Tá xa̱a̱ ke̱ena nu̱ú ñuʼú livi ki̱xaʼá káku ku̱a̱ʼání se̱ʼena. Ta̱ nu̱ú xi̱naníra Caín, ta̱yóʼo xi̱chiʼira ku̱i̱ʼi. Abel xi̱naní ta̱ u̱vi̱ ta ndikachi xi̱ndaa ta̱yóʼo.

Iin ki̱vi̱ ta̱ Caín xíʼin ta̱ Abel ta̱xina iin ña̱ʼa ndaʼa̱ Ndióxi̱. Jehová ni̱kusi̱í-inira xíʼin ña̱ ta̱xi ta̱ Abel ndaʼa̱ra soo kǒo níkutóora ña̱ ta̱xi ta̱ Caín. Xa̱ʼa ña̱yóʼo ni̱sa̱a̱ní ta̱ Caín. Ña̱kán ni̱ka̱ʼa̱n Jehová xíʼinra: “Tá kǒo sándákoún ña̱ sáa̱ún kivi xa̱ún keʼún iin ña̱ va̱ása va̱ʼa”. Soo va̱ása níxiniso̱ʼora.

Ta̱ Caín ni̱ka̱ʼa̱nra xíʼin ta̱ Abel: “Ná ku̱ʼu̱nyó chí yuku̱”. Tá ni̱xa̱a̱ra kán, ta̱ Caín ka̱nira ta̱ Abel ta  ni̱xi̱ʼi̱ ta̱yóʼo. ¿Ndáaña ke̱ʼé Jehová xa̱ʼa ña̱yóʼo? Ta̱vá xíkara ta̱ Caín ku̱a̱ʼa̱nra nu̱ú na̱ veʼera. Ta va̱ása kivika ndikóra ni iin ki̱vi̱.

¿Ndáaña sákuaʼayó xíʼin ña̱ ndo̱ʼo na̱yóʼo? Sava yichi̱ sáa̱yó tá kǒo kána va̱ʼa ña̱ kúni̱yó keʼéyó. Soo tá káʼa̱n inkana xíʼinyó ña̱ kamaní sáa̱yó xíniñúʼu kandíxayó ña̱ ka̱ʼa̱nna ta nasamayó miíyó.

Xa̱ʼa ña̱ xi̱kuni̱ní ta̱ Abel xi̱xinira Jehová nina ña̱ va̱ʼa ke̱ʼéra, ta xa̱ʼa ña̱yóʼo kǒo nándosó-ini Jehová xa̱ʼara, ta sandátakurara ña̱ koora nu̱ú ñuyǐví xa̱á.