Ndáa ki̱ʼva viíka kunda̱a̱-iniún xíʼin ña̱ sakúaʼún nu̱ú Biblia
Tá kúma̱níka kixáʼún kaʼviún libro yóʼo, kaʼvi ña̱ va̱xi yóʼo. Ta tá ndiʼi koto VIDEO.
TÁʼVÍ NU̱Ú
Tá kúma̱níka kaʼvina xíʼún, kaʼvi iin táʼví ña̱ va̱xi nu̱ú iin iin lección. Va̱xi pregunta ña̱ va̱xi número xíʼin (A) ta saátu texto ña̱ kaʼviyó nu̱ú Biblia (B) ña̱ káʼa̱n xa̱ʼa̱ ña̱ sakuaʼayó. Ta kiʼún kuenta si̱ín texto yóʼo va̱xi ña̱ káʼa̱n “Kaʼvi”.
TÁʼVÍ U̱VI̱
Párrafo nu̱ú, ña̱ va̱xi nu̱ú káʼa̱nña “Ná sakuaʼakayó xa̱ʼa̱ña” káʼa̱nña xa̱ʼa̱ ña̱ sakuaʼayó nu̱ú lección yóʼo (C). Subtítulo ña̱ va̱xi número xíʼin káʼa̱nña xíʼinyó xa̱ʼa̱ ña̱ sakúaʼayó (D). Kaʼvindó texto ña̱ va̱xi nu̱ú Biblia, ta ndakuiin pregunta ta saátu kotondó video.
VIDEO. Nu̱ú recuadro táʼan ña̱yóʼo ndaniʼún video ña̱ káʼa̱n xa̱ʼa̱ lección ña̱ káʼviún. Sava ña̱ yáʼa nu̱ú video yóʼo ndixa ku̱uña. Soo inkaña ña̱ ndánáʼa̱ kuití kúúña.
Kotondó ta ka̱ʼa̱nndó xa̱ʼa̱ na̱ʼná ta saátu ña̱ káʼa̱n xa̱ʼa̱ ña̱yóʼo (E), ta ndakanixi̱ní ndáa ki̱ʼva ndakuiún “Ña̱ káʼa̱n sava na̱ yiví” (F).
TÁʼVÍ U̱NI̱
Ta lección ndíʼiña xíʼin “Ña̱ xa̱a̱ sa̱kuaʼayó” ta saátu “Ná ndakaʼányó xa̱ʼa̱ ña̱yóʼo” (G). Tá ná sandíʼún kaʼviún iin iin lección kaʼyí fecha ña̱ sa̱ndíʼún ka̱ʼviúnña. Recuadro ña̱ naní “Kivi keʼún ña̱yóʼo” káʼa̱nña xa̱ʼa̱ ña̱ kivi keʼún ña̱ sakuaʼakaún (H). Ta nu̱ú táʼví “Nandukúka xa̱ʼa̱ña” ndani̱ʼíkaún tutu xíʼin video ña̱ kivi chindeétáʼanka xíʼún (I).
Ndáa ki̱ʼva ndani̱ʼíyó texto ña̱ va̱xi nu̱ú Biblia
Biblia kúúmiíña 66 libro. Ta u̱vi̱ ndátaʼvíña: iinña káʼa̱nna xíʼin Escrituras Hebreoarameas ta inkaña káʼa̱nna xíʼin Escrituras Griegas Cristianas. Ta savatuna káʼa̱nna xíʼinña Antiguo Testamento xíʼin Nuevo Testamento.
Texto ña̱ kaʼviyó nu̱ú libro yóʼo, siʼna káʼa̱nña xa̱ʼa̱ libro ña̱ va̱xi nu̱ú Biblia (A), ta saátu va̱xi número ña̱ náʼa̱ capítulo (B) tándi̱ʼi va̱xi número ña̱ náʼa̱ ndáa versículo (C) kúúña.
Tá kúú, Juan 17:3 kúni̱ kachiña “libro ta̱ Juan, capítulo 17, versículo 3”.
Sanatu kutóún ña̱yóʼo
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
