempo vitin? (Esd. 1:4, 6; Rom. 12:13; Col. 4:12.)

Historia 81

1. ¿Nda̱saa na̱ ñuu Israel ke̱e Babilonia ta ku̱a̱ʼa̱nna chí Jerusalén, ta ndáaña xi̱nina tá ni̱xa̱a̱na kán?

2. ¿Ndáaña ki̱xaʼá kéʼé na̱ ñuu Israel tá ni̱xa̱a̱na ñuu Jerusalén, ta na̱ ñuu na̱ sáa̱-ini xíniñaʼá ndáaña ke̱ʼéna xíʼinna?

3. ¿Ndáa ta̱a kúú ta̱ Ageo xíʼin ta̱ Zacarías, ta ndáaña káʼa̱nna xíʼin na̱ ñuu Israel?

4. ¿Ndachun chi̱ndaʼá ta̱ Tatenai iin carta ku̱a̱ʼa̱n nu̱ú ta̱ rey Babilonia, ta ndáaña nda̱kuiin ta̱yóʼo?

5. ¿Ndáaña ke̱ʼé ta̱ Esdras tá na̱kunda̱a̱-inira ña̱ xíniñúʼu ndasaviína templo Jehová chí ñuu Jerusalén?

6. Koto nu̱ú na̱ʼná, ¿ndáaña ndu̱kú ta̱ Esdras nu̱ú Jehová? ¿Á ta̱xi Jehová ña̱ ndu̱kúra nu̱úra? ¿Ndáaña sánáʼa̱ ña̱yóʼo miíyó?

Inka ña̱ nda̱ka̱tu̱ʼunyó:

• Kaʼvi Esdras 3:1-13.

  1. Tá ndóoyó nu̱ú kǒo ni iin congregación na̱ testigo Jehová, ta ni saáví ¿ndáaña xíniñúʼu keʼéyó? (Esd. 3:3, 6; Hech. 17:16, 17; Heb. 13:15.)

• Kaʼvi Esdras 4:1-7.

  2. ¿Ndáa yichi̱ sa̱ndákoo ta̱ Zorobabel nu̱ú na̱ ñuu Jehová ña̱ ná kǒo sakánuuna ña̱ sánáʼa̱ na̱ inka veʼe-ñu̱ʼu xíʼin ña̱ sánáʼa̱na? (Éxo. 34:12; 1 Cor. 15:33; 2 Cor. 6:14-17.)

• Kaʼvi Esdras 5:1-5, 17 xíʼin 6:1-22.

  3. ¿Ndachun kǒo níkuchiñu na̱ sáa̱-ini xíni na̱ ñuu Israel kasina nu̱úna ña̱ keʼéna templo Jehová? (Esd. 5:5; Isa. 54:17.)

  4. ¿Nda̱saa chíndeé ña̱ ke̱ʼé na̱ xi̱ku̱aʼa na̱ ñuu Israel na̱ xi̱ku̱aʼa na̱ ndóo vitin, ña̱ ndukúna yichi̱ nu̱ú Jehová tá yáʼana nu̱ú tu̱ndóʼo? (Esd. 6:14; Sal. 32:8; Rom. 8:31; Sant. 1:5.)

• Kaʼvi Esdras 8:21-23, 28-36.

  5. Tá kúma̱níka keʼéyó iin ña̱ʼa, ¿ndáa táʼan ña̱ ke̱ʼé ta̱ Esdras xíniñúʼu keʼéyó? (Esd. 8:23; Sal. 127:1; Pro. 10:22; Sant. 4:13-15.)

Historia 82

1. ¿Ndáa ta̱a kúú ta̱ Mardoqueo ta ndáa ñaʼá kúú ñá Ester?

2. ¿Ndachun kúni̱ ta̱ rey Asuero ndukúra inka ñá síʼíra, ta ndáañá ndu̱kúra?

3. ¿Ndáa ta̱a kúú ta̱ Hamán ta ndachun sáa̱-inira?

4. ¿Ndáa ley kúú ña̱ ta̱xi ta̱ rey Asuero, ta ndáaña ke̱ʼé ñá Ester tá chi̱ndaʼá ta̱ Mardoqueo tu̱ʼun ku̱a̱ʼa̱n nu̱úñá?

5. ¿Ndáaña ndo̱ʼo ta̱ Hamán, ta ndáaña ndo̱ʼo ta̱ Mardoqueo?

6. ¿Ndáaña ke̱ʼé na̱ ñuu Israel ña̱ va̱ʼa ni̱ka̱kuna nu̱ú na̱ sáa̱-ini xíniñaʼá?

Inka ña̱ nda̱ka̱tu̱ʼunyó:

• Kaʼvi Ester 2:12-18.

  1. Ña̱ ndo̱ʼo ñá Ester, ¿nda̱saa náʼa̱ña nu̱úyó ña̱ va̱ʼaní kúúña vitá koo iniyó? (Est. 2:15; 1 Ped. 3:1-5.)

• Kaʼvi Ester 4:1-17.

  2. Nda̱a̱ tá ni̱xi̱yo ñá Ester chi va̱ʼa chi̱ndeé táʼanña xíʼin na̱ ñuu Ndióxi̱ tá xi̱naʼá, saátu miíyó ¿ndáaña va̱ʼa keʼéyó tiempo vitin tasaá na̱ʼa̱yó ña̱ ndixa kúʼvi̱-iniyó xíniyó Jehová ta nda̱kú íyo iniyó xíʼinra? (Est. 4:13, 14; Mat. 5:14-16; 24:14.)

• Kaʼvi Ester 7:1-6.

  3. Nda̱a̱ tá ndo̱ʼo ñá Ester, ¿ndáaña ndóʼo ku̱a̱ʼání na̱ ñuu Ndióxi̱ tiempo vitin? (Est. 7:4; Mat. 10:16-22; 1 Ped. 2:12.)

Historia 83

1. ¿Á va̱ása yíʼvi na̱ ñuu Israel ndóona ña̱ kǒo nama̱ sa̱tá ñuuna?

2. ¿Ndáa ta̱a kúú ta̱ Nehemías?

3. ¿Ndáa chiñu kéʼé ta̱ Nehemías, ta ndachun kúúña iin chiñu káʼnu?

4. ¿Ndáaña na̱kunda̱a̱-ini ta̱ Nehemías xa̱ʼa ta ni̱kusuchí-inira, ta ndáaña ke̱ʼéra?

5. ¿Ndáaña ke̱ʼé ta̱ Artajerjes xíʼin ta̱ Nehemías tasaá ni̱na̱ʼa̱ra ña̱ va̱ʼaní inira?

6. ¿Ndáaña ni̱ka̱ʼa̱n ta̱ Nehemías xíʼin na̱ ñuu Israel keʼéna ña̱ va̱ʼa sáxínu kamana nama̱, tasaá kǒo kuchiñu na̱ inka ñuu kasina nu̱úna keʼénaña?

Inka ña̱ nda̱ka̱tu̱ʼunyó:

• Kaʼvi Nehemías 1:4-6 xíʼin 2:1-20.

  1. ¿Ndáa yichi̱ ndu̱kú ta̱ Nehemías nu̱ú Jehová? (Neh. 2:4, 5; Rom. 12:12; 1 Ped. 4:7.)

• Kaʼvi Nehemías 3:3-5.

  2. Na̱ ñuu Teqoa síín ni̱xi̱yo ini na̱yóʼo ta síín ni̱xi̱yotu ini na̱ xi̱xaʼnda chiñu nu̱úna, ¿ndáaña sákuaʼa na̱ xi̱ku̱aʼa xíʼin na̱ chíndeé congregación na̱ ndóʼo tiempo vitin xíʼin ña̱ xi̱keʼé na̱ ñuu kán? (Neh. 3:5, 27; 2 Tes. 3:7-10; 1 Ped. 5:5.)

• Kaʼvi Nehemías 4:1-23.

  3. ¿Ndáaña chi̱ndeé táʼan xíʼin na̱ ñuu Israel ña̱ kǒo níndakoona keʼéna nama̱, ni ni̱xi̱yo na̱ yiví kǒo níkuni̱ keʼénaña? (Neh. 4:6, 8, 9; Sal. 50:15; Isa. 65:13, 14.)

  4. ¿Nda̱saa chíndeé ña̱ ke̱ʼé na̱ ñuu Israel miíyó vitin?

• Kaʼvi Nehemías 6:15.

  5. Tá kúma̱níka u̱vi̱ yo̱o̱ ni̱xi̱nuva̱ nama̱ sa̱tá ñuu Jerusalén, ¿ndáaña sakuaʼayó xíʼin ña̱yóʼo? (Sal. 56:3, 4; Mat. 17:20; 19:26.)

Historia 84

1. ¿Nda̱saa naní ñá va̱xi nu̱ú na̱ʼná yóʼo?

2. ¿Ndáaña káʼa̱n ta̱ ángel Gabriel xíʼin ñá María?

3. ¿Ndachun va̱ʼa koo se̱ʼe ñá María káchi ta̱ ángel xíʼinñá ni kǒova yiíñá?

4. ¿Ndáaña ku̱u tá ni̱xa̱a̱ ñá María nu̱ú ñá Elizabet?

5. ¿Ndáaña nda̱kanixi̱ní ta̱ José tá na̱kunda̱a̱-inira ña̱ koo iin se̱ʼe ñá María, ta ndachun kǒo níkeʼéra ña̱ nda̱kanixi̱níra?

Inka ña̱ nda̱ka̱tu̱ʼunyó:

• Kaʼvi Lucas 1:26-56.

  1. ¿Ndachun kǒo ku̱a̱chi nísaya̱ʼa ñá María ta̱ Jesús tá xi̱ndika̱a̱ra ti̱xinñá? (Ageo 2:11-13; Lucas 1:35; Juan 6:69; Heb. 7:26; 10:5.)

  2. Tá kúma̱níka kaku ta̱ Jesús, ¿nda̱saa ni̱ka̱ʼa̱n va̱ʼana xa̱ʼara? (Luc. 1:41-43.)

  3. ¿Ndáa yichi̱ va̱ʼa nda̱koo ñá María nu̱úyó tá ki̱vi̱ ndákiʼinyó iin chiñu káʼnu ti̱xin ñuu Ndióxi̱? (Luc. 1:38, 46-49; 17:10; Pro. 11:2.)

• Kaʼvi Mateo 1:18-25.

  4. Ni kǒo níchinúuna ki̱vi̱ ta̱ Jesús ña̱ kunaníra Emmanuel, ¿nda̱saa ni̱na̱ʼa̱ chiñu ña̱ ke̱ʼéra nda̱a̱ tá kúni̱ kachi ki̱vi̱ Emmanuel saá i̱xaara? (Mat. 1:22, 23; Juan 14:8-10; Heb. 1:1-3.)

Historia 85

1. ¿Ndáa ta̱ loʼo kúú ta̱ va̱xi nu̱ú na̱ʼná yóʼo, ta ndáa chi̱kandúʼu ñá María ta̱yóʼo?

2. ¿Ndachun ka̱ku ta̱ Jesús iin veʼe nu̱ú ñúʼu kití?

3. ¿Ndáa na̱ ni̱ki̱ʼvi veʼe nu̱ú ñúʼu kití yóʼo, ta ndáaña ni̱ka̱ʼa̱n ta̱ ángel xíʼinna?

4. ¿Ndachun káʼa̱nní na̱ yiví xa̱ʼa ta̱ Jesús?

5. ¿Ndachun káʼa̱nyó ña̱ kúú ta̱ Jesús Se̱ʼe Ndióxi̱?

Inka ña̱ nda̱ka̱tu̱ʼunyó:

• Kaʼvi Lucas 2:1-20.

  1. ¿Ndáaña ni̱ka̱ʼa̱n ta̱ César Augusto tasaá ni̱xi̱nu ña̱ ni̱ka̱ʼa̱n Tu̱ʼun Ndióxi̱ xa̱ʼa ña̱ ka̱ku ta̱ Jesús? (Luc. 2:1-4; Miq. 5:2.)

  2. ¿Ndáaña xíniñúʼu keʼéyó ña̱ va̱ʼa xa̱a̱yó kuuyó na̱ yiví na̱ va̱ʼa ini? (Luc. 2:14; Mat. 16:24; Juan 17:3; Hech. 3:19; Heb. 11:6.)

  3. Ni ni̱kusi̱íní-ini na̱ xi̱ndaa kití tá ka̱ku ta̱ Jesús, ¿ndáa xa̱ʼa kúú ña̱ kúsi̱íka-iniyó na̱ ndásakáʼnu Jehová ña̱ tiempo vitin? (Luc. 2:10, 11; Efe. 3:8, 9; Rev. 11:15; 14:6.)

Historia 86

1. ¿Ndáana kúú na̱ va̱xi nu̱ú na̱ʼná yóʼo, ta ndachun sánáʼa̱ ndaʼa̱na iin tí ki̱mi?

2. ¿Ndachun sáa̱ní-ini ta̱ rey Herodes, ta ndáaña kéʼéra?

3. ¿Míí níʼi tí ki̱mi na̱yóʼo ku̱a̱ʼa̱nrí, soo ndachun kǒo níndikóna nu̱ú ta̱ rey Herodes ta nda̱kiʼinna ku̱a̱ʼa̱nna chí ñuuna?

4. ¿Ndáa chiñu xa̱ʼnda ta̱ Herodes, ta ndachun xa̱ʼndara chiñu yóʼo?

5. ¿Ndáaña ni̱ka̱ʼa̱n Jehová xíʼin ta̱ José?

6. ¿Ndáana sa̱ndáye̱ʼe̱ tí ki̱mi yóʼo, ta ndachun ke̱ʼéna ña̱yóʼo?

Inka ña̱ nda̱ka̱tu̱ʼunyó:

• Kaʼvi Mateo 2:1-23.

  1. ¿Míí ni̱xi̱yo ta̱ Jesús ta nda̱saa ku̱i̱ya̱ra tá ni̱xa̱ʼa̱n na̱ káʼvi xíʼin tí ki̱mi yóʼo xi̱tonara? (Mat. 2:1, 11, 16.)

Historia 87

1. Koto nu̱ú na̱ʼná, ¿nda̱saa ku̱i̱ya̱ ta̱ Jesús ta míí ndíka̱a̱ra?

2. ¿Ndáaña kéʼé ta̱ José xíʼin na̱ veʼera ku̱i̱ya̱ tá ku̱i̱ya̱?

3. Xa̱ku̱a̱ʼa̱n iin ki̱vi̱ xíkana ku̱a̱ʼa̱nna chí veʼena, ¿ndachun ndi̱kó ta̱ José xíʼin ñá María chí ñuu Jerusalén?

4. ¿Míí nda̱niʼí ta̱ José xíʼin ñá María ta̱ Jesús, ta ndachun kǒo kándíxa-ini na̱ yiví ña̱ xíni̱ní ta̱ Jesús?

5. ¿Ndáaña ni̱ka̱ʼa̱n ta̱ Jesús xíʼin siʼíra ñá María?

6. ¿Ndáaña xíniñúʼu keʼéyó ña̱ va̱ʼa kundiku̱nyó yichi̱ ta̱ Jesús tá sákuaʼayó xa̱ʼa Ndióxi̱?

Inka ña̱ nda̱ka̱tu̱ʼunyó:

• Kaʼvi Lucas 2:41-52.

  1. Ni xi̱ka̱ʼa̱nva ley ta̱a kuití kúú na̱ ku̱ʼu̱n ndasakáʼnu ña̱ pascua ku̱i̱ya̱ tá ku̱i̱ya̱, ¿ndáa yichi̱ va̱ʼaní nda̱koo ta̱ José xíʼin ñá María nu̱ú ndiʼi na̱ íyo se̱ʼe tiempo vitin? (Luc. 2:41; Deu. 16:16; 31:12; Pro. 22:6.)

  2. ¿Ndáa yichi̱ sa̱ndákoo ta̱ Jesús nu̱ú na̱ va̱lí na̱ íyo tiempo vitin ña̱ xíniñúʼu kandíxana ña̱ káʼa̱n yivána xíʼin siʼína? (Luc. 2:51; Deu. 5:16; Pro. 23:22; Col. 3:20.)

• Kaʼvi Mateo 13:53-56.

  3. ¿Nda̱saa naní ku̱mí na̱ ñani ta̱ Jesús na̱ káʼa̱n Biblia xa̱ʼa? ¿Ndáa chiñu xi̱kuumií u̱vi̱ na̱yóʼo ti̱xin congregación? (Mat. 13: 55; Hech. 12:17; 15: 6, 13; 21:18; Gál. 1:19; Sant. 1:1; Jud. 1.)

Historia 88

1. ¿Ndáana kúú u̱vi̱ na̱ va̱xi nu̱ú na̱ʼná yóʼo?

2. ¿Ndáa ki̱ʼva sákuchina iin na̱ yiví?

3. Ta̱ Juan, ¿ndáa na̱ yiví sákuchira?

4. ¿Ndáa xa̱ʼa kúú ña̱ ni̱ka̱ʼa̱n ta̱ Jesús xíʼin ta̱ Juan ña̱ sákuchirara?

5. ¿Ndáaña ke̱ʼé Ndióxi̱ tasaá ni̱na̱ʼa̱ra ña̱ kúsi̱í-inira ña̱ nda̱kuchi ta̱ Jesús?

6. ¿Ndáaña ku̱u tá ni̱xa̱ʼa̱n ta̱ Jesús u̱vi̱ xiko ki̱vi̱ nu̱ú kǒo ni iin na̱ yiví ndóo?

7. ¿Ndáana kúú na̱ nu̱ú xi̱kundiku̱n sa̱tá ta̱ Jesús, ta ndáa milagro kúú ña̱ siʼna ke̱ʼéra?

Inka ña̱ nda̱ka̱tu̱ʼunyó:

• Kaʼvi Mateo 3:13-17.

  1. Tá ná kundiku̱nyó yichi̱ ta̱ Jesús, ¿ndáa ki̱ʼva xíniñúʼu ndakuchi iin na̱ yiví? (Sal. 40:7, 8; Mat. 28:19, 20; Luc. 3:21, 22.)

• Kaʼvi Mateo 4:1-11.

  2. Xa̱ʼa ña̱ va̱ʼaní xi̱niñúʼu ta̱ Jesús Tu̱ʼun Ndióxi̱, ¿nda̱saa va̱ʼa chíndeé ña̱yóʼo miíyó ña̱ kusi̱í-iniyó kaʼviyó Biblia ndiʼi ki̱vi̱? (Mat. 4:5-7; 2 Ped. 3:17, 18; 1 Juan 4:1.)

• Kaʼvi Juan 1:29-51.

  3. Na̱ xi̱ndiku̱n sa̱tá ta̱ Juan, ¿ndáana kundiku̱nna káchira ta ndáaña sákuaʼayó xa̱ʼa ña̱yóʼo? (Juan 1:29, 35, 36; 3:30; Mat. 23:10.)

• Kaʼvi Juan 2:1-12.

  4. Milagro ña̱ nu̱ú ña̱ ke̱ʼé ta̱ Jesús, ¿nda̱saa náʼa̱ ña̱yóʼo nu̱úyó ña̱ táxiva Jehová si̱í koo na̱ káchíñu nu̱úra? (Juan 2:9, 10; Sal. 84:11; Sant. 1:17.)

Historia 89

1. ¿Ndachun íxi̱kóna kití ini templo yóʼo?

2. ¿Ndachun ni̱sa̱a̱-ini ta̱ Jesús?

3. Koto nu̱ú na̱ʼná, ¿ndáaña kéʼé ta̱ Jesús, ta ndáaña ni̱ka̱ʼa̱nra xíʼin na̱ yiví íxi̱kó tí sa̱ta?

4. ¿Ndáaña nda̱kaʼán na̱ ndíku̱n sa̱tá ta̱ Jesús xa̱ʼa tá xi̱nina ta̱vára na̱ yiví xíʼin kití ini templo?

5. ¿Ndáa ñuu ni̱ya̱ʼa ta̱ Jesús tá nda̱ndikóra chí ñuu Galilea?

Inka ña̱ nda̱ka̱tu̱ʼunyó:

• Kaʼvi Juan 2:13-25.

  1. Xa̱ʼa ña̱ ni̱sa̱a̱-ini ta̱ Jesús xíʼin na̱ íxi̱kó kití ini templo, ¿ndáaña sánáʼa̱ ña̱yóʼo miíyó á va̱ʼa xi̱kóyó ña̱ʼa ini veʼe nu̱ú ndátakayó? (Juan 2:15, 16; 1 Cor. 10:24, 31-33.)

Historia 90

1. ¿Ndachun ni̱xa̱a̱ ta̱ Jesús yu̱ʼu̱ pozo ti̱kui̱í ñuu Samaria, ta ndáaña ni̱ka̱ʼa̱nra xíʼin iin ñaʼá ni̱xa̱a̱ kán?

2. ¿Ndachun nda̱kanda̱-ini ñá ñaʼá yóʼo ta ndáaña ni̱ka̱ʼa̱nñá xíʼin ta̱ Jesús?

3. ¿Ndáa ti̱kui̱í kúúrá káʼa̱n ta̱ Jesús xa̱ʼa túvi ñá ñaʼá yóʼo, soo ndáa ti̱kui̱í ni̱ka̱ʼa̱nra xa̱ʼa xíʼinñá?

4. ¿Ndachun nda̱kanda̱-ini ñá ñaʼá xa̱ʼa ña̱ xíni̱ ta̱ Jesús xa̱ʼañá, ta ndachun va̱ʼa na̱kunda̱a̱-inira xa̱ʼa ndiʼi ña̱yóʼo?

5. ¿Ndáaña sákuaʼayó xíʼin ndiʼi ña̱ ka̱ʼviyó yóʼo?

Inka ña̱ nda̱ka̱tu̱ʼunyó:

• Kaʼvi Juan 4:5-43.

  1. Tá ndíku̱nyó yichi̱ ta̱ Jesús, ¿ndáaña xíniñúʼu ke̱ʼéyó xíʼin na̱ yiví nda̱a̱ ndáaka na̱ yiví kúúna á nda̱a̱ ndáaka ñuu ke̱ena? (Juan 4:9; 1 Cor. 9:22; 1 Tim. 2:3, 4; Tito 2:11.)

  2. ¿Ndáa ña̱ va̱ʼa ndákiʼin na̱ yiví na̱ xáa̱ sákuaʼa xa̱ʼa Ndióxi̱? (Juan 4:14; Isa. 58:11; 2 Cor. 4:16.)

  3. ¿Ndáaña xíniñúʼu keʼéyó tasaá kundiku̱nyó yichi̱ ñá ñaʼá ñá ñuu Samaria ña̱ xi̱kuni̱níñá natúʼunñá xa̱ʼa ña̱ sa̱kuaʼañá? (Juan 4:7, 28; Mat. 6:33; Luc. 10:40-42.)

Historia 91

1. Koto nu̱ú na̱ʼná, ¿míí níndúʼu ta̱ Jesús sánáʼa̱ra na̱ yiví, ta ndáana kúú na̱ ndóo yatin xíʼinra?

2. ¿Nda̱saa naní u̱xu̱ u̱vi̱ na̱ apóstol ta̱ Jesús?

3. ¿Ndáaña ni̱ka̱ʼa̱n ta̱ Jesús xa̱ʼa?

4. ¿Ndáaña sa̱náʼa̱ ta̱ Jesús na̱ yiví ka̱ʼa̱nna xíʼin Ndióxi̱?

5. ¿Ndáaña ni̱ka̱ʼa̱n ta̱ Jesús xíʼin na̱ yiví ña̱ keʼéna xíʼin táʼanna?

Inka ña̱ nda̱ka̱tu̱ʼunyó:

• Kaʼvi Mateo 5:1-12.

  1. ¿Ndáaña xíniñúʼu keʼéyó tasaá na̱ʼa̱yó ña̱ kúnda̱a̱-iniyó ña̱ ndixa xíniñúʼuyó yichi̱ Ndióxi̱? (Mat. 5:3; Rom. 10:13-15; 1 Tim. 4:13, 15, 16.)

• Kaʼvi Mateo 5:21-26.

  2. ¿Ndáaña sánáʼa̱ tutu Mateo 5:23, 24 miíyó ña̱ vií kooyó xíʼin ñaniyó á ku̱ʼvayó tasaá va̱ʼa kooyó nu̱ú Jehová? (Mat. 6:14, 15; Sal. 133:1; Col. 3:13; 1 Juan 4:20.)

• Kaʼvi Mateo 6:1-8.

  3. ¿Ndáaña ke̱ʼé na̱ fariseo ta ndachun va̱ása va̱ʼa keʼéyó táʼan ña̱ ke̱ʼé na̱yóʼo? (Luc. 18:11, 12; 1 Cor. 4:6, 7; 2 Cor. 9:7.)

• Kaʼvi Mateo 6:25-34.

  4. ¿Ndachun ni̱ka̱ʼa̱n ta̱ Jesús ña̱ xíniñúʼu kandíxayó Jehová chi ta̱yóʼo kúú ta̱ taxi ña̱ʼa ña̱ kuniñúʼuyó? (Éxo. 16:4; Sal. 37:25; Fili. 4:6.)

• Kaʼvi Mateo 7:1-11.

  5. ¿Ndáaña sákuaʼayó xíʼin tu̱ʼun ña̱ ni̱ka̱ʼa̱n ta̱ Jesús ña̱ va̱xi nu̱ú Mateo 7:5? (Pro. 26:12; Rom. 2:1; 14:10; Sant. 4:11, 12.)

Historia 92

1. ¿Nda̱saa naní yivá ñá loʼo ñá va̱xi nu̱ú na̱ʼná yóʼo, ta ndachun ndíʼi̱ní-inira ta saátu ñá síʼíra?

2. ¿Ndáaña i̱xaa ta̱ Jairo tá nda̱niʼíra ta̱ Jesús?

3. ¿Ndáaña ku̱u tá ku̱a̱ʼa̱n ta̱ Jesús chí veʼe ta̱ Jairo, ta ndáaña ni̱ka̱ʼa̱nna xíʼin ta̱ Jairo tá ku̱a̱ʼa̱nra yichi̱?

4. ¿Ndachun xáku̱ndaa na̱ yiví na̱ ndóo veʼe ta̱ Jairo ta̱ Jesús?

5. ¿Ndáaña ke̱ʼé ta̱ Jesús xíʼin ñá loʼo yóʼo tándi̱ʼi ni̱ki̱ʼvira ini cuartoñá xíʼin na̱ apóstolra xíʼin yiváñá xíʼin siʼíñá?

6. ¿Ndáakana sa̱ndátaku ta̱ Jesús, ta ndáaña sánáʼa̱ ña̱yóʼo miíyó?

Inka ña̱ nda̱ka̱tu̱ʼunyó:

• Kaʼvi Lucas 8:40-56.

  1. ¿Ndachun káʼa̱nyó ña̱ va̱ʼaní ni̱xi̱yo ini ta̱ Jesús ta kǒo níndaʼyi̱ra xíʼin iin ñaʼá ñá xi̱kuumií kue̱ʼe̱ ña̱ xi̱xata ni̱i̱ñá, ta ndáaña sanáʼa̱ ña̱yóʼo na̱ xi̱ku̱aʼa na̱ kíʼin kuenta xíʼin congregación? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

• Kaʼvi Lucas 7:11-17.

  2. Ña̱ ke̱ʼé ta̱ Jesús xíʼin ñaʼá ñá ñuu Naín, ¿ndachun va̱ʼa sándi̱ko ña̱yóʼo ini na̱ ni̱xi̱ʼi̱ táʼan? (Luc. 7:13; 2 Cor. 1:3, 4; Heb. 4:15.)

• Kaʼvi Juan 11:17-44.

  3. Ña̱ ndo̱ʼo ta̱ Jesús tá ni̱xi̱ʼi̱ iin mígora, ¿ndáaña sánáʼa̱ ña̱yóʼo miíyó tá xíʼi̱ iin na̱ táʼanyó nu̱úyó? (Juan 11:33-36, 38; 2 Sam. 18:33; 19:1-4.)

Historia 93

1. ¿Ndáaña ndo̱ʼo ta̱ Juan ta̱ Sákuchi na̱ yiví? Ta ¿á ni̱kusuchí-ini ta̱ Jesús tá na̱kunda̱a̱-inira xa̱ʼa ña̱yóʼo?

2. ¿Ndáaña ke̱ʼé ta̱ Jesús ña̱ va̱ʼa ta̱xira xi̱xi na̱ yiví na̱ ndíku̱n sa̱tára, ta nda̱saa canasta ña̱ʼa xi̱xina ni̱ndo̱o?

3. ¿Ndachun ni̱yi̱ʼví na̱ discípulo ta̱ Jesús ñu̱ú saá, ta ndáaña ndo̱ʼo ta̱ Pedro?

4. Tá yichi̱ u̱vi̱, ¿ndáaña ke̱ʼé tuku ta̱ Jesús ña̱ va̱ʼa ta̱xira ña̱ʼa xi̱xi na̱ yiví?

5. ¿Ndachun liviní koo nu̱ú Ñuʼú yóʼo tá ná kaʼndachíñu ta̱ Jesús?

Inka ña̱ nda̱ka̱tu̱ʼunyó:

• Kaʼvi Mateo 14:1-32.

  1. ¿Ndáaña káʼa̱n tutu Mateo 14:23-32 xa̱ʼa ta̱ Pedro?

  2. ¿Ndáaña káʼa̱n Biblia xa̱ʼa ta̱ Pedro ña̱ va̱ʼava na̱samara ta kǒo níxi̱yokara táki̱ʼva ni̱xi̱yora tá ya̱chi̱? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

• Kaʼvi Mateo 15:29-38.

  3. ¿Ndáaña ke̱ʼé ta̱ Jesús xíʼin ña̱ʼa ña̱ ni̱ndo̱o tá xi̱xina tasaá ni̱na̱ʼa̱ra ña̱ íxato̱ʼóra ña̱ʼa ña̱ táxi Yivára? (Mat. 15:37; Juan 6:12; Col. 3:15.)

• Kaʼvi Juan 6:1-21.

  4. ¿Ndáa yichi̱ nda̱koo ta̱ Jesús nu̱úyó ña̱ keʼéyó xíʼin na̱ xáʼndachíñu ñuyǐví yóʼo? (Juan 6:15; Mat. 22:21; Rom. 12:2; 13:1-4.)

Historia 94

1. ¿Ndachun ni̱na̱ʼá táʼan na̱ apóstol tá va̱xina yichi̱?

2. ¿Ndachun ka̱na ta̱ Jesús iin ta̱ loʼo ta̱ ka̱nindichirara nu̱ú ndiʼi na̱ apóstol?

3. ¿Ndáa xa̱ʼa kúú ña̱ ni̱ka̱ʼa̱n ta̱ Jesús ña̱ xíniñúʼu koo na̱ apóstol táki̱ʼva íyo na̱ va̱lí?

4. Tá ni̱ya̱ʼa loʼo yo̱o̱, ¿ndáaña ke̱ʼé ta̱ Jesús tasaá ni̱na̱ʼa̱ra ña̱ ma̱níra na̱ va̱lí?

Inka ña̱ nda̱ka̱tu̱ʼunyó:

• Kaʼvi Mateo 18:1-4.

  1. ¿Ndachun xi̱niñúʼu ta̱ Jesús ku̱a̱ʼání nu̱ú ña̱ʼa tá sa̱náʼa̱ra na̱ yiví? (Mat. 13:34, 36; Mar. 4:33, 34.)

• Kaʼvi Mateo 19:13-15.

  2. Tá kúni̱yó ndakiʼinyó bendición Ndióxi̱, ¿ndáa táʼan ña̱ʼa ña̱ kéʼé na̱ va̱lí xíniñúʼu keʼéyó? (Sal. 25:9; 138:6; 1 Cor. 14:20.)

• Kaʼvi Marcos 9:33-37.

  3. ¿Ndáaña ni̱ka̱ʼa̱n ta̱ Jesús xíʼin na̱ discípulo xa̱ʼa na̱ kúni̱ ndukáʼnu nu̱ú inkana? (Mar. 9:35; Mat. 20:25, 26; Gál. 6:3; Fili. 2:5-8.)

• Kaʼvi Marcos 10:13-16.

  4. ¿Ndachun va̱ʼa xi̱kuyatin na̱ yiví nu̱ú ta̱ Jesús, ta ndáaña sákuaʼa na̱ xi̱ku̱aʼa na̱ kíʼin kuenta xíʼin congregación xíʼin ña̱yóʼo? (Mar. 6:30-34; Fili. 2:1-4; 1 Tim. 4:12.)

Historia 95

1. ¿Ndáaña ni̱nda̱ka̱tu̱ʼun iin ta̱ ñuu Judá ta̱ Jesús, ta̱ ndachun ni̱nda̱ka̱tu̱ʼunrara?

2. ¿Ndáa ña̱ʼa xi̱niñúʼu ta̱ Jesús sava yichi̱ ña̱ sa̱náʼa̱ra na̱ yiví, ta ndáaña sa̱kuaʼayó xa̱ʼa na̱ ñuu Judá xíʼin na̱ ñuu Samaria?

3. Ña̱ na̱túʼun ta̱ Jesús xa̱ʼa, ¿ndáaña ndo̱ʼo ta̱ ñuu Judá tá ku̱a̱ʼa̱nra chí yichi̱ ñuu Jericó?

4. ¿Ndáaña i̱xaa ta̱ su̱tu̱, ta saátu ta̱ káchíñu nu̱ú Ndióxi̱ tá ni̱ya̱ʼana ku̱a̱ʼa̱nna yichi̱?

5. Koto nu̱ú na̱ʼná, ¿ndáa ta̱ kúú ta̱ chíndeé táʼan xíʼin ta̱ ka̱nina yichi̱ yóʼo?

6. Tá sa̱ndíʼi ta̱ Jesús na̱túʼunra historia yóʼo, ¿ndáaña ni̱nda̱ka̱tu̱ʼunra ta ndáaña nda̱kuiin ta̱a yóʼo yu̱ʼu̱ra?

Inka ña̱ nda̱ka̱tu̱ʼunyó:

• Kaʼvi Lucas 10:25-37.

  1. Kǒo níndakuiin kama ta̱ Jesús yu̱ʼu̱ iin ta̱ xa̱xíni̱ xa̱ʼa ley, ¿ndáaña xi̱niñúʼura ña̱ chi̱ndeé táʼanra xíʼin ta̱yóʼo ña̱ va̱ʼa na̱kunda̱a̱-ini miíra xíʼinña? (Luc. 10:26; Mat. 16:13-16.)

  2. ¿Ndachun xi̱niñúʼu ta̱ Jesús historia ña̱ sa̱náʼa̱ra na̱ yiví ña̱ kunda̱a̱-inina chi va̱ʼa ndiʼina nu̱úra? (Luc. 10:36, 37; 18:9-14; Tito 1:9.)

Historia 96

1. ¿Ndáaña ke̱ʼé ta̱ Jesús tá ku̱a̱ʼa̱nra ñuu tá ñuu?

2. ¿Ndáaña ni̱ka̱ʼa̱n ta̱ Jesús xíʼin na̱ apóstol tá xa̱ni̱ya̱ʼa u̱ni̱ ku̱i̱ya̱ nda̱kuchira?

3. ¿Ndáana kúú na̱ va̱xi nu̱ú na̱ʼná yóʼo, ta ndáaña ke̱ʼé ta̱ Jesús xíʼin ñá nána ñá kúúmií kue̱ʼe̱?

4. ¿Ndachun ni̱kukaʼan nu̱ú na̱ su̱tu̱ xíʼin tu̱ʼun ña̱ ni̱ka̱ʼa̱n ta̱ Jesús xíʼinna?

5. Tá xa̱kuyatin ta̱ Jesús xíʼin na̱ apóstol ñuu Jericó, ¿ndáaña ke̱ʼéra ña̱ chi̱ndeé táʼanra xíʼin u̱vi̱ ta̱a na̱ kǒo túvi nu̱ú?

6. ¿Ndachun ke̱ʼé ta̱ Jesús milagro?

Inka ña̱ nda̱ka̱tu̱ʼunyó:

• Kaʼvi Mateo 15:30, 31.

  1. Ndiʼi ña̱ ke̱ʼé ta̱ Jesús, ¿nda̱saa náʼa̱ ña̱yóʼo ña̱ íyoní ndée Jehová, ta nda̱saa chindeé ña̱yóʼo miíyó ña̱ kúnda̱a̱-iniyó xa̱ʼa ña̱ keʼé Jehová ñuyǐví xa̱á? (Sal. 37:29; Isa. 33:24.)

• Kaʼvi Lucas 13:10-17.

  2. ¿Nda̱saa náʼa̱ ña̱ milagro ña̱ ke̱ʼé ta̱ Jesús ki̱vi̱ sábado ta saá koo ña̱ keʼéra xíʼin na̱ yiví tá ná kaʼndachíñura ti̱xin ña̱ mil ku̱i̱ya̱? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4.)

• Kaʼvi Mateo 20:29-34.

  3. Ni ku̱a̱ʼání chiñu xi̱kuumií ta̱ Jesús, ¿ndáaña sákuaʼayó ña̱ ni̱xi̱yo tiempora ña̱ chi̱ndeé táʼanra xíʼin na̱ yiví? (Deu. 15:7; Sant. 2:15, 16; 1 Juan 3:17.)

Historia 97

1. Tá ni̱xa̱a̱ ta̱ Jesús iin ñuu loʼo ña̱ ndíka̱a̱ yatin xíʼin ñuu Jerusalén, ¿ndáaña ni̱ka̱ʼa̱nra xíʼin na̱ discípulo keʼéna?

2. Táki̱ʼva xítoún nu̱ú na̱ʼná yóʼo, ¿ndáaña ku̱u tá ni̱xa̱a̱ ta̱ Jesús ñuu Jerusalén?

3. ¿Ndáaña ke̱ʼé na̱ va̱lí tá xi̱nina sa̱ndáʼa ta̱ Jesús na̱ yiví na̱ kǒo túvi nu̱ú xíʼin na̱ ndu̱chiʼña?

4. ¿Ndáaña ni̱ka̱ʼa̱n ta̱ Jesús xíʼin na̱ su̱tu̱ ta ni̱sa̱a̱na xíʼinra?

5. ¿Ndáaña keʼéyó tasaá kooyó táki̱ʼva ni̱xi̱yo na̱ va̱lí na̱ ni̱ka̱ʼa̱n va̱ʼa xa̱ʼa ta̱ Jesús?

6. ¿Ndáaña kúni̱ na̱ discípulo kunda̱a̱-inina xa̱ʼa?

Inka ña̱ nda̱ka̱tu̱ʼunyó:

• Kaʼvi Mateo 21:1-17.

  1. ¿Ndachun kǒo níki̱ʼvi ta̱ Jesús ñuu Jerusalén ña̱ kuura rey táki̱ʼva xi̱kiʼvi na̱ soldado ñuu Roma tá xi̱kuchiñuna ka̱nitáʼanna xíʼin inkana? (Mat. 21:4, 5; Zac. 9:9; Fili. 2:5-8; Col. 2:15.)

  2. ¿Ndáaña kivi sakuaʼa na̱ va̱lí na̱ ndóo vitin xa̱ʼa ña̱ ni̱ka̱ʼa̱n na̱ va̱lí na̱ ñuu Israel ña̱ va̱xi nu̱ú Salmo 118 tá ni̱ki̱ʼvi ta̱ Jesús ini templo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

• Kaʼvi Juan 12:12-16.

  3. ¿Ndáaña kúni̱ kachi ña̱ xi̱niñúʼu na̱ yiví ndaʼa̱ tú ñu̱u̱ tá ni̱ki̱ʼvi ta̱ Jesús ñuu Jerusalén? (Juan 12:13; Fili. 2:10; Rev. 7:9, 10.)

Historia 98

1. Koto nu̱ú na̱ʼná, ¿ndáa ta̱ kúú ta̱ Jesús, ta ndáana kúú na̱ ñúʼu xíʼinra?

2. ¿Ndáaña ndúkú na̱ su̱tu̱ keʼéna xíʼin ta̱ Jesús ini templo, ta ndáaña ni̱ka̱ʼa̱nra xíʼinna?

3. ¿Ndáaña ni̱nda̱ka̱tu̱ʼun na̱ apóstol ta̱ Jesús?

4. ¿Ndachun ni̱ka̱ʼa̱n ta̱ Jesús xíʼin na̱ apóstol xa̱ʼa sava ña̱ʼa ña̱ kuu nu̱ú Ñuʼú yóʼo tá ná kaʼndachíñura chí ndiví?

5. ¿Ndáaña ni̱ka̱ʼa̱n ta̱ Jesús kuniyó ta saáví sándiʼi-xa̱ʼara ndiʼi tu̱ndóʼo ña̱ íyo ñuyǐví?

Inka ña̱ nda̱ka̱tu̱ʼunyó:

• Kaʼvi Mateo 23:1-39.

  1. Ni káʼa̱nva Biblia va̱ʼava ka̱ʼa̱nyó xíʼin na̱ yiví ki̱vi̱ chiñu ña̱ kéʼéna, ¿ndachun xíniñúʼu kiʼinyó kuenta ti̱xin congregación xíʼin tu̱ʼun ña̱ ni̱ka̱ʼa̱n ta̱ Jesús ña̱ va̱xi nu̱ú Mateo 23:8-11? (Hech. 26:25; Rom. 13:7; 1 Ped. 2:13, 14.)

  2. ¿Ndáaña xi̱niñúʼu na̱ fariseo ña̱ ná kǒo kandíxa na̱ yiví ta̱ Jesús, ta nda̱saa xíniñúʼu na̱ veʼe-ñu̱ʼu vatá táʼan ña̱yóʼo tiempo vitin? (Mat. 23:13; Luc. 11:52; Juan 9:22; 12:42; 1 Tes. 2:16.)

• Kaʼvi Mateo 24:1-14.

  3. ¿Ndáaña káʼa̱n Mateo 24:13 xa̱ʼa ña̱ ndáyáʼviní ña̱ ndakú koo iniyó?

  4. ¿Ndáaña kúni̱ kachi tu̱ʼun, ʼnda̱a̱ nu̱ú ndíʼiʼ ña̱ va̱xi nu̱ú Mateo 24:13? (Mat. 16:27; Rom. 14:10-12; 2 Cor. 5:10.)

• Kaʼvi Marcos 13:3-10.

  5. ¿Ndáa tu̱ʼun va̱xi nu̱ú Marcos 13:10 káʼa̱n ña̱ ni̱ʼiní ná kakayó natúʼunyó xa̱ʼa Tu̱ʼun Ndióxi̱, ta nda̱saa chíndeé ña̱yóʼo miíyó? (Rom. 13:11, 12; 1 Cor. 7:29-31; 2 Tim. 4:2.)

Historia 99

1. Koto nu̱ú na̱ʼná, ¿ndachun ndíka̱a̱ ta̱ Jesús ini cuarto ña̱ piso u̱vi̱ xíʼin u̱xu̱ u̱vi̱ saá na̱ apóstolra?

2. ¿Ndáa ta̱ kúú ta̱ kíta ku̱a̱ʼa̱n, ta ndáaña ku̱a̱ʼa̱nra keʼéra?

3. Tándi̱ʼi ke̱ʼé ta̱ Jesús ña̱ pascua xíʼin na̱ apóstol, ¿ndáa inka ña̱ʼa kéʼéra?

4. Tá xi̱keʼé na̱ ñuu Israel pascua ¿ndáaña xi̱ndakaʼánna xa̱ʼa? Ta na̱ ndíku̱n ta̱ Jesús vitin, ¿ndáaña ndákaʼánna xa̱ʼa tá kéʼéna ña̱ cena ta̱ Jesús?

5. Tándi̱ʼi ke̱ʼéna ña̱ cena ta̱ Jesús, ¿ndáaña ni̱ka̱ʼa̱n ta̱ Jesús xíʼinna ta ndáaña ke̱ʼéna?

Inka ña̱ nda̱ka̱tu̱ʼunyó:

• Kaʼvi Mateo 26:14-30.

  1. ¿Ndachun káʼa̱n tutu Mateo 26:15 xa̱ʼa ta̱ Judas ta i̱xakákun kúúra ña̱ ni̱xi̱kóra ta̱ Jesús nu̱ú na̱ su̱tu̱?

  2. ¿Ndáa u̱vi̱ ña̱ʼa kúú ña̱ káʼa̱n nii̱ ta̱ Jesús xa̱ʼa? (Mat. 26:27, 28; Jer. 31:31-33; Efe. 1:7; Heb. 9:19, 20.)

• Kaʼvi Lucas 22:1-39.

  3. ¿Ndáaña kúni̱ kachi ña̱ ni̱ki̱ʼvi ta̱ Ndi̱va̱ʼa ini ta̱ Judas? (Luc. 22:3; Juan 13:2; Hech. 1:24, 25.)

• Kaʼvi Juan 13:1-20.

  4. Xa̱ʼa ña̱ káʼa̱n Juan 13:2, ¿á va̱ʼa chika̱a̱ ku̱a̱chiyó ta̱ Judas xa̱ʼa ña̱ ke̱ʼéra? Ta, ¿ndáaña sákuaʼayó xa̱ʼa ña̱yóʼo? (Gén. 4:7; 2 Cor. 2:11; Gál. 6:1; Sant. 1:13, 14.)

  5. ¿Ndáa yichi̱ va̱ʼa sa̱ndákoo ta̱ Jesús nu̱úyó? (Juan 13:15; Mat. 23:11; 1 Ped. 2:21.)

• Kaʼvi Juan 17:1-26.

  6. ¿Ndáaña kúni̱ kachi tu̱ʼun ña̱ ni̱ka̱ʼa̱n ta̱ Jesús ña̱ “iin” ná koo ndiʼi na̱ ndíku̱n sa̱tára? (Juan 17:11, 21-23; Rom. 13:8; 14:19; Col. 3:14.)

Historia 100

1. ¿Míí ku̱a̱ʼa̱n ta̱ Jesús xíʼin na̱ apóstol tándi̱ʼi ke̱ena cuarto káʼnu nu̱ú xi̱xina, ta ndáaña ni̱ka̱ʼa̱nra xíʼinna keʼéna?

2. ¿Ndáaña kéʼé na̱ apóstol tá ndi̱kó ta̱ Jesús nu̱ú ndóona, nda̱saa yichi̱ nda̱niʼírana saá?

3. Koto nu̱ú na̱ʼná, ¿ndáana kúú na̱ ni̱xa̱a̱ ña̱ Getsemaní, ta ndáaña i̱xaa ta̱ Judas Iscariote?

4. ¿Ndachun chi̱tu ta̱ Judas Iscariote nu̱ú ta̱ Jesús, ta ndáaña i̱xaa ta̱ Pedro?

5. ¿Ndáaña ni̱ka̱ʼa̱n ta̱ Jesús xíʼin ta̱ Pedro? ¿Ndachun kǒo níka̱ʼa̱n ta̱ Jesús xíʼin Ndióxi̱ ña̱ chindaʼára iin ángel kixi chindeé táʼan xíʼinra?

Inka ña̱ nda̱ka̱tu̱ʼunyó:

• Kaʼvi Mateo 26:36-56.

  1. ¿Ndachun va̱ʼaní yichi̱ nda̱koo ta̱ Jesús nu̱ú na̱ xi̱ku̱aʼa na̱ kíʼin kuenta xíʼin congregación ña̱ ta̱xira consejo ndaʼa̱ na̱ discípulo? (Mat. 20:25-28; 26:40, 41; Gál. 5:17; Efe. 4:29, 31, 32.)

  2. ¿Ndáaña ni̱ka̱ʼa̱n ta̱ Jesús xa̱ʼa ña̱ kuniñúʼuyó yuchu̱ á tu̱xi̱í ña̱ kanitáʼanyó xíʼin na̱ yiví? (Mat. 26:52; Luc. 6:27, 28; Juan 18:36.)

• Kaʼvi Lucas 22:39-53.

  3. Ña̱ ki̱xi iin ángel nu̱ú ta̱ Jesús ña̱ Getsemaní ña̱ ta̱xira ndée ndaʼa̱ra, ¿á kúni̱ kachi ña̱yóʼo ña̱ su̱ví ndinuʼu-inika ta̱ Jesús kándíxara Jehová? (Luc. 22:41-43; Isa. 49:8; Mat. 4:10, 11; Heb. 5:7).

• Kaʼvi Juan 18:1-12.

  4. ¿Ndáaña ke̱ʼé ta̱ Jesús ña̱ va̱ʼa xi̱ndaara na̱ discípulora nu̱ú na̱ sáa̱-ini xíniñaʼá, ta̱ ndáaña sákuaʼayó xíʼin ña̱yóʼo? (Juan 10:11, 12; 18:1, 6-9; Heb. 13:6; Sant. 2:25.)

Historia 101

1. ¿Ndáa ta̱ kúú ta̱ chi̱ka̱a̱ inina ña̱ kaʼnína ta̱ Jesús?

2. ¿Ndáaña ke̱ʼé na̱ apóstol tá ti̱in na̱ su̱tu̱ ta̱ Jesús ku̱a̱ʼa̱n xíʼinna?

3. ¿Ndáaña ku̱u veʼe ta̱ su̱tu̱ káʼnu Caifás?

4. ¿Ndachun ku̱a̱ʼa̱n ta̱ Pedro tasaá ki̱xaʼára xákura?

5. Tá ndi̱kó tuku na̱ su̱tu̱ xíʼin ta̱ Jesús nu̱ú ta̱ Pilato, ¿ndáaña káʼa̱nna xíʼin ta̱ Pilato keʼéra xíʼin ta̱ Jesús?

6. ¿Ndáaña i̱xaana xíʼin ta̱ Jesús tá xa̱ni̱ya̱ʼa sava ki̱vi̱ viernes, ta ndáaña ni̱ka̱ʼa̱n ta̱ Jesús xíʼin iin ta̱ tíkaa ndaʼa̱ yitu̱n xíʼinra?

7. ¿Míí koo ñuʼú livi ña̱ ni̱ka̱ʼa̱n ta̱ Jesús xa̱ʼa?

Inka ña̱ nda̱ka̱tu̱ʼunyó:

• Kaʼvi Mateo 26:57-75.

  1. ¿Ndáaña ke̱ʼé na̱ chiñu náʼnu tá nda̱takana nu̱ú tiinna ku̱a̱chi xíʼin ta̱ Jesús tasaá ni̱na̱ʼa̱na ña̱ kǒo ña̱ va̱ʼa ndíka̱a̱ níma̱na? (Mat. 26:59, 67, 68.)

• Kaʼvi Mateo 27:1-50.

  2. ¿Ndachun su̱ví ña̱ ndixa kúú ña̱ níndikó-ini ta̱ Judas xa̱ʼa ña̱ ke̱ʼéra? (Mat. 27:3, 4; Mar. 3:29; 14:21; 2 Cor. 7:10, 11.)

• Kaʼvi Lucas 22:54-71.

  3. ¿Ndáaña sákuaʼayó xa̱ʼa ña̱ ni̱ka̱ʼa̱n ta̱ Pedro ña̱ kǒo xíni̱ra ta̱ Jesús tá ki̱vi̱ ti̱innara? (Luc. 22:60-62; Mat. 26:31-35; 1 Cor. 10:12.)

• Kaʼvi Lucas 23:1-49.

  4. ¿Ndáaña ke̱ʼé ta̱ Jesús tá i̱xandi̱va̱ʼana xíʼinra, ta ndáaña sákuaʼayó xíʼin ña̱yóʼo? (Luc. 23:33, 34; Rom. 12:17-19; 1 Ped. 2:23.)

• Kaʼvi Juan 18:12-40.

  5. Ta̱ Pedro ni̱yi̱ʼvíra xi̱nira na̱ yiví, tá ni̱ya̱ʼa tiempo kǒo níyi̱ʼvíkara ta saá ni̱xa̱a̱ra xi̱kuura iin apóstol ta̱ ndakú-ini, ¿ndáaña sákuaʼayó xa̱ʼa ña̱yóʼo? (Juan 18:25-27; 1 Cor. 4:2; 1 Ped. 3:14, 15; 5:8, 9.)

• Kaʼvi Juan 19:1-30.

  6. ¿Á xi̱ndiʼi̱-ini ta̱ Jesús xa̱ʼa ña̱ ku̱i̱ká? (Juan 2:1, 2, 9, 10; 19:23, 24; Mat. 6:31, 32; 8:20.)

  7. Tu̱ʼun ña̱ ni̱ka̱ʼa̱n ta̱ Jesús tá xa̱ni̱nu̱mí kuvira, ¿ndachun káʼa̱nña xa̱ʼa ña̱ na̱kuchiñura ni̱ka̱ʼa̱nra xa̱ʼa ña̱ kaʼndachíñu Jehová? (Juan 16:33; 19:30; 2 Ped. 3:14; 1 Juan 5:4.)

Historia 102

1. ¿Ndáa ñaʼá kúú ñá va̱xi nu̱ú na̱ʼná yóʼo? ¿Ndáa ta̱a kúú u̱vi̱ na̱ va̱xi yóʼo, ta ndáa míí ñúʼuna?

2. ¿Ndachun xa̱ʼnda ta̱ Pilato chiñu nu̱ú na̱ su̱tu̱ ña̱ ná ka̱ʼa̱nna xíʼin na̱ soldado ña̱ ku̱ʼu̱nna kundaana nu̱ú ni̱ndu̱xu̱n ta̱ Jesús?

3. ¿Ndáaña ke̱ʼé iin ta̱ ángel tá xi̱ta̱a̱n ña̱ ki̱vi̱ u̱ni̱ tá ni̱xi̱ʼi̱ ta̱ Jesús, soo ndáaña ke̱ʼé na̱ su̱tu̱?

4. ¿Ndachun nda̱kanda̱-ini ná si̱ʼí tá ni̱xa̱ʼa̱nná xi̱toná nu̱ú ni̱ndu̱xu̱n ta̱ Jesús?

5. ¿Ndachun xínu ta̱ Pedro ku̱a̱ʼa̱nra xíʼin ta̱ Juan nu̱ú ni̱ndu̱xu̱n ta̱ Jesús, ta á ndíka̱a̱ka ta̱ Jesús xi̱nina?

6. ¿Ndáaña ku̱u xíʼin ku̱ñu ta̱ Jesús, ta ndáaña ke̱ʼéra ña̱ va̱ʼa kuni na̱ discípulo ña̱ tákura?

Inka ña̱ nda̱ka̱tu̱ʼunyó:

• Kaʼvi Mateo 27:62-66 xíʼin 28:1-15.

  1. Tá nda̱taku ta̱ Jesús, ¿ndáaña ke̱ʼé na̱ su̱tu̱ náʼnu, na̱ fariseo xíʼin na̱ xi̱ku̱aʼa ña̱ ni̱ki̱ʼvina ku̱a̱chi xíʼin espíritu yi̱i̱ Ndióxi̱? (Mat. 12:24, 31, 32; 28:11-15.)

• Kaʼvi Lucas 24:1-12.

  2. ¿Ndáaña ni̱na̱ʼa̱ Jehová xa̱ʼa ña̱ xi̱niñúʼura ná si̱ʼí ña̱ va̱ʼa na̱túʼunná xa̱ʼa ña̱ nda̱taku ta̱ Jesús? (Luc. 24:4, 9, 10; Mat. 28:1-7.)

• Kaʼvi Juan 20:1-12.

  3. ¿Nda̱saa chíndeé ña̱ va̱xi nu̱ú tutu Juan 20:8, 9 miíyó ña̱ kundatuyó tá kǒo kúnda̱a̱-iniyó ama xi̱nu nu̱ú sava ña̱ káʼa̱n Biblia? (Pro. 4:18; Mat. 17:22, 23; Luc. 24:5-8; Juan 16:12.)

Historia 103

1. ¿Ndáaña ni̱ka̱ʼa̱n ñá María xíʼin iin ta̱a chi ña̱ túvi miíñá kán káchíñura, soo ndachun va̱ʼa na̱kunda̱a̱-iniñá ña̱ kúúra ta̱ Jesús?

2. ¿Ndáaña ku̱u tá ku̱a̱ʼa̱n u̱vi̱ na̱ discípulo chí ñuu Emaús?

3. ¿Ndáaña ku̱u tá nátúʼun u̱vi̱ na̱ discípulo xíʼin na̱ apóstol ña̱ xi̱nina ta̱ Jesús?

4. ¿Nda̱saa yichi̱ xi̱ni na̱ discípulo ta̱ Jesús?

5. ¿Ndáaña ni̱ka̱ʼa̱n ta̱ Tomás tá ni̱ka̱ʼa̱nna xíʼinra ña̱ xi̱nina ta̱ Jesús, ta ndáaña ku̱u tá ni̱ya̱ʼa u̱na̱ ki̱vi̱?

Inka ña̱ nda̱ka̱tu̱ʼunyó:

• Kaʼvi Juan 20:11-29.

  1. Tu̱ʼun ña̱ ni̱ka̱ʼa̱n ta̱ Jesús ña̱ va̱xi nu̱ú Juan 20:23, ¿á kúni̱ kachiña táxi Ndióxi̱ ndée ndaʼa̱yó ña̱ koo káʼnu-iniyó xa̱ʼa ku̱a̱chi inkana? (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

• Kaʼvi Lucas 24:13-43.

  2. ¿Ndáaña xíniñúʼu keʼéyó ña̱ va̱ʼa koo tu̱ʼvayó ña̱ sakuaʼayó xa̱ʼa Tu̱ʼun Ndióxi̱? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

Historia 104

1. ¿Nda̱saa na̱ discípulo xi̱ni ta̱ Jesús iin yichi̱, ta ndáaña ni̱ka̱ʼa̱nra xíʼinna?

2. ¿Ndáaña kúni̱ kachi ña̱ kaʼndachíñu Ndióxi̱, ta nda̱saa koo nu̱ú Ñuʼú yóʼo tá ná kaʼndachíñu ta̱ Jesús iin mil ku̱i̱ya̱?

3. ¿Nda̱saa ki̱vi̱ xi̱ni na̱ discípulo ta̱ Jesús, ta ndáaña ku̱u tándi̱ʼi?

4. ¿Ndáa chiñu xa̱ʼnda ta̱ Jesús nu̱ú na̱ discípulo keʼéna tá xa̱ni̱numí ndikóra chí ndiví?

5. ¿Ndáaña kúu nu̱ú na̱ʼná yóʼo, ta ndachun kǒoka ta̱ Jesús níxinina?

Inka ña̱ nda̱ka̱tu̱ʼunyó:

• Kaʼvi 1 Corintios 15:3-8.

  1. ¿Ndachun kǒo níxi̱ka-ini ta̱ apóstol Pablo natúʼunra xa̱ʼa ña̱ nda̱taku ta̱ Jesús, ta ndáa ña̱ʼa kúúña kǒo xíka-ini na̱ ndíku̱n sa̱tá ta̱ Jesús natúʼunna xa̱ʼa tiempo vitin? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

• Kaʼvi Hechos 1:1-11.

  2. ¿Nda̱a̱ ndáa míí xa̱a̱ Tu̱ʼun Ndióxi̱ káchi Hechos 1:8? (Hech. 6:7; 9:31; 11:19-21; Col. 1:23.)

Historia 105

1. Koto nu̱ú na̱ʼná, ¿ndáaña ku̱u tá ñúʼu na̱ ndíku̱n sa̱tá ta̱ Jesús ini veʼe chí ñuu Jerusalén?

2. ¿Ndachun nda̱kanda̱ní-ini na̱ yiví na̱ ni̱xa̱a̱ ñuu Jerusalén?

3. ¿Ndáaña ni̱ka̱ʼa̱n ta̱ Pedro xíʼin na̱ yiví kán?

4. ¿Ndáaña ni̱ka̱ʼa̱n ku̱a̱ʼání na̱ yiví tá xi̱niso̱ʼona ña̱ ni̱ka̱ʼa̱n ta̱ Pedro, ta ndáaña ni̱ka̱ʼa̱nra xíʼinna keʼéna?

5. ¿Nda̱saa na̱ yiví nda̱kuchi ña̱ ku̱i̱ya̱ 33 ña̱ vikó Pentecostés?

Inka ña̱ nda̱ka̱tu̱ʼunyó:

• Kaʼvi Hechos 2:1-47.

  1. ¿Nda̱saa náʼa̱ tu̱ʼun ña̱ va̱xi nu̱ú tutu Hechos 2:23, 36 ña̱ ni̱ka̱ʼa̱n ta̱ Pedro na̱ kúúmií ku̱a̱chi ña̱ ni̱xi̱ʼi̱ ta̱ Jesús kúú na̱ ñuu Judá? (1 Tes. 2:14, 15.)

  2. ¿Ndáa yichi̱ nda̱koo ta̱ Pedro nu̱úyó ña̱ ná chindeé táʼanyó xíʼin na̱ yiví ña̱ kunda̱a̱ va̱ʼa inina xa̱ʼa Tu̱ʼun Ndióxi̱? (Hech. 2:16, 17, 29, 31, 36, 39; Col. 4:6.)

  3. U̱ni̱ chiñu kúúña taxi ta̱ Jesús ndaʼa̱ ta̱ Pedro, ¿ndáaña kúú ña̱ siʼna ke̱ʼéra? (Hech. 2:14, 22-24, 37, 38; Mat. 16:19.)

Historia 106

1. ¿Ndáana nda̱niʼí ta̱ Pedro xíʼin ta̱ Juan tá ni̱ki̱ʼvina ini templo iin xi̱kua?

2. ¿Ndáaña ni̱ka̱ʼa̱n ta̱ Pedro xíʼin iin ta̱ kǒo kívi kaka ta ndáaña ke̱ʼéra xíʼinra ta ndáyáʼvika ña̱yóʼo nu̱ú xu̱ʼún?

3. ¿Ndachun ni̱sa̱a̱ní-ini na̱ su̱tu̱ xi̱nina ta̱ Pedro xíʼin ta̱ Juan, ta ndáaña ke̱ʼéna xíʼinna?

4. ¿Ndáaña ni̱ka̱ʼa̱n ta̱ Pedro xíʼin na̱ su̱tu̱, ta ndáaña ni̱ka̱ʼa̱n na̱yóʼo xíʼin na̱ apóstol?

5. ¿Ndachun kǒo kúni̱ na̱ su̱tu̱ xínina na̱ apóstol, ta ndáaña ku̱u tá chi̱ka̱a̱ tukuna na̱ apóstol veʼeka̱a?

6. ¿Ndáaña nda̱kuiin na̱ apóstol yu̱ʼu̱ na̱ su̱tu̱ tá ni̱xa̱a̱na xíʼinna veʼe nu̱ú ndátakana tíinna ku̱a̱chi?

Inka ña̱ nda̱ka̱tu̱ʼunyó:

• Kaʼvi Hechos 3:1-10.

  1. Ña̱ tiempo vitin ni kǒova milagro kéʼéyó, ¿nda̱saa chíndeé tu̱ʼun ña̱ ni̱ka̱ʼa̱n ta̱ Pedro ña̱ va̱xi nu̱ú tutu Hechos 3:6 ña̱ ná kundayáʼvi Tu̱ʼun Ndióxi̱ nu̱úyó? (Juan 17:3; 2 Cor. 5:18-20; Fili. 3:8.)

• Kaʼvi Hechos 4:1-31.

  2. Tá íyo tu̱ndóʼo nu̱úyó xa̱ʼa ña̱ nátúʼunyó xa̱ʼa Tu̱ʼun Ndióxi̱, ¿nda̱saa kivi kundiku̱nyó yichi̱ na̱ discípulo na̱ xi̱ndoo xi̱naʼá? (Hech. 4:29,31; Efe. 6:18-20; 1 Tes. 2:2.)

• Kaʼvi Hechos 5:17-42.

  3. Na̱ kǒo kúú testigo Jehová na̱ xi̱ndoo xi̱naʼá xíʼin na̱ ndóo vitin, ¿nda̱saa káʼa̱n va̱ʼana xa̱ʼa ña̱ xíkayó nátúʼunyó xa̱ʼa Tu̱ʼun Ndióxi̱? (Hech. 5:34-39.)

Historia 107

1. ¿Ndáa ta̱ kúú ta̱ Esteban, ta nda̱saa chi̱ndeé Ndióxi̱ ta̱yóʼo xa̱ʼa ña̱ ke̱ʼéra?

2. ¿Ndáaña ni̱ka̱ʼa̱n ta̱ Esteban xíʼin na̱ su̱tu̱ ta ni̱sa̱a̱nína xa̱ʼa ña̱yóʼo?

3. ¿Ndáaña ke̱ʼéna xíʼin ta̱ Esteban tándi̱ʼi ñu̱unara chí nu̱ú ñuu?

4. Koto nu̱ú na̱ʼná, ¿ndáa ta̱ kúú ta̱ níndichi yatin nu̱ú ndóo ti̱ko̱to̱?

5. ¿Ndáaña ni̱ka̱ʼa̱n ta̱ Esteban xíʼin Jehová tá kúma̱níka kuvira?

6. ¿Ndáaña sákuaʼayó xíʼin ña̱ ke̱ʼé ta̱ Esteban tá íxandi̱va̱ʼa iinna xíʼinyó?

Inka ña̱ nda̱ka̱tu̱ʼunyó:

• Kaʼvi Hechos 6:8-15.

  1. ¿Ndáaña xíniñúʼu na̱ veʼe-ñu̱ʼu vatá ña̱ kǒo kúni̱na kakayó natúʼunyó xa̱ʼa Jehová? (Hech. 6:9, 11, 13.)

• Kaʼvi Hechos 7:1-60.

  2. ¿Ndáaña chi̱ndeé táʼan xíʼin ta̱ Esteban ña̱ va̱ʼaní ni̱ka̱ʼa̱nra xa̱ʼa Tu̱ʼun Ndióxi̱ tá ni̱xa̱a̱ra nu̱ú ndátakana tíinna ku̱a̱chi, ta ndáaña sákuaʼayó xa̱ʼa ña̱yóʼo? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

  3. ¿Nda̱saa xíniñúʼu koo iniyó xíʼin na̱ kǒo kúni̱ xíni miíyó ña̱ káchíñuyó nu̱ú Ndióxi̱? (Hech. 7:58-60; Mat. 5:44; Luc. 23:33, 34.)

Historia 108

1. ¿Ndáaña ke̱ʼé ta̱ Saulo tándi̱ʼi xa̱ʼnína ta̱ Esteban?

2. ¿Ndáaña ku̱u xíʼin ta̱ Saulo tá ku̱a̱ʼa̱nra chí ñuu Damasco?

3. ¿Ndáaña ni̱ka̱ʼa̱n ta̱ Jesús xíʼin ta̱ Saulo keʼéra?

4. ¿Ndáaña káʼa̱n ta̱ Jesús xíʼin ta̱ Ananías keʼéra, ta á nda̱ʼa nduchú nu̱ú ta̱ Saulo?

5. ¿Ndáaña ndu̱u ki̱vi̱ ta̱ Saulo, ta ndáa ña̱ va̱ʼa ke̱ʼéra?

Inka ña̱ nda̱ka̱tu̱ʼunyó:

• Kaʼvi Hechos 8:1-4.

  1. Tá ki̱xi tu̱ndóʼo nu̱ú na̱ xi̱ndiku̱n sa̱tá ta̱ Jesús ta xi̱nuna ku̱a̱ʼa̱nna inka ñuu, ¿ndachun kǒo níndakoona ña̱ natúʼunna xa̱ʼa Tu̱ʼun Ndióxi̱? Tá íyo tu̱ndóʼo nu̱ú na̱ ndóo tiempo vitin, ¿á kéʼéna táʼan ña̱yóʼo? (Hech. 8:4; Isa. 54:17.)

• Kaʼvi Hechos 9:1-20.

  2. ¿Ndáa u̱ni̱ chiñu kúú ña̱ xi̱kuni̱ ta̱ Jesús keʼé ta̱ Saulo? (Hech. 9:15; 13:5; 26:1; 27:24; Rom. 11:13.)

• Kaʼvi Hechos 22:6-16.

  3. ¿Ndáa yichi̱ va̱ʼa sa̱ndákoo ta̱ Ananías nu̱úyó, ta ndachun ndáyáʼviní ña̱yóʼo? (Hech. 22:12; 1 Tim. 3:7; 1 Ped. 1:14-16; 2:12.)

• Kaʼvi Hechos 26:8-20.

  4. Ña̱ ndu̱u ta̱ Pablo iin ta̱ káchíñu nu̱ú Ndióxi̱, ¿nda̱saa chíndeé ña̱yóʼo na̱ xa̱tindaʼa̱ tá yiína á ñá síʼína kǒo sákuaʼa xa̱ʼa Ndióxi̱? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Historia 109

1. ¿Ndáa ta̱a kúú ta̱ xíkuxítí nu̱ú na̱ʼná yóʼo?

2. ¿Ndáaña káʼa̱n iin ángel xíʼin ta̱ Cornelio?

3. ¿Ndáaña ta̱xi Ndióxi̱ xi̱to ta̱ Pedro tá nda̱ara sa̱tá veʼe ta̱ Simón ña̱ ñuu Jope?

4. ¿Ndachun káʼa̱n ta̱ Pedro xíʼin ta̱ Cornelio ña̱ va̱ása va̱ʼa kuxítíra nu̱úra ta ni ña̱ ndasakáʼnurara?

5. Tá ni̱xa̱a̱ na̱ discípulo na̱ ñuu Judá xíʼin ta̱ Pedro veʼe ta̱ Cornelio, ¿ndachun nda̱kanda̱-inina?

6. ¿Ndáaña sákuaʼayó xa̱ʼa ña̱ ni̱xa̱ʼa̱n ta̱ Pedro xi̱toniʼnira ta̱ Cornelio?

Inka ña̱ nda̱ka̱tu̱ʼunyó:

• Kaʼvi Hechos 10:1-48.

  1. ¿Ndáaña káʼa̱n tu̱ʼun ña̱ va̱xi nu̱ú Hechos 10:42 ña̱ ni̱ka̱ʼa̱n ta̱ Pedro ña̱ kakayó sanáʼa̱yó na̱ yiví xa̱ʼa Tu̱ʼun Ndióxi̱? (Mat. 28:19; Mar. 13:10; Hech. 1:8.)

• Kaʼvi Hechos 11:1-18.

  2. ¿Ndáaña ke̱ʼé ta̱ Pedro tá na̱kunda̱a̱-inira ña̱ kúni̱ Jehová xínitura na̱ kǒo kúú ñuu Israel, ta ndachun va̱ʼaní yichi̱ sa̱ndákoora nu̱úyó? (Hech. 11:17, 18; 2 Cor. 10:5; Efe. 5:17.)

Historia 110

1. ¿Nda̱saa naní ta̱ loʼo va̱xi nu̱ú na̱ʼná yóʼo, ta míí ñuura? ¿Nda̱saa naní siʼíra xíʼin xi̱tánra?

2. ¿Ndáaña nda̱kuiin ta̱ Timoteo tá ni̱nda̱ka̱tu̱ʼun ta Pablo ta̱yóʼo á kúni̱ra ku̱ʼu̱nra xíʼinra xíʼin ta̱ Silas inka ñuu ña̱ natúʼunna xa̱ʼa Tu̱ʼun Ndióxi̱?

3. ¿Nda̱saa naní ñuu nu̱ú siʼna nda̱kunaní na̱ discípulo, cristiano?

4. ¿Ndáaña kúú sava ñuu ña̱ ni̱xa̱ʼa̱n ta̱ Pablo, ta̱ Silas xíʼin ta̱ Timoteo, tá ke̱ena ñuu Listra?

5. ¿Nda̱saa chi̱ndeé táʼan ta̱ Timoteo xíʼin ta̱ Pablo, ta ndáaña xíniñúʼu ndaka̱tu̱ʼun na̱ va̱lí miína na̱ ndóo tiempo vitin?

Inka ña̱ nda̱ka̱tu̱ʼunyó:

• Kaʼvi Hechos 9:19-30.

  1. ¿Nda̱saa ni̱na̱ʼa̱ ta̱ Pablo ña̱ xi̱ndaara miíra nu̱ú na̱ kǒo kúni̱ xíniñaʼá xa̱ʼa Tu̱ʼun Ndióxi̱? (Hech. 9:22-25, 29, 30; Mat. 10:16.)

• Kaʼvi Hechos 11:19-26.

  2. ¿Ndáaña káʼa̱n tutu Hechos 11:19-21, 26 xa̱ʼa espíritu yi̱i̱ Jehová ña̱ chíndeé táʼanña xíʼinyó tá nátúʼunyó xa̱ʼa Tu̱ʼun Ndióxi̱?

• Kaʼvi Hechos 13:13-16, 42-52.

  3. ¿Ndáaña káʼa̱n tutu Hechos 13:51, 52 xa̱ʼa na̱ discípulo ña̱ kǒo nítaxina sándákava inkana inina? (Mat. 10:14; Hech. 18:6; 1 Ped. 4:14.)

• Kaʼvi Hechos 14:1-6, 19-28.

  4. ¿Nda̱saa chíndeé tu̱ʼun ña̱ káʼa̱n ña̱ ni̱ka̱ʼa̱nna xa̱ʼa na̱ xaá xíʼin Jehová, ña̱ ná kǒo kundi̱ʼi̱-iniyó xa̱ʼa na̱yóʼo? (Hech. 14:21-23; 20:32; Juan 6:44.)

• Kaʼvi Hechos 16:1-5.

  5. Ku̱a̱ʼání ña̱ʼa ke̱ʼé ta̱ Timoteo xa̱ʼa tu̱ʼun Ndióxi̱, ¿ndachun ndáyáʼviní ña̱ ke̱ʼéra? (Hech. 16:3; 1 Cor. 9:23; 1 Tes. 2:8.)

• Kaʼvi Hechos 18:1-11, 18-22.

  6. ¿Ndáaña káʼa̱n tutu Hechos 18:9, 10 xa̱ʼa ta̱ Jesús ña̱ níʼira yichi̱ nu̱úyó tá ku̱a̱ʼa̱nyó nátúʼunyó xa̱ʼa Tu̱ʼun Ndióxi̱, ta nda̱saa chíndeé ña̱yóʼo miíyó na̱ ndóo tiempo vitin? (Mat. 28:20.)

Historia 111

1. ¿Ndáa ta̱a kúú ta̱ loʼo nda̱kava nu̱ú ñuʼú yóʼo, ta ndáaña ndo̱ʼora?

2. ¿Ndáaña ke̱ʼé ta̱ Pablo tá xi̱nira ni̱xi̱ʼi̱ ta̱ loʼo yóʼo?

3. ¿Ndáa míí ku̱a̱ʼa̱n ta̱ Pablo, ta̱ Timoteo xíʼin inkaka na̱ xíka xíʼinra, ta ndáaña ku̱u tá ni̱xa̱a̱na ñuu Mileto?

4. ¿Ndáaña ni̱ka̱ʼa̱n ta̱ profeta Ágabo xíʼin ta̱ Pablo, ta nda̱saa ni̱xi̱nu nu̱ú ña̱ ni̱ka̱ʼa̱n ta̱yóʼo xíʼin ta̱ Pablo?

Inka ña̱ nda̱ka̱tu̱ʼunyó:

• Kaʼvi Hechos 20:7-38.

  1. ¿Ndáaña xíniñúʼu keʼéyó ña̱ va̱ʼa ná ʼkǒo kundisoyó xa̱ʼa ni̱i̱ na̱ yivíʼ tá káchi tu̱ʼun ña̱ ni̱ka̱ʼa̱n ta̱ Pablo ña̱ va̱xi nu̱ú Hechos 20:26, 27? (Eze. 33:8; Hech. 18:6, 7.)

  2. ¿Ndachun xíniñúʼu kundiku̱n na̱ xi̱ku̱aʼa na̱ kíʼin kuenta xíʼin congregación ndiʼi tu̱ʼun ña̱ va̱xi nu̱ú Biblia tá sánáʼa̱na? (Hech. 20:17, 29, 30; Tito 1:7-9; 2 Tim. 1:13.)

• Kaʼvi Hechos 26:24-32.

  3. Xa̱ʼa ña̱ xi̱kuu ta̱ Pablo ta̱ ñuu Roma, ¿nda̱saa chi̱ndeé ña̱yóʼo miíra ña̱ va̱ʼa ke̱ʼéra chiñu ña̱ ta̱xi ta̱ Jesús ndaʼa̱ra ña̱ natúʼunra xa̱ʼa Ndióxi̱? (Hech. 9:15; 16:37, 38; 25:11, 12; 26:32; Luc. 21:12, 13.)

Historia 112

1. Tú barco tú ku̱a̱ʼa̱n ta̱ Pablo xíʼin, ¿ndáaña ndo̱ʼo túyóʼo tá na̱kuyatinna nu̱ú ndíka̱a̱ ñuʼú loʼo ña̱ naní Creta?

2. ¿Ndáaña káʼa̱n ta̱ Pablo xíʼin na̱ ku̱a̱ʼa̱n ini barco?

3. ¿Ndachun ndi̱ʼi-xa̱ʼa tú barco?

4. ¿Ndáaña ni̱ka̱ʼa̱n iin ta̱ soldado xíʼin na̱ ku̱a̱ʼa̱n xíʼin tú barco, ta nda̱saa na̱ yiví ni̱ka̱ku?

5. ¿Nda̱saa naní ñuu nu̱ú ni̱xa̱a̱na xíʼin barco, ta ndáaña ke̱ʼéna xíʼin ta̱ Pablo tá ndu̱va̱ʼa tiempo?

Inka ña̱ nda̱ka̱tu̱ʼunyó:

• Kaʼvi Hechos 27:1-44.

  1. Ña̱ káʼa̱n Tu̱ʼun Ndióxi̱ xa̱ʼa ña̱ ndo̱ʼo ta̱ Pablo tá ke̱era ñuu Cesarea nda̱a̱ ni̱xa̱a̱ra ñuu Roma, ¿nda̱saa chíndeéña miíyó ña̱ kandíxakayó ña̱ ka̱ʼa̱n Biblia? (Hech. 27:16-19, 27-32; Luc. 1:3; 2 Tim. 3:16, 17.)

• Kaʼvi Hechos 28:1-14.

  2. Na̱ ñuu Malta ni kǒo xíni̱na xa̱ʼa Ndióxi̱ nisaáví va̱ʼaní ni̱xi̱yo-inina xíʼin ndiʼi na̱ ni̱xa̱a̱ ñuuna xíʼin tú barco, ¿ndáaña sánáʼa̱ña miíyó ña̱ keʼéyó xíʼin na̱ yiví? (Hech. 28:1, 2; Heb. 13:1, 2; 1 Ped. 4:9.)

Historia 113

1. ¿Ndáana na̱túʼun ta̱ Pablo xíʼin xa̱ʼa Tu̱ʼun Ndióxi̱ tá xi̱ndika̱a̱ra veʼeka̱a ñuu Roma?

2. ¿Ndáa ta̱ kúú ta̱ ki̱xa̱a̱ nu̱ú ta̱ Pablo ta̱ níndúʼu nu̱ú mesa yóʼo, ta ndáa chiñu kéʼéra?

3. ¿Ndáa ta̱ kúú ta̱ Epafrodito, ta ndáa ña̱ʼa níʼira ku̱a̱ʼa̱nra tá nda̱ndikóra chí ñuu Filipos?

4. ¿Ndachun ka̱ʼyí ta̱ Pablo iin carta ku̱a̱ʼa̱n nu̱ú ta̱ migora ta̱ Filemón?

5. ¿Ndáaña ke̱ʼé ta̱ Pablo tá ki̱tara veʼeka̱a, ta ndáaña ndo̱ʼora tándi̱ʼi?

6. ¿Yukú na̱ xi̱niñúʼu Jehová ña̱ ka̱ʼyína libro ña̱ nu̱ú sa̱ndíʼi ña̱ Biblia, ta ndáaña káʼa̱n libro ña̱ Revelación xa̱ʼa?

Inka ña̱ nda̱ka̱tu̱ʼunyó:

• Kaʼvi Hechos 28:16-31 xíʼin Filipenses 1:13.

  1. ¿Nda̱saa xi̱niñúʼu ta̱ Pablo tiempora tá xi̱ndika̱a̱ra veʼeka̱a ñuu Roma, ta nda̱saa chi̱ndeé táʼan ña̱yóʼo xíʼin na̱ congregación ña̱ ndinuʼu-inira ka̱chíñura nu̱ú Ndióxi̱? (Hech. 28:23, 30; Fili. 1:14.)

• Kaʼvi Filipenses 2:19-30.

  2. ¿Ndáa tu̱ʼun va̱ʼa kúúña ni̱ka̱ʼa̱n ta̱ Pablo xa̱ʼa ta̱ Timoteo xíʼin ta̱ Epafrodito, ta ndáa yichi̱ nda̱koora nu̱úyó? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

• Kaʼvi Filemón 1-25.

  3. ¿Ndáaña ni̱ka̱ʼa̱n ta̱ Pablo xíʼin ta̱ Filemón keʼéra, ta nda̱saa chíndeé táʼan ña̱yóʼo xíʼin na̱ xi̱ku̱aʼa na̱ kíʼin kuenta xíʼin congregación ña̱ tiempo vitin? (File. 9; 2 Cor. 8:8; Gál. 5:13.)

  4. ¿Nda̱saa náʼa̱ tu̱ʼun ña̱ ni̱ka̱ʼa̱n ta̱ Pablo ña̱ va̱xi nu̱ú tutu Filemón 13, 14 ña̱ i̱xato̱ʼóra ña̱ ndákanixi̱ní na̱ congregación? (1 Cor. 8:7, 13; 10:31-33.)

• Kaʼvi 2 Timoteo 4:7-9.

  5. Táki̱ʼva i̱xaa ta̱ Pablo, ¿ndachun kǒo kaka-iniyó xa̱ʼa Jehová ña̱ taxira ña̱ va̱ʼa ndaʼa̱yó tá ndinuʼu-iniyó káchíñuyó nu̱úra ndiʼi tiempo? (Mat. 24:13; Heb. 6:10.)

Historia 114

1. ¿Ndachun káʼa̱n Biblia íyo kuáyi̱ chí ndiví?

2. ¿Nda̱saa naní ku̱a̱chi ña̱ va̱xi nu̱ú na̱ yiví na̱ kǒo kéʼé ña̱ va̱ʼa? ¿Ndachun va̱xi ku̱a̱chi yóʼo nu̱úna?

3. Koto nu̱ú na̱ʼná, ¿yukú ta̱ níʼi yichi̱ nu̱ú na̱ va̱xi kanitáʼan xíʼin na̱ ndóo nu̱ú Ñuʼú yóʼo? ¿Ndachun ndíka̱a̱ corona xi̱níra? ¿Ndáaña kúni̱ kachi ña̱ níʼira yuchu̱?

4. Táki̱ʼva sa̱kuaʼayó xa̱ʼa ña̱ historia 10, 15 xíʼin 33, ¿ndachun kǒo ndakanda̱-iniyó xa̱ʼa ña̱ sandiʼi-xa̱ʼa Ndióxi̱ ndiʼi na̱ yiví na̱ keʼé ña̱ kini?

5. ¿Nda̱saa náʼa̱ ña̱ historia 36 xíʼin ña̱ 76 ña̱ sandiʼi-xa̱ʼa Ndióxi̱ ndiʼi na̱ yiví na̱ kǒo kéʼé ña̱ va̱ʼa ni káʼa̱nna ña̱ ndásakáʼnunara?

Inka ña̱ nda̱ka̱tu̱ʼunyó:

• Kaʼvi Revelación 19:11-16.

  1. ¿Á káʼa̱n káxi Tu̱ʼun Ndióxi̱ xa̱ʼa ta̱ va̱xi xíʼin kuáyi̱ yaa yóʼo kúú ta̱ Jesús? (Rev. 1:5; 3:14; 19:11; Isa. 11:4.)

  2. ¿Ndáaña kúni̱ kachi ña̱ ni̱ka̱ʼyi̱ ni̱i̱ nu̱ú ti̱ko̱to̱ ta̱ Jesús? (Rev. 14:18-20; 19:13.)

  3. Ta̱ Jesús va̱xira xíʼin tí kuáyi̱ yaa, ¿yukúka na̱ va̱xi xíʼinra ña̱ kanitáʼanna xíʼin na̱ yiví na̱ ndóo nu̱ú Ñuʼú? (Rev. 2:26, 27; 19:14; Mat. 25:31, 32.)

Historia 115

1. ¿Nda̱saa koo ñuyǐví xa̱á káchi Biblia?

2. ¿Ndáa ña̱ʼa kúú ña̱ va̱ása kooka nu̱ú ñuyǐví xa̱á káchi Biblia?

3. ¿Ama ndasalivi ta̱ Jesús ñuyǐví yóʼo?

4. Tá ni̱xi̱yo ta̱ Jesús nu̱ú Ñuʼú yóʼo, ¿ndáaña ke̱ʼéra tasaá ni̱na̱ʼa̱ra ña̱ keʼéra chí nu̱únínu tá ná kaʼndachíñura nu̱ú Ñuʼú yóʼo?

5. Ta̱ Jesús xíʼin na̱ kaʼndachíñu xíʼinra, ¿ndáaña keʼéna ña̱ va̱ʼa si̱í kundoo na̱ yiví nu̱ú Ñuʼú yóʼo?

Inka ña̱ nda̱ka̱tu̱ʼunyó:

• Kaʼvi Revelación 5:9, 10.

  1. Na̱ kuu rey xíʼin na̱ kuu su̱tu̱ na̱ kaʼndachíñu xíʼin ta̱ Jesús ti̱xin ña̱ mil ku̱i̱ya̱, ¿ndachun kǒo kaka-iniyó xa̱ʼana ña̱ va̱ʼaní koo inina xíʼinyó? (Efe. 4:20-24; 1 Ped. 1:7; 3:8; 5:6-10.)

• Kaʼvi Revelación 14:1-3.

  2. ¿Ndáaña kúni̱ kachi ña̱ ni̱ka̱ʼyi̱ ki̱vi̱ Ndióxi̱ xíʼin ki̱vi̱ ta̱ Jesús taan na̱ 144.000? (1 Cor. 3:23; 2 Tim. 2:19; Rev. 3:12.)

Historia 116

1. ¿Ndáaña xíniñúʼu sakuaʼayó tá kúni̱yó kooyó ndiʼi tiempo?

2. ¿Ndáaña xíniñúʼu keʼéyó ña̱ va̱ʼa sakuaʼayó xa̱ʼa Jehová xíʼin xa̱ʼa ta̱ Jesús nda̱a̱ tá íxaa ñá loʼo ñá va̱xi nu̱ú na̱ʼná yóʼo xíʼin na̱ migoñá?

3. ¿Ndáaña kúú inka libro ña̱ va̱xi nu̱ú na̱ʼná yóʼo, ndachun x--íniñúʼu kaʼvi ni̱ʼiyóña?

4. Ni ná sakuaʼayó xa̱ʼa Jehová xíʼin xa̱ʼa ta̱ Jesús su̱ví ña̱yóʼo kúú ndiʼiña, ¿ndáakaña xíniñúʼu keʼéyó ña̱ va̱ʼa xa̱a̱yó kooyó ndiʼi tiempo?

5. ¿Ndáaña sa̱kuaʼayó xa̱ʼa ña̱ ku̱u nu̱ú historia 69?

6. ¿Ndáaña sa̱kuaʼayó xa̱ʼa ta̱ loʼo Samuel ta̱ va̱xi nu̱ú historia 55?

7. ¿Ndáaña xíniñúʼu keʼéyó ña̱ va̱ʼa kundiku̱nyó yichi̱ ta̱ Jesús, tá ná keʼéyó ña̱yóʼo, ndáaña va̱ʼa ni̱ʼíyó chí nu̱únínu?

Inka ña̱ nda̱ka̱tu̱ʼunyó:

• Kaʼvi Juan 17:3.

  1. Ni ku̱a̱ʼání ña̱ʼa kivi sakuaʼayó xa̱ʼa Jehová xíʼin xa̱ʼa ta̱ Jesús nu̱ú Biblia, ¿ndáakaña xíniñúʼu keʼéyó káchiña? (Mat. 7:21; Sant. 2:18-20; 1 Juan 2:17.)

• Kaʼvi Salmo 145:1-21.

  2. ¿Ndáa xa̱ʼa kúúña xíniñúʼu ndasakáʼnuyó Jehová? (Sal. 145:8-11; Rev. 4:11.)

  3. ¿Ndachun káʼa̱n Biblia ña̱ va̱ʼaní ini Jehová xíʼin ndiʼi na̱ yiví, ta nda̱saa chíndeé ña̱yóʼo miíyó ña̱ kuyatinkayó nu̱úra? (Sal. 145:9; Mat. 5:43-45.)

  4. ¿Ndáaña keʼéyó tá ndixa kúni̱yó xíniyó Jehová? (Sal. 119:171, 172, 175; 145:11, 12, 21.)