ARTÍCULO ÑA̱ KAʼVIYÓ 36
Ña̱ kixaa̱ ña̱ Armagedón iin ña̱ va̱ʼaní kúúña
“Ta sa̱ndátakanana nu̱ú lugar ña̱ [...] Armagedón” (REV. 16:16, nota).
YAA 150 Jehová kúú ta̱ sáka̱ku yóʼó
ÑA̱ KA̱ʼA̱NYÓ XA̱ʼA̱ *
1, 2. a) ¿Nda̱chun iin ña̱ va̱ʼa kúú ña̱ ná kixa̱a̱ ña̱ Armagedón? b) ¿Ndáa pregunta ndakuiinyó nu̱ú ña̱ artículo yóʼo?
KU̱A̱ʼÁNÍ na̱ yiví chítáʼanna ña̱ Armagedón xíʼin iin guerra káʼnuní ña̱ sándiʼi-xa̱ʼa̱ iníísaá nu̱ú ñuʼú. Soo ña̱ káʼa̱n ña̱ Biblia xa̱ʼa̱ ña̱ Armagedón iin ña̱ va̱ʼava kúúña chi sákusi̱íña-iniyó (Rev. 1:3). Guerra ña̱ Armagedón va̱ása sandiʼi-xa̱ʼa̱ña na̱ yiví chi ña̱ sakǎku miívayó kúúña. ¿Ndáa ki̱ʼva kooña?
2 Ña̱ Biblia káʼa̱nña xíʼinyó, ña̱ Armagedón sandiʼi-xa̱ʼa̱ña ndiʼi na̱ chíñu na̱ íyo nu̱ú ñuʼú yóʼo xíʼin na̱ yiví na̱ ndi̱va̱ʼa-ini, ña̱ va̱ása sándiʼi-xa̱ʼa̱kana nu̱ú ñuʼú yóʼo, ta sakǎkuña na̱ yiví na̱ va̱ʼa-ini (Rev. 11:18). Ña̱ va̱ʼa kunda̱a̱ka-iniyó xa̱ʼa̱ña, ná ka̱ʼa̱nyó xa̱ʼa̱ ku̱mí pregunta: ¿Ndáaña kúú Armagedón? ¿Ndáaña kuu tá kúma̱níka kixa̱a̱ ña̱ Armagedón? ¿Ndáaña xíniñúʼu keʼéyó ña̱ va̱ʼa ka̱kuyó? Ta, ¿ndáaña keʼéyó ña̱ va̱ʼa nda̱kú koo iniyó nda̱a̱ ná kixaa̱ña?
¿NDÁAÑA KÚÚ ARMAGEDÓN?
3. a) ¿Ndáaña kúni̱ kachi ña̱ tu̱ʼun Armagedón? b) Nda̱a̱ táki̱ʼva káchi Revelación 16:14, 16, ¿nda̱chun va̱ʼa kúnda̱a̱-iniyó ña̱ Armagedón su̱ví iin lugar ña̱ ndixa kúúña?
3 (Kaʼvi Revelación 16:14, * 16). * Ña̱ tu̱ʼun Armagedón iin kuití yichi̱ va̱xiña nu̱ú Biblia, ta ka̱naña ti̱xin ña̱ tu̱ʼun hebreo ta kúni̱ kachiña “yuku̱ ña̱ Meguidó” (Rev. 16:16, nota). Ña̱ Meguidó xi̱kuuña iin ñuu ña̱ ni̱xi̱yo chí Israel (Jos. 17:11). Soo ña̱ Armagedón su̱ví iin lugar ña̱ ndixa kúúña, ta yóʼo kúú nu̱ú ndakutáʼan ndiʼi na̱ chíñu na̱ íyo iníísaá ñuyǐví ña̱ kixáʼana kanitáʼanna xíʼin Jehová (Rev. 16:14). Saátu nu̱ú ña̱ artículo yóʼo, kuniñúʼuyó ña̱ tu̱ʼun Armagedón, ña̱ ka̱ʼa̱nyó xa̱ʼa̱ guerra ña̱ kixáʼa tá ná ndiʼi ndakutáʼan na̱ chíñu na̱ íyo nu̱ú ñuʼú yóʼo. ¿Nda̱chun va̱ʼa xíni̱yó ña̱ su̱ví iin lugar ña̱ ndixa kúú ña̱ Armagedón? Ña̱ nu̱ú, saáchi ña̱ yuku̱ ña̱ Meguidó kǒoña íyo. Ña̱ u̱vi̱, saáchi ñuʼú ña̱ íyo iníí sa̱tá ña̱ ñuu Meguidó va̱ása ndíka̱ña, ña̱kán va̱ása nani ña̱ ndakutáʼan ndiʼi na̱ chíñu na̱ íyo iníísaá ñuyǐví, xíʼin na̱ kítáʼan xíʼinna ni ña̱ʼa ña̱ xíniñúʼuna ña̱ kanitáʼanna. Ña̱ u̱ni̱, saáchi nda̱a̱ táki̱ʼva kunda̱a̱-iniyó nu̱ú ña̱ artículo yóʼo, ña̱ guerra ña̱ Armagedón kixáʼaña tá ná kixáʼa na̱ chíñu na̱ íyo nu̱ú ñuʼú yóʼo ixandi̱va̱ʼana xíʼin na̱ ndásakáʼnu Ndióxi̱, na̱ íyo xa̱a̱ síín síín ñuu ña̱ iníísaá ñuyǐví.
4. ¿Nda̱chun chi̱táʼan Jehová ña̱ Armagedón xíʼin ña̱ Meguidó?
4 ¿Nda̱chun chi̱táʼan Jehová ña̱ Armagedón xíʼin ña̱ Meguidó? Saáchi ña̱ Meguidó xíʼin yosó ña̱ Jezreel kúú nu̱ú xi̱kanitáʼanna tá ya̱chi̱. Ta sava yichi̱ mií Jehová xi̱chindeétáʼan xíʼinna. Tá kúú, yatin nu̱ú íyo yu̱ta ña̱ Meguidó, chi̱ndeétáʼanra xíʼin ta̱ juez israelita Barac ña̱ ku̱chiñura ka̱nitáʼanra xíʼin na̱ cananeo na̱ kítáʼan xíʼin ta̱ Sísara. Ta̱ Barac xíʼin ñá profeta Débora ta̱xina tíxa̱ʼvi ndaʼa̱ Jehová xa̱ʼa̱ ña̱ chi̱ndeétáʼanra xíʼinna. Nu̱ú iin yaa ni̱ka̱ʼa̱nna: “Nda̱a̱ chí ndiví ka̱nitáʼan tí ki̱mi [...] xíʼin ta̱ Sísara. Ta yu̱ta tá Cisón sa̱ndiʼi-xa̱ʼa̱rána” (Juec. 5:19-21).
5. ¿Nda̱chun xa̱a̱ síín íyo ña̱ Armagedón nu̱ú ku̱a̱chi ña̱ ka̱nitáʼan ta̱ Barac?
5 Ta̱ Barac xíʼin ñá Débora xi̱niñúʼuna ña̱ tu̱ʼun yóʼo ña̱ sa̱ndiʼina yaana: “Saá ná kuvi ndiʼi na̱ sáa̱-ini xíni yóʼó Jehová, ta na̱ kúʼvi̱-ini xíni yóʼó ná koona nda̱a̱ táki̱ʼva íyo ñu̱ʼu ki̱vi̱ kítaña” (Juec. 5:31). Tá ná kixa̱a̱ ña̱ Armagedón na̱ sáa̱-ini xíni Jehová ndiʼi-xa̱ʼa̱na ta ná kúʼvi̱-ini xíniñaʼá ka̱kuna. Soo xa̱a̱ síín íyo ña̱ Armagedón nu̱ú ku̱a̱chi ña̱ ka̱nitáʼan ta̱ Barac. Ti̱xin ña̱ Armagedón na̱ ndásakáʼnu Ndióxi̱ va̱ása kanitáʼanna, ta ni va̱ása kuniñúʼuna nda̱a̱ ni iin ña̱ʼa. Chi ña̱ xíniñúʼu keʼéna kúú ña̱ va̱ása kundi̱ʼi̱-inina ta kándíxana Jehová xíʼin na̱ kuniñúʼura ña̱ sakǎkurana (Is. 30:15; Rev. 19:11-15).
6. ¿Ndáaña kuniñúʼu Jehová ña̱ sandiʼi-xa̱ʼa̱ra ná sáa̱-ini xíniñaʼá ti̱xin ña̱ Armagedón?
6 ¿Nda̱saa sandiʼi-xa̱ʼa̱ Jehová na̱ sáa̱-ini xíniñaʼá ti̱xin ña̱ Armagedón? Ku̱a̱ʼá ña̱ʼa kivi kuniñúʼura. Tá kúú, kivi kuniñúʼura ña̱ ta̱an, ña̱ koon ñíí á ñíʼin á ña̱ kani taxa (Job 38:22, 23; Ezeq. 38:19-22). Saátu kivi keʼéra ña̱ ná kanitáʼan na̱ sáa̱-ini xíniñaʼá xíʼin táʼan miína (2 Crón. 20:17, 22, 23). Ta kivitu kuniñúʼura na̱ ángel ña̱ sandiʼi-xa̱ʼa̱na na̱ ndi̱va̱ʼa-ini (Is. 37:36). Ni nda̱a̱ ndáaka ña̱ʼa ná kuniñúʼura kuchiñuvara xíʼinna. Ta ndiʼi na̱ sáa̱-ini xíniñaʼá ndiʼi-xa̱ʼa̱na, soo na̱ va̱ʼa-ini ka̱kuvana (Prov. 3:25, 26).
¿NDÁAÑA KUU TÁ XA̱A̱ KU̱YATIN KIXÁʼA ÑA̱ ARAMAGEDÓN?
7, 8. a) Nda̱a̱ táki̱ʼva káchi 1 Tesalonicenses 5:1-6, ¿ndáaña ka̱ʼa̱n ndiʼi na̱ chíñu ña̱ iníísaá ñuyǐví? b) ¿Nda̱chun kooña iin ña̱ i̱yo?
7 Tá kúma̱níka kixáʼa “ki̱vi̱ Jehová” na̱ yiví ka̱ʼa̱nna “va̱ʼaní kundooyó vitin ta va̱ása yi̱ʼvíkayó” (kaʼvi 1 Tesalonicenses 5:1-6). * Nu̱ú ña̱ 1 Tesalonicenses 5:2, tá káʼa̱nña xa̱ʼa̱ “ki̱vi̱ Jehová” káʼa̱nña xa̱ʼa̱ ña̱ “gran tribulación” (Rev. 7:14). ¿Ndáa ki̱ʼva kunda̱a̱-iniyó ña̱ xa̱a̱ ku̱yatin kixáʼa ña̱ gran tribulación? Ña̱ Biblia káchiña ña̱ ná yiví ka̱ʼa̱nna iin ña̱ʼa ña̱ na̱ʼa̱ña nu̱úyó.
8 Ndiʼi na̱ chíñu ña̱ iníísaá ñuyǐví ka̱ʼa̱nna “va̱ʼaní kundooyó vitin ta va̱ása yi̱ʼvíkayó”.
¿Nda̱chun ka̱ʼa̱nnaña? ¿Á kítáʼan na̱ níʼi yichi̱ nu̱ú na̱ veʼe-ñu̱ʼu xíʼinna? Sana keʼévanaña. Ta ña̱yóʼo, iin ña̱ vatá ña̱ kuniñúʼu na̱ ta̱chí ndi̱va̱ʼa kúúña. Soo ña̱ vatá yóʼo iin ña̱ i̱yoní kooña, saáchi na̱ yiví ndakanixi̱nína ña̱ va̱ʼaní íyona tá xa̱a̱ ku̱yatin kixáʼa ña̱ gran tribulación. Tasaá, iin kama kixa̱a̱ ña̱ ndiʼi-xa̱ʼa̱na, nda̱a̱ táki̱ʼva xóʼvi̱ iin ñaʼá ñá kúni̱ kaku se̱ʼe. Ta, ¿ndáaña kundoʼo na̱ nda̱kú íyo ini ndásakáʼnu Jehová? Xa̱ʼa̱ ña̱ va̱ása xíni̱na ndáa ki̱vi̱ kúú ña̱ kixáʼa ña̱ gran tribulación, sana ndakanda̱-inina tá ná kuuña, soo xa̱a̱ koo tu̱ʼvavana.9. ¿Ndáa ki̱ʼva sandiʼi-xa̱ʼa̱ Jehová ñuyǐví ta̱ Ndi̱va̱ʼa?
9 Jehová va̱ása ndi̱ku̱n sandiʼi-xa̱ʼa̱ra ndiʼi na̱ ñuyǐví ta̱ Ndi̱va̱ʼa, nda̱a̱ táki̱ʼva ke̱ʼéra tá tiempo ta̱ Noé. Chi siʼna iinña keʼéra tasaá keʼéra inkaña. Ña̱ nu̱ú, siʼna sandiʼi-xa̱ʼa̱ra Babilonia ña̱ káʼnu, xíʼin ndiʼi veʼe-ñu̱ʼu ña̱ kítáʼan xíʼinña. Tándi̱ʼi, ti̱xin ña̱ Armagedón sandiʼi-xa̱ʼa̱ra ndiʼi na̱ ñuyǐví ta̱ Ndi̱va̱ʼa, tá kúú na̱ kíʼvi xíʼin ña̱ política, xíʼin na̱ xíka nu̱ú ku̱a̱chi xíʼin na̱ xíniñúʼu ñuyǐví ta̱ Ndi̱va̱ʼa yóʼo ña̱ ndukúikana. Ná kunda̱a̱ka-iniyó xa̱ʼa̱ u̱vi̱ ña̱yóʼo.
10. Nda̱a̱ táki̱ʼva káchi Revelación 17:1, 6 xíʼin 18:24, ¿nda̱chun sandiʼi-xa̱ʼa̱ Jehová Babilonia ña̱ káʼnu?
10 “Tu̱ndóʼo ña̱ ki̱xi nu̱ú ñaʼá ñá kísi̱ xíʼin ku̱a̱ʼá ta̱a” (kaʼvi Revelación 17:1, * 6; * 18:24). * Na̱ veʼe-ñu̱ʼu vatá á Babilonia ña̱ káʼnu íxayaku̱a̱nína ki̱vi̱ Jehová. Sánáʼa̱na ña̱ vatá xa̱ʼa̱ra, na̱yóʼo nda̱a̱ táki̱ʼva íyo iin ñaʼá ñá kísi̱ xíʼin ku̱a̱ʼání ta̱a saá íyona, chi chíndeétáʼanna xíʼin na̱ chíñu ña̱ iníísaá ñuyǐví. Xíniñúʼuna ndee̱ ña̱ kúúmiína ña̱ sandáʼvina ndiʼi na̱ ndíku̱nñaʼá. Ta xáʼnína ku̱a̱ʼání na̱ yiví, ta savana kúú na̱ ndásakáʼnu Ndióxi̱ (Rev. 19:2). ¿Ndáa ki̱ʼva sandiʼi-xa̱ʼa̱ Jehová veʼe-ñu̱ʼu vatá á Babilonia ña̱ káʼnu?
11. ¿Ndáa tí kúú kití yukú tí color kúaʼa, ta nda̱saa kuniñúʼu Ndióxi̱ tíyóʼo ña̱ sandiʼi-xa̱ʼa̱ra na̱ veʼe-ñu̱ʼu vatá á Babilonia ña̱ káʼnu?
11 Jehová kuniñúʼura “u̱xu̱ ndiki̱” iin kití Rev. 17:3, 16). Ña̱ ndiʼi-xa̱ʼa̱ñá iin kama kooña, nda̱a̱ táki̱ʼva yáʼa iin ki̱vi̱, ta iin ndakanda̱-ini na̱ xi̱kitáʼan xíʼinñá, chi ni̱nuní xi̱kuniñá tá xi̱ka̱ʼa̱nñá: “Íyoi̱ nda̱a̱ táki̱ʼva íyo iin reina, ta va̱ása níxi̱ʼi̱ yiíi̱, ta nda̱a̱ ni iin yichi̱ va̱ása kunii̱ tu̱ndóʼo” (Rev. 18:7, 8).
yukú tí color kúaʼa ña̱ sandiʼi-xa̱ʼa̱ra ñá ñaʼá ñá kísi̱ xíʼin ku̱a̱ʼání ta̱a. Tá káʼa̱nña xa̱ʼa̱ tí kití yóʼo káʼa̱nña xa̱ʼa̱ na̱ Organización de las Naciones Unidas, ta ña̱ u̱xu̱ ndiki̱rí kúú na̱ chíñu na̱ chíndeétáʼan xíʼinña tiempo vitin. Soo mií Ndióxi̱ kúú ta̱ ka̱ʼa̱n ama kúú ña̱ kixáʼa na̱ chíñu kanitáʼanna xíʼin Babilonia ña̱ káʼnu ña̱ kúútu “ñaʼá ñá kísi̱ xíʼin ku̱a̱ʼá ta̱a”. Ta sandiʼi-xa̱ʼa̱na ndiʼi ña̱ʼa ña̱ kúúmiíñá ta sandákoo chálánañá, ta kindaana ña̱ ku̱i̱ká ña̱ kúúmiíñá, ta ka̱ʼa̱nna xa̱ʼa̱ ndiʼi ña̱ kini ña̱ kéʼéñá (12. ¿Ndáaña va̱ása taxi Jehová keʼé na̱ chíñu, ta nda̱chun?
12 Ndióxi̱ va̱ása taxira ña̱ ndiʼi-xa̱ʼa̱ na̱ ndásakáʼnu-ñaʼá ixaa na̱ chíñu, saáchi na̱yóʼo xíʼin ña̱ si̱í-ini káʼa̱nna xa̱ʼa̱ ki̱vi̱ra ta xíniso̱ʼona ña̱ káʼa̱nra ña̱ ná keena ti̱xin Babilonia ña̱ káʼnu (Hech. 15:16, 17; Rev. 18:4). Ta saátu chíka̱a̱na ndee̱ ña̱ chindeétáʼanna xíʼin inka na̱ yiví ña̱ keena ti̱xin Babilonia ña̱ káʼnu. Ña̱kán va̱ása ndakiʼinna táʼan tu̱ndóʼo ña̱ kixi nu̱ú ña̱ Babilonia. Soo ni saá ya̱ʼavana nu̱ú sava tu̱ndóʼo.
Ni nda̱a̱ ndáaka nu̱ú ná koo na̱ ndásakáʼnu Ndióxi̱ kandíxana miíra tá ná kixáʼa ña̱ Gog ixandi̱va̱ʼaña xíʼinna. (Koto párrafo 13). *
13. a) ¿Ndáaña kúú ña̱ Gog? b) Nda̱a̱ táki̱ʼva káchi Ezequiel 38:2, 8, 9, ¿ndáaña chindaʼá ña̱ Gog ña̱ xa̱a̱ña lugar ña̱ naní Armagedón?
13 Tá ná kixáʼa kanitáʼan ña̱ Gog (kaʼvi Ezequiel 38:2, * 8, 9). * Tá xa̱a̱ ndi̱ʼi-xa̱ʼa̱ ndiʼi ña̱ veʼe-ñu̱ʼu vatá, na̱ ñuu Ndióxi̱ koona nda̱a̱ táki̱ʼva íyo iin yitu̱n tú ni̱ndo̱o tá ko̱on ndeéní sa̱vi̱. Soo ta̱ Ndi̱va̱ʼa sa̱a̱níra xa̱ʼa̱ ña̱yóʼo. Ña̱kán kuniñúʼura na̱ ta̱chí ndi̱va̱ʼa ña̱ ka̱ʼa̱nna ña̱ vatá, ta ndakayana ndiʼi na̱ chíñu xíʼin na̱ kítáʼan xíʼinna ña̱ ixandi̱va̱ʼana xíʼin na̱ ndásakáʼnu Jehová (Rev. 16:13, 14). Ta ndiʼi na̱ ndakaya yóʼo kunanína “Gog ña̱ ke̱e nu̱ú ñuʼú ña̱ Magog”. Tá ná kixáʼa na̱ yiví yóʼo ixandi̱va̱ʼana xíʼin na̱ ñuu Ndióxi̱, saá kúú ña̱ xa̱a̱na lugar ña̱ naní Armagedón (Rev. 16:16).
14. ¿Ndáaña xa̱a̱ Gog kunda̱a̱-iniña?
14 Na̱ chindeétáʼan xíʼin ña̱ Gog kúú na̱ yiví na̱ xíka nu̱ú ku̱a̱chi (2 Crón. 32:8). Soo ta̱ chindeétáʼan xíʼin miíyó kúú Jehová, ta na̱ yiví va̱ása kandíxana ña̱yóʼo. Ni ndakúní ni̱xi̱yo Babilonia ña̱ káʼnu, soo ndióxi̱ña va̱ása nísakákuñaña nu̱ú kití tí yukú ni nu̱ú u̱xu̱ ndiki̱rí (Rev. 17:16). Xa̱ʼa̱ ña̱yóʼo ña̱ Gog ndakanixi̱níña ña̱ va̱ása yo̱ʼvi̱ka sandiʼi-xa̱ʼa̱ña miíyó. Nda̱a̱ táki̱ʼva kéʼé vi̱kó ña̱ ndákasiña iníí ñuu, ki̱ʼva saá keʼéña xíʼin na̱ ñuu Jehová (Ezeq. 38:16). Tasaá kúú ña̱ kunda̱a̱-iniña ña̱ va̱ása kuchiñuña ka̱kuña, nda̱a̱ táki̱ʼva ndo̱ʼo ta̱ faraón chí mar Rojo, saá kunda̱a̱-iniña ña̱ xíʼin Jehová kánitáʼanña (Éx. 14:1-4; Ezeq. 38:3, 4, 18, 21-23).
15. ¿Ndáaña keʼé ta̱ Jesús ti̱xin guerra ña̱ Armagedón?
15 Ta̱ Jesús xíʼin ndiʼika na̱ kítáʼan xíʼinra sakǎkuna na̱ ndásakáʼnu Ndióxi̱ ta sandiʼi-xa̱ʼa̱na ndiʼi na̱ kítáʼan xíʼin ña̱ Gog (Rev. 19:11, 14, 15). Ta, ¿ndáaña kundoʼo ta̱ Ndi̱va̱ʼa ta̱ sáa̱ní-ini xíni Jehová, ta̱ sa̱ndáʼvi ndiʼi na̱ chíñu ña̱ iníísaá ñuyǐví ña̱ ni̱xa̱a̱na lugar ña̱ naní Armagedón? Ta̱ Jesús chika̱a̱ra ta̱ Ndi̱va̱ʼa xíʼin na̱ ta̱chí ndi̱va̱ʼa iin ya̱vi̱ kúnu, nu̱ú kundasina ti̱xin ña̱ mil ku̱i̱ya̱ (Rev. 20:1-3).
¿NDÁAÑA KEʼÉYÓ ÑA̱ VA̱ʼA KA̱KUYÓ?
16. a) ¿Ndáaña xíniñúʼu keʼéyó ña̱ va̱ʼa náʼa̱yó ña̱ xíni̱yó Ndióxi̱? b) ¿Ndáaña kundoʼo na̱ xíni̱ Jehová ti̱xin ña̱ Armagedón?
16 Ni sa̱kán loʼo tiempo á xa̱a̱ ku̱a̱ʼá tiempo ñúʼuyó ti̱xin ñuu Jehová, ña̱ va̱ʼa ka̱kuyó ti̱xin ña̱ Armagedón xíniñúʼu náʼa̱yó ña̱ xíni̱yó Ndióxi̱ ta xíniso̱ʼoyó ndiʼi tu̱ʼun va̱ʼa ña̱ káʼa̱n xa̱ʼa̱ ta̱ Jesús (2 Tes. 1:7-9). Tá kúnda̱a̱-iniyó ndáaña kútóo Ndióxi̱ ta ndáaña va̱ása kútóora, saá náʼa̱yó ña̱ xíni̱yó xa̱ʼa̱ra. Náʼa̱tuyó ña̱yóʼo tá kúʼvi̱-iniyó xíni̱yóra ta xíniso̱ʼoyó ña̱ káʼa̱nra ta ndásakáʼnuyóra (1 Juan 2:3-5; 5:3). Ki̱vi̱ náʼa̱ iin na̱ yiví ña̱ xíni̱na xa̱ʼa̱ Ndióxi̱ saátu miíra xíni̱rana, ta ña̱yóʼo sakǎkuñana ti̱xin ña̱ Armagedón (1 Cor. 8:3). ¿Nda̱chun? Saáchi tá xíni̱ Ndióxi̱ miíyó ndakiʼinyó ña̱ va̱ʼa.
17. ¿Ndáaña kúni̱ káchi ña̱ kuniso̱ʼoyó ndiʼi tu̱ʼun va̱ʼa ña̱ káʼa̱n xa̱ʼa̱ ta̱ Jesús?
17 Ndiʼi tu̱ʼun va̱ʼa ña̱ káʼa̱n xa̱ʼa̱ ta̱ Jesús, kúú ndiʼi ña̱ sa̱náʼa̱ra ña̱ va̱xi nu̱ú Biblia. Xíniso̱ʼoyóña ki̱vi̱ kéʼéyó ña̱ káʼa̱nña. Ña̱yóʼo kúni̱ kachiña ña̱ siʼnaka chiñu Ndióxi̱ keʼéyó, ta ixato̱ʼóyó ndiʼi ña̱ káʼa̱nra ta ka̱ʼa̱nyó xíʼin inkana xa̱ʼa̱ reinora (Mat. 6:33; 24:14). Ta saátu xíniñúʼu chindeétáʼanyó xíʼin na̱ ku̱ʼu̱n koo chí ndiví xíʼin ta̱ Cristo ña̱ va̱ʼa keʼéna chiñuna (Mat. 25:31-40).
18. ¿Ndáa ki̱ʼva taxi na̱ ku̱ʼu̱n chí ndiví ña̱ va̱ʼa ndaʼa̱ na̱ kundoo nu̱ú ñuʼú yóʼo xa̱ʼa̱ ña̱ chi̱ndeétáʼanna xíʼinna?
18 Si̱lóʼo kúma̱ní ta ndiʼi na̱ nda̱ka̱xin Ndióxi̱ ku̱ʼu̱n chí ndiví taxina ña̱ va̱ʼa ndaʼa̱ na̱ koo nu̱ú ñuʼú yóʼo xa̱ʼa̱ ña̱ chi̱ndeétáʼanna xíʼinna (Juan 10:16). ¿Ndáa ki̱ʼva keʼénaña? Tá kúma̱níka kixáʼa ña̱ Armagedón, ndiʼi na̱ 144,000 ndakiʼinna ña̱ kutakuna ndiʼi tiempo chí ndiví. Ta na̱yóʼo ndakutáʼanna xíʼin ta̱ Jesús xíʼin inkaka na̱ se̱ʼe Ndióxi̱ ña̱ sandiʼi-xa̱ʼa̱na ña̱ Gog ta kundaana ndiʼi na̱ koo nu̱ú ñuʼú yóʼo, na̱ íyo nda̱a̱ táki̱ʼva íyo ndikachi (Rev. 2:26, 27; 7:9, 10). Ndiʼi na̱ kundoo nu̱ú ñuʼú yóʼo kusi̱íní-inina xa̱ʼa̱ ña̱ chi̱ndeétáʼanna xíʼin na̱ 144,000 tá ni̱xi̱yona nu̱ú ñuʼú yóʼo.
¿NDÁAÑA KEʼÉYÓ ÑA̱ VA̱ʼA NDA̱KÚ KOO INIYÓ NDA̱A̱ NÁ KIXA̱A̱ ÑA̱ ARMAGEDÓN?
19, 20. ¿Ndáaña chindeétáʼan xíʼinyó ña̱ nda̱kú koo iniyó nda̱a̱ ná kixa̱a̱ ña̱ Armagedón?
19 Ki̱vi̱ so̱ndíʼi ña̱ yo̱ʼvi̱ní kúú ña̱ ndóoyó vitin, ña̱kán ku̱a̱ʼání miíyó na̱ ndásakáʼnu Ndióxi̱ yáʼayó nu̱ú tu̱ndóʼo. Soo ni saá kiviva ndakú koo iniyó ta kusi̱í-iniyó (Sant. 1:2-4). Iin ña̱ kivi chindeétáʼan xíʼinyó kúú ña̱ ka̱ʼa̱n ni̱ʼiyó xíʼin Ndióxi̱ (Luc. 21:36). Ta saátu ndiʼi ki̱vi̱ xíniñúʼu kaʼviyó Biblia ta ndakanixi̱níyó xa̱ʼa̱ ña̱ káʼa̱nña, tá kúú ña̱ káʼa̱n xa̱ʼa̱ profecía ña̱ kuu tiempo ña̱ ndóoyó vitin (Sal. 77:12). Tá kéʼéyó ndiʼi ña̱yóʼo ta chíka̱a̱yó ndee̱ ña̱ natúʼunyó xa̱ʼa̱ Ndióxi̱, ña̱ kándíxayóra ndakúní kooña ta saátu ña̱ ndátuyó kixa̱a̱ chí nu̱únínu.
20 Kusi̱íkaví-iniyó tá ná ndiʼi-xa̱ʼa̱ Babilonia ña̱ káʼnu, ta saátu tá xa̱a̱ ná ndi̱ʼi ña̱ Armagedón. Soo ña̱ ndáyáʼviníka kúú ña̱ kusi̱íní-iniyó tá ná ndukáʼnu ki̱vi̱ Ndióxi̱ xíʼin ña̱ chíñura (Ezeq. 38:23). Ña̱kán, ña̱ kixa̱a̱ ña̱ Armagedón iin ña̱ va̱ʼa kooña nu̱ú na̱ ndásakáʼnu Ndióxi̱, na̱ xíniso̱ʼo ña̱ káʼa̱n se̱ʼera ta ndakú íyo inina nda̱a̱ nu̱ú ndíʼi (Mat. 24:13).
YAA 143 Ná ndakundeéyó koo tu̱ʼvaníyó
^ párr. 5 Miíyó na̱ ndásakáʼnu Ndióxi̱ xa̱a̱ ku̱a̱ʼání tiempo ndátuyó ña̱ ná kixa̱a̱ ña̱ Armagedón. Nu̱ú ña̱ artículo yóʼo ka̱ʼa̱nyó ndáaña kúú Armagedón, ta ndáaña kuu tá kúma̱níka ña̱ kixáʼaña ta ndáaña kivi keʼéyó ña̱ va̱ʼa nda̱kú koo iniyó nda̱a̱ ná kixaa̱ña.
^ párr. 3 Revelación 16:14: “Ña̱yóʼo kúú ña̱ ndakanixi̱ní na̱ ta̱chí ndi̱va̱ʼa ta káʼa̱nnaña ta náʼa̱naña, ta sándáʼvina ndiʼi na̱ chíñu ña̱ iníísaá ñuyǐví, ña̱ ndakutáʼanna ña̱ kixáʼa guerra Ndióxi̱ ta̱ kúúmií ndiʼi ndee̱”.
^ párr. 3 Revelación 16:16: “Ta sa̱ndátakanana nu̱ú lugar ña̱ naní tu̱ʼun hebreo Armagedón”.
^ párr. 7 1 Tesalonicenses 5:1-6: “Soo vitin, xa̱ʼa̱ ña̱ kuu tiempo ña̱ va̱xi, ndóʼó va̱ása xíniñúʼundó ña̱ kaʼyíi̱ nda̱a̱ ni iin ña̱yóʼo nu̱úndó. Saáchi miíndó xíni̱ va̱ʼandó ña̱ ki̱vi̱ Jehová va̱xiña táki̱ʼva va̱xi ta̱ kui̱ʼná tá ñuú. Tá ná kixáʼa na̱ yiví ka̱ʼa̱nna ‘Va̱ʼaní kundooyó vitin ta va̱ása yi̱ʼvíkayóʼ, saá iin kama kixa̱a̱ ña̱ ndiʼi-xa̱ʼa̱na, nda̱a̱ táki̱ʼva xóʼvi̱ iin ñaʼá ñá kúni̱ kaku se̱ʼe saá kundoʼona, ta va̱ása ka̱kuna nu̱ú ña̱yóʼo. Soo ndóʼó, va̱ása ndóondó nu̱ú ña̱ naá, ña̱ va̱ʼa ná kǒo kixaa̱ ki̱vi̱ kán sa̱tándó nda̱a̱ táki̱ʼva kixa̱a̱ña sa̱tá na̱ kui̱ʼná, chi ndiʼi ndóʼó kúúndó se̱ʼe luz ta kúútundó se̱ʼe káʼñu. Miíyó va̱ása kúúyó kuenta ñuú ni kuenta ña̱ naá. Ña̱kán ná va̱ása ku̱su̱nkayó nda̱a̱ táki̱ʼva kéʼé inkana, va̱ʼaka ná kunditoyó ta viíní ná koo ña̱ kéʼéyó”.
^ párr. 10 Revelación 17:1: “Ta ti̱xin na̱ u̱xa̱ ángel ki̱ta iin ta̱ níʼi u̱xa̱ copa ta ki̱xira ni̱ka̱ʼa̱nra xíʼi̱n, ta káchira: ‘Xaún ná na̱ʼi̱ nu̱ún tu̱ndóʼo ña̱ ki̱xi nu̱ú ñaʼá ñá kísi̱ xíʼin ku̱a̱ʼá ta̱a ñá níndúʼu nu̱ú ndíka̱a̱ ku̱a̱ʼá ti̱kui̱íʼ”.
^ párr. 10 Revelación 17:6: “Ta xi̱nii̱ ñá ñaʼá ni̱xi̱niñá xíʼin ni̱i̱ na̱ santo ta saátu xíʼin ni̱i̱ na̱ testigo ta̱ Jesús. Tá xi̱nii̱ñá, nda̱kanda̱ní-inii̱”.
^ párr. 10 Revelación 18:24: “Ta kúúmiíñá ku̱a̱chi xa̱ʼa̱ ni̱i̱ na̱ profeta xíʼin ni̱i̱ na̱ santo xíʼin ni̱i̱ ndiʼi na̱ xa̱ʼníñá nu̱ú ñuʼú”.
^ párr. 13 Ezequiel 38:2: “Se̱ʼe ta̱a koo tu̱ʼvaún ña̱ kanitáʼún xíʼin Gog ña̱ ke̱e nu̱ú ñuʼú ña̱ Magog, ña̱ níʼi yichi̱ nu̱ú ña̱ ñuu Mesec xíʼin Tubal, ta ka̱ʼa̱n xíʼinña xa̱ʼa̱ ña̱ kundoʼoña”.
^ párr. 13 Ezequiel 38:8, 9: “Tá ná ya̱ʼa ku̱a̱ʼání ki̱vi̱ kiʼii̱n kuenta xíʼin ña̱ kéʼún. Tá xa̱a̱ ná kuyatin ndiʼi ku̱i̱ya̱ xa̱ún nu̱ú íyo na̱ yiví na̱ ke̱e ti̱xin tu̱ndóʼo, na̱ ke̱e ku̱a̱ʼání ñuu, nu̱ú íyo yuku̱ ña̱ ñuu Israel nu̱ú íyoní tu̱ndóʼo; iin ñuʼú ña̱ ki̱ta ti̱xin iin ñuu nu̱ú va̱ʼaní ndóo ndiʼina. Ta yóʼó xa̱ún, nda̱a̱ táki̱ʼva kéʼé iin tu̱ndóʼo káʼnu. Ta xa̱ún koún nda̱a̱ táki̱ʼva kéʼé vi̱kó ña̱ ndákasiña iníísaá nu̱ú ñuʼú, yóʼó xíʼin ku̱a̱ʼání ñuu na̱ kítáʼan xíʼún”.
^ párr. 79 ÑA̱ KÁʼA̱N XA̱ʼA̱ NA̱ʼNÁ: Ni nda̱a̱ ndáaka ña̱ ná kuu, 1) ná chika̱a̱yó ndee̱ ña̱ natúʼunyó xa̱ʼa̱ Ndióxi̱, 2) ná kaʼviyó Biblia ndiʼi ki̱vi̱, 3) ta saátu ná kandíxayó ña̱ kundaa Jehová miíyó.
^ párr. 93 ÑA̱ KÁʼA̱N XA̱ʼA̱ NA̱ʼNÁ: Na̱ policía ku̱a̱ʼa̱nna ki̱ʼvina veʼe iin na̱ familia, soo na̱yóʼo kándíxana ña̱ kúnda̱a̱-ini ta̱ Jesús xíʼin na̱ ángel ña̱ ndóʼona.