NDÁA KI̱ʼVA KIVI KA’VIYÓ
Ña̱ kivi keʼéyó tá káʼvi iinlá miíyó á tá ká’viyó xí’in na̱ veʼeyó
Ndásakáʼnuyó Jehová xíʼin na̱ hermanoyó tá xáʼa̱nyó reunión xíʼin asamblea. Soo saátu ndásakáʼnuyóra xíʼin na̱ veʼeyó. Yóʼo va̱xi sava ña̱ kivi chindeétáʼan xíʼinyó tá káʼvi iinlá miíyó ta saátu tá káʼviyó xíʼin na̱ veʼeyó.
-
Xa̱a̱ ya̱chi̱ka ná kaʼviyó ña̱ ya̱ʼa ti̱xin reunión, saátu ná sakúaʼayó yaa ña̱ katayó. Ta inkáchi ná taváyó comentario xíʼin na̱ veʼeyó ña̱ taxiyó ti̱xin reunión.
-
Ná kaʼviyó relato ña̱ va̱xi nu̱ú Biblia. Ta nu̱ú iin tutu ná sanánayó ña̱ ka̱ʼviyó xa̱ʼa̱ ta saátu kivi kaʼyíyó ña̱ sa̱kuaʼayó.
-
Ná kaʼviyó xa̱ʼa̱ oración ña̱ ke̱ʼé na̱ xi̱ndasakáʼnu Jehová tá tiempo xi̱naʼá. Ta ná kotoyó ndáa ki̱ʼva chindeétáʼan ña̱yóʼo xíʼinyó ña̱ viíka ka̱ʼa̱nyó xíʼin Jehová.
-
Ná kotoyó iin video ña̱ va̱xi nu̱ú jw.org. Tándi̱ʼi kivi ka̱ʼa̱nyó xa̱ʼa̱ ña̱ sa̱kúaʼayó xíʼin na̱ veʼeyó ta saátu kivi kaʼyíyóña.
-
Ya̱chi̱ka ná kaʼviyó xa̱ʼa̱ ña̱ natúʼunyó xíʼin na̱ yiví. Ta ná sakúaʼayó ndáa ki̱ʼva natúʼunyó xíʼinna.
-
Ná kotoyó ña̱ʼa ña̱ i̱xava̱ʼa Jehová ta ná ndakanixi̱níyó ndáaña sákuaʼayó xa̱ʼa̱ra xíʼin ña̱yóʼo. Tá íyoyó xíʼin na̱ veʼeyó kivi ka̱ʼa̱nyó xíʼinna ndáaña sa̱kúaʼayó. a
a Kaʼvi artículo ña̱ naní “Ná sakúaʼayó xa̱ʼa̱ Jehová xíʼin ña̱ʼa ña̱ i̱xava̱ʼara”, ña̱ ka̱na nu̱ú Tutu Ña̱ Nátúʼun xíʼinyó marzo 2023.