TÁʼVI 9
¿Ama kixa̱a̱ tíempo nduluvi Ñuʼú yóʼo?
Tu̱ndóʼo ña̱ íyo ñuyǐví yóʼo náʼa̱ña nu̱úyó ña̱ xa̱ ninu̱mí ndasaluvi ta̱ Rey nda̱kaxin Ndióxi̱ Ñuʼú yóʼo (Lucas 21:10, 11; 2 Timoteo 3:1-5)
Tu̱ʼun Ndióxi̱ ni̱ka̱ʼa̱n xa̱ʼá ku̱a̱ʼání ña̱ xíniyó tíempo vitin. Ni̱ka̱ʼa̱ña xa̱ʼá na̱ yiví, na̱yóʼo kutǒoníkana xu̱ʼún, ku̱ni̱níkana keʼéna ña̱ íyo ñuyǐví, na̱ ku̱a̱chí va̱ása kuniso̱ʼona ña̱ káʼa̱n yivásiʼína, saátu kooní na̱ yiví na̱ saxuʼvi inkana.
Kooní ku̱a̱chi nu̱ú xáʼní-táʼana, kooní so̱ko, kooní ña̱ ta̱an, ta saátu ku̱a̱ʼání nu̱ú kue̱ʼe̱ koo. Tíempo vitin xíniyó túkúndiʼi ña̱yóʼo.
Ta saátu ni̱ka̱ʼa̱n Jesús xa̱ʼá tu̱ʼun va̱ʼa ña̱ káʼa̱n xa̱ʼá ra̱ kaʼndiachíñu, ndatúʼuna xa̱ʼá tu̱ʼun yóʼo iníí saá nu̱ú Ñuʼú yóʼo (Mateo 24:14).
Ta̱ Rey nda̱kaxin Ndióxi̱ sandiʼira xa̱ʼá túkúndiʼi ña̱ vǎʼá á ña̱ ni̱kuu ña̱ íyo ñuyǐví yóʼo (2 Pedro 3:13)
Xa̱ sa̱ lóʼo kúma̱ní sandiʼi Ndióxi̱ xa̱ʼá túkúndiʼi na̱ vǎʼá á na̱ ni̱kuu.
Ta̱ Ndiva̱ʼa xíʼin na̱ tachí ndiva̱ʼa ítáʼan xíʼinra ndiʼi-xa̱ʼána.
Na̱ xíniso̱ʼo ña̱ káʼa̱n Ndióxi̱ ka̱kuna koona nu̱ú Ñuʼú luvi nu̱ú kǒoka ku̱a̱chi koo, nu̱ú va̱ása yiʼvikana, ta ku̱ʼvi̱-inina kunitáʼana ta kandixatáʼana.
Sanatu kutóún ña̱yóʼo
LIBRO XÍʼIN FOLLETO
¿Ndáaña kúú Reino Ndióxi̱?
Tá ni̱xi̱yo ta̱ Jesús nu̱ú Ñuʼú yóʼo, ni̱na̱ʼa̱ra ndiʼi ña̱ va̱ʼa keʼé Reino Ndióxi̱ tá ná kixa̱a̱ña.
LIBRO XÍʼIN FOLLETO
¿Á kixa̱a̱ iin ki̱vi̱ ña̱ kǒo ndoʼokayó?
Ña̱ Biblia káʼa̱nña xíʼinyó Ndióxi̱ ni loʼo kǒo kúni̱ra ña̱ ndoʼoyó ta ndíʼi̱-inira xa̱ʼa ndiʼi na̱ yiví. ¿Nda̱saa va̱ʼa chindeé ña̱yóʼo miíún?
