¿Á kixa̱a̱ iin ki̱vi̱ ña̱ kǒo ndoʼokayó?
Á ndákanixi̱níún...
-
... ña̱ kixa̱a̱ña?
-
... ña̱ kǒo kixa̱a̱ña?
-
... ña̱ sana kixa̱a̱vaña?
ÑA̱ KÁʼA̱N BIBLIA
“Ndióxi̱ [...] ndaya̱kúnra ti̱kui̱í nu̱úna, ta va̱ása kuvikana, ni va̱ása kusuchíka-inina, ni va̱ása kuakukana, ni va̱ása xo̱ʼvi̱kana. Ndióxi̱ sandíʼi-xa̱ʼa̱ra ndiʼi ña̱ʼa ña̱ sa̱xóʼvi̱ miíyó” (Apocalipsis 21:3, 4, Traducción del Nuevo Mundo).
¿NDÁAÑA VA̱ʼA NDAKIʼÚN TÁ NÁ KAʼVIÚNÑA?
Kunda̱a̱-iniún chi su̱ví Ndióxi̱ kúú ta̱ táxi tu̱ndóʼo ndóʼoyó (Santiago 1:13).
Kunda̱a̱-iniún chi Ndióxi̱ xínira ndiʼi ña̱ ndóʼoyó (Zacarías 2:8).
Va̱ása kundi̱ʼika-iniún chi chí nu̱únínu kǒoka tu̱ndóʼo koo (Salmo 37:9-11).
¿Á VA̱ʼA KANDÍXAYÓ ÑA̱ KÁʼA̱N BIBLIA?
Va̱ʼava, yóʼo sakuaʼayó xa̱ʼa u̱vi̱ ña̱ʼa:
-
Ndióxi̱ ni loʼo kǒo kúni̱ra ña̱ ndoʼoyó. ¿Ndáaña ndo̱ʼo Jehová tá ku̱u ndi̱va̱ʼana xíʼin na̱ ñuura xi̱naʼá? Ña̱ Biblia káchiña ni̱kusuchí-inira tá ku̱u ndi̱va̱ʼa inka na̱ ñuu xíʼin ñuura (Jueces 2:18).
Ndióxi̱ ni loʼo kǒo kúni̱ra xínira ña̱ kéʼé na̱ yiví na̱ sándoʼo inkana. Chi Biblia káchiña ni loʼo kǒo kúni̱ra xínira ña̱ kéʼé na̱ xáʼní na̱ yiví (Proverbios 6:16, 17).
-
Ndióxi̱ ndíʼi̱-inira xa̱ʼa iin iinyó. Sana ndákanixi̱níún ña̱ iinlá miíún xíni̱i̱ ‘tu̱ndóʼún á ña̱ sándi̱ʼi yóʼóʼ, soo míí ña̱ nda̱a̱ Jehová xíni̱ ndiʼira ña̱ ndóʼún (2 Crónicas 6:29, 30).
Tá ná kaʼndachíñu Ndióxi̱, saá kúúña ndiʼi-xa̱ʼa ndiʼi ña̱ ndóʼoyó (Mateo 6:9, 10). Soo vitin sándi̱koora-ini ndiʼi na̱ ndinuʼu-ini ndíku̱nñaʼá (Hechos 17:27; 2 Corintios 1:3, 4).
NDAKANIXI̱NÍ XA̱ʼA ÑA̱YÓʼO
¿Ndachun táxi Ndióxi̱ ndóʼoyó?
Nu̱ú Biblia kunda̱a̱-iniún xa̱ʼa ña̱yóʼo nu̱ú ROMANOS 5:12 xíʼin 2 PEDRO 3:9.