¿Á keʼún ña̱ kúni̱ Jehová?
Tixaʼviún xa̱ʼa ña̱ ka̱ʼviún tutu yóʼo tasaá va̱ʼa kunda̱a̱-iniún xa̱ʼandi̱ xíʼin xa̱ʼa chiñu kéʼéndi̱. Va̱ʼaní tá chi̱ndeé tutu yóʼo yóʼó ña̱ ku̱nda̱a̱-iniún ña̱ iinlaa ndi̱ʼi̱ kúú na̱ kéʼé ña̱ kúni̱ Jehová tíempo vitin. Káʼa̱nndi̱ xíʼún ná sakuaʼakaún xa̱ʼa Jehová. Natúʼún xíʼin na̱ veʼún xíʼin mígoún xa̱ʼa ña̱ sákuaʼún, ta káʼa̱nndi̱ xíʼún ná ku̱ʼu̱n ni̱ʼún xíʼinndi̱ nu̱ú sákuaʼandi̱ xa̱ʼa Ndióxi̱ (Hebreos 10:23-25).
Tá ná sakuaʼakaún xa̱ʼa Jehová saá va̱ʼa kunda̱a̱-iniún nda̱saa kúni̱ra miíún. Tasaá ku̱ni̱kaún keʼún ndiʼi ña̱ kúni̱ra (1 Juan 4:8-10, 19). Ta vitin, ¿ndáaña va̱ʼa keʼún tasaá va̱ʼa na̱ʼún ña̱ kúni̱ún Ndióxi̱? ¿Ndáaña va̱ʼa ni̱ʼún tá ná kandíxaún ña̱ káʼa̱n Jehová? ¿Ndáaña chindeé yóʼó ña̱ va̱ʼa inkáchi keʼéyó ña̱ kúni̱ Jehová? Na̱ sánáʼa̱ miíún kivi chindeéna yóʼó ña̱ va̱ʼa kunda̱a̱-iniún xa̱ʼa ña̱yóʼo, ña̱kán va̱ʼa miíún xíʼin na̱ veʼún va̱ʼa xa̱a̱ndó keʼékandó ña̱ kúni̱ Ndióxi̱ ña̱kán va̱ʼa kiʼinra kuenta xíʼindó ta saá va̱ʼa kutakundó ndiʼi tíempo (Judas 21).
Sanatu kutóún ña̱yóʼo
ÑA̱ KÁʼA̱N XA̱ʼA̱NDI̱
¿Nda̱chun kaʼviyó Biblia? (iníísaá video)
Iníísaá ñuyǐví ku̱a̱ʼání na̱ yiví chíndée táʼan Biblia xíʼin ña̱ kunda̱a̱-inina xa̱ʼa ña̱ʼa ña̱ ndáyáʼviní. ¿Á kúni̱ún sakuaʼún xa̱ʼa ña̱yóʼo?
ÑA̱ KÚNI̱ NA̱ YIVÍ KUNDA̱A̱-ININA XA̱ʼA̱ NA̱ TESTIGO JEHOVÁ
¿Ndáa ki̱ʼva sánáʼa̱ na̱ testigo Jehová na̱ yiví?
Xíʼin ki̱ʼva ña̱ káʼvi na̱ testigo Jehová xíʼin na̱ yiví kivi kuniñúʼún nda̱a̱ ndáaka Biblia kúni̱ miíún ta va̱ása kiʼinna xu̱ʼún ndaʼún ña̱ sanáʼa̱na yóʼó. Tá ná kaʼvi na̱ testigo Jehová xíʼún kivi koo na̱ veʼún á na̱ migoún á nda̱a̱ ndáaka na̱ kúni̱ miíún ña̱ kuniso̱ʼona ña̱ sakúaʼún.
