Video ña̱ káʼa̱n xa̱ʼa libro ña̱ va̱xi nu̱ú Biblia
Ña̱ káʼa̱n xa̱ʼa iin iin libro ña̱ va̱xi nu̱ú Biblia.
Ña̱ káʼa̱n xa̱ʼa̱ Génesis
Libro ña̱ Génesis káʼa̱nña ndáana i̱xava̱ʼa na̱ yiví ta káʼa̱nña ndáa ki̱ʼva ki̱xáʼa íyoní tu̱ndóʼo xíʼin ña̱ xíʼi̱yó.
Ña̱ káʼa̱n xa̱ʼa̱ Éxodo
Jehová ta̱vára na̱ Israel ti̱xin ña̱ ñuu Egipto nu̱ú xi̱kuuna esclavo ta nda̱saarana na̱ ñuu miíra.
Ña̱ káʼa̱n xa̱ʼa̱ Deuteronomio
Xíʼin ley ña̱ ta̱xi Jehová ndaʼa̱ na̱ ñuu Israel, ni̱na̱ʼa̱ra ña̱ ni̱ku̱ʼvi̱ní-inira xi̱nirana.
Ña̱ káʼa̱n xa̱ʼa̱ Esdras
Jehová sa̱xínura ña̱ ni̱ka̱ʼa̱nra ndatavára na̱ ñuura ti̱xin ña̱ ñuu Babilonia tasaá iinlá miíra ndasakáʼnuna ña̱ ñuu Jerusalén.
Ña̱ káʼa̱n xa̱ʼa̱ Nehemías
Ku̱a̱ʼání ña̱ va̱xi nu̱ú Libro ña̱ Nehemías kivi sákuaʼa na̱ ndásakáʼnu Ndióxi̱ tiempo vitin.
Ña̱ káʼa̱n xa̱ʼa̱ Ester
Ña̱ ku̱u tiempo ña̱ ni̱xi̱yo ñá Ester ndasandakúña iniyó ña̱ kandíxayó Ndióxi̱ ña̱ saátu kivi sáka̱kura na̱ ñuura tiempo vitin tá yáʼana nu̱ú tu̱ndóʼo.
Ña̱ káʼa̱n xa̱ʼa̱ Job
Ndiʼi na̱ ndásakáʼnu Jehová ya̱ʼana nu̱ú tu̱ndóʼo. Ña̱ ndo̱ʼo ta̱ Job chindeétáʼanña xíʼinyó ña̱ nda̱kúní ná koo-iniyó tasaá ndakuiinyó yuʼú ta̱ Ndi̱va̱ʼa ña̱ iinlá Jehová kúú ta̱ xíniñúʼu kaʼndachíñu.
Ña̱ káʼa̱n xa̱ʼa̱ Salmos
Libro ña̱ Salmos káʼa̱nña xa̱ʼa̱ ña̱ xáʼndachíñu Ndióxi̱; ta chíndeétáʼanña ta sándi̱koña ini na̱ kúʼvi̱-ini xíni Ndióxi̱. Ta saátu káʼa̱nña xa̱ʼa̱ Reino Ndióxi̱ ña̱ ndulivi nu̱ú ñuʼú yóʼo ixaaña.
Ña̱ káʼa̱n xa̱ʼa̱ Proverbios
Libro ña̱ Proverbios va̱xi ku̱a̱ʼání consejo ña̱ táxi Ndióxi̱ ña̱ chindeétáʼan xíʼinyó nda̱a̱ ndáaka chiñu kéʼéyó, ta saátu táxiña consejo ndáa ki̱ʼva keʼéyó xíʼin na̱ veʼeyó ta saátu xa̱ʼa̱ chiñu ña̱ káchíñuyó.
Ña̱ káʼa̱n xa̱ʼa̱ Eclesiastés
Ta̱ rey Salomón káʼa̱nra xa̱ʼa̱ mií ña̱ ndáyáʼvi va̱ʼaka ta saátu káʼa̱nra xa̱ʼa̱ ña̱ va̱ása kítáʼan xíʼin ña̱ ndákanixi̱ní Ndióxi̱.
Ña̱ káʼa̱n xa̱ʼa̱ Cantar de los Cantares
Ña̱ kúʼvi̱ní-ini Jehová xínira miíyó ña̱ va̱ása ndíʼi-xa̱ʼa̱, ¿nda̱chun iin kítáʼan ña̱yóʼo xíʼin ña̱ xi̱kuʼvi̱ní-ini ñá loʼo sulamita xíʼin ta̱ loʼo ta̱ xi̱ndaa kití xi̱xinitáʼanna?
Ña̱ káʼa̱n xa̱ʼa̱ Isaías
Libro ña̱ Isaías va̱xi ku̱a̱ʼání profecía nu̱úña ta ña̱yóʼo kivi chindeétáʼanña xíʼinyó ña̱ kandíxakayó Jehová saáchi ndiʼi ña̱ káʼa̱nra keʼéra sáxi̱nuraña ta saátu sáka̱kura na̱ ndásakáʼnu miíra.
Ña̱ káʼa̱n xa̱ʼa Jeremías
Ta̱ Jeremías ke̱ʼéra chiñu ña̱ ta̱xi Ndióxi̱ ndaʼa̱ra, ni ndeéní ni̱xi̱yo tu̱ndóʼo nu̱úra. Koto ndáa xa̱ʼa kúú ña̱ va̱ʼaní yichi̱ sandákoora nu̱úyó tiempo vitin.
Ña̱ káʼa̱n xa̱ʼa Lamentaciones
Ta̱ Profeta Jeremías ka̱ʼyí libro ña̱ Lamentaciones, nu̱ú ña̱yóʼo va̱xi tu̱ʼun suchí-ini ña̱ ndi̱ʼi-xa̱ʼa ñuu Jerusalén ta káʼa̱ntuña tá iinna nándikó-inina xa̱ʼa ku̱a̱china, Ndióxi̱ íxakáʼnu-inira xa̱ʼana.
Ña̱ káʼa̱n xa̱ʼa̱ Ezequiel
Ta̱ Ezequiel vitání ni̱xi̱yo-inira ta ke̱ʼéra ndiʼi ña̱ ni̱ka̱ʼa̱n Ndióxi̱ xíʼinra ni yo̱ʼvi̱ní ni̱xi̱yo sava chiñu ña̱ ke̱ʼéra. Ta ku̱a̱ʼání ña̱ sákuaʼayó xíʼin ña̱ ke̱ʼéra.
Ña̱ káʼa̱n xa̱ʼa̱ Daniel
Ta̱ Daniel xíʼin na̱ migora ndiʼi tiempo nda̱kúní ni̱xi̱yo inina xíʼin Jehová. Ta ejemplo na̱yóʼo xíʼin ña̱ xínu ndiʼi ña̱ profecía tiempo vitin chíndeétáʼanníña xíʼinyó.
Ña̱ káʼa̱n xa̱ʼa̱ Oseas
Profecía ña̱ va̱xi nu̱ú libro ña̱ Oseas náʼa̱ña ña̱ kúʼvi̱ní-ini Jehová xínira na̱ kíʼvi ku̱a̱chi ndeé tá ndíkó-inina xa̱ʼa̱ ku̱a̱china, ta káʼa̱ntuña ndáa ki̱ʼva kúni̱ra ndasakáʼnuyóra.
Ña̱ káʼa̱n xa̱ʼa̱ Joel
Ta̱ profeta Joel ka̱ʼyíra xa̱ʼa̱ ki̱vi̱ káʼnu Jehová ta káʼa̱nra ndáaña keʼéyó ña̱ ka̱kuyó. Ta tiempo vitin kúú ña̱ ndáyáʼviní kundiku̱nyó ña̱ káʼa̱nra ña̱ va̱ʼa ka̱kuyó.
Ña̱ káʼa̱n xa̱ʼa̱ Amós
Jehová xi̱niñúʼura ta̱ Amós ña̱ va̱ʼa keʼéra iin chiñu ña̱ ndáyáʼviní. ¿Ndáaña sákuaʼayó xíʼin ña̱ keʼé ta̱ Amós?
Ña̱ káʼa̱n xa̱ʼa̱ Abdías
Libro ña̱ Abdías, ña̱ káʼa̱n xa̱ʼa̱, video, babilonia, edomitas, reino, video ña̱ káʼa̱n xa̱ʼa̱ libro ña̱ va̱xi nu̱ú Biblia
Ña̱ káʼa̱n xa̱ʼa̱ Jonás
Ta̱ profeta Jonás nátúʼunra ña̱ ka̱ndíxara consejo ña̱ ta̱xi Jehová ndaʼa̱ra, ta saátu sa̱xínura chiñu ña̱ ta̱xi Jehová ndaʼa̱ra ta sa̱kuaʼara ña̱ kúʼvi̱-ini Jehová xínira na̱ yiví ta kúndáʼvi-inira xínirana. Ta nda̱a̱ níma̱ún xa̱a̱ ña̱ ndo̱ʼora.
Ña̱ káʼa̱n xa̱ʼa̱ Miqueas
Profecía ña̱ va̱xi nu̱ú ña̱ libro yóʼo chíndeétáʼanníña xíʼinyó ña̱ kandíxakayó Ndióxi̱ chi ndiʼi ña̱ káʼa̱nra ta ña̱ va̱ʼa kúúña.
Ña̱ káʼa̱n xa̱ʼa̱ Nahúm
Ña̱ profecía ta̱ Nahúm chíndeétáʼanña xíʼinyó ña̱ kandíxakayó ña̱ káʼa̱n Jehová, chi ndiʼi ña̱ káʼa̱n keʼéra sáxi̱nuvaraña, ta saátu sándi̱kora-ini na̱ kéʼé ña̱ va̱ʼa, ta saátu káʼa̱nña xa̱ʼa̱ ña̱ sáka̱ku Ndióxi̱ miíyó tá ná kixaa̱ ña̱ Reinora.
Ña̱ káʼa̱n xa̱ʼa̱ Habacuc
Ná kandíxaníyó Jehová chi miíra kúú ta̱ xíni̱ ama kúú ña̱ sáka̱kura na̱ ñuura ta nda̱saa keʼéra ña̱yóʼo.
Ña̱ káʼa̱n xa̱ʼa̱ Sofonías
¿Nda̱chun va̱ása xíniñúʼu ndakanixi̱níyó ña̱ va̱ása kixaa̱ ki̱vi̱ káʼnu Jehová?
Ña̱ káʼa̱n xa̱ʼa̱ Ageo
Ña̱ profecía yóʼo káʼa̱nña xíʼinyó ña̱ ndáyáʼviní ndasakáʼnuyó iinlá mií Ndióxi̱.
Ña̱ káʼa̱n xa̱ʼa̱ Zacarías
Ni̱xi̱yo ku̱a̱ʼání visión xíʼin profecía ña̱ chi̱ndeétáʼan xíʼin na̱ xi̱ndasakáʼnu Ndióxi̱ tiempo xi̱naʼá. Ta saátu chíndeétáʼan ña̱yóʼo xíʼinyó tiempo vitin.
Ña̱ káʼa̱n xa̱ʼa̱ Malaquías
Profecía ña̱ va̱xi nu̱ú ña̱yóʼo káʼa̱nña xa̱ʼa̱ Jehová ña̱ va̱ása nása̱mara, ta saátu káʼa̱nña ña̱ ta̱kán kúú mií ta̱ ndixaní kúʼvi̱-ini xíni miíyó ta kúndáʼvi-inira xínira miíyó.
Ña̱ káʼa̱n xa̱ʼa̱ Mateo
Ña̱ video yóʼo káʼa̱nña xa̱ʼa̱ ña̱ va̱xi nu̱ú libro Mateo, ña̱yóʼo kúú ña̱ siʼna va̱xi nu̱úka ña̱ inka u̱ni̱ Evangelio.
Ña̱ káʼa̱n xa̱ʼa̱ Marcos
Libro ña̱ Marcos kúú ña̱ loʼoníka nátúʼun xa̱ʼa̱ ta̱ Jesús nu̱úka ña̱ ku̱mí saá Evangelio ña̱ nátúʼun xa̱ʼa̱ra, tá náʼa̱tuña nu̱úyó ña̱ keʼé ta̱ Jesús tá ná koora Rey ña̱ Reino Ndióxi̱.
Ña̱ káʼa̱n xa̱ʼa̱ Lucas
¿Ndáa iinlá ña̱ʼa kúú ña̱ káʼa̱n ña̱ Evangelio ña̱ Lucas xa̱ʼa̱ ta kǒoña va̱xi nu̱ú inkaka Evangelio?
Ña̱ káʼa̱n xa̱ʼa Juan
Ña̱ tutu Juan nátúʼunña xíʼinyó xa̱ʼa ta̱ Jesús ña̱ kúʼvi̱ní-inira xínira ndiʼi na̱ yiví, vitá ni̱xi̱yo inira ta ni̱na̱ʼa̱ra ña̱ kúúra ta̱ Mesías ta̱ kaʼndachíñu ti̱xin Reino Ndióxi̱.
Ña̱ káʼa̱n xa̱ʼa̱ Hechos
Na̱ hermano na̱ xi̱ndoo tá siglo nu̱ú va̱ʼaní na̱túʼunna xa̱ʼa̱ Ndióxi̱ xíʼin ndiʼi na̱ yiví ña̱ va̱ʼa ni̱xa̱a̱ ña̱yóʼo ndu̱una discípulo. Ña̱ libro ña̱ Hechos ña̱ va̱xi nu̱ú Biblia kuchiñu chika̱a̱ña ndee̱ xíʼinyó ña̱ ku̱a̱ʼáka natúʼunyó xa̱ʼa̱ Ndióxi̱.
Ña̱ káʼa̱n xa̱ʼa̱ Romanos
Carta yóʼo káʼa̱nña xa̱ʼa̱ Jehová ña̱ kǒo ndáka̱xinra na̱ yiví chi inkáchi íyona nu̱úra xíʼin ña̱ ndáyáʼviní kandíxayó ta̱ Jesucristo.
Ña̱ káʼa̱n xa̱ʼa̱ 1 Corintios
Nu̱ú tutu ña̱ ka̱ʼyí ta̱ Pablo va̱xi consejo ña̱ káʼa̱n xa̱ʼa̱ ndáa ki̱ʼva viíní kutáʼanyó, ña̱ kǒo keʼéyó ña̱ kini, ña̱ kuʼvi̱-iniyó kunitáʼanyó xíʼin káʼa̱ntuña xa̱ʼa̱ ña̱ ndataku na̱ yiví na̱ ni̱xi̱ʼi̱.
Ña̱ káʼa̱n xa̱ʼa̱ 2 Corintios
Jehová ta̱ va̱ʼaní sándi̱ko-iniyó, ndásandakúra iniyó ta chíndeétáʼanra xíʼinyó.
Ña̱ káʼa̱n xa̱ʼa̱ Gálatas
Carta ña̱ ka̱ʼyí ta̱ Pablo ku̱a̱ʼa̱n ndaʼa̱ na̱ Gálatas kivi chindeéña miíyó ña̱ va̱ʼa nda̱kú koo-iniyó nda̱a̱ táki̱ʼva chi̱ndeéña na̱ xi̱ndoo tiempo saá.
Ña̱ káʼa̱n xa̱ʼa̱ Efesios
Ña̱ carta yóʼo káʼa̱nña xa̱ʼa̱ ña̱ kúni̱ Ndióxi̱ koo nu̱ú ñuʼú yóʼo ña̱ vií kundoona ta vií kutáʼanna tíxa̱ʼvi ta̱ Jesucristo.
Ña̱ káʼa̱n xa̱ʼa̱ Filipenses
Tá ndakú íyo iniyó nu̱ú tu̱ndóʼo, saá kúú ña̱ kivi taxiyó ndee̱ ndaʼa̱ inkana.
Ña̱ káʼa̱n xa̱ʼa̱ Colosenses
Kuchiñuva sakusi̱íyó-ini Jehová tá kéʼéyó ña̱ sákuaʼayó, ta saátu tá íxakáʼnu-iniyó xa̱ʼa̱ inkana ta saátu tá kúnda̱a̱-iniyó ndáa chiñu kúú ña̱ kúúmií ta̱ Jesús.
Ña̱ káʼa̱n xa̱ʼa̱ 1 Tesalonicenses
Miíyó xíniñúʼu chika̱a̱kayó ndee̱ sakuaʼayó xa̱ʼa̱ Ndióxi̱, kundi̱ʼi̱-iniyó xa̱ʼa̱ mií ña̱ ndáyáʼvi va̱ʼaka, ka̱ʼa̱n ni̱ʼiyó xíʼin Ndióxi̱ ta chika̱a̱yó ndee̱ xíʼin táʼanyó.
Ña̱ káʼa̱n xa̱ʼa̱ 2 Tesalonicenses
Ta̱ Pablo chíndeétáʼanra xíʼin na̱ hermano ña̱ ñuu yóʼo ña̱ kunda̱a̱-inina xa̱ʼa̱ ña̱ kixa̱a̱ ki̱vi̱ káʼnu Jehová, ta káʼa̱nra xíʼinna ña̱ ndakú ná koo inina ña̱ kandíxana Ndióxi̱.
Ña̱ káʼa̱n xa̱ʼa̱ 1 Timoteo
Ta̱ Pablo ka̱ʼyíra 1 ña̱ Timoteo ña̱ ka̱ʼa̱nña ndáa ki̱ʼva koo chiñu ti̱xin ña̱ congregación ta saátu káʼa̱nña ña̱ va̱ása kundiku̱nna ña̱ su̱ví kúú mií ña̱ nda̱a̱ ta va̱ása kutóonína xu̱ʼún.
Ña̱ káʼa̱n xa̱ʼa̱ 2 Timoteo
Ta̱ Pablo chíka̱a̱ra ndee̱ xíʼin ta̱ Timoteo ña̱ natúʼunra xa̱ʼa̱ Ndióxi̱.
Ña̱ káʼa̱n xa̱ʼa̱ Tito
Ta̱ Pablo ka̱ʼyíra carta ña̱ ku̱a̱ʼa̱n ndaʼa̱ ta̱ Tito sana kúyatin ña̱ ku̱i̱ya̱ 61 á 64. Ta nu̱ú ña̱yóʼo káʼa̱nra xa̱ʼa̱ ku̱a̱chi ña̱ ni̱xi̱yo ti̱xin congregación ña̱ Creta, ta saátu káʼa̱nra xa̱ʼa̱ ña̱ xíniñúʼu keʼé na̱ kúni̱ koo anciano.
Ña̱ káʼa̱n xa̱ʼa̱ Filemón
Ni loʼova ña̱ carta yóʼo soo tu̱ʼun ña̱ va̱xi nu̱úña ndáyáʼviníña saáchi káʼa̱nña ña̱ vitá koo iniyó ta va̱ʼa koo iniyó saátu ña̱ ixakáʼnu-iniyó xa̱ʼa̱ táʼanyó.
Ña̱ káʼa̱n xa̱ʼa̱ Hebreos
Íyo inka ña̱ ndáyáʼviníka keʼéyó ña̱ va̱ʼa ndasakáʼnuyó Ndióxi̱, nu̱úka ña̱ taxiyó iin kití ndaʼa̱ra á ña̱ kuniñúʼuyó iin templo nu̱ú ndasakáʼnuyóra
Ña̱ káʼa̱n xa̱ʼa̱ Santiago
Ta̱ Santiago xíniñúʼura sava ejemplo ña̱ va̱ʼa ndakanira xa̱ʼa̱ ña̱ ndáyáʼvi ña̱ xíniñúʼu keʼé iin na̱ cristiano.
Ña̱ káʼa̱n xa̱ʼa̱ 1 Pedro
Carta nu̱ú ña̱ ka̱ʼyí ta̱ Pedro chíka̱a̱ña ndee̱ xíʼinyó ña̱ keʼéyó ku̱a̱ʼáka chiñu nu̱ú Ndióxi̱ ta saátu chíndeétáʼanña xíʼinyó ña̱ ka̱ʼa̱nyó xíʼin Ndióxi̱ tá íyo iin ña̱ sándi̱ʼi̱-iniyó.
Ña̱ káʼa̱n xa̱ʼa̱ 2 Pedro
Carta u̱vi̱ ña̱ ka̱ʼyí ta̱ Pedro chíka̱a̱ña ndee̱ xíʼinyó ña̱ nda̱kú koo-iniyó nani ndátuyó kixa̱a̱ ndiví xa̱á xíʼin ñuʼú xa̱á.
Ña̱ káʼa̱n xa̱ʼa̱ 1 Juan
Ña̱ carta yóʼo káʼa̱nña xíʼinyó ña̱ kuenta ná kooyó xíʼin na̱ anticristo ta saátu chíndeétáʼanña xíʼinyó ña̱ kunda̱a̱-iniyó ndáaña xíniñúʼu kuʼvi̱ka-iniyó kuniyó ta káʼa̱ntuña ndáaña kǒo xíniñúʼu kuʼvi̱-iniyó kuniyó.
Ña̱ káʼa̱n xa̱ʼa̱ 2 Juan
Carta u̱vi̱ ña̱ ka̱ʼyí ta̱ Juan sándakaʼánña miíyó ña̱ xíniñúʼu kundiku̱nyó yichi̱ mií ña̱ nda̱a̱ ta kǒo taxiyó sandáʼvina miíyó.
Ña̱ káʼa̱n xa̱ʼa̱ 3 Juan
Carta ña̱ u̱ni̱ ka̱ʼyí ta̱ Juan viíní sánáʼa̱ña miíyó ña̱ xíniñúʼu va̱ʼaní koo iniyó xíʼin táʼanyó.
Ña̱ káʼa̱n xa̱ʼa̱ Judas
Ta Judas káʼa̱nra ndáa ki̱ʼva kéʼé na̱ kúni̱ sandáʼvi na̱ cristiano ta kúni̱na taʼvínana.
Ña̱ káʼa̱n xa̱ʼa̱ Apocalipsis
Visión ña̱ va̱xi nu̱ú libro ña̱ Apocalipsis káʼa̱nña ndáa ki̱ʼva saxínu Reino Ndióxi̱ ña̱ kúni̱ra koo nu̱ú ñuʼú yóʼo ta saátu ndáa ki̱ʼva kúni̱ra kundoo na̱ yiví nu̱úña.
