Nu̱ú kíxaʼá táʼví 3
Ña̱ Biblia káʼa̱nña tá xa̱a̱ ni̱ya̱ʼa tiempo ña̱ ko̱on sa̱vi̱ kini, loʼova xi̱kuu na̱ yiví na̱ xi̱kachíñu nu̱ú Ndióxi̱. Tá kúú ta̱ Abrahán ni̱xa̱a̱ra ku̱ura migo Jehová. Yóʼo sakuaʼayó nda̱chun xi̱kuura migo Jehová. Tá íyo se̱ʼún sanáʼa̱na ña̱ kunda̱a̱-inina ña̱ ndíʼi̱-ini Ndióxi̱ xa̱ʼana ta kúni̱ra chindeérana. Kivitu ka̱ʼa̱nyó xíʼin Jehová ña̱ chindeéra miíyó ta kandíxayó ña̱ saxínura ndiʼi ña̱ káʼa̱nra keʼéra nda̱a̱ táki̱ʼva xi̱keʼé ta̱ Abrahán, ta̱ Lot xíʼin ta̱ Jacob á inkaka na̱ xi̱kachíñu nu̱ú Ndióxi̱.
ÑA̱ SECCIÓN YÓʼO
LECCIÓN 7
Veʼe káʼnu ñuu Babel
Na̱ yiví xi̱kuni̱na ixava̱ʼana iin veʼe káʼnu ta ná xa̱a̱ xi̱níña nda̱a̱ chí ndiví. ¿Nda̱chun na̱sama Jehová tu̱ʼunna?
LECCIÓN 8
Ta̱ Abrahán xíʼin ñá Sara ka̱ndíxana Ndióxi̱
¿Nda̱chun sa̱ndákoo ta̱ Abrahán xíʼin ñá Sara ñuu nu̱ú xi̱ndoona ta ku̱a̱ʼa̱nna chí ñuu Canaán?
LECCIÓN 9
Nda̱a̱ vitinví ka̱ku iin se̱ʼena
¿Nda̱saa saxínu Jehová ña̱ ni̱ka̱ʼa̱nra xíʼin ta̱ Abrahán? ¿Ndáana kuniñú’ura ña̱ va̱’a saxínuraña ta̱ Isaac á ta̱ Ismael?
LECCIÓN 10
Ndakaʼánndó xa̱ʼa ñá síʼí ta̱ Lot
Ndióxi̱ sa̱kóonra ñuʼu̱ sa̱tá ñuu Sodoma xíʼin ñuu Gomorra. ¿Nda̱chun sa̱ndiʼi-xa̱ʼara ña̱ ñuu kán? ¿Nda̱chun xíniñúʼu ndakaʼányó xa̱ʼa ñá síʼí ta̱ Lot?
LECCIÓN 11
Ndióxi̱ xi̱tondosóra ta̱ Abrahán
Ndióxi̱ ni̱ka̱ʼa̱nra xíʼin ta̱ Abrahán: “Kúaʼán xíʼin se̱ʼún ta̱ Isaac yuku̱ nu̱ú ñuu Moria ta kán kaʼníúnra”. ¿Ndáaña keʼé ta̱ Abrahán xa̱ʼa ña̱yóʼo?
LECCIÓN 12
Ta̱ Jacob nda̱kiʼinra herencia
Ta̱ Isaac xíʼin ñá Rebeca ka̱ku u̱vi̱ se̱ʼena na̱ kúáti, ta̱ naní Esaú xíʼin Jacob. Siʼna ta̱ Esaú ka̱ku xa̱ʼa ña̱yóʼo ta̱ Esaú xíniñúʼu ndakiʼinra iin herencia. ¿Soo nda̱chun na̱sa̱maraña?
LECCIÓN 13
Nda̱kutáʼan ta̱ Jacob xíʼin ta̱ Esaú
¿Ndáaña ke̱ʼé ta̱ Jacob ña̱ va̱ʼa ta̱xi iin ángel bendición ndaʼa̱ra? ¿Ndáaña ke̱ʼé ta̱ Jacob ña̱ va̱ʼa kǒo níkanitáʼanra xíʼin ta̱ Esaú?
