Nu̱ú kíxaʼá táʼví 2
¿Nda̱chun sa̱ndíʼi-xa̱ʼa Ndióxi̱ na̱ yiví tá ya̱chi̱ xíʼin sa̱vi̱ kini? Saáchi xa̱a̱ tá ki̱xaʼá ñuyǐví yóʼo saá ki̱xaʼá íyo na̱ yiví na̱ kéʼé ña̱ va̱ʼa xíʼin ña̱ va̱ása va̱ʼa. Na̱ ke̱ʼé ña̱ va̱ása va̱ʼa kúú ta̱ Adán, ñá Eva xíʼin se̱ʼena ta̱ Caín. Ta na̱ ke̱ʼé ña̱ va̱ʼa kúú ta̱ Abel xíʼin ta̱ Noé. Ndiʼika na̱ yiví kán ki̱xaʼá kéʼéna ña̱ va̱ása va̱ʼa ta xa̱ʼa ña̱yóʼo sa̱ndíʼi-xa̱ʼarana. Yóʼo sakuaʼayó ña̱ kíʼinva Jehová kuenta ndáaña kútóoyó keʼéyó tasaátu sandiʼi-xa̱ʼara na̱ va̱ása va̱ʼa.
ÑA̱ SECCIÓN YÓʼO
LECCIÓN 3
Ta̱ Adán xíʼin ñá Eva kǒo níkandíxakana Ndióxi̱
¿Nda̱chun síín ni̱xi̱yo iin yitu̱n tú xi̱ndichi chí ma̱ʼñú ñuʼú livi ña̱ Edén? ¿Nda̱chun xa̱xí ñá Eva tí ku̱i̱ʼi yóʼo?
LECCIÓN 4
Ni̱sa̱a̱níra ta nda̱a̱ xa̱ʼníra ñanira
Ndióxi̱ nda̱kiʼinvara ña̱ʼa ña̱ ta̱xi ta̱ Abel ndaʼa̱ra soo va̱ása níndakiʼinra ña̱ʼa ña̱ ta̱xi ta̱ Caín ndaʼa̱ra. Tá na̱kunda̱a̱-ini ta̱ Caín xa̱ʼa ña̱yóʼo ni̱sa̱a̱níra ta nda̱a̱ xa̱ʼníra ñanira.
LECCIÓN 5
Arca ta̱ Noé
Na̱ ángel na̱ kǒo níkandíxaka ña̱ káʼa̱n Ndióxi̱ ti̱ndaʼa̱na xíʼin ná ñaʼá ta ka̱ku se̱ʼena xíʼinná, súkunní ni̱xi̱yona ta xi̱kutóonína kanitáʼanna. Iníísaá nu̱ú ñuʼú ni̱xi̱yo tu̱ndóʼo. Soo ta̱ Noé xi̱kuni̱níra xi̱xinira Ndióxi̱ ta xi̱keʼéra ndiʼi ña̱ xi̱ka̱ʼa̱nra.
LECCIÓN 6
U̱na̱ na̱ yiví ni̱ka̱ku
Sa̱vi̱ kini ko̱onra ki̱ʼva 40 ki̱vi̱ ta 40 ñu̱ú. Ta̱ Noé xíʼin na̱ veʼera ki̱ʼva iin ku̱i̱ya̱ xi̱ñuʼuna ini tú arca. Tasaá ni̱ka̱ʼa̱n Jehová xíʼinna ña̱ kivi keena.
