LECCIÓN 15
¿Ndáa ta̱ kúú ta̱ Jesús?
Ta̱ Jesús kúú ta̱ xíni̱níka na̱ yiví soo loʼovana xíni̱ ndáa ki̱ʼva íyora, soo ku̱a̱ʼánína xa̱a̱ síín síínva ndákanixi̱nína xa̱ʼa̱ ta̱ Jesús. ¿Ndáaña sánáʼa̱ ña̱ Biblia xa̱ʼa̱ra?
1. ¿Ndáa ta̱ kúú ta̱ Jesús?
Ta̱ Jesús kúúra iin espíritu ta íyoní ndee̱ra ta chí ndiví íyora. Tá kúma̱ní ixava̱ʼa Jehová ndiʼi ña̱ʼa, siʼna ta̱ Jesús kúú ta̱ ke̱ʼéra. Xa̱ʼa̱ ña̱kán kúúra, “ta̱ nu̱ú va̱ʼa na̱kuva̱ʼa nu̱ú ndiʼika ña̱ʼa” (Colosenses 1:15). Ña̱ Biblia káʼa̱nña “se̱ʼe mitúʼun Ndióxi̱ kúúra”, saáchi ta̱yóʼo kúú ta̱ nu̱ú i̱xava̱ʼa iinlá mií Jehová (Juan 3:16). Ta̱ Jesús inkáchi ka̱chíñura xíʼin yivára Jehová, saáchi chi̱ndeétáʼanra xíʼinra ña̱ i̱xava̱ʼara ndiʼi ña̱ʼa (kaʼvi Proverbios 8:30). Ta u̱vi̱ saána va̱ʼaníkava kítáʼanna. Ta̱ Jesús kúú “tu̱ʼun” chi ta̱yóʼo kúú ta̱ káʼa̱n xíʼin inkana xa̱ʼa̱ ña̱ kúni̱ Ndióxi̱ ná keʼéna (Juan 1:14).
2. ¿Nda̱chun ki̱xi ta̱ Jesús nu̱ú ñuʼú yóʼo?
Xa̱a̱ yáʼaka 2,000 ku̱i̱ya̱, Jehová xi̱niñúʼura espíritu santora ña̱ va̱ʼa ke̱ʼéra iin milagro, sa̱ndáya̱ʼara ña̱ táku ta̱ Jesús ta kúú iin ángel ta̱ ndakúní ti̱xin iin ñá loʼo kúa̱an ñá xi̱naní María. Tíxa̱ʼvi ña̱yóʼo va̱ʼa ka̱ku ta̱ Jesús nu̱ú ñuʼú yóʼo (kaʼvi Lucas 1:34, 35). Ki̱xira nu̱ú ñuʼú yóʼo ña̱ va̱ʼa koora ta̱ Cristo á Mesías, ta saátu ña̱ va̱ʼa sakǎkura na̱ yiví. a Ndiʼi profecía ña̱ va̱xi nu̱ú Biblia ña̱ xi̱ka̱ʼa̱n xa̱ʼa̱ ta̱ Mesías ta̱ Jesús kúú ta̱ sa̱xínuña. Ta saá kúú ña̱ ku̱nda̱a̱-ini na̱ yiví, ta̱ Cristo kúú se̱ʼe Ndióxi̱ ta̱ táku (Mateo 16:16).
3. ¿Ndáa míí íyo ta̱ Jesús vitin?
Tá ni̱xi̱ʼi̱ ta̱ Jesús tá ni̱xi̱yora nu̱ú ñuʼú yóʼo, nda̱takura ta ndu̱ura iin espíritu ta ndi̱kóra chí ndiví. Kán “Ndióxi̱ ta̱xira ña̱ kuumiíra iin chiñu ña̱ káʼnuka” (Filipenses 2:9). Vitin ta̱ Jesús kúúmiíra iin chiñu ña̱ ndáyáʼviní, soo iinlá Jehová kúú ta̱ kúúmií ndiʼi ndee̱ nu̱úra.
NÁ SAKUAʼAKAYÓ XA̱ʼA̱ÑA
Ná kotoyó ndáa ta̱ kúú ta̱ Jesús ta nda̱chun ndáyáʼviní kunda̱a̱-iniyó xa̱ʼa̱ra.
4. Ta̱ Jesús su̱ví Ndióxi̱ ta̱ kúúmií ndiʼi ndee̱ kúúra
Ni kúú ta̱ Jesús iin espíritu ta̱ íyoní ndee̱ chí ndiví, ña̱ Biblia káʼa̱nña ña̱ xíniso̱ʼovara ña̱ káʼa̱n Jehová, saáchi ta̱yóʼo kúú Ndióxi̱ra xíʼin yivára. ¿Nda̱chun káʼa̱nyó ña̱yóʼo? Kotondó VIDEO ña̱ va̱ʼa kunda̱a̱-inindó ndáaña sánáʼa̱ ña̱ Biblia xa̱ʼa̱ ta̱ Jesús ña̱ va̱ása inkáchi íyora xíʼin Ndióxi̱ ta̱ kúúmií ndiʼi ndee̱.
Texto ña̱ va̱xi yóʼo chindeétáʼanña xíʼinyó ña̱ kunda̱a̱-iniyó ña̱ va̱ása inkáchi íyo ta̱ Jesús xíʼin Jehová. Kaʼvindó iin tá iin texto ta ka̱ʼa̱nndó xa̱ʼa̱ ña̱yóʼo:
Kaʼvindó Lucas 1:30-32.
-
Nda̱a̱ táki̱ʼva ni̱ka̱ʼa̱n ta̱ ángel, ¿á inkáchi íyo ta̱ Jesús xíʼin Jehová ta̱ “káʼnuní”?
Kaʼvindó Mateo 3:16, 17.
-
¿Ndáaña ni̱ka̱ʼa̱nna chí ndiví tá nda̱kuchi ta̱ Jesús?
-
¿Ndáana ni̱ka̱ʼa̱n tu̱ʼun yóʼo túviún?
Kaʼvindó Juan 14:28.
-
¿Ndáana kúúmií iin chiñu ña̱ ndáyáʼvika, mií ta̱ íyo se̱ʼe á se̱ʼevara?
-
¿Ndáaña xi̱kuni̱ kachi ta̱ Jesús tá ni̱ka̱ʼa̱nra yivá xíʼin Jehová?
Kaʼvindó Juan 12:49.
-
¿Á xi̱ndakanixi̱ní ta̱ Jesús ña̱ inkáchi ni̱xi̱yora xíʼin yivára? ¿Ndáaña ndákanixi̱ní miíún xa̱ʼa̱ ña̱yóʼo?
5. Ta̱ Jesús kúú ta̱ Mesías
Nu̱ú ña̱ Biblia va̱xi ku̱a̱ʼání profecía ña̱ kivi chindeétáʼan xíʼin na̱ yiví ña̱ kunda̱a̱-inina ndáa ta̱ kúú ta̱ Mesías, ta̱ nda̱kaxin Ndióxi̱ sakǎku ndiʼi na̱ yiví. Kotondó VIDEO ña̱ káʼa̱n xa̱ʼa̱ sava profecía ña̱ sa̱xínu ta̱ Jesús tá ni̱xi̱yora nu̱ú ñuʼú yóʼo.
Kaʼvindó profecía ña̱ va̱xi nu̱ú Biblia ta ka̱ʼa̱nndó xa̱ʼa̱ ña̱yóʼo:
Kaʼvindó Miqueas 5:2 ña̱ va̱ʼa kunda̱a̱-inindó ndáa míí ka̱ku ta̱ Mesías. b
-
¿Á ni̱xi̱nu ña̱ profecía yóʼo tá ka̱ku ta̱ Jesús? (Mateo 2:1).
Kaʼvindó Salmo 34:20 xíʼin Zacarías 12:10 ña̱ va̱ʼa kunda̱a̱-inindó ndáaña ni̱ka̱ʼa̱nna xa̱ʼa̱ ña̱ kuvi ta̱ Mesías.
-
¿Á ni̱xi̱nu ña̱ profecía yóʼo? (Juan 19:33-37).
-
¿Á ndákanixi̱níún ña̱ íyo ña̱ ke̱ʼé ta̱ Jesús ña̱ va̱ʼa ni̱xi̱nu sava ña̱ profecía yóʼo?
-
¿Ndáaña sánáʼa̱ ndiʼi ña̱yóʼo miíún xa̱ʼa̱ ta̱ Jesús?
6. Ña̱ kúnda̱a̱-iniyó xa̱ʼa̱ ta̱ Jesús chíndeétáʼanña xíʼinyó ña̱ ndakiʼinyó ña̱ va̱ʼa
Ña̱ Biblia káʼa̱nña ña̱ ndáyáʼviní sakuaʼayó xa̱ʼa̱ ta̱ Jesús xíʼin xa̱ʼa̱ chiñu ña̱ ta̱xi Ndióxi̱ ndaʼa̱ra. Kaʼvindó Juan 14:6 xíʼin 17:3, ta ka̱ʼa̱nndó xa̱ʼa̱ ña̱yóʼo:
-
¿Nda̱chun ndáyáʼviní ña̱ kunda̱a̱-iniyó xa̱ʼa̱ ta̱ Jesús?
Ta̱ Jesús nda̱kunára yichi̱ ña̱ va̱ʼa xa̱a̱yó kooyó migo Ndióxi̱ ta̱ sa̱náʼa̱ra ña̱ nda̱a̱ xa̱ʼa̱ Jehová. Ta kivi kooyó ndiʼi tiempo xa̱ʼa̱ ña̱ ni̱xi̱ʼi̱ra xa̱ʼa̱yó.
ÑA̱ KÁʼA̱N SAVA NA̱ YIVÍ: “Na̱ testigo Jehová va̱ása kándíxana ta̱ Jesucristo”.
-
¿Ndáaña ndákanixi̱níún xa̱ʼa̱ ña̱yóʼo?
ÑA̱ XA̱A̱ SA̱KUAʼAYÓ
Ta̱ Jesús kúúra iin espíritu ta ndakúníra, kúúra se̱ʼe Ndióxi̱ ta saátu kúúra ta̱ Mesías.
Ná ndakaʼányó xa̱ʼa̱ ña̱yóʼo
-
¿Nda̱chun káʼa̱nna “ta̱ nu̱ú va̱ʼa na̱kuva̱ʼa nu̱ú ndiʼika ña̱ʼa” kúú ta̱ Jesús?
-
¿Ndáaña xi̱keʼé ta̱ Jesús tá kúma̱níka kixira nu̱ú ñuʼú yóʼo?
-
¿Nda̱chun va̱ʼa kúnda̱a̱-iniyó ta̱ Jesús kúú ta̱ Mesías?
NANDUKÚKA XA̱ʼA̱ÑA
Koto ndáaka ña̱ náʼa̱ ña̱ kúú ta̱ Jesús ta̱ Mesías.
Koto á sánáʼa̱ ña̱ Biblia ña̱ ni̱xa̱a̱ ta̱ Jesús ku̱ura se̱ʼe Ndióxi̱ nda̱a̱ tá ki̱ʼva íyo se̱ʼe na̱ yiví.
“¿Nda̱chun kúú ta̱ Jesús se̱ʼe Ndióxi̱?” (Artículo ña̱ va̱xi nu̱ú jw.org)
Koto ña̱ Biblia va̱ása sánáʼa̱ña xa̱ʼa̱ ña̱ trinidad.
“¿Á Ndióxi̱ kúú ta̱ Jesús?” (La Atalaya, 1 tí abril ku̱i̱ya̱ 2009)
Kaʼvi ndáa ki̱ʼva na̱sama ña̱ xi̱keʼé iin ñá ñaʼá tá na̱ndukú va̱ʼañá nu̱ú ña̱ Biblia ña̱ káʼa̱n xa̱ʼa̱ ta̱ Jesús.
a Nu̱ú lección 26 xíʼin 27 ka̱ʼa̱nña xa̱ʼa̱ nda̱chun xíniñúʼu sakǎkuna na̱ yiví ta ndáa ki̱ʼva sakǎku ta̱ Jesús miíyó.
Sanatu kutóún ña̱yóʼo
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
