Átu kúni̱yó sakusi̱íyó ini Jehová xíniñúʼu kuniso̱ʼoyó ña̱ káʼa̱n Se̱ʼera. Tá kúni̱ka kuva̱ʼa ta̱ Adán, Jehová ke̱ʼéra iin ángel ra̱ íyoní ndieé ndaʼá nu̱ú ndiví.

Tá ni̱ya̱ʼa tíempo Jehová ta̱ndaʼáñaʼára nu̱ú Ñuʼú yóʼo, ña̱ kakura ñuu Belén ti̱xin iin ñaʼá kuaa̱n naní María. Ta ra̱ loʼo yóʼo xi̱naníra Jesús (Juan 6:38).

Ki̱ví ni̱xi̱ka Jesús nu̱ú Ñuʼú yóʼo va̱ʼaní ni̱na̱ʼa̱ra ña̱ va̱ʼa kúú mií Ndióxi̱. Va̱ʼa ni̱xi̱yo inira xíʼin na̱ yiví, kûʼvi̱-inira xi̱nira na, ta va̱ʼaní xi̱niso̱ʼora ña̱ nda̱túʼuna xíʼin ra. Sa̱náʼa̱ra ña̱ nda̱a̱ xa̱ʼá Jehová nu̱ú na, ta va̱ása níyiʼvira sa̱náʼa̱ra ña̱yóʼo.

Na̱ su̱tu̱ veñu̱ʼu ni̱sâání-inina xi̱nina Jesús chi nda̱túʼunra xíʼin na̱ yiví xa̱ʼá ña̱ vatá ña̱ sánáʼa̱ na̱yóʼo xíʼin chiñu vǎʼá á ña̱ ni̱kuu ña̱ kéʼéna.

Saátu Jesús sa̱ndáʼara na̱ yiví na̱ ndiéndóʼo ta sa̱ndátiakura sava na̱ ni̱xi̱ʼi̱.

Na̱ su̱tu̱ veñu̱ʼu ni̱ka̱ʼa̱na tu̱ʼun vatá xa̱ʼá Jesús xíʼin na̱ chíñu ñuu Roma, ña̱kán sa̱xúʼvi̱ñaʼána ta xa̱ʼnina ra.