Viíní sákuaʼúnña. Kaʼviña nda̱a̱ ná xa̱ún kunda̱a̱ va̱ʼa iniún ndáa ña̱ʼa kúú ña̱ káʼa̱nña xa̱ʼa, ta ndáa texto kúú ña̱ kítáʼan xíʼinña. Kuniñúʼu tu̱ʼun ña̱ va̱ása yo̱ʼvi̱ tá ná ka̱ʼún xíʼinna ña̱kán va̱ʼa ná kunda̱a̱-inina xíʼinña. Ndakanixi̱ní nda̱saa kivi chindeéña na̱ xíniso̱ʼo ña̱ káʼún. Ka̱ʼa̱n xíʼin Jehová ná chindeéra yóʼó xíʼin ndée ña̱ kúúmiíra.

Kuniñúʼu tu̱ʼun ña̱ sáxi̱nu̱-inina. Va̱ʼaka xíʼin tu̱ʼun miíún ka̱ʼúnña nu̱úka ña̱ kaʼviúnña. Kuniñúʼu tu̱ʼun ña̱ náʼa̱ ña̱ ndixa kándíxaún ña̱ káʼún xa̱ʼa xíʼinna.

Xíʼin ndinuʼu-iniún ka̱ʼún ta nda̱a̱ níma̱ún ná kanaña. Ndeé loʼo ka̱ʼún. Tá ñuu nu̱ú íyoún su̱ví iin ku̱a̱chi kúúña kotoún nu̱ú na̱ káʼún xíʼin, kivi keʼúnña.