Nandukú va̱ʼún xa̱ʼa ña̱ kúni̱ún ka̱ʼún xíʼinna. Xíniñúʼu kunda̱a̱ va̱ʼa iniún xa̱ʼa ña̱ kúni̱ún ka̱ʼún xíʼinna, ña̱kán va̱ʼa vií ndakaniúnña nu̱úna ta nda̱a̱ kivi ka̱ʼúnña xíʼin tu̱ʼun miíún.

Kuniñúʼu tu̱ʼun ña̱ va̱ása yo̱ʼvi̱ ta va̱ása ku̱a̱ʼání ka̱ʼún. Ni su̱ví iin ku̱a̱chiví kúú ña̱ kuniñúʼún ku̱a̱ʼání tu̱ʼun tá káʼún, soo iin ña̱ va̱ʼaníka kúúña tá ná kuniñúʼún loʼoña ña̱ va̱ʼa ka̱ʼún xíʼinna xa̱ʼa mií ña̱ ndáyáʼvi va̱ʼaka.

Natúʼun xíʼinna xa̱ʼa sava tu̱ʼun ña̱ kǒo kúnda̱a̱ va̱ʼa inina xíʼin. Va̱ása ku̱a̱ʼání yichi̱ kuniñúʼún tu̱ʼun yóʼo, ta va̱ása nandósóún ña̱ ndakaniún nu̱úna xa̱ʼa tu̱ʼun ña̱ va̱ása kúnda̱a̱-inina xa̱ʼa, á saátu tá káʼún xíʼinna xa̱ʼa iin na̱ yiví na̱ va̱xi nu̱ú Biblia, á tá káʼún xíʼinna xa̱ʼa sava costumbre á inkaka ña̱ʼa ña̱ va̱ása kúnda̱a̱ va̱ʼa inina xa̱ʼa.