Ná ndakaʼányó xa̱ʼa̱ ña̱yóʼo | Táʼví 1
Ka̱ʼa̱n xa̱ʼa̱ pregunta yóʼo xíʼin na̱ sánáʼa̱ yóʼó:
¿Ndáaña káʼa̱n Biblia xa̱ʼa̱ ña̱ koo chí nu̱únínu kúú ña̱ kútóokaún? Ta, ¿nda̱chun?
(Koto lección 02).
¿Nda̱chun kándíxaún ña̱ Biblia kúú tu̱ʼun Ndióxi̱?
(Koto lección 03 xíʼin 05).
¿Nda̱chun ndáyáʼviní kuniñúʼuyó ki̱vi̱ Ndióxi̱?
(Koto lección 04).
Ña̱ Biblia káʼa̱nña ña̱ mií Ndióxi̱ kúú ta̱ ta̱xi ña̱ tákuyó (Salmo 36:9). ¿Á kándíxaún ña̱yóʼo?
(Koto lección 06).
Kaʼvindó Proverbios 3:32.
¿Nda̱chun iin ña̱ va̱ʼaníka kúú ña̱ ná kooyó migo Jehová?
¿Ndáaña kúni̱ Jehová ná keʼé na̱ migora? ¿Á kándíxaún ña̱ kivi kooyó migora?
(Koto lección 07 xíʼin 08).
Kaʼvindó Salmo 62:8.
¿Ndáa ña̱ʼa kúú ña̱ xa̱a̱ káʼún xa̱ʼa̱ xíʼin Jehová tá kéʼún oración? ¿Ndáa inkaka ña̱ʼa kivi ka̱ʼún xa̱ʼa̱ xíʼinra?
¿Ndáa ki̱ʼva ndákuiin Jehová oración ña̱ káʼa̱nyó xíʼinra?
(Koto lección 09).
Kaʼvindó Hebreos 10:24, 25.
¿Nda̱chun iin ña̱ va̱ʼaní kúú ña̱ ku̱ʼún reunión ña̱ kúúmií na̱ testigo Jehová?
¿Á túviún ña̱ ndáyáʼvi chika̱a̱yó ndee̱ ña̱ ku̱ʼu̱nyó reunión kán?
(Koto lección 10).
¿Nda̱chun iin ña̱ va̱ʼaní kúú ña̱ kaʼviyó Biblia ndiʼi ki̱vi̱? ¿Ndáa programa kúú ña̱ ndíku̱ún ña̱ va̱ʼa kaʼviún Biblia ndiʼi ki̱vi̱?
(Koto lección 11).
¿Ndáaña kúú ña̱ ku̱tóokaún xa̱ʼa̱ ndiʼi ña̱ ka̱ʼviyó yóʼo?
Nda̱a̱ tá ki̱xáʼún káʼviún Biblia, ¿á íyo iin ña̱ xa̱a̱ i̱xayo̱ʼvi̱ xíʼún? ¿Ndáaña kúúña? ¿Ndáaña chindeétáʼan xíʼún ña̱ chika̱a̱kaún ndee̱ kaʼviún?
(Koto lección 12).
Sanatu kutóún ña̱yóʼo
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
