“Ta̱ íyo chí ndiví chindúʼura iin ta̱ kaʼndachíñu ta va̱ása ndiʼi-xa̱ʼa ña̱ kuniʼi chíñura” (Daniel 2:44, Traducción del Nuevo Mundo).

“Ka̱ku iin ta̱ loʼo, iin ta̱ loʼo ta̱xina ndaʼa̱ndi̱. Ka̱kura ña̱ va̱ʼa kaʼndachíñura” (Isaías 9:6).

• Ña̱ Reino Ndióxi̱ va̱ʼaní chindeéña iin iinyó (Isaías 48:17, 18).

• Xa̱kunu̱mí sandiʼi-xa̱ʼara kue̱ʼe̱ ta taxira iin ñuyǐví xa̱á ña̱ si̱í kundooyó (Apocalipsis 21:3, 4).

Va̱ʼava, yóʼo sakuaʼayó xa̱ʼa u̱vi̱ ña̱ʼa:

• Ta̱ Jesús ni̱na̱ʼa̱ra ña̱ koo tá ná kixa̱a̱ Reino Ndióxi̱. Sa̱náʼa̱ra na̱ xi̱ndiku̱n sa̱tára ña̱ ka̱ʼa̱nna xíʼin Ndióxi̱ ña̱ ná kixa̱a̱ ki̱vi̱ ña̱ kaʼndachíñu Ndióxi̱ ta koo ña̱ kúni̱ra nu̱ú Ñuʼú yóʼo (Mateo 6:9, 10). Ta ni̱na̱ʼa̱tura nda̱saa xi̱nu nu̱ú tu̱ʼun yóʼo.

  Tá ni̱xi̱yo ta̱ Jesús nu̱ú Ñuʼú yóʼo ku̱a̱ʼá na̱ yiví na̱ xíʼi̱ so̱ko sa̱kúxura, sa̱ndáʼara na̱ xi̱kuumií kue̱ʼe̱ ta nda̱a̱ sa̱ndátakura na̱ ni̱xi̱ʼi̱ (Mateo 15:29-38; Juan 11:38-44). Xíʼin ndiʼi ña̱ ke̱ʼéra ni̱na̱ʼa̱ra nu̱úyó ndáa ki̱ʼva koo tá ná kaʼndachíñura tá ná kixa̱a̱ Reino Ndióxi̱ (Apocalipsis 11:15).

• Ndiʼi ña̱ kúu ñuyǐví yóʼo náʼa̱ña nu̱úyó ña̱ xa̱kunu̱mí kixa̱a̱ Reino Ndióxi̱. Ta̱ Jesús ni̱ka̱ʼa̱nra koo ku̱a̱chi nu̱ú xáʼní táʼanna, koo so̱ko xíʼin ña̱ ta̱an saáví kixa̱a̱ Reino Ndióxi̱ (Mateo 24:3, 7).

  Ndiʼi ña̱ ni̱ka̱ʼa̱n ta̱ Jesús xíniyóña vitin. Ña̱yóʼo kúni̱ kachiña xa̱kunu̱mí kixa̱a̱ Reino Ndióxi̱ ña̱ sandiʼi-xa̱ʼaña ndiʼi tu̱ndóʼo.