LECCIÓN 19
Nda̱a̱ níma̱na ná xa̱a̱ ña̱ ka̱ʼún xíʼinna
Proverbios 3:1
Chindeétáʼan xíʼin na̱ xíniso̱ʼo ña̱ káʼún ña̱ va̱ʼa ná chindayáʼvikana ña̱ sákuaʼana, ta ná keʼénaña.
NDÁA KI̱ʼVA KEʼÚNÑA:
-
Chindeétáʼan xíʼinna ná kotona ndáa ki̱ʼva íyona. Keʼé pregunta xíʼinna ña̱ va̱ʼa ná ndakanixi̱nína xa̱ʼa miína ndáa ki̱ʼva íyona.
-
Chindeétáʼan xíʼinna ná kutóona keʼéna ña̱ va̱ʼa. Chindeétáʼan xíʼinna ná ndakanixi̱nína ndáa xa̱ʼa kúú ña̱ kéʼéna ña̱ va̱ʼa. Chindeétáʼan xíʼinna ná keʼénaña xa̱ʼa ña̱ kúʼvi̱-inina xínina Jehová, xa̱ʼa ña̱ kúʼvi̱-inina xínina inka na̱ yiví, ta saátu xa̱ʼa ña̱ sákuaʼana ña̱ va̱xi nu̱ú Biblia. Chindeétáʼan xíʼinna ná ndakanixi̱nína xa̱ʼa ña̱ káʼún xíʼinna, ña̱kán va̱ʼa tá ná sandíʼún ka̱ʼún xíʼinna va̱ása ndakava-inina, chi na̱ kusi̱íka-iniva kúúna, ta chika̱a̱kana ndée ña̱ keʼéna ña̱ va̱ʼa.
-
Ka̱ʼa̱n xíʼinna xa̱ʼa Jehová. Ka̱ʼa̱n xíʼinna ña̱ ndiʼi ña̱ʼa ña̱ sákuaʼáyó nu̱ú tu̱ʼun Ndióxi̱, chíndeétáʼanña xíʼinyó ña̱ va̱ʼaka sákuaʼayó xa̱ʼa Jehová, ta náʼa̱ña nu̱úyó ña̱ kúni̱níra xínira miíyó. Chindeétáʼan xíʼinna ná kunda̱a̱-inina xa̱ʼa Jehová, tasaá kutóokana keʼéna ña̱ kúni̱ra.
