KIXÁʼA NATÚʼUN XÍʼIN NA̱ YIVÍ
LECCIÓN 1
Ndixa kundi̱ʼi̱-iniún xa̱ʼa̱na
Ña̱ káʼa̱n tu̱ʼun Ndióxi̱: “Iin na̱ kúʼvi̱-ini xíni inkana […] va̱ása ndíʼi̱-inina xa̱ʼa̱ mií kuitína” (1 Cor. 13:4, 5).
Ña̱ ke̱ʼé ta̱ Jesús
1. Koto VIDEO á kaʼvi Juan 4:6-9. Tándi̱ʼi, ndakanixi̱ní xa̱ʼa̱ pregunta ña̱ va̱xi yóʼo:
¿Ndáaña sákuaʼayó xíʼin ña̱ ke̱ʼé ta̱ Jesús?
2. Va̱ʼaníka kuniso̱ʼo na̱ yiví tá ná kixáʼayó natúʼunyó xíʼinna xa̱ʼa̱ ña̱ kútóo miína kunda̱a̱-inina xa̱ʼa̱.
Keʼé táki̱ʼva ke̱ʼé ta̱ Jesús
3. Kǒo ka̱ʼún xa̱ʼa̱ ña̱ kúni̱ mií kuitíún ka̱ʼún. Ndakaʼán chi su̱ví ña̱ kúni̱ miíún kúú ña̱ natúʼún xíʼin na̱ yiví, chi ña̱ kúni̱ miína kunda̱a̱-inina xa̱ʼa̱ kúú ña̱ natúʼún xíʼinna. Nasama ki̱ʼva ña̱ natúʼún xíʼinna, ña̱kán ndakanixi̱ní xa̱ʼa̱ pregunta yóʼo:
4. Koto ndáa ki̱ʼva íyona. Ndakanixi̱ní xa̱ʼa̱ pregunta yóʼo:
-
“¿Ndáaña kéʼé na̱ yiví yóʼo? ¿Ndáaña ndákanixi̱nína xa̱ʼa̱?”.
-
“Ti̱ko̱to̱ ña̱ ndíxina, veʼena, ki̱ʼva ña̱ náʼa̱na, ¿ndáa ki̱ʼva chindeétáʼan ña̱yóʼo xíʼún ña̱ kunda̱a̱-iniún xa̱ʼa̱ ña̱ kándíxana á costumbre ña kúúmiína?”.
5. Kuniso̱ʼo.
-
Taxi ná ka̱ʼa̱n na̱ yiví xa̱ʼa̱ ña̱ ndákanixi̱nína. Tá kivi, nda̱ka̱tu̱ʼúnna xa̱ʼa̱ ña̱ káʼa̱nna xíʼún.