Jehová kúni̱ra ña̱ ná kusi̱í-iniyó, xa̱ʼa̱ ña̱kán kivi keʼéyó sava vikó. Soo, ¿á va̱ʼa ndiʼi vikó nu̱ú Ndióxi̱? ¿Ndáa ki̱ʼva kivi na̱ʼa̱yó ña̱ kúʼvi̱-iniyó xíniyóra ta saátu ña̱ ndáyáʼvi ña̱ ndákanixi̱níra nu̱úyó?

1. ¿Nda̱chun va̱ása kútóo Jehová ndiʼi vikó?

Sana ndakanda̱-iniún tá ná kunda̱a̱-iniún ña̱ ku̱a̱ʼání vikó yóʼo ka̱naña ti̱xin veʼe-ñu̱ʼu vatá ta va̱ása kítáʼanña xíʼin ña̱ sánáʼa̱ Biblia. Ta sava ña̱yóʼo kítáʼanña xíʼin ña̱ kéʼé na̱ ta̱chí ndi̱va̱ʼa á náʼa̱ña ña̱ táku níma̱ na̱ yiví tá xa̱a̱ ni̱xi̱ʼi̱na. Ta sava ña̱yóʼo kítáʼanña xíʼin costumbre ña̱ kúúmií na̱ yiví tá kúú ña̱ kándíxana ña̱ suerte (Isaías 65:​11). Xa̱ʼa̱ ña̱kán, káʼa̱n Jehová ña̱yóʼo xíʼin na̱ ndásakáʼnu miíra: “Kǒo kutáʼankandó xíʼinna, [...] ta kǒo tiinkandó ña̱ yaku̱a̱” (2 Corintios 6:​17). a

2. ¿Ndáaña ndákanixi̱ní Jehová xa̱ʼa̱ vikó nu̱ú ndeéní íxato̱ʼóna sava na̱ yiví?

Jehová káʼa̱nra xíʼinyó ña̱ ná kǒo keʼéyó nda̱a̱ táki̱ʼva kéʼé sava na̱ yiví na̱ kándíxa inka na̱ yiví, saáchi kivi kundoʼoyó iin tu̱ndóʼo xa̱ʼa̱ ña̱yóʼo (kaʼvi Jeremías 17:5). Sava vikó ndásakáʼnuna sava na̱ chíñu á iin na̱ ke̱ʼé iin ña̱ va̱ʼa xa̱ʼa̱ na̱ ñuuna, ta savatu vikó yóʼo ndásakáʼnunaña tá ki̱xáʼa xáʼndachíñu iin ñuu á xa̱ʼa̱ bandera ña̱ kúúmií iin ñuu (1 Juan 5:​21). Ta saátu vikó yóʼo kéʼénaña xa̱ʼa̱ ña̱ política á xa̱ʼa̱ ña̱ kúni̱na chindeétáʼanna xíʼin na̱ yiví, tá ná kundayáʼviní iin na̱ yiví nu̱úyó á iin organización ña̱ kéʼé ña̱ va̱ása kítáʼan xíʼin ña̱ kúni̱ Ndióxi̱, ¿ndáaña túviún kundoʼo Ndióxi̱ xa̱ʼa̱ ña̱yóʼo?

3. ¿Ndáaña kéʼéna ti̱xin iin vikó náʼa̱ ña̱ va̱ása va̱ʼaña?

Ña̱ Biblia káʼa̱nña ña̱ va̱ása va̱ʼa koʼoyó ku̱a̱ʼání ndixi, ni ña̱ ku̱ʼu̱nyó vikó ña̱ kininí kéʼéna ni vikó nu̱ú ku̱a̱ʼání ndixi xíʼina (1 Pedro 4:3). Sava vikó, na̱ yiví va̱ása kíʼinna kuenta xíʼin ña̱ kéʼéna ta kíxáʼana kininí kéʼéna. Tá kúni̱yó kooyó migo Jehová va̱ása xíniñúʼu kitáʼanyó xíʼin na̱ kéʼé ña̱ yaku̱a̱ yóʼo.

 NÁ SAKUAʼAKAYÓ XA̱ʼA̱ÑA

 5. Xíʼin ña̱ kéʼún ixato̱ʼóna ña̱ kándíxaún

6. Jehová kúni̱ra ña̱ si̱í ná kooyó

Jehová kúni̱ra ña̱ si̱í ná kooyó xíʼin na̱ veʼeyó ta saátu xíʼin na̱ migoyó. Kaʼvindó Eclesiastés 8:​15 ta ka̱ʼa̱nndó xa̱ʼa̱ ña̱yóʼo:

• ¿Ndáa ki̱ʼva náʼa̱ ña̱ versículo yóʼo ña̱ kúni̱ Jehová ña̱ si̱í ná kooyó?

Jehová kúni̱tura ña̱ si̱í ná koo ini na̱ káchíñu nu̱úra ta inkáchi ná kutáʼanna. Kotondó VIDEO ña̱ va̱ʼa kotondó ña̱ saá íyo ña̱ kéʼéna ti̱xin asamblea internacional ña̱ xíkuumiíndi̱.

Kaʼvindó Gálatas 6:​10 ta ka̱ʼa̱nndó xa̱ʼa̱ ña̱yóʼo:

• ¿Á xíniñúʼu keʼéyó iin vikó ña̱ va̱ʼa na̱ʼa̱yó ña̱ va̱ʼa-iniyó xíʼin inka na̱ yiví?

• ¿Ndáa regalo kúú ña̱ kútóún taxiún: ña̱ táxiún xíʼin ña̱ nduxa̱ tá xíyo iin vikó á ña̱ táxiún xíʼin ndiʼi níma̱ún?

• Ku̱a̱ʼání na̱ testigo sava yichi̱ kéʼéna vikó xa̱ʼa̱ se̱ʼena, ta nda̱a̱ táxina regalo ndaʼa̱na. Tá íyo se̱ʼún, ¿ndáaña keʼún xa̱ʼa̱ na̱yóʼo?

 ÑA̱ XA̱A̱ SAKUAʼAYÓ

Jehová kúni̱ra ña̱ vií ná kutáʼanyó xíʼin na̱ veʼeyó ta saátu na̱ migoyó, soo va̱ása kúni̱ra ña̱ ná keʼéyó vikó ña̱ kǒo kútóora.

Ná ndakaʼányó xa̱ʼa̱ ña̱yóʼo

• ¿Ndáaña xíniñúʼu nda̱ka̱tu̱ʼunyó miíyó ña̱ va̱ʼa kunda̱a̱-iniyó á kútóo Jehová iin vikó?

• ¿Ndáa ki̱ʼva kivi chindeétáʼanyó xíʼin na̱ veʼeyó ta saátu na̱ migoyó ña̱ va̱ʼa kunda̱a̱-inina nda̱chun va̱ása kéʼéyó sava vikó?

• ¿Nda̱chun va̱ʼa kúnda̱a̱-iniyó ña̱ kúni̱ Jehová ña̱ si̱í ná kooyó?