Nu̱ú kíxaʼá táʼví 8
Jehová ta̱xira bendición ndaʼa̱ ta̱ Salomón ta ta̱xira ña̱ ndíchi ndaʼa̱ra ta ni̱ka̱ʼa̱nra xíʼinra ña̱ ná keʼéra templo. Soo loʼo tá loʼo ku̱xíkara nu̱ú Ndióxi̱. Tá íyo se̱ʼún ka̱ʼa̱n xíʼinna ku̱a̱chi na̱ yiví na̱ ndásakáʼnu ndióxi̱ vatá ta̱ Salomón sa̱ndákoora Jehová. Nda̱taʼvíva na̱ ñuu, ta ni̱xi̱yotu rey na̱ va̱ása va̱ʼa chi nda̱a̱ na̱ ñuu sa̱ndáʼvina ña̱ sandákoona Ndióxi̱ ta ki̱xaʼána ndásakáʼnuna ndióxi̱ vatá. Tá tiempo saá, ku̱a̱ʼání na̱ profeta Jehová ki̱xi tu̱ndóʼo nu̱úna ta nda̱a̱ savana ni̱xi̱ʼi̱. Ku̱a̱chi ñá reina Jezabel ku̱a̱ʼánína ki̱xaʼána ndásakáʼnu ndióxi̱ vatá. Nina ña̱ va̱ása va̱ʼa ke̱ʼé na̱ ñuu Israel tá tiempo yóʼo. Ni saá ni̱xi̱yo sava na̱ ñuu Israel na̱ xi̱ndasakáʼnu Jehová, ta kúú ta̱ rey Jehosafat xíʼin ta̱ profeta Elías.
ÑA̱ SECCIÓN YÓʼO
LECCIÓN 44
Templo Jehová
Ndióxi̱ kútóora ña̱ ndúkú ta̱ Salomón nu̱úra, ta táxira iin chiñu ndáyáʼviní ndaʼa̱ra.
LECCIÓN 49
Iin ñá reina ndi̱va̱ʼa-ini ndákiʼinñá castigo
Ñá Jezabel xa̱ʼndañá chiñu ña̱ ná kaʼnína iin ta̱ ñuu Israel ta̱ naní Nabot ña̱ va̱’a kindaañá ñuʼúra nda’a̱ra. Soo Jehová xi̱nira ña̱ ke̱ʼéñá.
LECCIÓN 50
Jehová chi̱ndeéra ta̱ Jehosafat nu̱ú na̱ sáa̱-ini xíniñaʼá
Ta̱ rey Jehosafat káʼa̱nra xíʼin Ndióxi̱ ña̱ ná chindeérara nu̱ú na̱ sáa̱-ini xíniñaʼá