LECCIÓN 10
Nasama ta̱chíún
Proverbios 8:4, 7
Nasama ta̱chíún, nasama tu̱ʼún xíʼin ki̱ʼva ña̱ káʼún ña̱ va̱ʼa káxi ná kunda̱a̱-inina xíʼin ña̱ sánáʼúnna, ta ná kusi̱í-inina xíʼinña.
NDÁA KI̱ʼVA KEʼÚNÑA:
-
Nasama ta̱chíún. Ndaniʼi ta̱chíún tá káʼún xíʼinna xa̱ʼa iin ña̱ʼa ña̱ ndáyáʼviní. Saátu tá káʼviún nu̱úna xa̱ʼa iin ña̱ʼa ña̱ káʼa̱n Jehová keʼéra. Sánuu ta̱chíún tá káʼún xíʼinna xa̱ʼa iin ña̱ʼa ña̱ kivi sándayi̱ʼví-inina á iin ña̱ʼa ña̱ kivi sándi̱ʼi̱-inina.
-
Nasama tu̱ʼún. Tá kivi keʼún ña̱yóʼo, kivi ndasaníi̱ loʼokaún ta̱chíún tá káʼún xa̱ʼa iin ña̱ʼa ña̱ si̱í-ini, á tá káʼún xa̱ʼa iin ña̱ʼa ña̱ kúúmií ki̱ʼva á ña̱ xíka kíndo̱o. Ndasaduʼú loʼoka ta̱chíún ña̱ va̱ʼa na̱ʼún ña̱ suchí-ini, xíʼin ña̱ ndíʼi-ini.
-
Nasama loʼo ki̱ʼva ña̱ káʼún. Tá kúni̱ún ka̱ʼún xíʼin ña̱ si̱í-ini, kama loʼoka ka̱ʼún xíʼinna. Tá kúni̱ún ná kunda̱a̱ va̱ʼa inina xíʼin iin ña̱ʼa, kúee loʼoka ka̱ʼún xíʼina.
