Vií ndakanixi̱níún xa̱ʼa na̱ káʼún xíʼin. Xíniñúʼu ndakanixi̱níún xa̱ʼa na̱ hermano ña̱ ndixa kúni̱na sákusi̱ína-ini Jehová. Xa̱ʼa ña̱yóʼo tá xíniñúʼu taxiún iin consejo ndaʼa̱na, kiʼún kuenta ña̱ ná kooña iin ña̱ kivi chindeétáʼan xíʼinna.

Loʼo kuití tu̱ndóʼo ña̱ kúu xíniñúʼu ka̱ʼún xa̱ʼa. Tá xíniñúʼu ka̱ʼún xíʼinna xa̱ʼa sava tu̱ndóʼo, loʼovaña ka̱ʼún xa̱ʼa xíʼinna. Ndiʼi ña̱ káʼún xíʼinna ná kooña ña̱ kivi chindeétáʼan xíʼinna.

Viíní kuniñúʼún tu̱ʼun Ndióxi̱. Ka̱ʼa̱n xíʼinna ndáa ña̱ʼa kúú ña̱ xa̱a̱ ke̱ʼé Jehová tá ya̱chi̱, ndáa ña̱ʼa kúú ña̱ kéʼéra vitin, ta ndáa ña̱ʼa kúú ña̱ keʼéra chí nu̱únínu xa̱ʼa ndiʼi na̱ yiví. Chindeétáʼan xíʼinna ná kandíxakana ña̱ va̱xi chí nu̱únínu ta saátu ña̱ ndakú ná koo inina.